Morgunblaðið - 27.06.1984, Qupperneq 29

MORGUNBLAÐIÐ, MIÐVIKUDAGUR 27. JÚNÍ 1984
69
VELVAKANDI
SVARAR i SÍMA
10100 KL. 11—12
FRÁ MÁNUDEGI
TIL FÖSTUDAGS
n, u. /fjv

Kvittað fyrir sendingu
Guðni Bjorgúlfsson skrifar.
Velvakandi.
Bkki má minna vera en ég
svari grein ólafs M. Jóhannes-
sonar í Morgunblaðinu 20. júní
síðastliðinn.
Það er alltítt um gagnrýnend-
ur að þeir setji upp hundshaus
eða einhvern þrákelknissvip ef
einhver verður til að andmæla
því sem þeir skrifa. Þetta verður
ekki sagt um ólaf því að öll er
grein hans allmálefnaleg. Hann
segist hafa ákveðna grunn-
menntun í sálarfræði og kunna
því nokkur skil á hugtakafræði
(terminology) hennar. Það kem-
ur ekki fram í grein ólafs að svo
sé en skal þó að öðru leyti ekki
dregið í efa. En það er fullljóst
að hugtakafræðin gerir engum
skaða ein og sér. Hún er ekki
annað en viðmiðun sem nauð-
synlegt er að hafa til að unnt sé
að gera sér grein fyrir þeim
„mótor" sem liggur að baki
ákveðnu sjúklegu atferli og þá
um leið hvernig beri að nálgast
það. Hugtakafræðin er því ekk-
ert límmiðakerfi — hún er nauð-
synlegt aðhald.
Ég er ekki viss um að það sé
rétt hjá ólafi að sálfræðingar
tuttugustu aldar séu hrifnir af
límmiðum eða einhverri mörkun
á þeim sauðum sem til þeirra
leita. Þvert á móti held ég að
rutt hafi sér til rúms það jafn-
réttissjónarmið, ef ekki ber að
segja sú hræsni og lágkúra, að
sjúklingar fái almennt engin
svör við þvi hvað ami að og eru
þá komnir í slóð Don Kíkóta og
berjast við vindmvllur einar.
Það er rétt hjá þér, ðlafur, að ég
held mig við sígild rit um sálar-
fræði. Eg lít á þau sem leiðar-
ljós. Eins og fram kom i grein
minni geta slík rit aldrei verið
einhver opinberun, stóri sann-
leikur, og ennþá síður heilagur
sannleikur.
Ekki uni ég þvi að vera settur
á bekk með ósýnilegum hobbit-
um eða að ég feti slóð þeira þó
svo að ég hafi gagnrýnt grein
þína um þeirra mynd. Grein min
er skrifuð undir fullu nafni og að
minu mati að gefnu tilefni.
Að lokum þetta: Ég les gagn-
rýni þá er birtist á síðum Morg-
unblaðsins, hvort heldur er um
kvikmyndir, leikverk, tónlist eða
bókmenntir. I þessari gagnrýni
hefur mér oft fundist brydda á
einhverri vatnsgrautarvorkunn-
semi, að ekki sé sagt þjónkun við
óskilgreind hagsmunaöfl. Það er
fráfælandi að lesa slíkt til lengd-
ar. Ég vil þó taka fram að það er
skoðun mín að persónubundin
stíll ólafs og oft á tíðum sérstæð
efnistök hefji hann yfir gagn-
rýni af því tagi.
Bréf frá Andöy í Norður-Noregi
Það er mikill munur á verslunarháttum nú og þeim sem tíðkuðust áður fyrr.
Sveinn Bergsson frá Andöy skrif-
ar:
Komdu nú blessaður og sæll.
Mig langaði til að senda þér
nokkrar línur héðan frá Norður-
Noregi. Ég hefi verið svo heppinn,
að fá send blöðin að heiman reglu-
lega og hefi fylgst með því sem þar
gerist. Ég get nú ekki annað sagt
en að það sé sumt af þeirri tegund
að mann hryllir við að lesa um
það. En það var annað sem hafði
mikil áhrif á mig og sem mig lang-
ar til að minnast nánar á í þessu
bréfi.
Ég las í Lesbókinni nú fyrir
skömmu að það standi til að
endurskipuleggja gamla Skugga-
hverfið. Þetta kom eins og reið-
arslag yfir mig og gerði mig mjög
leiðan í skapi. Ef til vill er það
vegna þess að ég er fæddur og
uppalinn í Skuggahverfinu og það
hverfi er mér kærast af öllu í
Reykjavík og höfuðborgin verður
ekki hin sama ef elsta hverfi borg-
arinnar verður breytt.
Ég er nú ekki gamall maður en
ég man eftir mörgum gömlum og
góðum verslunum sem því miður
eru farnar að týna tölunni. Sér í
lagi man ég eftir einni í barnæsku
minni sem við í fjölskyldunni
skiftum mikið við. Kaupmaðurinn
gamall með gleraugu sem hann
hafði ýmist niður á nefbroddinum
eða þá hann slengdi þeim upp á
beran skallann þegar hann reikn-
aði í huganum. Búðin var um leið
samastaður fyrir fólk sem vildi
koma og eyða tímanum með því að
rabba við kaupmanninn og aðra. Á
gólfinu voru mjölsekkir og kvartel
undan vínberjum sem menn sátu á
og ræddu um landsins gagn og
nauðsynjar og ekki var fritt við að
stjórnmál væru nefnd. Mörg atvik
man ég í sambandi við það en ég
nefni það ekki að þessu sinni. Þeg-
ar maður var sem æstastur þá
vildi það oft til að menn stálust
bak við búðarborðið og brugðu
hendi niður í skúffu og tóku hand-
fylli af sveskjum eða rúslnum og
mauluðu í hita umræðnanna. Ég
man eftir lyktinni. Það var alveg
sérstök lykt í þessum verslunum.
Þær höfðu svo sætan ilm sem kom
af þurrkuðum ávöxtum og svo
þegar fór að líða að jólum, þá kom
jólalyktin, epli, appelsínur, perur
og vínber. Það var í þá daga, þegar
það þótti nýjabrum að fá ávexti,
ekki eins og í dag þegar það er
orðið hversdagslegt. Já, þetta var
á þeim árum og því miður er engin
slík verslun eftir í hverfinu. En
ennþá eru þar smákaupmenn og
vonandi verða þeir ekki hraktir úr
hverfinu. Það eru svona minn-
ingar sem koma upp í huga manns
þegar maður kemur á gamlar slóð-
ir. Það verður aldrei eins þegar
öllu hefur verið breytt.
Það hefur verið einmuna tíð hér
í Norður-Noregi núna í vor og á
tímabili var sólskin og hiti upp í
nær 30 stig. Fólk réð sér ekki fyrir
kæti og var farið að vonast eftir
góðu sumarveðri. Hvarvetna sá
maður fáklætt fólk í görðum og
jafnvel í búðirnar kom fólk bara í
sundfötum. Fólk notaði mikið fínu
baðstrendurnar, sem eru hér á
eyjunni, því það er orðið æði langt
síðan það hefur fengið tækifæri til
þess. ötrúlegt en satt, Andöy hef-
ur fínustu baðstrendur í Norður-
Evrópu. Það er bara synd hve
sjaldan maður getur notað þær.
Það gekk svo langt að það var far-
ið að afpanta ferðir til Spánar. En
gamla fólkið hristi bara sitt gráa
höfuð og sagði að það væri ekki
enn kominn hvitasunna. Gamla
fólkið vissi lengra en nef þess
náði. Rétt fyrir hvítasunnu kom
hann með hret og þá fór hitinn
niður úr öllu valdi og það tók til að
snjóa í fjöll og í byggð gekk hann á
með snjó- og slydduéljum. En til
allrar hamingju varð þetta hret
skammvinnt og hitinn á uppleið
svo að ennþá er engin hætta á því
að við fáum kuidasumar.
Mér til mikillar ánægju hef ég
fylgst með því í blöðum að heiman
að það gangi ferja á milli Noregs
og Islands og þar sem ég er mjög
sjóhraustur og hef gaman af sjó-
ferðum datt mér í hug að grennsl-
ast fyrir um slíkar ferðir. Svo er
nefnilega mál með vexti að kona
mín er í hjólastól og það var nú
vegna hennar líka að ég ætlaði að
fara þessa leið. Ég skrifaði og bað
um upplýsingar um skipið og
hvernig það væri útbúið gagnvart
fötluðu fólki og þeim sem þurfa að
nota hjólastóla en þær voru bara
neikvæðar: gangar þröngir, háir
þröskuldar og þar fram eftir göt-
unum. Hér í Noregi eru frændur
vorir komnir skör ofar en fslend-
ingar varðandi þægindi fyrir fatl-
aða. Það hafa verið tekin í notkun
nokkur ný strandferðaskip og eru
þau þannig útbúin að nú geta fatl-
aðir og sér í lagi þeir sem eru í
hjólastólum, haft greiðan aðgang
að þeim. Gangar eru breiðir, sett
hefur verið lyfta sem gerir þá sem
í hjólastólum eru jafn færa og
fríska að komast um borð sem
aðra.
Við eigum geysimikið úrval af
rúmum og nú bjóðum við þér alveg
sérstök tilboðskjör.
Meðan birgðir endast
RÚM MEÐ DÝNU
Undir 10.000, 2.000 út gr. 1.000 á mán.
10.000—15.000, 3.000 út. gr. 1.500 á mán.
15.000—20.000, 4.000 út gr. 2.000 á mán.
Yfir 20.000, 5.000 út gr. 2.500 á mán.

Úrvalið af fururúmum er geysilega gott. Á mynd-1
inni sérðu tegund Hilda.
Verð með dýnum kr. 19.910.
Náttborð verð kr. 2.860.
Taktu eftir verðinu á þessu setti.
Allt settið kr. 14.780 m/dýnum.
0g fyrir börnin
bjóöum við hinar vinsælu barnasamstæöur J
Ijósu furulíki sem er allt í senn hirslur, klæða-
skápar og rúm. Öll samstæðan með dínu og
þremur púðum á 14.960.-
Aöeins 2.500 út og 1.500 á mánuði.
EDSCAGNAUÖLLIN
BlLDSHÖFÐA 20 -110 REYKJAVlK « 91-81199 Ofl 81410