Morgunblaðið - 27.06.1984, Qupperneq 28

68
MORGUNBLAÐIÐ, MIÐVIKUDAGUR 27. JÚNÍ 1984
kef olltaf frotoÍ) 2SCrr\ Kvii-ttismál
siéan ég var íáningur."
Ríkisstjórn Steingríms Hermannssonar átti nýlega eins árs afmæli. Hér er hún ásamt forseta íslands, Vigdísi
Finnbogadóttur.
Ást er ...
sætan söng.
TM R«a. U.S. Pat. Off.-aN ríghts reservad
»1984 Los Angeles Times Syndicate
Geturðu ekki fengið peningana til
baka, sagt þeim að þú hafir ekki
veðjað á hestinn sem fyrstur varð?
Með
morgunkaffinu
Ég fékk þessa á hálfvirði!
HÖGNI HREKKVÍSI
Ríkisstjórnin eins árs
Þorkeli Hjaltason skrifar 25.
júní.
Velvakandi.
Mér finnst fara vel á því, að eins
árs afmælis núverandi ríkis-
stjórnar sé minnst með nokkrum
orðum, því að marga góða hluti
hefur hún gert á þessu fyrsta rík-
isstjórnarári, en annað ef til vill
miður tekist, en allt slíkt á sínar
eðlilegu orsakir.
Öll þjóðin veit, að í lok vinstri
stjornarinnar var allt að sökkva í
hyldýpishaf verðbólgunnar og
framfærsluvísitalan var komin
fast að 150 stigum. Var því við
ramman reip að draga fyrir hina
nýju stjórn og auðséð var, að alls
engin vettlingatök dygðu í þeirri
glímu, er framundan var. Nauðug
viljug varð stjórnin að beita
fyllstu hörku, með aðgæslu og
festu, önnur úrræði dugðu ekki.
Auðvitað varð öll þjóðin að taka á
sig nokkra launaskerðingu, annað
var ekki mögulegt. Þjóðin verður
að reyna að sýna þolinmæði og
þrauka enn um stund, og hugsa þá
til orða Halldórs Laxness: „Bráð-
um kemur betri tíð með blóm í
haga.“ En viðskilnaður þeirra fé-
laga Svavars Gestssonar og Hjör-
leifs Guttormssonar 1 vinstri
stjórninni var svo hraksmánarleg-
ur að engin dæmi finnast til slíks
áður í sögu íslands. Ekkert blasti
þá við þjóðinni annað en efna-
hagslegt hrun í flestum atvinnu-
greinum landsmanna. Svavar var
búinn að semja neyðaráætlun og
læsa niður í skúffu sína ef engar
aðrar björgunarleiðir fyndust á
neyðarstundu. — Nei, slík stjórn á
aldrei aftur lífsvon á íslandi nú-
tímans. Þau ánægjulegu tíðindi
hafa þó gerst eftir að okkar dug-
mikli iðnaðarráðherra, Sverrir
Hermannsson, tók við stjórn iðn-
aðarmála, að orðið hafa hrein um-
skipti í málum Alusuisse, til
stórra hagsbóta fyrir alla lands-
menn. Þegar öllum þursabrögðum
Hjörleifs hafði verið útrýmt og
varpað á dyr, þá fyrst fór að birta
til í þeim málum og hægt og síg-
andi verður álmálið, og mál er því
tengjast, komið í gott horf á ný og
eðlilegt ástand hefur myndast.
Þegar allt útrýmingarbrölt og
þvergirðingsháttur þeirra Svavars
og Hjörleifs er nú endanlega úr
sögunni, en að sjálfsögðu með
mörg hundruð milljóna króna tapi
fyrir alla þjóðina, sem aldrei fást
bætur á. — Já, svona var viðskiln-
aður Allaballanna á öllum sviðum.
Þó neita þeir allir sem einn öllum
staðreyndum og lifa nú, vesalings-
greyin, aðeins á eigin sjálfsblekk-
ingum, og setja upp engilsásjónu
eins og ekkert hafi gerst. Verði
þeim að góðu ...
Nú blasa við uppsagnir kjara-
samninga flestra verkalýðsfélaga í
landinu ásamt Alþýðusambandi
fslands. Ég spyr, veit þetta fólk
hvað það er að gera, ætlar það sér
að heimta öll sín laun úr galtóm-
um ríkissjóði, þegar tekjur ríkis-
sjóðs bregðast meðal annars með
minnkandi sjávarafla? Þá verður
öll þjóðin að taka þátt í björgun-
arstarfinu með sameiginlegu
átaki. Þetta ættu allir að geta skil-
ið.
Að lokum hef ég verið beðinn af
fólki er býr í grennd við Vitatorg-
ið, að koma því til skila við borg-
aryfirvöld, að þar sé mikilla úr-
bóta þörf frá því sem nú er. Vita-
torgið er eitt af elstu og virðu-
legustu torgum í borginni, bæði að
stærð og lögun. En því miður hef-
ur því ekki verið nægjanlegur
sómi sýndur. Það er t.d. ekki
malbikað eins og önnur torg og
hefur svo verið alla tíð frá tilurð
þess. Torgið er stórt og óslétt víða
með lautum og bratt upp að fara
neðan frá, en með háum hrygg
ofan til við miðju. Þennan hrygg
þarf að slétta og malbika svo yfir
allt svæðið í heild. Það hefur kom-
ið fyrir að bílar hafa fest sig þar í
aur og leðju, þá rigningar hafa
gengið. Allt slíkt hyrfi ef malbik-
að vrði yfir allt svæðið.
Eg vona að borgarstjórn taki
þetta mál til rækilegrar athugun-
ar, með borgarstjórann í fylk-
ingarbrjósti. Hann hefur gert
marga góða hluti í borgarstjóratið
sinni, frá því að han tók við því
virðulega embætti. Verðj borgar-
stjórn við þessari eindregnu kröfu
fólksins eða ósk um að malbika
allt torgið og slétta það allt vel,
mundi borgarstjóri fá rfkuleg laun
verka sinna. Því vert er að þakka
alla vel gerða hluti.
„ hv//u? cseÓFsro opp Þennah gaor ?!
Athugasemd frá blómasala
Skorri Andrew Aikman blómasali
vill koma á framfæri eftirfarandi
athugasemd við pistil Sigurbjarn-
ar Þorkelssonar sem birtist í Vel-
vakanda síðastliðinn fimmtudag.
Ágæti Velvakandi.
í dálkum þínum kvartar Sigur-
björn Þorkelsson undan söluað-
ferðum blómasalans í Austur-
stræti. Þar sem ég hef þann starfa
í sumar að selja í bási Blóma og
ávaxta á útimarkaðinum, hlýt ég
Það hlýtur að vera ánægjulegt að versla blóm I Austurstræti.
að taka þessa gagnrýni til mín.
Sigurbjörn segir að blómasalinn
sé „hættulegur", að „ráðist hafi
verið á sig“ og að hann hafi orðið
„dauðskelkaður", sér hafi verið
„skipað" að kaupa bóm. Sé átt við
mig hlýt ég að vísa þessum ásök-
unum á bug.
Ég hef aldrei ráðist á væntan-
lega viðskiptavini. Að vísu hvet ég
fólk til að kaupa blómin. Ég er
með fallega vöru á góðu verði og
vil að sem flestir fegri umhverfi
sitt á hagkvæman hátt. Ef til vill
hefur Sigurbjöm tekið hvatningu
mína sem skipun en sé þetta nóg
til að gera hann dauðskelkaðan,
biðst ég afsökunar. Samt vona ég
að hann komist aldrei í kynni við
alvöru torgsala sunnan Alpafjalla.
Blómin seljast vel og ég vona að
sem flestir fegri umhverfi sitt með
þessum hætti. Hræðist Sigurbjörn
strákling á mínum aldri, þykir
mér það miður.