Morgunblaðið - 18.05.1984, Blaðsíða 12

12
MORGUNBLAÐIÐ, FÖSTUDAGUR 18. MAÍ 1984
6 % verðlækk-
un á rækju
YFIRNEFND Verðlagsráðs sjávarútvegsins hefur nú ákveðið nýtt lágmarks-
verð á rækju fyrir maímánuð. Felur það í sér verðlækkun á stórri rækju, en
verð á smárri rækju stendur í stað. Að meðaltali nemur lækkunin 6%. Verðið
var ákveðið af oddamanni og fulltrúum kaupenda gegn atkvæðum fulltrúa
seljenda, sem mótmæltu verðlækkuninni harðlega og lýsa furðu sinni á
afstöðu fulltrúa Þjóðhagsstofnunar.
Oddamaður var Rósmundur
Guðnason frá Þjóðhagsstofnun,
fulltrúar kaupenda Marías Þ.
Guðmundsson og óttar Yngvason,
en fulltrúar seljenda Ágúst Ein-
arsson og Ingólfur Stefánsson.
Fulltrúar seljenda gerðu svo-
fellda grein fyrir atkvæði sínu:
Við undirritaðir fulltrúar út-
vegsmanna og sjómanna í yfir-
nefnd Verðlagsráðs sjávarútvegs-
ins mótmælum harðlega þeirri af-
stöðu fulltrúa Þjóðhagsstofnunar
í yfirnefnd Verðlagsráðs að
standa að stórfelldri verðlækkun á
rækju með fulltrúum rækjukaup-
enda.
Á undanförnum mánuðum hef-
ur áhugi aukist verulega á rækju-
veiðum hér við land í kjölfar
minnkandi þorskafla, og útgerða-
menn lagt í gífurlegan kostnað við
aö útbúa skip sín til þessara veiða,
þrátt fyrir mikla óvissu um afla-
brögð og afkomu. Með þessari
verðlagningu er allri áhættu bægt
frá kaupendum yfir til seljenda.
Það er staðreynd að fjárhagsleg
staða rækjuverksmiðja hér á landi
er ekki verri en svo að þær hafa
keypt fjölda skipa siðustu mánuði
til þess að tryggja sér hráefni,
ásamt því að flytja inn rækju til
vinnslu erlendis frá á hærra verði
en gilti hérlendis fyrir þessa verð-
lækkun. Sem dæmi um þær óraun-
hæfu forsendur sem lagðar eru til
grundvallar við þessa verðlagn-
ingu má benda á að reiknað er
með því að það kosti kr. 9,12 pr. kg
að flytja rækju frá íslandi til Evr-
ópu en til samanburðar er rækja
flutt frá vesturströnd Grænlands
til Evrópu fyrir kr. 3,75 pr. kg og
frá Norður-Noregi fyrir kr. 3,42
pr. kg.
Að lokum vilja undirritaðir
ítreka furðu sína á afstöðu full-
trúa Þjóðhagsstofnunar í þessu
máli og bendum á að með slíkri
verðlagningu þá stefnir í þá átt að
öll helstu rækjuveiðiskipin komist
í eigu rækjuverkenda.
Waldo Bien og Josef Beuys. Myndin var tekin í París 1. janúar sl., nánar
tiltekið í sjónvarpsstöðinni sem sá um útsendingu „Good Morning Mr.
Orwell“ frá París.
Myndbandasýning í
Nýlistarsafninu
— mynd um grafir egypskra konunga
og tvær myndir frá „alheimsfjölmiðlun“
HOLLENSKI nýlistamaðurinn
Waldo Bien sem nú er staddur
hér á landi heldur vídeósýn-
ingu í Nýlistasafninu á morg-
un, laugardag, og hefst hún kl.
16.
í fréttatilkynningu sem Mbl.
hefur borist segir að sýndar
verði þrjár myndir, ein sem
nefnist Regal Star Project og
fjallar um grafir fornegypskra
konunga og tvær myndir frá út-
sendingu á klukkustundar löng-
um þætti, sem sendur var beint
um gervihnött í gegnum sjón-
varpsstöðvar í New York, París
og Nýju Delhi þann 1. janúar sl.
Þátturinn nefndist „Good
Morning Mr. Orwell" og í
fréttatilkynningunni segir að
áætlað hafi verið að um 160
milljónir manns hafi fylgst með
útsendingunni.
Þar segir ennfremur: „Þetta
var tilraun sjónvarpsstöðvanna
til að sýna fram á, með hjálp
myndlistarmannanna, að
George Orwell hafi ekki reynst
sannspár í skáldsögunni frægu,
„1984“. Fjöldi heimsþekktra
myndlistarmanna voru með í
spilinu. Salvador Dali, Josef
Eleuys, John Cage og Andy
Warhol svo nokkrir séu nefnd-
ir.“
Aðgangur að sýningunni er
ókeypis og hún hefst sem fyrr
segir kl. 16.
Bókmenntaverðlaun
Reykjavíkur
ÞAU MISTÖK urðu í blaðinu í
gær, er skýrt var frá veitingu
bókmenntaverðlauna Reykjavík-
urborgar, að nafn Sigríðar Rögnu
Sigurðardóttur misritaðist. Stóð
þar Sigrún. — Biðst blaðið vel-
virðingar á þessu.
Safn bátamynda
HJÓNIN Bryndís Jónsdóttir og
Jón Björnsson frá Bólstaðarhlíð
gáfu Stýrimannaskólanum í Vest-
mannaeyjum veglegt safn báta-
mynda, en ekki Jón einn eins og
mishermt var í blaðinu í gær.
Leiðréttist þetta hér með.
AF ERLENDUM VETTVANGI
eftir JÓHÖNNU KRISTJÓNSDÓTTUR
Krá kosningabaráttunni: hin glaðbeittu og grunnreifu forsetahjón beittu
sér óspart.
Filippseyjan
Vogar Marcos
sér að láta falsa
kosningaúrslitin ?
ÞAÐ ER SÓL og blíða og hiti þessa daga á Filippseyjum, en það er ekki
síður hiti í andstæðingum Ferdinands Marcos forseta vegna þeirra
undarlegu yfirlýsingar, sem var gefin út á miðvikudag, þess efnis, að
kosningaúrslit myndu ekki liggja fyrir fyrr en eftir viku eða tíu daga.
Fljótlega eftir að talning hófst á mánudagskvöld þótti stjórnandstæð-
ingum sem talning atkvæðanna gengi undra seint og yfirlýsing aðal-
kjörstjórans, Vincente Santiago, varð ekki til þess að bæta úr skák.
Áður en þessi tilkynning var gefin út hafði Marcos forseti lýst því
gunnreifur yfir í viðtali við bandarískar sjónvarpsstöðvar, að flokkur
sinn KBL væri að vinna yfirburðasigur og myndi væntanlega fá um
níutíu prósent atkvæða. Marcos viðurkenndi þó aðspurður að útlit væri
fyrir, að stjórnarandstöðuflokkar hefðu aukið fylgi sitt og sagði ýmsar
augljósar ástæður vera fyrir fylgisaukningu þeirra.
Þegar Vincente Santiago var
svo inntur eftir því, hvernig það
mætti vera, að forsetinn vílaði
ekki fyrir sér að lýsa yfir stór-
sigri flokks sins áður en úrslit
væru kunn og reyndar hafði
Santiago látið að því liggja, að
talning væri enn mjög skammt á
veg komin, svaraði Santiago því
stuttaralega: „Það er á ábyrgð
forsetans."
Opinberlega liggja úrslit ekki
fyrir nema í örfáum kjördæm-
um. Athygli hefur vakið að við-
urkennt hefur verið að athafna-
samur stjórnarandstæðingur
Aquilino Pimentel sigraði í bæn-
um Cagayan de Oro. Hann hefur
margsinnis setið í fangelsi vegna
andstöðu við stjórn Marcosar.
Pimentel hefur verið nefndur
sem hugsanlegur frambjóðandi
gegn Marcosi í næstu forseta-
kosningum á Filippseyjum 1987.
Hann ávarpaði stóran og fagn-
andi hóp stuðningsmanna sinna
eftir að fyrir lá, að hann hafði
náð kjöri og sagði að hann
myndi beita sér af öllum kröft-
um fyrir því að koma frá einræð-
isstjórninni undir forystu Marc-
osar. Vakti yfirlýsing hans
mikla ánægju viðstaddra.
Salvador Laurel, formaður
stærsta stjórnarandstöðuflokks-
ins UNIDO, sagðist hafa sett á
laggirnar sérstaka nefnd lög-
fræðinga sem ættu að aðstoða
frambjóðendur UNIDO sem
rangindum yrðu beittir í kosn-
ingunum.
Eftir öllum sólarmerkjum nú
að dæma — og hvað sem líður
yfirlýsingum Marcosar — virð-
ast 88 þingsæti falla { hlut
stjórnarandstæðinga, þar af 52
til frambjóðenda UNIDO, en 20
til frambjóðendur fimm annarra
flokka, þar með talinn PDF-
flokk Pimentel. Sextán fram-
bjóðenda sem eru líklegir til að
ná kjöri frá stjórnandstöðunni
teliast óháðir.
I fyrrnefndum viðtölum við
bandarískar sjónvarpsstöðvar
þar sem Marcos jánkaði því að
stjómarandstöðunni hefði auk-
izt fylgi sagði hann meðal ann-
ars: „Við höfum gert okkur grein
fyrir því, að stjórnarandstæðan
myndi bæta við sig á ýmsum
stöðum, en við höfum ekki enn
yfirsýn yfir hversu mikið þð
mun vera. Hins vegar ætti þetta
að sýna umheimi fram á að
kosningarnar voru fullkomlega
frjálsar og lýræðislegar.“
En sem nú dagar líða fram og
talningu virðist ekki miða agn-
arögn er farið að síga í ýmsa.
Andstæðingar Marcosar stað-
hæfa fullum fetum, að þessi tími
verði notaður vel og vendilega af
Marcosarliðinu til að birta síðan
þau úrslit sem honum verða hag-
stæð. Að vísu muni hann ekki
geta útilokað stjórnarandstöð-
una eins og hann hefur gert, en
hann muni láta takmarka mjög
þingmannafjölda hennar og ekki
skirrast við að falsa úrslit þar
sem mjótt sé á munum. í fyrstu
fréttum frá kosningunum sögðu
óopinberar heimildir að fram-
bjóðendur stjórnarandstöðunnar
leiddu í yfir áttatíu og áttr. kjör-
dæmum af 183. Meðal þeirra
ráðherra i stjórn Marcosar sem
virtust nokkuð öruggir með að
vinna sæti sitt án þess að rangt
væri haft við er forsætisráð-
herra landsins, Cesar Virata.
Hins vegar var haft fyrir satt að
Teodoro Pena sem er umhverfis-
málaráðherra, Richardo Puno
dómsmálaráðherra Arturo
Tanco landbúnaðarráðherra og
... en mótmæli voru líka uppi
höfó.
Leonardo Perez stjórnmálaráð-
herra stæðu mjög höllum fæti.
Imalda Marcos hin fagra og
fláráða frú Marcosar hafði í
kosningabaráttunni haft sig
mjög í frammi-og spáð því að
flokkur Marcosar myndi vinna
yfirburðasigur. Hún sparaði
hvorki fé né fyrirhöfn til að
flytja ræður á fundum óg ferðast
um vítt og breitt en deildar
meiningar eru um, hversa vel
þessi framganga mun skila sér.
Dóttir þeirra Marcoshjóna
Imee var í framboði og ekki vit-
að hvort hún náði kjöri. Imee
býr með kvæntum manni, Mant-
oc að nafni. Það þótti því hið
vandræðalegasta mál, þegar
kona Mantocs, Aurora Mantoc,
sem er fyrrverandi fegurðar-
drottning líkt og Imalda á sínum
tíma — ákvað að bjóða sig fram
í einni af útborgum Manilla og
lét mjög til sín taka.
Fréttir um úrslitin munu því
ekki alveg á næsta leiti, eins og í
upphafi var skrifað. Hins vegar
mun Marcos áreiðanlega hika og
verða að hugsa sig töluvert leng-
ur um en venjulega áður en hann
lætur falsa úrslit kosninganna
— ef þau hafa verið honum í
óhag. Einræðisstjórn hans hefur
sætt meiri og málefnalegri gagn-
rýni nú síðustu mánuði en lengi
áður. Því er spurningin hversu
langt hann muni voga sér að
ganga með augu vina sinna
Bandaríkjamanna hvílandi á sér
og þó nokkurn fjölda af milljón-
um augna annars staðar í heim-
inum, sem hafa fylgst með
stjórn hans af vaxandi andúð.
(Heimildir AP — Newsweek —
Kar Kastern Kconomie Keview)