Morgunblaðið - 23.05.1984, Blaðsíða 30
78
MORGUNBLAÐIÐ, MIÐVIKUDAGUR 23. MAl 1984
„Með brosi á vör“
„Afsakið," var sagt á bak við
mig um leið og oddhvöss regnhlíf
rakst í rassinn á mér, svo mér lá
við að hljóða. Það var eins og
ryksugu væri ýtt eftir gólfinu.
Ég leit við. Það var ung og fal-
leg stúlka, sem stóð fyrir aftan
mig í strætisvagninum.
Auðvitað gat hún ekkert að
þessu gjört. En satt að segja, um
leið og ég leit á hana, mætti ég
ísköldu augnaráði eins og hún
segði:
„Ég sagði „afsakið" herra
minn. Hvað viljið þér í viðbót?"
En, ég var satt að segja í
slæmu skapi, þegar ég settist
litlu síðar í eina sætið, sem var
laust í vagninum á heimleiðinni.
Á næstu biðstöð fylltist vagninn.
Og af gömlum vana stóð ég upp
til að bjóða einni dömunni sætið
mitt.
„Þúsund þakkir," sagði hún,
með svo ljúfri röddu rétt við
hökuna á mér, að allt varð svo
indælt í vagninum, þegar hún
bætti við í sama rómi: „Þetta var
fallega gert.“
Satt að segja gat ég ekki séð
framan í hana, en fann samt að
hún hlyti að vera falleg og elsku-
leg. Hlýjan í rödd hennar kveikti
ljós trúarinnar á góðvild og þökk
samferðafólksins í vitund minni.
Hin hversdagslegu kurteisisorð,
sem líða um varir í erli hverf-
andi daga eru kannske einskis
virði í sjálfu sér.
Hið raunverulega gildi fá þau
af þeirri hlýju og hjartahrein-
leika, sem tjáningu þeirra fylgir,
þeirri einlægni og birtu, sem
gjörir þau með brosum að
blómstrum við brautir.
Hvernig segjum við:
„Gjörðu svo vel.“ „Hvað seg-
irðu í fréttum?" „Hvernig líður
þér?“
Eða bara: „Góðan dag,“ sem
getur verið á svo marga vegu,
eða: „Þökk fyrir stundina."
Koma þessi hversdagslegu orð
og ummæli af köldum og dauð-
um vörum, einskisverð tugga og
taut? Eða eru þau gædd innri yl
og v^rma einlægni og vinsemd-
ar?
Stundum — já, oft bæði nætur
og daga getur síminn hringt eða
við hringt sjálf og hittum skakkt
númer. Eitt einasta „halló" og
við
gluggann
eftirsr. Arelíus Nielsson
andardráttur, sem því fylgir get-
ur verkað eins og löðrungur, en
líka eins og koss á vanga og allt
þar á milli. Þannig berast áhrif
sálna á öldum ljósvakans.
Heyrt hef ég um mann, sem
hringdi í skakkt númer og heyrði
svo vingjarnlega rödd ungrar
stúlku, að honum fannst veröld-
in öll brosa í hennar brosi —
ímynduðu gegnum símann.
Hann bað hana að segja sér
númerið, og sendi henni blóm í
gleði sinni. Rödd hennar og orð
vöktu honum vonir og fögnuð.
Nú hafa þau lengi verið ham-
ingjusöm hjón.
Til er fólk, sem segir: „Takk“
og „bless" með raddblæ, sem
valdið getur minnimáttarkennd
og andúð. Og svipbrigðin eða öllu
heldur steingervingsgríman um
augu og varir gætu gefið til
kynna að lindir þakklætis væru
þrotnar, góðvildin grjót í vitund
þess.
Samt er orðið „fyrirgefðu" eða
„afsakið" einna mest misnotað.
Frummerking þess tjáir auð-
mýkt og iðrun, helgustu kenndir
sálar og sinnis.
En oft mætti ætla, að það
verkaði öfugt við þann tilgang,
eins og því er hreytt um varir
hirðulaust og yfirlætislega.
Betra að þegja bara.
Það ber vott um þrotabú í
sjóði sálna og samfélags, ef svo
þarf að vera.
Allt þetta orðaval, sem nefna
mætti „orðtök hversdagsins",
ætti að vera meira en orðin tóm
og hljóð úr tómri tunnu.
Þau gætu orðið gull í mund og
geislar á vegi eða eins og sungið
var í gamla daga:
„Með bliki í auga og bros á vör
þú birtist mér á gönguför."
Blómstur á brautum hvers-
dags og minninga.
Rvík 17. marz 1984.
Arelíus Níelsson.
Geröu garðinn glæsilegan I
Nú gefst þér kostur á að gera garðinn þinn glæsilegri en
þú hefur nokkum tíma ímyndað þér!
Með U-steinum og Gras-steinum opnast stórkostlegir
möguleikar í frágangi garða á íslandi - möguleikar sem
þú getur notfært þér á auðveldan hátt.
Hvemig skrautsteinar geta
gjörbreytt garðinum þínum
Við höfum gefið út bækling þar sem við sýnum nokkrar
hugmyndir um útfærslur á skrautsteinum - útfærslur
sem þú getur auðveldlega aðlagað þínum garði - og að
sjálfsögðu komið með eigin hugmyndir!
Hringdu í okkur eða skrifaðu og við sendúm þér eintak
um hæl.
Ráðgjöf og upplýsingar
Nóatúni 17
105 Reykjavík
sími: 91-26266
Við bjóðum að sjálfsögðu hellur í ýmsum stærðum og
gerðum, tröppusteina og fylgihluti s.s. garðborð, stóla
og útigrill - raunverulega allt sem þú þarft til að gera
garðinn þinn glæsilegan!
Ráðgjöf landslagsarkitekts
og heimsending* - ókeypis!
Við bjóðum þér ráðgjöf landslagsarkitekts sem leiðbeinir
um notkun og útfærslur á skrautsteinum og hellum -
þér að kostnaðarlausu.
Hafðu samband við okkur, við munum með ánægju
veita þér allar frekari upplýsingar.
* Heimsending er ókeypis innan Stór-Reykjavíkursvæðisins.
Pantanir
Steinaverksmiðja Breiðhöfða 3
110 Reykjavík
sími: 91-85006
B.M.VALLÁ!
Brevtist i við útkoniu sím«jskrár 84
-
Sextán ára japanskur piltur með
áhuga á knattspyrnu, tónlist og
kvikmyndum:
Kayuaki Jokinoya,
399-10 Maruhayashi,
Noci-m, Shimotsuga-g,
Jochigi 329-01,
Japan.
Sextán ára vestur-þýzk stúlka
með margvísleg áhugamál:
Kathrin Rehmke,
Am Sportplatz 15,
2117 Wistedt,
West Germany.
Nítján ára japönsk stúlka með
áhuga á bréfaskriftum, útivist
o.fl.:
Rieko Nakamura,
1565-1 Yarimizu,
Hachioji-shi,
Tokyo 192-03 Japan.
Frá Pakistan skrifar 25 ára karl-
maður sem safnar frímerkjum:
Ahmad Khan Baluch,
Jandanwala,
Dist Bhakkar,
Pakistan.
Sextán ára japanskur karlmaður
með áhuga á tungumálum og tón-
list
Taneomi Kato,
22-4 chome Izumi-Mejimachi,
TokbCity,
Gifti Pref.,
50951 Japan.
Frá Tanzaníu skrifar 22 ára karl-
maður með áhuga á frímerkjum,
póstkortum, ferðalögum, ljós-
myndun, tónlist o.fl.:
Khuzaima M.M. Jamalee,
P.O.Box 20585,
Dar-Es-Salaam,
Taniaaia