Morgunblaðið - 20.05.1984, Blaðsíða 39

MORGUNBLAÐIÐ, SUNNUDAGUR 20. MAÍ 1984
87
Anna Garðarsdóttir með langömmum sínum. Frá vinstri: Helga Magnúsdóttir,
Móeiður Skúladóttir, Elínborg Stefánsdóttir og Steinunn Stephensen.
Af
langömmum
og
skírn
í frétt í Morgunblaðinu fyrir skömmu
var getið um þau fáheyrðu tíðindi, að
ungur drengur, sem skírður var í Hall-
grímskirkju á páskadag, ætti allar lang-
ömmur sínar á lífi, tvo langafa, mörg
langafasystkini og afa- og ömmusystk-
ini. Þetta eru óneitanlega fáheyrð tíð-
indi, en ekki einsdæmi þó. Svo skemmti-
lega vill til, að þann 22. október árið 1944
var stúlkubarn skírt að Sunnuhvoli á
Selfossi, að viðstöddum öllum langömm-
um sínum, tveimur langöfum og fjölda
annarra skyldmenna. Stúlkan var skírð
Anna Garðarsdóttir og á einni af með-
fylgjandi myndum sjáum við hana nokk-
urra mánaða gamla með langömmum
sínum. Anna er gift Þorvaldi örn-
ólfssyni, framkvæmdastjóra Krabba-
meinsfélags Reykjavíkur, og eiga þau
fjögur börn. Það einkennilega er, að
Anna og sveinninn ungi, sem skírður var
í Hallgrímskirkju á páskadag, eru skyld!
Langa-langamma Önnu, Sigrún Páls-
dóttir, var systir Steinunnar Pálsdóttur,
langa-langa-langömmu drengsins.
Steinunn Pálsdóttir var amma séra Jak-
obs Jónssonar, föður Jökuls heitins Jak-
obssonar rithöfundar, sem er afi drengs-
ins. Sonur þeirra Jökuls og Jóhönnu
Kristjónsdóttur blaðamanns er Hrafn
Jökulsson, faðir drengsins, sem skírður
var sl. páskadag.
Þessi mynd, sem tekin var árið 1944, er af foreldrum, iimmum, öfum, langömmum og
langöfum Önnu Garðarsdóttur. í öftustu röð frá vinstri eru: Agúst Helgason langafi
Önnu, sonur hans Helgi Ágústsson, kona Helga, Anna Oddsdóttir, Áslaug Stephen-
sen amma Önnu og maður hennar, Jón Pálsson, og loks Páll Þorsteinsson langafi
Önnu. í miðröð eru langömmurnar. Frá vinstri: Móeiður Skúladóttir Thorarensen,
kona Ágústs Helgasonar, Steinunn Stephensen, ekkja séra Ólafs Stephensen prests á
Mosfelli, Helga Magnúsdóttir, ekkja Odds Oddssonar gullsmiðs og fræðimanns á
Reyn á Eyrarbakka, og Elínborg Magnúsdóttir, kona Páls Þorsteinssonar. Fremst á
myndinni eru foreldrar Önnu, Garðar Jónsson og Móeiður Helgadóttir.
Anna Garðarsdóttir í faðmi fjölskyldu sinnar í dag. Frá vinstri: Garðar, Helga
Móeiður, Þórvarður Örnólfsson, Anna, Arnþór Jón og Örnólfur.
Glaðar
á góðum
degi
Þær voru glaðar á góðum degi þessar
fyrrverandi skólasystur úr Húsmæðra-
skóla Reykjavíkur, sem ljósmyndari Mbl.
smellti mynd af fyrir framan Naustið einn
sólskinsdag fyrr í mánuðinum. Það eru 20
ár nú í vor síðan þær útskrifuðust og 23
þeirra komu saman laugardaginn 5. maí sl.
til að halda afmælið hátíðlegt. Dagurinn
byrjaði með morgunkaffi hjá einni þeirra,
síðan var sest að snæðingi í Naustinu í
hádeginu og um kvöldið fóru þær aftur út
að borða með mökum sínum og dönsuðu í
Kiwanishúsinu til klukkan þrjú um nótt-
ina. Sannarlega eftirminnilegur dagur.
(MorgunhlaAiA Július).