Morgunblaðið - 10.05.1984, Síða 21

21
MORGUNBLAÐIÐ, FIMMTUDAGUR 10. MAÍ 1984
Kórarnir syngja á „Syngjandi páskum" á Þingeyri.
Harmonikuleikararnir, en sveit þeirra stækkar með hverju árinu. MorKunbiaðið/ Huida
Þingeyri:
„Sungið í til-
efni dagsins“
Þingeyri
ÞAÐ ER ekki einsdæmi iengur að
frestað eða flýtt sé jólum eða pásk-
um, þótt þeir hafi kannski fyrstir
allra frestað jólunum, þeir Jón Múli
og Jónas Arnasynir í „Deleríum Bu-
bonis“. Dýrfirðingar fögnuðu
„Syngjandi páskum“ í fjóröa sinn og
nú 31. mars. „Vorboðinn" var iíka
óvenju snemma á ferðinni, þótt
hann kæmist ekki sunnar á Vest-
fjörðunum en til Flateyrar.
„Vorboðinn" kom 8. mars með
snillingunum Kristni Sigmunds-
syni og Jónasi Ingimundarsyni er
sóttu ísfirðinga og Önfirðinga
heim. Sem betur fer voru veður-
guðirnir okkur Dýrfirðingum hlið-
hollir, svo við brugðum undir
okkur betri fætinum og fjöl-
menntum til Flateyrar. Sú heim-
sókn er ógleymanleg og þótt við
færðum þeim félögum hvorki
blóm eða „góðgæti" færum við
þeim nú „fangið fullt af þakklæti
og aðdáun" og væntum þess að
Dýrfirðingar megi eiga von á, að
þeir heimsæki okkur síðar og fylli
fjörðinn söng og hljóðfæraslætti.
„Syngjandi páskar" breyttu vor-
inu í sumar í hug og hjarta og það
ríkti gleði og eftirvænting í troð-
fullu félagsheimilinu á Þingeyri
að kvöldi hins 31. mars.
Sungið og spilað hafði verið um
eftirmiðdaginn og mættu þar ung-
ir og aldnir. Upphafsmaður og
stjórnandi „Syngjandi páska" var
þúsund þjala smiðurinn Tómas
Jónsson sparisjóðsstjóri.
Ólafur V. Þórðarson verslunar-
stjóri setti „gleðina" í gamansöm-
um tón og bauð gesti velkomna um
leið og hann þakkaði Sigurveigu
Hjaltested hingaðkomu í vetur og
þátt hennar í þessari söng-
skemmtun. Hljómsveitin Hamóna
frumflutti tvö lög, annað eftir
stjórnandann Hannes Sigurðsson
við ljóð Elíasar Þórarinssonar er
nefnist „í tilefni dagsins" enda ort
í tilefni hans og var það sungið af
Birki Guðmundssyni hljómborðs-
leikara hljómsveitarinnar. Síðara
lagið var eftir Guðjón Inga Sig-
urðsson en hann er einn af fimm
„músiköntum“ hljómsveitarinnar.
Þá hóf karlakórinn söng sinn og
síðan kirkjukórinn við frábærar
undirtektir áheyrenda. Síðasta at-
riði fyrir hlé var einleikur á harm-
óniku. Guðmundur Ingvarsson
símstöðvarstjóri spilaði og síðan
stjórnaði hann harmóniku-
hljómsveit er lék nokkur lög. Þá
hljómsveit skipa 11 harmóniku-
eigendur og spilarar. Var þeim
óspart klappað lof í lófa, enda
upprennandi hljómsveit, sem
stækkar með ári hverju. Eftir hlé
sungu sex ungar konur við gítar-
undirleik og síðan lék Guðjón Ingi
Sigurðsson frumsamið lag á gítar.
Þá söngtríó: Sigríður Steindórs-
dóttir, Unnur Sigfúsdóttir og
Ragnar Gunnarsson og sungu þau
3 lög, að síðustu bættist Tómas í
hópinn og sungu þau fjögur eitt
lag. Þá var flutt „Úlfaldalestin í
eyðimörkinni“ af fjórum stúlkum
og jafnmörgum karlmönnum,
vakti þessi hreyfilist með söng
mikinn fögnuð áhorfenda.
Karlakórinn kom þá aftur á
sviðið og nú með ýmsum tilbrigð-
um. Fyrst var sungið „Tírolbúinn",
einsöng í því lagi söng Ragnar
Gunnarsson. Næst „Tárið“ með
einsöng Sigríðar Steinþórsdóttur.
Síðan 2 lög við undirleik Arnar
Gissurarsonar á saxófón og í lokin
tvö lög við undirleik Guðmundar
Ingvarssonar á harmóniku. Karl-
arnir sluppu ekki af sviði fyrr en
þeir höfðu sungið nokkur aukalög
og sama gilti um fleiri flytjendur.
Síðast sungu báðir kórarnir „Hér
er risin höll á bjargi". Að því
loknu færði frú Camilla Sig-
mundsdóttir stjórnandanum Tóm-
asi fagran blómvönd frá kór-
félögum og hljóðfæraleikurum um
leið og hún þakkaði honum ómælt
framlag hans til söngmála; án
hans væru þau lfils megnug þar
sem hvorki væri organisti eða pí-
anisti lengur á Þingeyri og allt
hvíldi því á herðum eins manns.
Tómas þakkaði hlý orð og sagðist
hafa mjög gaman af að stjórna 10,
20 og 30 manna kór, en mest gam-
an þætti honum að stjórna 100
manna kór og bað hann því sam-
komugesti að rísa úr sæti og
syngja síðasta lagið með kórunum
og var því vel tekið.
Við hin sem sátum í salnum tök-
um undir orð Camillu, „án Tómas-
ar getum við ekki verið". Óþrjót-
andi elja hans, áhugi og smekkvísi
gerir okkur fært að njóta söngs og
hljóðfærasláttar 46 Dýrfirðinga.
Því á hans færi er að gera
óframkvæmanlega hluti fram-
kvæmanlega og á þann hátt að
okkur mun lengi í minni. Þótt eftir
komi páskahret, fardagahret og
fleiri hret mun sumarhugurinn
vart yfirgefa okkur enda verður
þessi kvöldstund okkur ógleym-
anleg. Flytjendur fengu frábærar
móttökur samkomugesta og það
voru handsárir en þakklátir Dýr-
firðingar er héldu til síns heima
eða héldu áfram að syngja og
dansa til morguns í félagsheimil-
inu.
Tómasi, sem er okkar Garðar
Cortes, óskum við til hamingju
með afrakstur iðju sinnar. Við
mundum fagna því, ef honum yrðu
veitt bjartsýnisverðlaunin næst
þegar þeim verður úthlutað!!!
Hulda
Fyrsta Úrvalsvikuferðin til Parísar var farin um páskana og
heppnaðist stórkostlega vel. Farþegarnir, sem voru
rúmlega 40, áttu frábærarstundirá veitingahúsum,
söfnum, skemmtistöðum, torgum og götukaffihús-
um borgarinnar. Margir nutu líka sólarinnar og
20-30° hitans í Luxemborgargarðinum eða sigldu um
Signu í fljótandi veitingahúsi.
Það er sama hvar borið er niður í París, alls staðar eru
sögufrægir og nafntogaðir staðir: Af listasöfnum ber
hæst Louvre, Pompidou og Jeu de Paume; af turnum
Eifel og skýjakljúfinn Montparnasse Tour; af kirkjum
Notre-Dame og Sacré-Cæur; aftorgum Place du Tertre
og Place du la Concorde; afgleðihúsum Rauðu mylluna
Lido, og þannig má lengi telja.
Uppselt er í ferðina 16. maí, en ennþá eru til sæti:
9/6-16/6: Gisting og morgunverður á 4ra stjörnu lúxus-
hótelinu Montparnasse Park, 7 nætur. Verðkr. 17.200 í
tvíbýli. Ath. að EM í knattspyrnu hefst 11. júní!
18/8—25/8: Gisting og morgunverður á 4ra stjörnu hótelinu
Frantel Windsor, 7 nætur. Verð kr. 18.200.- í tvíbýli.
19/9—26/9: Gisting og morgunverður á 4ra stjörnu hótelinu
Lutetia Concorde, 7 nætur. Verð kr. 18.800.- í tvíbýli:
Innifalið er flug til Parísar/Luxemborgar, akstur milli flugvallar og
hótels, gisting og morgunverður, skoðunarferðir -um París og
Versali og íslensk fararstjórn.
FERMSKRIFSIOKN URVOL
m
Ert þú ekki samferða í sumar?
Síminn er 26900.