Morgunblaðið - 01.05.1984, Blaðsíða 19
MÖRGUNBLÁÐlfl, ÞRlt)JÚDAQllR l. MAÍ Í984
19
Eitt af einkennum vorsins við sjávarsíðuna eru strákarnir sem leggjast á bryggjur til þess ad veiða. Þeir sögðust vera
að fá ’ann þessir guttar á Eskifirði. Morgunbiaðið/Ævar.
Reyðarfirði. „Fólk gengur hér
léttklætt eins og um hásumar,
gróður hefur mikið tekið við sér
og nokkrir eru byrjaðir að setja
niður kartöflur," sagði Gréta
Friðriksdóttir, fréttaritari Mbl. á
Reyðarfirði. „Unglingadeild
slysavarnadeildarinnar Ársól
hóf maraþonsund um páskana.
33 unglingar á aldrinum 13 til 17
ára syntu 72 kílómetra. Áheita-
söfnun var samfara sundinu og
hafa um 25 þúsund krónur safn-
ast. Hugmyndin er að féð renni
til styrktar byggingu björgun-
arstöðvar slysavarnadeildarinn-
ar, sem fljótlega verður hafist
handa um. Þetta verður 160 fer-
metra hús og mun öll starfsemi
slysavarnadeildarinnar verða í
þessu húsi,“ sagði Gréta.
„Hér hefur verið sannkallað
Mallorcaveður að undanförnu.
Hitinn hefur komizt yfir 20 stig í
forsælunni," sagði Sigurbjörg
Eiríksdóttir, fréttaritari Mbl. á
Neskaupstað. „Fólk hefur verið
hér léttklætt, grillað úti í garði
og notið veðurblíðunnar. Gróður
hefur tekið vel við sér og tré eru
farin að laufgast.
Þá hafa Norðfirðingar óspart
notað sér skíðaaðstöðuna í
Oddsdal og rennt sér þar létt-
klæddir á skíðum í sólinni."
MorKunblaðiA/EmiIia BjörR.
Einn starfsmanna Landssmiðjunnar við selskrokkahakkavélina.
Selskrokkahakkavél
Landssmiðjunnar til sölu
Efri deild Alþingis:
Ljósaskyldan
á bláþræði
í efri deild
Frumvarp um skyldu bifreiða-
stjóra til þess að hafa ljós á bílum
og bifhjólum í akstri, nætur sem
daga allt árið, var afgreitt frá efri
deild Alþingis í gær til neðri deild-
ar, en jafnframt gerir frumvarpið
ráð fyrir því að skólabifreiðir séu
sérstaklega merktar og skylt sé að
stöðva umferð þar sem þær stöðva
með nemendur. Ágreiningur var í
efri deild um Ijósaskylduna allt
árið, en sá liður var samþykktur í
deildinni með 8 atkvæðum gegn 7.
Málið fer nú til afgreiðslu f neðri
deild.
Hittast á Naustinu
GAGNFRÆÐINGAR frá Ingi-
marsskóla vorið 1949 hafa ákveðið
að hittast á Naustinu á föstudag,
4. maí, kl. 19. Heimilt er að taka
maka með.
Selskrokkahakkavélin, sem smíð-
uð var í Landssmiðjunni í fyrra að
tilhlutan hringormanefndar, stendur
nú ónotuð í húsakynnum Lands-
smiðjunnar og er til sölu að sögn
Hauks Baldurssonar, verkfræðings
fyrirtækisins.
Haukur sagði í samtali við
Morgunblaðið, að fyrst í stað hefði
vélin ekki valdið hlutverki sinu og
þegar fullnægjandi endurbótum
hefði verið lokið undir áramót,
hefði líklega verið búið að hakka
þá skrokka annars staðar, sem til
hefði staðið að nota vélina við. Að
minnsta kosti hefði þá ekki virst
þörf fyrir hana. Aðspurður sagðist
Haukur ekki vilja tjá sig um hugs-
anlegt verð hakkavélarinnar, en
yrði einhver eftirspurn eftir slík-
um vélum og því nokkur fram-
leiðsla, ætti verð ekki að verða
mjög hátt.
Kaffisala til ágóða
fyrir kristniboðið
í DAG, 1. MAÍ, er hin árlega kaffi-
sala Kristniboðsfélags kvenna hald-
in í Betaníu, Laufásvegi 13, Reykja-
vík. Veitingar eru bornar fram á
hlaðborði í miklu úrvali.
Kaffisalan hefst kl. 2.30 e.h. og
stendur til kl. 10.00. Allur ágóði af
deginum rennur til kristniboðsins
í Eþíópíu og Kenýu en í þessum
löndum er rekið viðamikið starf á
vegum Sambands ísl. kristniboðs-
félaga. Fjögur hjón eru nú ytra og
sinna þessum störfum ásamt inn-
lendu aðstoðarfólki. Kristni-
boðsstarfið er fólgið í þremur
megingreinum: Boðun kristinnar
trúar, líknarstarfi og skátastarfi.
Konurnar í kristniboðsfélaginu
vonast til að sjá sem allra flesta,
er leggja vilja þessu málefni lið
með því að drekka „kaffið sitt“ í
Betaníu í dag.
Vestfirskir karla-
kórar í tónleikaferð
ísjifirói, 30. apríl.
KARLAKÓR ísafjarðar og karlakór-
inn /Egir á Bolungarvík undir stjórn
Kjartans Sigurjónssonar eru að
leggja upp í tónleikaferð. Á morgun,
1. maí, syngja þeir saman í félags-
heimilinu í Bolungarvík, daginn eft-
ir, 2. maí, verða þeir með tónleika á
ísafirði. Síðan fljúga þeir beint til
Húsavíkur, þar sem þeir verða með
tónleika í ídölum 4. maí. Daginn eft-
ir syngja þeir á Akureyri og þann 6.
maí í Miðgarði í Skagafírði.
Efnisskráin er mjög fjölbreytt
enda prýða hana yfir 20 lög eftir
innlenda sem erlenda höfunda.
Undirleikari er Guðrún Bjarnveig
Magnúsdóttir og einsöngvarar
verða Bergljót Sveinsdóttir,
Björgvin Þórðarson og Steinbér
Þráinsson. — íllfaf
Mort'unhlaóió KÖE.
Gísli Alfreðsson, Þjóðleikhússtjóri, afhendir Sigurjóni Jóhannssyni styrkinn
úr Menningarsjóði leikhússins.
Menningarsjóður Þjóðleikhússins:
Sigurjón Jóhannsson
fékk viðurkenningu
SIGURJÓNI Jóhannssyni, yfir-
leikmyndateiknara Þjóðleikhússins,
var á laugardag úthlutaður styrkur
úr Menningarsjóði Þjóðleikhússins.
Fór afhendingin fram fyrir sýningu
söngleiksins Gæjar og píur. Gfsli Al-
freðsson Þjóðleikshússtjóri afhenti
Sigurjóni styrkinn.
Við það tækifæri sagði Gísli
m.a., að Sigurjón hefði starfað í 12
ár hjá Þjóðleikhúsinu og verið far-
sæll í starfi. í vetur hefði hann
gert sviðsmyndir fyrir Tyrkja-
Guddu, Sveyk í síðari heimsstyrj-
öldinni og nú síðast Gæja og píur,
sem hlotið hefur mikla aðsókn.
Fyrsta leikmyndin sem Sigur-
jón gerði fyrir Þjóðleikhúsið var í
Lýsiströtu eftir Aristofanes. Frá
þeim tíma hefur hann komið víða
við og m.a gert leikmyndir við Jón
Arason, Brúðuheimilið eftir Ibsen,
Kaupmann í Feneyjum eftir
Shakespeare, Silfurtúnglið og Hús
skáldsis eftir Halldór K. Laxness
og Jómfrú Ragnheiði í leikgerð
Brietar Héiðnsdóttur svo nokkur
verk séu nefnd.
Sýningin á laugardagskvöld var
7000. sýning Þjóðleikhússins frá
upphafi. Var uppselt á hana sem
allar fyrri sýningar á söngleiknum
Gæjum og píum.
Heilsukökubasar
Kvennahreyfíng Ananda Marga
verður með heilsukökubasar á Lækj-
artorgi 1. maí.
í frétt frá hreyfingunni segir, að
basarinn sé haldinn til fjáröflunar
fyrir byggingu leikskólans Sælu-
kot í Skerjafirði. Borgaryfirvöld
hafa úthlutað hreyfingunni landi
til byggingar leikskólans og er
fyrirhugað að reisa einingahús
þar næstkomandi sumar.