Morgunblaðið - 27.05.1984, Blaðsíða 47

MORGUNBLAÐIÐ, SUNNUDAGUR 27. MAÍ 1984
Það er lítill heimsborgarabragur á íslendingunum í verkinu en hér munu
tveir lífverdir Jörundar vera að kljást vid Stúdosus, sem leikinn er af Ragnari
Lund.
Laddie, Jörundur og sjóreninginn Charlie Brown taka sporið.
herraþjóðirnar Englendinga og
Dani,“ segir Viðar og Gísli Helga-
son, sem leikur á flautu í hljóm-
sveitinni, tekur í sama streng.
Gísli er einn fárra utanbæjar-
manna, sem taka þátt í sýning-
unni og kveðst hafa verið „negldur
fyrir algera tilviljun," en hafa
haft mikla ánægju af að sjá sýn-
inguna þróast. „Svo held ég að það
nálgist það að vera afrek að setja
upp stórt leikrit í áhuga-
mannaleikhúsi á erlendu tungu-
máli því margir hér voru alveg
óvanir enskri tungu þegar æfingar
hófust,“ bætir Gísli við.
Söngkonan í hljómsveitinni
heitir Sigþrúður Harðardóttir, 19
ára gömul, hún er flutt frá Sel-
fossi til Reykjavíkur en kemur
austur á æfingar, sem eru á
hverju kvöldi eða því sem næst.
„Ég er að verða ægilega spennt og
svolítið kvíðin,“ segir Sigþrúður.
„Þetta er líka í fyrsta skipti, sem
ég kem út fyrir landsteinana. En
félagsandinn í hópnum er svo góð-
ur að þetta hlýtur allt að bless-
ast,“ bætir hún við og stalla henn-
ar, Soffía Stefánsdóttir, „á seytj-
ánda ári“ og leikur íslenska hnátu,
tekur undir. Soffía segir líka, að
það séu fleiri í hópnum en Sig-
þrúður, sem séu að fara í sína
fyrstu utanlandsferð.
„Lærði skoskuna af per-
sónu í sjónvarpsþætti"
„Ég lærði skoska framburðinn
af henni Maddy í þættinum Við
feðginin í sjónvarpinu," segir
Benedikt Axelsson, aðspurður
hvernig hann hafi farið að því að
tileinka sér syngjandi hálanda-
skosku, sem streymir af vörum
hans, áreynslulaust að því er best
verður heyrt, í hlutverki skoska
galgopans Laddie á sviðinu. „Áður
var ég vanur að tala enskuna með
amerískum hreim,“ bætir hann
við. Benedikt er sonur Axels
Magnússonar, sem leikur eitt af
stærstu hlutverkunum í sýning-
unni, Charlie Brown, sjóræningja
af óþekktum uppruna, og er eigin-
lega alinn upp hjá Leikfélaginu
því Axel segist vera „húsgagnið á
staðnum". Það er ekki á Axel að
heyra, að hann hafi ekki kunnað
stakt orð í ensku þegar æfingar
hófust, en það mun þó hafa verið
svo. „Hann Sigurgeir las textann
inn á segulband og þannig lærði ég
hann,“ segir Axel og bætir við
glottandi, að hann fari svona hvað
úr hverju að skilja hvað hann sé
að segja í leikritinu. „Það kom
hérna Englendingur í gær og lýsti
því yfir eftir æfinguna, að Axel
væri með besta framburðinn af
öllum leikurunum," skýtur Hall-
dór Páll, sem leikur sjóara, inn í
og annar bætir því við, að það
vanti víst enskukennara við Fjöl-
brautina í haust.
„Eftir hvert leikrit segi ég við
sjálfan mig: aldrei aftur, en alltaf
heldur maður áfram," segir Axel.
„Hann segir líka á hverju ári að
nú eigi ég að taka við af honum.
En ég verð víst kominn á elliheim-
ili áður en það verður," segir
Benedikt sonur hans og þar með
halda þessir leikglöðu feðgar út í
nóttina. Hinir eru líka að tygja
sig, enda orðið áliðið og við kveðj-
um fólkið hans Jörundar og óskum
því góðrar uppskeru á sjölanda-
hátiðinni i Dundalk.
Kópavogsvöllui
l.deild
Breiöablik —
Fram
kl. 1400 í dag
Keramikhúsiö hf. Sigtúni ..
Pelsinn, Kirkjuhvoli ......
Vélsmiðja Heiöars hf.,Vesturvör 26 .
BRÖSTE-umboöiö hf., Síöumúla 29 .
TIMEX
BYKO
sími: 26088
sími: 20160
sími: 42570
sími: 34070

Við bjóðum þér að koma og skoða þærfj'ölmörgu
tegundir sem við eigum til af hinum heimskunnu
Atlantic kaststöngum.
Við vitum að þú sannfærist um ágæti þeirra, eins
og þúsundir annarra stangaveiðimanna, — því að
það borgar sig alltaf að kaupa það besta.
ABU Atlantic
VEIÐIMAÐURINN • Hafnarstræti 5 • Sími I 6760