Morgunblaðið - 08.05.1984, Blaðsíða 29

MORGUNBLAÐIÐ, ÞRIÐJUDAGUR 8. MAÍ1984
29
Námskeiö tónlistarkennara:
Tónlistarkennarar geti próf-
dæmt á sem flest hljóðfæri
NÁMSKEIÐ fyrir prófdómara í
hljóófæraleik og söng var haldið í
Tónlistarskólanum í Reykjavík dag-
ana 27.-29. apríl sl. á vegum
menntamálaráðuneytisins. Þáttak-
endur voru um 130 talsins, sem er
um '/< allra tónlistarkennara á land-
inu. Aðalleiðbeinandi var Philip
Jenkins, píanóleikari sem kom
hingað til lands gagngert fyrir nám-
skeiðið, en hann starfaði um 7 ára
skeið á íslandi. Undirbúning nám-
skeiðsins annaðist Jón Hlöðver Ás-
kelsson, námsstjóri í tónlistarfræð-
um, auk stjómar Félags tónlistar-
skólakennara og fulltrúa frá hinum
ýmsum greinum hljóðfæraleiks.
Að sögn Jóns Hlöðvers var
þátttaka á þessu fyrsta námskeiði
sinnar tegundar hér öllu meiri en
búist var við. „Markmiðið með
námskeiðinu," sagði Jón Hlöðver,
„var að reyna að sýna fram á að
hægt sé að þjálfa fólk til að próf-
dæma á fleiri en eitt hljóðfæri.
Námskeiðið var að stærstum hluta
verklegt. Þátttakendur hlustuðu á
mismunandi hljóðfæri, eftir að
skýrt hafði verið fyrir þeim eftir
hvaða þáttum í hljóðfæraleiknum
ætti að hlusta og meta. Því næst
gaf hver og einn fyrir, bæði í töl-
um og með umsögn, og dómarnir
voru bornir saman. Það voru tutt-
ugu nemendur á öllum stigum
hljóðfæraleiks sem léku fyrir
þátttakendur."
— Gefur námskeiðið aukin
réttindi?
„Nei, námskeiðið sem slíkt gefur
þátttakendum réttindi umfram
þau sem þeir þegar hafa, en það er
hugsað sem grunnur til að byggja
á. í lok námskeiðsins var gerð
könnun á því hvernig fólki hafði
líkað og hvað það taldi sig hafa
lært. Samkvæmt henni var fólk
mjög ánægt með námskeiðið,
þannig að forsenda fyrir fram-
haldsnámskeiði er fyrir hendi.
Framkvæmdin á þeirri hugmynd
að þjálfa tónlistarkennara til að
prófdæma á fleira en eitt hljóð-
færi verður þó líklega þannig í
framkvaémd að þetta verður gert á
neðri stigum tónlistarnáms. Þegar
hins vegar er komið upp á efri
stigin krefst prófdómur mikillar
sérhæfingar þess sem dæmir."
Sem fyrr segir var Philip Jenk-
ins, pínaóleikari, helsti leiðbein-
andinn á námskeiðinu. Jenkins á
langan feril að baki sem prófdóm-
ari í Englandi og hefur öll réttindi
til að prófdæma fyrir Associated
Board, sem er stofnun með veiga-
mesta prófkerfi í hljóðfæraleik og
er það notaö víða um heim. Á veg-
um stofnunarinnar eru árlega
prófaðir um 250.000 nemendur á
mismunandi stigum og hljóðfær-
um.
í erindi sem Jenkins flutti á
námskeiðinu kom m.a. fram að
góður prófdómari yrði að vera
góður tónlistarmaður, þó að þar
með væri ekki sagt að allir góðir
tónlistarmenn væru nauðsynlega
góðir prófdómarar. Jenkins skýrði
frá tilgangi og framkvæmd próf-
dóma Associated Board, sem er
m.a. það að profdómara sé ekki
ætlað að kenna kennurum og megi
því ekki skrifa athugasemdir um
kennsluna á prófblöðin. Þá er
prófdómara ekki ætlað að skil-
greina tæknileg vandamál, heldur
á hann að geta gefið hlutlausar
ábendingar. Þá dæmir sami próf-
dómari á öll hljóðfæri á 1. til 8.
stigi, en er ekki sendur á sama
stað oftar en einu sinni á fimm
ára fresti. í prófinu er dómarinn
einn með nemanda og kennarinn
aldrei viðstaddur. Prófþættirnir
eru síðan tónstigar, þrjú eða fjög-
ur verk, lestur og heyrn og er
prófdómara gert að hafa í huga
það álag sem hvílir á nemanda
vegna prófsins.
Fyrirgjöf er þannig háttað að
prófdómari verður að hlusta á allt
verkið og dæma síðan. Hann á að
meta gæði tónlistarinnar en ekki
kennslunnar og meta óháð per-
sónulegri skoðun á túlkun. Hann
skal miða alla fyrirgjöf út frá
nægilegum árangri til að „stand-
ast“ próf, síðan bæta við eða draga
frá. Þá þarf að athuga hvort um-
sagnir og fyrirgjöf í tölum sé í
samræmi, þannig að mat á
frammistöðu nemandans sé skýrt
og umsögnin skal byrja á því já-
kvæða við hljóðfæraleikinn.
Standist nemandi ekki prófið eiga
ástæður þess að koma fram í upp-
hafi umsagnarinnar, síðan leið-
beiningar og/eða hvatning.
Um þjálfun prófdómara hjá
Associated Board sagði Jenkins að
væntanlegir prófdómarar væru
nákvæmlega valdir og þjálfun í
prófdómi mikil. Allt að tíu manna
hópur dæmdi 1. prófdag og gæfi
leiðbeiningar. Prófið sjálft tæki
fjóra eða fimm daga og í lok hvers
dags færu fram umræður og at-
hugasemdir varðandi frammi-
stöðu. Nýliðar væru dæmdir af
reyndum prófdómurum, og þeir
sætu námskeið varðandi mat á
prófum fyrir sjaldgæf hljóðfæri. í
máli Jenkins kom einnig fram að
mismunur á íslenska og breska
kerfinu, hvað varðaði það að meiri
kröfur væru gerðar til nemenda í
hljóðfæraleik á íslandi, gerði
námsmat sbr. Associated Board
erfiðara.
Ljósm. Mbl./KÖE.
Frá námskeiðinu.
Ert þú ekki samferða í sumar? - Síminn er 26900.
TÉÉfaNDS
Nú er vorið komið og írsku grundirnar gróa. Vorið ku óvíða vera
faiiegra en á eyjunni grænu.
í maí og júní skartar náttúran sínu fegursta og óteljandi
golfvellirnir sínu grænasta.
Úrval býður mjög ódýrar 10 daga ferðir með beinu leiguflugi
til Dublin 25. maí til 4. júní.
Hægt er að velja um fjölmarga ferðamöguleika:
Flug og bíll: írland er lítið land og þægilegt yfirferðar. T.d.
eru aðeins 219 km frá Dublin þvert yfir til Galway og 309 km
frá Dublin niður til Killarney.
Verð fyrir flug og bíl er frá kr. 9.820.-
Flug og sumarhús: Hægt er að velja um ýmsa skemmtilega
dvalarstaði. Verð per mann miðað við 6 manns í 3ja
svefnherbergja húsi er frá kr. 9.980.-
Flug, bíll og sumarhús með endalausum möguleikum.
Kostar frá kr. 11.000.- Innifalið er ótakmarkaður akstur í 10 daga,
ábyrgðartrygging og svo auðvitað flug og gisting í sumarhúsi.
Flug og sigling: Ein vinsælasta aðferðin við að eyða frfinu sínu á Irlandi
að sig/a á glæsilegum vatnabát um hið rómaða vatnasvæði Shannon.
Innifalið er flug, akstur til og frá flugvelli, leiga á bát, tilsögn f
meðferð hans og kynningu á siglingaleiðum.
Verðið er frá kr. 12.200.-
Frjáls eins og fuglinn. Innifalið er flug,
bílaleigubíll, gisting og morgunverður á fjölmörgum
hótelum víðsvegar um írland. Ferðaáætlunin er gerð
frá degi til dags, allt eftir skapi ferðalanganna eða
veðurguðanna. Þessi ferðamáti er tilvalinn
fyrir golfáhugafólk. Verð frá kr. 13.920.-
FERMSKRIFSIOMN ÚRVAL
er