Morgunblaðið - 10.05.1984, Side 20

20
MORGUNBLAÐIÐ, FIMMTUDAGUR 10. MAÍ 1984
SUMARIÐ ER KOMIÐ
Við bjóðum ,,Thermo-Clear“ tvöfalt og þrefalt
plastgler fyrir gróðurhús, garðstofur, verandir,
sólskýli, sundlaugar, iðnaðarhúsnæði og margt
fleira.
Thermo-Clear er auðvelt i uppsetningu.
Plötustærðir allt að 2,1 m x 6,0 m
Plötuþykktir: 4,5 mm, 6 mm, 8 mm, 10 mm, 16 mm.
Athugið að 16 mm platan er þreföld á við þrefalt gler.
Við veitum tæknilega ráðgjöf, ef óskað er.
Alpha
Cosmic
er komin
— og biðin er vel þess viröi því sjaldan
hafa góö hönnun og tæknileg fullkomnun
fariö eins vel saman.
Helstu tæknilegir eiginleikar:
• Verðútreikningur
• Innbyggöur prentari
• Innbyggt minni fyrir 220 vörutegundir
• Innbyggð dagsetning
• Hægt að tengja vogir innbyrðis svo og
við móðurtölvu
• Getur prentaö út „total“ eftir vöruflokk-
um af því sem vegið hefur verið
Hentar fyrir afgreiöslu, uppvigtun og
sjálfsafgreiðslu.
PIíisíos liF
Bíldshöfða 10, sími 82655.
AF ERLENDUM VETTVANGI
eftir JÓHÖNNU KRISTJÓNSDÓTTUR
Hvaða vanda leysa kosn-
ingarnar á Filipps-
eyjum þann 14. maí?
FORSETAFERILL Ferdinands Marcos og óleyst gáta um morðið á
stórnarandstöðuforingjanum Benigno Aquino, eru meginmál kosn-
inganna sem fara fram á Filippseyjum þann 14. maí. Sumir ganga svo
langt í fullyrðingum sínum að segja að þær séu haldnar í þeim tilgangi
einum að blíðka Bandaríkjamenn og milda hugi forsvarsmanna Al-
þjóðabankans, svo að Filippseyingar fái mjög mikilvæga fjárhagsaðstoð
frá bankanum.
að stendur allri stjórnar-
andstöðu á Filippseyjum
fyrir þrifum nú sem fyrr hversu
skipt hún er innbyrðis og þó svo
að nokkrir séu þar nefndir fyrst-
ir eru þó afar fjölmennir hópar
innan hennar, sem kæra sig koll-
ótta um kosningarnar og hvetja
til að menn sitji heima á kjör-
dag. Þeir staðhæfa að verði mik-
il kosningaþátttaka verði það að-
eins vatn á myllu Marcosar; þá
geti hann með nokkrum rétti
staðhæft að lýðræðið sé að
treysta sig í sessi í landinu.
En um þetta eru sem sagt
deildar meiningar og um 700
frambjóðendur eru í framboði.
Eitt hundrað áttatíu og þrír
þingmenn eru kosnir og síðan
skipar Marcos sautján til viðbót-
ar. Fréttaskýrendur eru allir á
einu máli um að þrátt fyrir
mikla efnahagsörðugleika sem
Filippseyingar glíma við, verð-
bólgu upp á 40 prósent eða
meira, vaxandi innanlandsóeirð-
ir og átök, morð og hryðjuverk
— sé ekkert þessara mála það
sem verður kosið um. „Við mun-
um kjósa um það, hvort við sætt-
um okkur við harðýðgisstjórn
þeirra Marcosarhjóna ellegar
hvort við reynum að feta okkur
til framtíðar sem byggir á lýð-
ræði og mannréttindi eru í
heiðri höfð,“ hefur stjórnar-
andstæðingurinn Salvador Laur-
el látið hafa eftir sér.
En nú síðustu vikur hefur
þeirri hreyfingu svo aukizt mjög
fylgi, sem vill að menn hundsi
kosningarnar og sýni þar með á
borði þær eru skrípaleikur og
Marcos muni aldrei sætta sig við
annað en flokkur Kilusang Bag-
ong Lipunan (KLB) fái myndar-
legan meirihluta og muni fara
létt með að láta falsa niðurstöð-
ur ef þær verða honum ekki í
hag. Atkvæðamikil í þessari
hreyfingu sem vill að menn sitji
heima á kjördag er til dæmis
ekkja Aquinos Corazon, svo og
bróðir hans Agapito. Þau hafa
staðið fyrir fundum vítt og
breitt um Filippseyjar síðustu
vikurnar og fólk þyrpist á þessa
fundi svo að þúsundum skiptir
og mikill einhugur virðist vera
hjá þessum samtökum.
Stjórnarandstaðan þarf að fá
101 sæti til að gera sér vonir um
einhver raunhæf áhrif. Ferdin-
and Marcos forseti sem er ekki í
framboði sjálfur, hefur sagt að
stjórnarandstaðan geti í hæsta
lagi gert sér vonir um að fá tutt-
ugu þingsæti. Salvador Laurel
hefur spáð að stjórnarandstaðan
UNIDO muni fá 80 sæti, án þess
að stjórnarmenn fari með putt-
ana í atkvæðakassana. Eins og
fyrr segir er Marcos sjálfur
hvergi í framboði, en aðskiljan-
legir ættingjar hans hafa hug á
þingsætum svo og ýmsir helztu
stuðningsmenn hans.
Engar skoðanakannanir hafa
verið gerðar um stöðu stjórnar-
innar eða stjórnarflokkanna
enda væri slíkt ekki leyfilegt og
raunar hæpið, að slíkar kannan-
ir yrðu marktækar af ótal
ástæðum. Kosningabaráttan
hefur ekki gengið hljóðalaust
fyrir sig. Eins og fram hefur
komið í fréttum upp á síðkastið
hafa átök blossað upp víða og
hryðjuverk verið unnin vítt og
breitt um eyjarnar og sökinni
jafnan skellt á andstæðingana
fyrir þau fólskuverk og lítið gert
til að komast að hinu rétta.
Stjórnarandstæðingar álíta að
sumu leyti jákvætt að í kosn-
ingabaráttunni hafi mönnum
verið leyft að tjá hug sinnar
opinskáar en margir hugðu og
segja þetta allt merki um,
hversu Marcos sé mikið í mun að
Bandaríkjamenn hafi trú á að
þetta verði alvöru kosningar og
einnig vegna þeirra miklu fjár-
muna sem eru í húfi og í upphafi
var vikið að. Filippseyingar eru
skuldum vafnir og munu á næst-
unni þurfa að minnsta kosti 3,3
milljarða dollara í erlendum lán-
um til þess að halda sér á floti.
Þá ber að hafa í huga mikilvægi
bandarísku herstöðvanna á Fil-
ippseyjum svo og löng vináttu-
tengsl milli Bandaríkjamanna
og Filippseyinga. Bandarískir
diplómatar í Manilla segjast
aldrei hafa dregð neina dul á að
þeir séu hlynntir frjálsum og
löglegum kosningum, sem geti
orðið til þess að styrkja lýðræð-
ið. Hins vegar hafa sumir dregið
þessar yfirlýsingar í efa og ýms-
ir starfsmenn bandaríska sendi-
ráðsins í Mánilla hafa verið
sagðir vinna með oddi og egg
gegn hreyfingu Aquinofjölskyld-
unnar, en engin staðfesting hef-
ur fengizt á því.
Samkvæmt ýmsum heimildum
virðist hinn bannaði kommún-
istaflokkur Filippseyja hafa
gengið til liðs við Aquinosam-
tökin og hershöfðinginn alræmdi
Fabian Ver hefur upp á síðkastið
fyrir skipað harkalegri aðgerðir
gegn „uppreisnarmönnum
kömmúnista" og hann hefur
einnig staðhæft að það vaki
augljóslega fyrir kommúnistum
að klúðra kosningunum og gera
niðurstöður þeirra tortryggi-
legar.
Kosningarnar á Filippseyjum
leysa áreiðanlega ekki nema að
litlu leyti þann mikla vanda sem
þar er við að etja, né heldur
verða þærtil að sætta stríðandi
öfl. Hvernig svo sem niðurstaðan
verður munu viðkomandi túlka
hana sér í vil. Það virðist heldur
ekki liggja beint við að allt verði
leyst með því að Marcos víki. Á
meðan engin stjórnarandstöðu-
leiðtogi á borð við Benigno Aqu-
ino hefur komið fram sem allir
gætu sameinast um, munu vænt-
anlega verða viðsjár með
mönnum og loft lævi blandið enn
um hríð.
(Heimildir AP — Far East-
ern Economivc Review o.fl.)