Morgunblaðið - 10.03.1984, Blaðsíða 2
2
MORGUNBLAÐIÐ, LAUGARDAGUR 10. MARZ 1984
Þyrla vamarliðsins enn á ferð:
Sjómaður á Viðey
RE 6 slasaðist á auga
TUTTIIGII og tveggja ára gamall
skipverji um borð í skuttogaranum
Viðey RK 6 slasaðist í gærmorgun
þegar vír slitnaði og slóst í andlit
hans með þeim afleiðingum að
vinstra augað skaddaðist verulega.
Viðey var stödd um 80 sjómílur suð-
vestur af Reykjanesi þegar slysið
varð og hafði skipstjórinn þegar
samband við lækna Borgarspítalans,
sem töldu áverkann það alvarlegan
að nauðsynlegt væri að gera aðgerð
á manninum strax.
Læknir Borgarspítalans hafði
samband við Slysavarnafélag fs-
lands, sem hafði milligöngu um að
útvega björgunarþyrlu varnarliðs-
ins, sem var komin að skipinu um
tíu mínútur fyrir eitt. Veður var
fremur slæmt, suðvestan 6 vind-
stig og talsverður sjór. Greiðlega
tókst þó að koma manninum um
borð í þyrluna, tólf mínútur yfir
eitt var lagt af stað til Reykjavík-
ur og lenti þyrlan við Borgarspít-
alann rúmlega tvö. Líðan skipverj-
ans, sem heitir Erling Halldórs-
son, var sögð eftir atvikum góð í
gærkvöldi.
Björgunarsveit varnarliðsins
hefur nú farið hátt á þriðja
hundrað björgunarleiðangra og
bjargað 200 mannslífum, eins og
kom fram í Morgunblaðinu í gær.
Á miðsíðu í blaðinu í dag er nán-
ari frétt um björgunarstarf varn-
arliðsins á íslandi.
Liðsmenn björgunarsveitar varnarliðsins koma með slasaða skipverjann á
Borgarspítalann rúmlega tvö í gærdag. Morgunbiaðíð/Júlíus.
Frá undirskrift samnings fslendinga og Færeyinga í gærdag.
Morgunblaðið/Ól.K.M.
Viðræður íslendinga og Færeyinga:
Veiðiheimildir Fær-
eyinga helmingaðar
Þorskveiðiheimildir þriðjungur af því sem áður var
f VIÐRÆÐUM íslenzkra og fær-
eyskra ráðamanna, sem staðið hafa
síðustu tvo daga, náðist samkomu-
lag um að veiðar Færeyinga á þessu
ári takmarkist við 8.500 smálestir af
botnfiski hér við land, þar af allt að
2.000 lestir af þorski. Færeyingar
hafa samkvæmt samkomulagi frá
1976 veitt hér árlega um 17.000 smá-
lestir, þar af um 6.000 lestir þorsks.
um á hafsvæðunum milli íslands,
Færeyja og Grænlands. Aðilar
ræddu stöðu mála varðandi hafs-
botnsréttindi sunnan lögsögu ís-
lands og Færeyja og munu hafa
frekari samráð þar að lútandi.
í viðræðum um sölu íslenzks
lambakjöts til Færeyja lýstu Fær-
eyingar sig reiðubúna til að halda
þeim viðskiptum áfram eftir því
sem markaðsástæður frekast
leyfa.
Loks voru aðilar sammála um
mikilvægi viðræðna þeirra sem
ákveðnar hafa verið milli fulltrúa
ríkisstjórnar fslands og land-
stjórnar Færeyja og Grænlands
um sameiginlega hagsmuni.
Þorvarður Þorvarðsson fyrr-
verandi aðalféhirðir látinn
Sparisjóður Kópavogs:
Ólafur Stefán Sigurösson
ráðinn sparisjóðsstjóri
ÞORVARDUR l»orvarðsson fyrrver-
andi aðalféhirðir Seðlabanka fslands
og áður l^ndsbanka íslands lést í
LandspítaUnum í Reykjavík 8. mars
sl., 83 ára að aldri. Þorvarður fæddist
9. júní 1901 á Víðihóli á Hólsfjöllum,
Norður-Þingeyjarsýslu. Foreldrar
hans voru l*orvarður I'orvarðsson
prófastur þar og síðar í Vík í Mýrdal
og kona hans Andrea Klísabet I>or-
varðsdóttir.
Þorvarður lauk prófi frá Verslun-
arskóla fslands 1922. Starfsmaður
Landsbankans varð hann 1923, að-
alféhirðir bankans frá 1943—57.
Hann var aðalféhirðir Landsbanka
íslands, Seðlabankans 1957—61 og
aðalféhirðir Seðlabankans frá
1961—1970, er hann lét af störfum
vegna aldurs.
Eftirlifandi eiginkona Þorvarðs
er Guðrún Guðmundsdóttir og eign-
uðust þau tvö börn.
Þorvarður Þorvarðsson
Nú verður einungis um að ræða
handfæra- og línuveiðar, en ekki
togveiðar. Jafnframt urðu aðilar
sammála um að samkomulagið frá
1976 haldi gildi sínu en með þeirri
breytingu að íslenzk stjórnvöld
ákveði leyfilegt aflamagn Færey-
inga ár hvert.
Samkomulag varð um gagn-
kvæm réttindi til veiða á allt að
30.000 testum af kolmunna í efna-
hagslögsögu íslands og fiskveiði-
lögsögu Færeyja, en íslenzkum
skipum verður heimilt að veiða
allt að 5.000 lestir makríls í stað
sama magns af kolmunna.
Einnig voru rædd önnur fisk-
veiðimál, svo og landgrunnsmál,
og í samræmi við bókun frá 13.
janúar 1981 áréttuðu Færeyingar
viðurkenningu sína á hinum mik-
ilvægu hagsmunum íslendinga
varðandi heildarveiðar úr íslenzka
loðnustofninum og veiða laxa-
stofna, sem upprunnir eru í ís-
lenzkum ám. Ennfremur voru að-
ilar ásáttir um nauðsyn heildar-
stjórnunar veiða úr karfastofnin-
ÓLAFUR Stefán Sigurðsson, lög-
fræóingur, hefur verið ráðinn spari-
sjóðsstjóri Sparisjóðs Kópavogs, frá
1. ágúst nk., en hann héraðdómari
við embætti bæjarfógetans í Kópa-
vogi. Ilann tekur við starfi af Jósa-
fat Líndal, sem hefur gegnt því um
langt árabil.
Ólafur Stefán Sigurðsson er fæ-
ddur í Reykjavík 23. marz 1932 og
er því 51 árs að aldri. Hann lauk
stúdentsprófi frá Menntaskólan-
um í Reykjavík 1952 og síðan
lögfræðiprófi frá lagadeild Há-
skóla íslands árið 1959.
Ólafur starfaði hjá Verzlunar-
sparisjóðnum hf. 1957—1958 og
síðan hjá Viðtækjaverzlun ríkisins
og Innkaupasambandi bóksala
Ólafur Stefán Kigurðsson
1959-1960. Ólafur hóf störf hjá
bæjarfógetanum í Kópavogi 1961,
var skipaður aðalfulltrúi 1963 og
síðan héraðsdómari í Kópavogi frá
1972.
Eiginkona Ólafs er María Guð-
rún Steingrímsdóttir.
Víða samn-
ingafundir
SAMNINGAFUNDI í kjaradeilu
prentara og blaðamanna og viðsemj-
enda þeirra lauk seint í fyrrinótt, án
þess að til nýs samningafundar væri
boðað. Kröfur blaðamanna aðrar em
kaupkröfur eru að mestu frágengn-
ar, en hjá prenturum strandar á
kröfu þeirra um afnám ákvæðis um
lægri laun til handa fólki 16—18
ára.
Fundur var með verkamannafé-
laginu Dagsbrún og Vinnumála-
sambandi samvinnufélaganna um
sérkjarasamning um hafnarvinnu.
Sameiginlegur fundur skipafélag-
anna og Dagsbrúnar hefur verið
ákveðinn á þriðjudag. Þá var einn-
ig fundur með starfsmönnum
Mjólkurstöðvarinnar í gær.
Ríkisverksmiðjurnar og Launa-
málanefnd ríkisins voru á fundi
hjá Ríkissáttasemjara í gær. Nýr
fundur hefur verið boðaður á mið-
vikudaginn kemur.
Yfírlæknisembætti krabbameinsdeildar Landspítalans:
Snorri hlaut meirihluta í vinnu-
nefnd — og sératkvæði í fagnefnd
MATTHÍAS BJARNASON heilbrigðisráðherra sagði í samtali við Mbl.
að hann væri ekki búinn að taka ákvörðun um hvern hann skipar
yfirlækni krabbameinsdeildar Landspítalans. Stjórnarnefnd greiddi I»ór-
arni Sveinssyni fimm atkvæði en dr. Snorra Ingimarssyni eitt. Stöðu-
nefnd taldi þá tvo hæfasta af fimm umsækjendum. Aðrir sem sóttu um
voru Kjartan Magnússon og Sigurður Árnason, báðir læknar á krabba-
meinsdeild Landspítalans og Guðmundur Benediktsson sérfræðingur í
krabbameinslækningum við Akademiska sjúkrahúsið í Uppsölum.
Heilbrigðisráðherra hafa bor-
ist niðurstöður stöðunefndar og
stjórnarnefndar, sem báðar
fjölluðu um málið. Ráðherra hef-
ur ákvörðunarvald í þessu máli
og þarf ákvörðun hans ekki að
fara saman við niðurstöður
áðurgreindra nefnda.
í stöðunefnd féllu atkvæði
þannig að tveir umsækjenda
voru taldir hæfastir, Þórarinn
og Snorri. Einn nefndarmanna,
Jónas Hallgrímsson prófessor,
skilaði sératkvæði og taldi að
setja ætti dr. Snorra fyrstan í
röðinni vegna ívið meiri vísinda-
starfa. Þórarinn hefur hins veg-
ar lengri starfsaldur. Aðrir
nefndarmenn lögðu þetta að
jöfnu.
Stjórnarnefnd Ríkisspítala fól
vinnuhópi, sem í sátu tveir
stjórnarnefndarmenn og for-
maður læknaráðs Landspítalans
að kanna umsagnargögn. Sá
hópur skilaði áliti, tveir vildu
setja dr. Snorra fyrstan í röðinni
en einn þeirra vildi setja Þórar-
inn númer eitt. Atkvæði stjórn-
arnefndarmanna féllu svo þann-
ig að Þórarinn fékk fimm, Snorri
eitt, einn nefndarmanna sat hjá
við atkvæðagreiðsluna.
Veiting yfirlæknisembættis
krabbameinsdeildar er talsvert
hitamál. f heilbrigðiskerfinu
hafa myndast tvær fylkingar
sem hvor um sig heldur fram
sínum manni. Önnur þeirra
heldur fram dr. Snorra Ingi-
marssyni og bendir á yfirburði
hans á sviði fræðimennsku, hafi
enda doktorstitil og til þess þurfi
að líta þar sem líklegt sé að
stöðu yfirlæknis krabbameins-
deildar fylgi seinna staða pró-
fessors við Háskóla íslands.
Liðsmenn Þórarins Sveinssonar
benda hins vegar á að ekki þurfi
að fara saman hæfileikar til
kennslu og fræðimennsku og
hæfileikar til stjórnunar. Þeir
telja Þórarinn standa Snorra
framar með tilliti til starfs-
reynslu og reynslu í stjórnun
sem þeir telja að skipti miklu í
þessu starfi. Þá hefur komið
fram í viðræðum stjórnarnefnd-
armanna við umsækjendurna
tvo að þeir eru ekki alveg á sama
máli um hvaða forgangsröð skuli
vera á uppbyggingu hinna ýmsu
þátta í þjónustu við krabba-
meinssjúklinga.
Um embætti prófessors í
krabbameinslækningum sagði
Ragnhildur Helgadóttir mennta-
málaráðherra í samtali við Mbl.
að ekkert lægi fyrir um neinar
áætlanir í því sambandi að svo
komnu máli.
Blaðamaður Mbl. spurði
Matthías Bjarnason heilbrigð-
isráðherra hvort hann teldi að
embætti yfirlæknis krabba-
meinsdeildar Landspítalans ætti
að gegna sami maður og gegndi
embætti prófessors í krabba-
meinslækningum ef það yrði
stofnað. Matthías kvaðst telja að
það væri ekkl óeðlilegt, enda
væri það í samræmi við venju
sem þegar hefði skapast í svip-
uðum tilvikum. Mbl. er kunnugt
um tvær undantekningar frá
þeirri reglu.
Samkvæmt heimildum Mbl.
kvað Snorri Ingimarsson hafa í
hyggju að hverfa aftur til starfa
í Svíþjóð ef hann fær ekki emb-
ætti yfirlæknis krabbameins-
deildar Landspítalans. Ekki
tókst að fá staðfestingu á þessu
hjá dr. Snorra þar sem hann er
erlendis.
Ákvörðunar heilbrigðisráð-
herra í þessu máli er að vænta
innan tíðar.