Morgunblaðið - 09.05.1984, Blaðsíða 19

MORGUNBLAÐIÐ, MIDVIKUDAGUR 9. MAÍ 1984
19
Gunnar G. Schram
verði að ganga úr skugga um það
hvaða auðlindir kunna að finnast
þar. Slíkar rannsóknir hafa fram
til þessa verið af mjög skornum
skammti og hefur þar fyrst og
fremst hamlað skortur á fjár-
magni og tækjakosti. Einn helsti
áfanginn er þó könnun sem banda-
ríska fyrirtækið '.Vestern Geoph-
ysical Co. of America gerði á set-
lögum fyrir norðan Island árið
1978. Um þessar rannsóknir og
aðrar gaf iðnaðarráðherra Alþingi
skýrslu 10. janúar 1980.
Niðurstöður rannsókna hins
bandaríska fyrirtækis voru þær að
um veruleg setlög væri að ræða
fyrir Eyjafirði og Skjálfanda, en
tilvist setlaga er forsenda þess að
um olíu eða jarðgas geti verið að
ræða. Mælingar þessar voru hins
vegar frummælingar og þarf að
gera mun ítarlegri rannsóknir og
tilraunaboranir til þess að unnt sé
að segja fyrir um það með nokk-
urri vissu hvort horfur séu á að
olía finnist á þessu svæði.
Tilraunaboranir fóru í fram-
haldi af þessu fram í Flatey á
Skjálfanda árið 1982 á vegum
Orkustofnunar. Staðfestu þær að
allþykk setlög er að finna undir
eynni en borholan er hins vegar
langt frá því að vera nógu djúp til
þess að unnt væri að ganga úr
skugga um heildarþykkt setlag-
anna.
Um framkvæmd annarra hag-
nýtra hafsbotnsrannsókna við ís-
land hefur vart verið að ræða á
síðustu árum. Þó hefur nefnd um
hagnýtar hafsbotnsrannsóknir,
sem skipuð var 1980 af þáverandi
iðnaðarráðherra, gert áætlanir
um slíkar rannsóknir.
Þessu til viðbótar skal þess get-
ið að áform eru um rannsóknir á
landgrunninu milli íslands og Jan
Mayen með tilliti til auðlinda sem
þar kynnu að finnast. Munu rann-
sóknirnar fara fram á grundvelli
samnings íslands og Noregs um
Jan Mayen sem í gildi gekk 1982.
Norðmenn munu kosta slíkar for-
rannsóknir en íslendingar munu
þó bera einhvern kostnað vegna
forvinnu og úrvinnslu rannsókn-
argagna. Stefnt er að því af hálfu
beggja aðila að framkvæmd set-
lagamælinga á Jan Mayen-
hryggnum geti farið fram sumarið
1985.
Lokaord
Á þessari stundu er of snemmt
að gera því skóna að verðmætar
orkulindir sé að finna í íslenska
landgrunninu. Það væri hins veg-
ar lítt afsakanleg vanræksla að
láta hjá líða að kanna það til hlít-
ar hvað þar er að finna. Þær
jarðsveiflu- og segulmælingar sem
þegar hafa farið fram gefa vís-
bendingar sem að nokkru leyti eru
jákvæðar. Þess vegna er tímabært
að Alþingi marki nú ákveðna
stefnu í þessum málum og ríkis-
stjórnin hefjist handa um fram-
kvæmd þeirra atriða sem hér hef-
ur verið drepið á.
Dr. Gunnar G. Schram er alþingis-
maður fyrir Sjálfstæðisflokkinn.
Hafþór að rækjuveiðum, en hann er nú aflahæstur skipa á úthafsrækj-
unni. Morgunbladiö/ Tómas Helgason.
Botnfiskaflinn í Vestilrðingafjórðungi í aprfl:
1.240 lestum
minni en í fyrra
HEILDARBOTNFISKAFLINN í Vestfirðingafjórðungi fyrstu fjóra
mánuði ársins varð samtals 25.300 lestir en var á sama tíma í fyrra
26.800 lestir. Hlutfall þorsks í aflanum bæði árin er hins vegar um 50%.
Afli á innfjarðarækju er nú um 4.000 lestir samkvæmt kvóta en úthafs-
rækjuaflinn er orðinn 314 lestir.
Talsverður aflasamdráttur
varð í apríl miðað við sama mán-
uð í fyrra eða 1.240 lestum minni
afli nú. Afli báta þessa fyrstu
fjóra mánuði er um 2.000 lestum
minni en á sama tíma í fyrra en
afli togara er aðeins meiri. Veru-
legur aflasamdráttur hefur á
þessum tíma orðið á Patreks-
firði, Bíldudal og Súgandafirði,
en annars staðar hefur aflinn
staðið í stað eða aukizt miðað við
sama tíma í fyrra. í aprílmánuði
varð aflasamdráttur mestur á
ísafirði og stafar það aöallega af
því, að togarinn Júlíus Geir-
mundsson hefur verið frá veið-
um vegna breytinga á skrúfu
skipsins.
Veiði á innfjarðarækju er alls
staðar lokið í fjórðungnum nema
frá Bíldudal, þar sem eftir er að
ná um 100 lestum af kvótanum
og verður veiðum þar haldið
áfram til 15. maí. Af úthafs-
rækju voru komnar 314 lestir á
land um mánaðamótin, en í
fyrra hófust þær veiðar ekki fyrr
en í maí. Aflahæstur á rækjunni
er Hafþór RE með 115 lestir,
Sveinborg GK 57 lestir, Erlingur
GK 37 lestir og Hólmadrangur
ST með 33 lestir, en í afla hans
er aðeins talin sú rækja sem
landað hefur verið til vinnslu í
landi.
hóiel
Ferðaskrifstofan
.ÚTSÝN
mHim
í Súlnasal
Hótel Sögu
föstudaginn 11. maf.
Húsið opnað kl. 19.30.
Veisla og skemmtun
meó Heimsreisubrag.
Kynning á Heimsreisu V.
Minningar í myndum frá
Heimsreisu IV.
Glæsilegur matseöill.
Blandaðir kaldir smáréttir.
Hvítlaukskryddaöur lamba-
hryggur.
Súkkulaöikaka skreytt meö
marineruöum appelsínum.
Verö aöeins kr. 890,-.
Rúllugjald innifaliö.
Skemmtiþáttur og dans.
Ferðaskrifstofan Útsýn
kynnir starfsemi Heims-
reisuklúbbsins.
mu
0
Fyrri þátttakendur í
Heimsreisum Útsýnar eru
sérstaklega velkomnir
ásamt gestum sínum, en
öllum er heimill
aðgangur meðan húsrúm
leyfir.
Miðasala er í anddyri
Súlnasaiar í dag, milli kl.
16—19. Boröapantanir og
nánari upplýsingar í símum
20221 — 29900.