Morgunblaðið - 08.05.1984, Blaðsíða 5
MORGUNBLAÐIÐ, ÞRIÐJUDAGUR 8. MAÍ 1984
5
Afmælissýning Heklu hf. um helginæ
10 þúsund manns
sáu sýninguna
UM 10.000 manns lögðu leið sína í
„Opið hús“ Heklu hf. að Laugavegi
Þýzku hjónun-
um sleppt úr haldi
— en sett í farbann
ÞÝZKU hjónunum, sem handtekin
voru með átta fálkaegg í síðustu
viku í Gilsfirði, var sleppt úr gæzlu-
varðhaldi á laugardag en jafnframt
sett í farbann. Þeim er óheimilt að
yfirgefa Reykjavíkursvæðið. Þau
hafa játað að hafa komið hingað til
lands á vegum þýzks aðila í þeim
tilgangi að ræi.a fálkahreiður. Rann-
sóknarlögregla ríkisins vinnur að
rannsókn málsins, en jafnframt
vinnur þýzka lögreglan að rannsókn
málsins í Þýzkalandi.
Þau voru úrskurðuð í gæzlu-
varðhald á grundvelli laga nr. 33
frá árinu 1966 og 47. greinar laga
nr. 75 frá 1982, sem kveður á um
þyngri viðurlög við brotum á Iög-
um nr. 33/1966 um fuglaveiðar og
fuglafriðun. Það varðar sekt allt
að einni milljón króna, auk fang-
elsisvistar eða varðhalds að brjóta
í bága við lögin.
Að lokinni rannsókn RLR verð-
ur málið sent ríkissaksóknara til
ákvörðunar.
170—172 nú um helgina, en í tilefni
50 ára afmælis fyrirtækisins var
fólki boðið að skoða fyrirtækið
ásamt sýnishornum af söluvörum og
þjónustu sem í boði er.
„Aðsóknin var miklu betri en
við þorðum að vona í upphafi og
alls hafa um 10.000 manns komið
um helgina," sagði Sigfús Sigfús-
son forstjóri Heklu hf. í samtali
við Mbl. í gær. „Sýningargestir
voru ákaflega jákvæðir og við er-
um í sjöunda himni yfir móttökum
þeirra. Starfsfólk fyrirtækisins
lagði mikla vinnu af mörkum til
að gera sýninguna sem best úr
garði og við erum því mjög þakk-
látir."
Meðal sýningargripa á afmæl-
issýningunni voru fararkostir sem
ekki sjást á götum úti nú á tímum,
svo sem Volkswagen-bifreið ár-
gerð ’48, Land Rover frá sama ári
og sérkennilegt vélknúið þríhjól.
Þá var ennfremur boðið upp á
veitingar og skemmtidagskrá.
INNLENTV
Harður
árekstur
ANDARTAKS andvaraleysi
ökumanna tveggja bifreiða olli
allhörðum árekstri á gatnamót-
um Hagamels og Hofsvallagötu
laust eftir klukkan hálfsex í gær.
Ökumennirnir óku bifreiðum
sínum eftir Hagamel í átt að
gatnamótunum — annar í vestur
en hinn í austur. Annar hugðist
aka beint yfir, en hinn beygja
norður Hofsvallagötu.
Skipti engum togum að bif-
reiðirnar skullu harkalega sam-
an. Kona á sextugsaldri var flutt
í slysadeild Borgarspítaians, en
meiðsli hennar reyndust ekki al-
varleg. Morgunblaðið/KÖE.
Seyðisfjörður:
Heimamaður játar innbrot-
ið í kaupfélagið um páskana
LIÐLEGA þrítugur Seyðfirðingur
viðurkenndi við yfirheyrslur hjá
lögreglunni á Seyðisfirði á laugardag
aö hafa brotist inn í skrifstofu Kaup-
félags Héraðsbúa á Seyðisfirði á
páskum. Manninum hefur verið
sleppt úr haldi. Lögreglunni tókst að
upplýsa innbrotið vegna fótspors,
sem fannst við kaupfélagið og eftir
að kúbein í eigu mannsins fannst,
en RLR tókst að sanna, að kúbeinið
var notað þegar peningaskápur á
skrifstofu KHB var brotinn upp.
„Það er mjög ánægjulegt að
þetta skuli vera upplýst. Mál þetta
hefur legið sem mara á Seyðfirð-
ingum. Rannsóknarlögregla ríkis-
ins hefur unnið mjög vel að rann-
sókn málsins, svo og lögreglan á
Seyðisfirði," sagði Sigurður
Helgason, sýslumaður, í samtali
við Mbl.
Innbrotið í skrifstofu KHB á
Seyðisfirði á páskum var hið
þriðja á tæpum fimm árum. í
september 1979 var um 800 þús-
und gkrónum stolið auk ávísana.
Á páskum 1982 var um 45 þúsund
nýkrónum stolið úr peningaskáp á
skrifstofunni, en þegar brotist var
inn nú um páskana hafði kaupfé-
lagsstjórinn tekið allt fémætt úr
peningaskápnum, svo þjófurinn
hafði ekkert upp úr krafsinu. Tvö
fyrri innbrotin eru óupplýst.
Fegurðardrottning íslands 9
Berglind Johansen
Elva Ösk Ólafsdóttir
Guðlaug Stella Brynjólfsdóttir Guðný Benediktsdóttir
Guðrún Reynisdóttir
FLUGLEIDIR
cccADmy
Triumfih
MISS EUROPE
MISS
/VORLD
Heiðdls Jónsdóttir
Herdls Öskarsdóttir
Jóhanna Sveinjónsdóttir Magðalena Ósk Einarsdótttr Sólveig Þórisdóttir
Kynning á þátttakendum og
krýning Ijósmyridafyrirsætu
ársins og vinsælustu stúlkunnar
ferfram í
BECADWAy
fóstudagskvöldiö 11 maí nk og
hefst með boröhaldi kL 19.00.
Matseöill
Rauðvínssoöinn léttreyktur
lambavöðvi moð rístuöum anan-
as, sykurbrúnuðum jarðeplum,
MómkAK, gulrótum, saiati og
cherrylagaðri rjómasveppaaósu.
Pönnukökur Normanníske.
Stúlkumar koma fram I baö-
fötum og síðum kjólum og
gestir fá aö greiöa atkvæöi
sem dómnefnd hefur til
hliösjónar viö kjör Fegurðar-
drottninganna.
Glæsileg skemmtiatriði
Hljómsveit Gunnars Þórðarsonar leikur fyrir dansi til kl. 3.
Tryggið ykkur miða sem fyrst í Broadway í síma 77500.