Morgunblaðið - 09.05.1984, Blaðsíða 27
MORGUNBLAÐIÐ, MIÐVIKUDAGUR 9. MAÍ 1984
27
Unnur Steinsson, fegurðardrottning Íslands 1983. Hún lætur titilinn af hendi um aðra helgi.
Fegurðardrottning íslands 1984:
Þátttakendur verða
kynntir á föstudag
STÚLKURNAR tíu, sem taka þátt
í keppninni um titilinn Fegurðar-
drottning íslands, verða kynntar á
sérstöku kynningarkvöldi í veit-
ingahúsinu Broadway á föstudag.
Koma stúlkurnar fram í síðum
kjólum og síðan á baðfótum. Við
þetta tækifæri verður Ljósmynda-
fyrirsæta ársins valin og einnig
vinsælasta stúlkan. Hana velja
þátttakendur sjálfir úr sínum hópi.
Fegurðardrottning íslands verður
síðan krýnd 18. maí.
Fjölbreytt skemmtiatriði
verða á kynningarkvöldinu. Verk
Gunnars Þórðarsonar, Tilbrigði
við stef, sem sérstaklega var
samið fyrir keppnina í fyrra,
verður flutt á ný en að þessu
sinni með dansívafi íslenska
dansflokksins. Hefur dansinn
ekki verið fluttur áður. Þá munu
samtökin Model 79 vera með
tískusýningu og dansflokkur frá
Jassballettskóla Báru sýna
dansa úr myndinni Staying
Alive. Þá munu þau Þuríður Sig-
urðardóttir og Björgvin Hall-
dórsson syngja tóna um fegurð-
ina.
Eftir ýmsu er að slægjast fyrir
stúlkurnar með þátttöku í
keppninni. Allar fá þær hinar
ýmsu gjafir; Very Cold Duck- og
Paul Masson-kampavín frá K.
Karlsson, Yves Rochers-snyrti-
vörur frá heildverslun Magnúsar
Dalberg, blóm frá Stefánsblóm-
um, vasadiskó frá Hljómbæ og
sundbol frá Triumph, auk þess
sem Fegurðardrottning íslands
fær demantshring að gjöf frá
Demantahúsinu í Hafnarfirði og
sérsaumaðan kjól frá Maríunum.
Þá býður tískuverslunin Garbo
Fegurðardrottningu íslands og
Fegurðardrottningu Reykjavík-
ur að velja sér fatnað úr verslun-
inni. Þá eru ótalin þau ferðalög,
sem sex þátttakendanna eiga í
vændum. Miss Universe-keppnin
fer fram í Miami í Flórída, Miss
World í London, Miss Internat-
ional í Yokohama, auk þess sem
stúlkur verða sendar í keppni
um Miss Europe, Scandinavia og
Nations.
Sjö manna dómnefnd kveður
upp úrskurð á krýningarkvöld-
inu og eiga eftirtaldir sæti í
henni: Hanna Frímannsdóttir,
snyrtisérfræðingur, Ólafur
Laufdal, veitingamaður, Brynja
Nordquist, sýningarstúlka, Frið-
þjófur Helgason, ljósmyndari,
Hans Indriðason, forstöðumaður
markaðsdeildar Norðursvæðis
Flugleiða, ólafur Stephensen,
eigandi auglýsingastofanna ÓSA
og Gott fólk, og Unnur Arn-
grímsdóttir, danskennari.
Rétthafar myndbanda bjóða peningaverðlaun:
Fólk gæti haft
rífandi tekjur
— með því að koma upp um ólöglegar myndbanda-
leigur, segir talsmaður rétthafanna
„VIÐ ERUM búnir að reyna alit en
löggjöfin og yfirvöld eru svifasein,
svo við ákváðum að reyna að færa
eftirlitið út með þessum hætti.
Viðbrögð hafa þegar verið mjög
góð,“ sagði Gunnar Guðmundsson
hdl., framkvæmdastjóri Samtaka
rétthafa myndbanda á íslandi. Sam-
tökin hafa boðið peninga þeim, sem
geta sannað að myndbandaleigur
versli með ólöglegt myndbandaefni,
þ.e. myndbönd, sem ekki hafa verið
fengin hjá rétthöfum hérlendis.
Greiddar verða 2000 krónur fyrir
upplýsingar um leigu á kvikmynd-
um, sem ekki eru fengnar hjá rétt-
höfum efnisins og 4000 krónur fyrir
upplýsingar um myndir, sem ósýnd-
ar eru í kvikmyndahúsum.
„Þetta er hugsað sem aðvörun
til myndbandaleiganna," sagði
Gunnar Guðmundsson, „þ.e.
þeirra, sem sjá sér hag í því að
vera með ólöglegt efni á boðstól-
um. Ætlunin er, að þetta verði til
þess að þær annaðhvort hætti al-
veg að leigja ólögleg bönd eða
dragi að minnsta kosti verulega úr
því.“
— En hvað telst vera fullnægj-
andi sönnun, eins og talað er um í
auglýsingu samtakanna?
„Menn þurfa að hafa kvittun
fyrir viðkomandi spólu. Helst
þyrftum við að fá að sjá hana,“
sagði Gunnar. „Það er augljóst, að
hér getur orðið um verulegar fjár-
hæðir að ræða — einhverjir gætu
• haft af þessu rífandi tekjur — en
það fer mikið fjármagn í súginn
vegna tapaðra viðskipta hjá rétt-
höfunum."
Hann sagðist ekki þora að slá
neinu föstu um magn ólöglegra
myndbanda á markaði hér, sagði
aðeins að það væri töluvert. „Við
berjumst fyrir því að Alþingi sam-
þykki stjórnarfrumvarp um breyt-
Ingu á höfundarlögum. Það myndi
færa öll brot af þessu tagi í hend-
ur Rannsóknarlögreglu ríkisins og
þá þyrfti ekki lengur að standa í
tímafrekum og fyrirhafnarmikl-
um einkamálarekstri. Það hlýtur
að slæva réttarvitund fólks mjög
alvarlega að horfa stöðugt upp á
að framin séu réttarbrot fyrir
opnum tjöldum," sagði Gunnar
Guðmundsson.
Inflúensufaraldurinn:
Óvíst hvort
hámarkinu
er náö
„ÞAÐ er erfitt að segja um
hvort flensufaraldurinn hefur
náð hámarki enn því fólk leit-
ar ekki til læknis nema í hluta
tilvika," sagði Heimir Bjarna-
son, aðstoðarborgarlæknir í
samtali við Mbl. „Það er
reyndar engin ástæða til þess
að leita læknis í ílestum tilvik-
um. Það er ekkert óvenjulegt
við þennan inflúensufarald-
ur.“
Að sögn Heimis virðist þó
flest benda til þess, að far-
aldurinn hafi verið í upp-
gangi í aprílmánuði en hvort
toppnum væri nú náð væri
útilokað að segja um. Sumir
vinnustaðir hefðu farið verr
út úr þessu en aðrir, m.a.
kannski vegna þess að þeir
sluppu tiltölulega vel síðast.
Við það að fá flensuna öðlað-
ist fólk visst mótefni.
Menningarmálanefnd Norðurlandaráðs:
Rætt um nemenda-
og kennaraskipti
Stykkishólmi. 7. maí.
Menningarmálanefnd Norður-
landaráðs sat um helgina fund í fé-
lagsheimilinu í Stykkishóimi og er
þetta í fyrsta skipti, sem nefndin
þingar hér við Breiðafjörð. Fundur-
inn hófst klukkan 10 á laugardags-
morgun og að honum loknum á
sunnudag fóru þingfulltrúar í ferð
hér um eyjasundin.
Formaður nefndarinnar Eiður
Guðnason alþm. setti fundinn og
stjórnar honum. Hann bauð full-
trúa velkomna og eru rúmir þrjá-
tíu sem sitja fundinn frá öllum
Norðurlöndum.
Ég ræddi lítilsháttar við Eið
Guðnason í hádeginu og sagði
hann mér að leitast væri við að
þessir fundir væru haldnir utan
Höfuðborga norðurlanda til þess
að þingfulltrúum gæfist tækifæri
til að sjá meira af landinu en höf-
uðborgirnar einar saman.
Fundurinn í morgun var aðal-
lega umræða um undirbúning
menningarfjárlaga Norðurlanda
fyrir árið 1986, en á næsta ári er
upphæð fjárlaganna 185 milljónir
danskar krónur. Þá var rætt um
menningarmálasvið þau sem
nefndin leggur sérstaka áherslu
á, svo sem hina ýmsu þætti
menningarlífsins á Norðurlönd-
um eins og aukin samskipti ungs
fólks á Norðurlöndum bæði á
sviði íþrótta og æskulýðsmála.
Ákveðið var að snemma næsta
haust myndi nefndin gangast
fyrir sérstakri ráðstefnu um
nemenda og kennaraskipti milli
landanna, og telur nefndin að
þessi skipti geti verið mjög gagn-
leg tengsl og verði að leggja
áherslu á að koma þeim í gagnið
sem fyrst. Hefir verið beðið um
úttekt þessara mála og mun hún
liggja fyrir á ráðstefnunni.
Einnig ræddi nefndin í morgun
um framtíðarfjármögnun til
. reksturs svæðaskrifstofa nor-
rænu félaganna, en um það mál
hafa verið nokkuð skiptar skoð-
anir. Niðurstaðan varð sú að
leggja til að reksturinn verði
fjármagnaður með norrænu fé
næstu 3 árin en eftir það liggi þá
fyrir skýrsla um framhaldið.
Síðar í dag verða ræddar ýms-
ar tillögur sem fyrir nefndinni
liggja og síðar verður einnig rætt
um þær tillögur 5-mannanefnd-
arinnar svonefndu sem fram hafa
komið um breytingar á starfstil-
högun í Norðurlandaráði, þ.e. þá
þætti sem varða menningarmál-
in.
Ég ræddi einnig við nokkra erl-
enda fulltrúa á fundinum og voru
þeir mjög ánægðir með dvölina í
Stykkishólmi, enda veður ágætt
og þá þarf ekki að spyrja að nátt-
úrufegurðinni.
Fulltrúar á fundi menningarmálanefndar Norðurlandaráös í Stvkkishólmi. MorKunblaAift/A
Radarsvari á Miðfiarðarsker?
Borgarnesi, 4. maí.
VITANEFND hefur mælt meö því
við ráöherra að sett verði upp ný
leibeiningarmerki á Miðfjarðar-
sker í mynni Borgarfjarðar í stað
vitans sem þar var en brotnaði í
brimi í vetur.
Vitamálanefnd tók ekki beina
afstöðu til þess hvernig merki
ætti að setja þarna upp, hvort
endurreisa ætti vitann eða ann-
að en að sögn Aðalsteins Júlíus-
sonar vitamálastjóra hallaðist
nefndin helst að því að setja
þarna upp radarsvara og þá önn-
ur merki innar í firðinum. Ekki
sagði Aðalsteinn vitað hvort af
framkvæmdum yrði í sumar, það
réðist af því hvort aukafjárveit-
ing fengist og hvenær hægt yrði
að framkvæma mælingar og
annan nauðsynlegar undirbún-
ing. Miðfjarðarskersviti var
voldugt steinmannvirki, byggður
1939. Hann gegndi því hlutverki
að leiðbeina við innsiglinguna
inn Borgarfjörð sem er hættuleg
vegna skerja og grynninga og
var auk þess mikilvægur til leið-
beiningar við siglingar fyrir
Mýrum. _ HBj.