Morgunblaðið - 09.05.1984, Blaðsíða 26
(.aortiV o áTrr^AriTTvr.mt** mn * Tvn*n r<ar»«r
26
MORGUNBLAÐIÐ, MIÐVIKUDAGUR 9. MAl 1984
Aðgerðir stjórnvalda gegn skattsvikum:
10% atvinnurekstrarfram-
tala til ítarlegrar rannsóknar
Fjárhagsáætlun
Kópavogs 1984
Bæjarstjóm Kópavog.s hefur sam-
þykkt fjárhag.sáætlun árins 1984.
í frétt frá bæjarstjórninni segir, að
sameiginlegar tekjur á rekstraráætlun
séu 326,2 millj. króna, en rekstrar-
tekjur í heild 396,7 millj. kr. þegar
meðtaldar eru rekstrartekjur einstakra
stofnana sem eru 70,5 millj. kr. Af ein-
stökum tekjuliðum eru þessir hæstir:
Útsvör 191,8 milljónir, fasteignaskatt-
ur 45,2 milljónir, aðstöðugjald 35,0
milljónir og hlutdeild í innheimtu sölu-
skatts 35,0 milljónir.
Rekstrargjöld eru í heild 264,6
milljónir, en 194,1 milljón að frá-
dregnum tekjum. Mestu fé er varið
til félagsmála 59,2 milljónum. Fram-
lögum til félagsmála er m.a. varið
þannig: Til dagheimila og leikskóla
16,3 milljónir til 8 stofnana, leikvell-
ir 4,3 milljónir og framlag til sjúkra-
samlags 18,2 millj. Síðan koma
fræðslumál með 45,7 milljónir. Þar
er stærsti liðurinn rekstur 7
grunnskóla og 1 fjölbrautaskóla,
Menntaskólans í Kópavogi. Til
rekstrar og viðhalds gatna og hol-
ræsa og til umferðarmála er varið
25,0 milljónum, en 11,8 að frádregn-
um tekjum. Æskulýðsmál, íþrótta-
mál, skrúðgarðar og útivist fá 19,1
milljóna króna. Þar er stærsti liður-
inn styrkir til starfsemi íþróttafé-
laga, tómstundafélaga o.fl., 9,1 millj-
ón króna. Loks má nefna að áætluð
fjárframlög til rekstrar strætis-
vagna Kópavogs eru 9,9 milljónir
króna.
Afgangur á rekstrarreikningi, sem
varið er til framkvæmda og fjár-
magnsbreytinga, er áætlaður 132,1
milljón króna, eða 40,4% af sameig-
inlegum tekjum. Þar af er áætlað að
verja 33 milljónum til fjármagns-
hreyfinga, aðallega afborgana lána
umfram lántökur. Þá er veitt 99
milljónum til framkvæmda úr bæj-
arsjóði. Að viðbættum ríkisframlög-
um til framkvæmda við skólabygg-
ingar, dagheimili o.fl. svo og gatna-
gerðargjöldum er framkvæmdafé
alls 142,8 milljónir.
Stærsti liður er götur, holræsi og
umferðarmál, 41,7 millj. Síðan koma
fræðslumál með 34,3 milljónir, fé-
lagsmál með 30,0 milljónir, ýmis mál
með 21,7 milljónir, æskulýðs- og
íþróttamál, skrúðgarðar og útivist
með 8,0 milljónir.
Af einstökum framkvæmdum ber
þessar hæst:
millj.
Snalandsskóli 17,0
Leiguíbúðir og framlag v verkamannabúsi. 12,4
DagvisUrheimili 11,7
Holræsi og hreinsistöð 10,0
Félagsheimili 9,2
Nýbýlavegur 7,2
(íatnagerð í (irundum 6,8
Digranesskóli 6,5
Alþingi hefur samþykkt
þingsályktun frá Jóhönnu
Siguröardóttir og fleiri þing-
mönnum Alþýðuflokks um
aðgerðir stjórnvalda gegn
skattsvikum.
Ríkisstjórnin skal tafarlaust:
• endurskoða lög um dómsvald í
héraði o.fl. í þeim tilgangi að
stofnuð verði sérdeild við saka-
dóm Reykjavíkur er fjalli um
skattsvik, bókhaldsbrot, gjald-
eyrisbrot og verðlagsbrot.
• beita sér fyrir sjálfvirkum
sektarákvæðum og hækkuðum
sektum.
• undirbúa nauðsynlegar breyt-
ingar á ýmsum lögum, sem
tryggi ítarlegri og samræmdari
sundurliðun á reikningsliðum
fyrirtækja og einstakling í at-
vinnurekstri. Sérstaklega verði
endurskoðaðir frádráttarliðir
frá tekjum, risnukostnaður, bíla-
fríðindi o.fl.
• beita sér fyrir aukinni hag-
ræðingu og tölvuvæðingu við
upplýsingaöflun og úrvinnslu
skattframtala og fylgigagna.
• fjölgað verði sérhæfðu
Alþingi samþykkti fyrir
helgi þingsályktun sem felur
ríkisstjórninni að beita sér
fyrir því ;,að rannsóknir og
veiðar á Islandsmiðum utan
efnahagslögsögunnar verði
starfsliði við embætti skatt-
rannsóknarstjóra svo og á
skattstofum. Að því verði stefnt
að taka a.m.k. 10% skattfram-
tala fyrirtækja og einstaklinga í
atvinnurekstri til ítarlegrar
rannsóknar.
stundaðar í vaxandi mæli.“
í greinargerð er minnt á þýð-
ingarmikil hafsbotnsréttindi á
Reykjaneshrygg, Rockal-Hatt-
on-hásléttunni og Jan May-
en-svæðinu. Þessi réttindi nái
ótvírætt til lífvera sem eru á
hafsbotni og vafalítið einnig, er
tímar líða, til uppsjávarveiða.
Rannsóknir og nýting komi til
með að vega þungt þegar endan-
lega verði skorið úr um eignar-
og hagnýtingarrétt á víðáttu-
miklum hafsvæðum sem hér er
um að tefla.
Flutningsmenn vóru Eyjólfur
Konráð Jónsson og átta aðrir
þingmenn Sjálfstæðisflokks. Til-
lagan hefur verið send ríkis-
stjórninni til fyrirgreiðslu.
Endurreisn Viðeyjarstofu:
Lokið á 200 ára kaup-
staðarafmæli Rvíkur
Fram er komin tillaga til þings-
ályktunar sem felur ríkisstjórn-
inni, ef samþykkt verður, að gera
áætlun um endurreisn Vióeyjar-
stofu.
Byggingin verði færð í upp-
runalegt horf en við það miðað
að þar megi stunda veitingar-
ekstur og ráðstefnuhald. Áætl-
unin verði við það miðuð að
framkvæmdum sé að fullu lokið
fyrir 18. ágúst 1986 en þá eru
tvær aldir frá því að höfuðborg
íslands fékk kaupstaðarréttindi.
Kostnaðaráætlun verksins verð-
ur lögð fram í tæka tíð fyrir af-
greiðslu fjárlaga 1985.
Flutningsmenn eru Jón Bald-
vin Hannibalsson og Jóhanna
Sigurðardóttir, þingmenn Al-
þýðuflokks.
Þingsályktun:
Rannsóknir og veiðar
utan efnahagslögsögu
Andrei Sakharov:
Sovésk stjórnvöld hyggjast
ganga af konu minni dauðri
„Þaó, sem Jelena Bonner og Andrei Sakharov mega þola, er verra en
nokkur maður getur gert sér í hugarlund. Þvinganir, grimmd, líkamlegt
og andlegt ofbeldi — allt hefur verið gert til þess að brjóta niður þrek
þeirra." Þannig kemst rithöfundurinn Natalia Viktorowna Gesse frá
Leningrad að orði fyrir skömmu í viðtali við rússneska útlagatímaritið
„Russkaja Mysl“, þar sem hún skýrir fra líðan sóvézka eðlisfræðingsins
og nóbelsverðlaunahafans Andrei Sakharovs og konu hans, Jelenu Bonn-
er.
Natalia Gesse hitti Sakharov
síðast í lok desember sl. í borginni
Gorki, þar sem hann dvelst í út-
legð og við Jelenu Bonner ræddi
hún siðast í byrjun febrúar. í við-
talinu við „Russkaja Mysl“ kemst
Natalia Gesse ennfremur svo að
orði:
„Síðast þegar ég hitti Sakharov,
varð mér starsýnt á hryggilegt út-
lit hans. Hann hefur elzt mjög og
er orðinn sjúkur. En hann gerir
allt tii þess að gleyma sínum eigin
veikindum, enda þótt hann þjáist
af of háum blóðþrýstingi og hafi
hvað eftir annað fengið hjarta-
áfall. Nú er heilsu hans þannig
farið, að hann megnar ekki að
ganga nema fimm til sjö þrep upp
stiga án þess að nema staðar og
jafna sig. Það, sem þjakar hann þó
mest, eru áhyggjur út af veikind-
um konu hans.
Jelena Bonner hefur nú orðið
fyrir því að fá kransæðastíflu öðru
sinni og það áður en hún hafði náð
sér eftir fyrra hjartaáfall sitt.
Hún hafði lagt á sig mikil ferðalög
milli Gorki og Moskvu bæði til að
verða þeim hjónum úti um mat-
væli en einnig til þess að útvega
manni sínum þau vísindatímarit,
sem hann gat ekki án verið. Af
þessum sökum gat hún ekki haldið
jafn lengi kyrru fyrir og nauðsyn-
legt var út af veikindum sínum né
heldur fékk hún þá læknisaðstoð,
sem hún þurfti."
Natalia Gesse hitti Jelenu
Bonner síðast 3. febrúar sl. og
kvaðst hafa verið mjög slegin yfir
útliti hennar. „Ég sá fyrir mér
manneskju með fölbláar varir.
Hún hafði bláa bauga undir aug-
unum og gat ekki gengið lengra en
20 metra hjálparlaust."
Vörður er stöðugt við aðset-
ursstað hennar, ekki bara í Gorki
heldur einnig þegar hún dvelst í
Moskvu. Skilríki allra þeirra, sem
fara inn í íbúð hennar, eru skoðuð
og engir útlendingar fá að koma
þangað. Ef hún vill hafa samband
við erlenda fréttamenn verður hún
að fara úr íbúð sinni og gera það
annars staðar.
Andrei Sakharov ásaml konu sinni, Jelenu Bonner. Mynd þessi var
tekin í Moskvu áður en Sakharov, sem hlotið hefur friðarverðlaun
Nóbels, var rekinn í útlegð. Sakharov, sem er 62 ára gamall, var
handtekinn á götn í Moskvu 22. janúar 1980 og sendur í útlegð til
borgarinnar Gorki. Hann hefur aðeins getað haft samband við um-
heiminn fyrir atbeina konu sinnar, Jelenu Bonner, sem er fyrrverandi
barnalæknir.
Margir kunnir sovézkir leiðtog-
ar, þeirra á meðal hinn látni leið-
togi sovézka kommúnistaflokks-
ins, Yuri Andropov, hafa ekki hik-
að við að láta í ljós efasemdir
varðandi geðheilbrigði Sakharovs.
Þegar Natalia Gesse er spurð um
andlega heilbriðgi hans, svarar
hún m.a.: „Á Sakharov hefur ekki
orðið nein breyting í andlegu né
siðferðilegu tilliti. Hann er eftir
sem áður maður, sem býr yfir
óvenju miklu jafnvægi og er bæði
tillitssamur og athugull.
Hann býr yfir krafti, sem lætur
lítið yfir sér en hvorki er unnt að
beyja né brjóta á bak aftur. Skiln-
ingur hans, lifandi áhugi á öllu
sem gerist og sá upplýsingaforði,
sem hann ræður yfir, kemur
manni mjög á óvart. Þess verður
að gæta, að í Gorki geta þau hjón-
in ekki einu sinni hlustað á útvarp.
Auk venjulegra truflunartækja er
þarna hverfill, sem komið er fyrir
í grennd við íbúð þeirra, svo að
þeim er ókleift að ná sovézka sjón-
varpinu. Vestrænum útvarps-
sendingum er auðvitað útilokað að
ná þarna."
Natalia Gesse kveðst í viðtalinu
við „Russkaja Mysl“ vera sann-
færð um, að sovézk stjórnvöld séu
nú ákveðin í að ganga af Sakhar-
ovhjónunum dauðum. Þau byrji á
Jelenu Bonner. Hún, sem var
sterkbyggð og heilbrigð kona, sé
nú orðin heilsuveilli en Sakharov,
en með þvi að eyðileggja heilsu
hennar vonist stjórnvöldin til þess
að brjóta hann niður. „Ástand
hennar er dapurlegt. Sakharov
hefur beðið mig að skýra fólki á
Vesturlöndum frá eftirfarandi:
Allir verða að vita það, að verið er
að ganga af Jelenu Bonner dauðri
og að það er gert á skipulegan hátt
með öllum tiltækum ráðum. Sakh-
arov bað mig jafnframt að skýra
frá því, að dauði hennar myndi
jafnframt þýða dauða hans."