Morgunblaðið - 04.07.1984, Blaðsíða 23
MORGUNBLAÐIÐ, MIDVIKUDAGUR 4. JÚLl 1984
23
Engin fyrirmæli hafa
borizt frá stjórnvöldum
„ALLT frá þvi að lögin nr. 51 frá
1980 um Húsnæðisstofnunina tóku
gildi, og til fyrsta júlí sfðastliðins, er
gildistíma þeirra lauk, hafa engin
fyrirmæli borist, hvorki munnleg eða
skrifleg frá Alþingi eða rfkisstjórn-
inni um að Húsnæðisstofnunin eigi
að gangast fyrir sérstakri kynningu á
þeim lögum. Húsnæðismálastjórnin
ræddi um það stöku sinnum hvort að
rétt væri að gangast fyrir kynningu á
þeim möguleika, sem boðið var upp á
í sambandi við skuldabréfaskipti, en
það þótti ekki ástæða til að kynna
þetta sérstaka lagaákvæði umfram
önnur,“ sagði Sigurður E. Guð-
mundsson, framkvæmdastjóri Hús-
næðisstofnunar, er Mbl. innti hann
álits á orðum félagsmálaráðherra f
Morgunblaðinu sl. sunnudag, þess
efnis að frumkvæðið í þessu sam-
bandi ætti að koma frá húsnæðis-
málastjórn.
— segir Sigurður E.
Guðmundsson, fram-
kvæmdastjóri Hús-
næðisstofnunar um
það hvort stofnunin
hafi átt að gangast
fyrir sérstakri kynn-
ingarstarfsemi
„Enda er óhætt aö segja, að þeg-
ar lagafrumvarpið var á sfnum
tima til meðferðar f þinginu, held
ég að þessi frumvarpsgrein hafi
ekki verið lakar kynnt en aörar.
Það er lfka á það að Ifta, aö allan
tímann síðan hefur starfsfólkið
hér ætið verið til reiðu til að gefa
allar upplýsingar hér að lútandi,
sem óskað hefur verið eftir og
spurst verið fyrir um. Mig langar
líka til að láta það koma fram, að
þó að athygli manna beinist nú
umfram allt aö þessu tiltekna at-
riði í bréfi Péturs Blöndal, þar sem
talað er um 60% verðtryggingu og
9,75% vexti, að þau kjör voru þrátt
fyrir allt ekki f gildi nema rétt
rúmt eitt ár. Þó löggjöfin frá 1980
geri ráð fyrir því, að skulda-
bréfaskipti geti átt sér stað vegna
allra þeirra lána, sem stofnað var
til á timabilinu 1974 til 1978, voru
önnur og miklu hagstæðari kjör f
gildi mest allt það tfmabil. Það
hefur enginn enn reiknað það út
hvaða kjör af lánum þessa tfma
eru hag-stæðust fyrir lántakendur.
Það liggur fyrir rfkisstjórninni
beiðni frá húsnæðismálastjórn um
það, að vextir á almennum lánum
Byggingasjóðs rfkisins hækki upp f
3,5% jafnframt þvf, sem 100%
lánskjaravfsitölutrygging verði
áfram á lánunum. Svo er þetta
bara reikningsdæmi hvaða kjör
eru hagstæðust, en frá árinu 1974
hafa verið fimm möguleikar á
lánakjörum í gildi og þarna er ekki
nema um 13 mánaða tímabil, sem
að öllum Ifkindum er óhagstæðast.
Ég hef ekki orðið var við það á
þessum árum, að maður hafi orðið
fyrir miklum kvðrtunum vegna
þess arna,“ sagði Sigurður.
Tekur þú orð félagsmálaráð-
herra í Morgunblaðinu á sunnudag
þess efnis, að frumkvæðið skuli
koma frá Húsnæðismálastjórn,
sem ábendingu um, að frumkvæðið
verði hennar í framtíðinni?
„Nú eru gömlu lögin úr gildi fall-
in og ný komin til sögunnar, sem
segja að það sé á valdi húsnæðis-
málastjórnar að gera tillögur til
ríkisstjórnarinnar um breytingu á
þessum lánakjörum, ef henni sýn-
ist svo. Eg á von á þvi, að hún muni
taka það til meðferðar áður en
langt um lfður. Mér finnst bæði
eðlilegt og sjálfsagt aö hún geri
svo. Að því er kynningarstarfsem-
ina varðar, er vitaskuld bæði eðli-
legt og sjálfsagt, að hún fari fram
enda hefur hún þegar aukist,"
sagði Sigurður E. Guðmundsson.
HITAMÆLAR
Vesturgötu 16,
sími 13280.
Eyjafjarðarsvæðið:
Hart deilt um fyrirhugaða
byggingu álverksmiðju
Frá fundi álversandstæðinga í Samkomuhúsinu á Akureyri.
Undirskriftalistar
með og á móti málinu
ganga um héraðið
Akureyri, 28. júni.
FÁTT ER meira rætt hér f höfuðstaó
Norðurlands þessa dagana en fyrirhug-
uð bygging álvers á íslandi, sem mjög
veruiega hefur komið til tals að reisa
hér við Eyjafjörð. Skiptast menn hér í
tvær fylkingar, sem hart deila, en flest
virðist þó benda til þess að þeir, sem
vilja láta kanna alla möguleika í þess-
um efnum og afneita ekki stóriðjukost-
inum, séu í verulegum meirihluta.
Upphaf þessara deilna má rekja
langt aftur í tfmann, en þær tóku
verulegan fjörkipp, þegar stofnað
var til starfshóps um álver innan
raða álversandstæðinga. Hefur
starfshópur þessi á undanförnum
hálfum mánuði efnt til fimm funda f
Eyjafirði, vægast sagt með misjöfn-
um árangri, allt frá því að fundir
þessir hafi sent frá sér harðorðar
ályktanir gegn álversbyggingu, eins
og var í Freyvangi f Öngulsstaða-
hreppi, til þess að frá fundinum hafi
komið álit meirihluta fundarmanna
um að allir möguleikar yrðu kannað-
ir til hlítar, eins og geröist á Sval-
barðseyri. Á fundi starfshópsins á
Akureyri á þriðjudaginn, voru fund-
argestir um 130, og þótti mörgum
illa mætt á fund um slfkt hitamál.
Jafnhliða þessum fundahöldum
hefur starfshópurinn hafið söfnun
undirskrifta undir svohljóðandi
ályktun: „Við undirritaöir fbúar við
Eyjafjörð mótmælum byggingu ál-
vers í héraðinu og skorum á stjórn-
völd að beita sér fyrir uppbyggingu
annarra nýgreina í atvinnulffi hér-
aðsins ásamt eflingu þeirra atvinnu-
greina sem fyrir eru.“ Að sögn Erl-
ings Sigurðarsonar, eins forystu-
manna starfshópsins, liggur ekki
fyrir hversu margir hafa skrifað
undir ályktun þessa, en ætla mætti
að allt að 500 manns hefðu mætt á
fundi hópsins í héraðinu.
Þá gerðist það f sfðustu viku, að
hópur fólks, sem kallar sig „áhuga-
menn um framfarir við Eyjafjörð,"
hrinti af stað undirskriftasöfnun
undir svohljóðandi ályktun: „Við
undirrituð, íbúar á Akureyri og í
Eyjafirði, teljum nauðsynlegt, að
næsta stóriðjufyrirtæki, sem byggt
verður á íslandi, verði valinn staður
við Eyjafjörð, enda verði talið
tryggt, að rekstur þess stefni ekki
lífríki fjarðarins í hættu. Við krefj-
umst þess, að umhverfisrannsóknum
og öðrum undirbúningi vegna bygg-
ingar álvers við Eyjafjörð verði
hraðað þannig að niðurstaða f þessu
mikla atvinnuhagsmunamáli fáist
hið fyrsta."
Þessi hópur „áhugamanna um
framfarir við Eyjafjörð" hefur nú
opnað skrifstofu í Skipagötu 13 og
þar starfar Jón Arnþórsson að því að
skipuleggja söfnunina og veita upp-
lýsingar. Hann var spurður, hvað
hefði valdið stofnun hópsins.
„Það má segja, að fordómafullur
áróður andstæðinga stóriðju hafi
hrint þessari undirskriftasöfnun af
stað. Við viljum gefa fólki, sem
áhyggjur hefur af fólksflótta og
samdrætti í atvinnu og á öðrum
sviðum hér, tækifæri til að leggja
sitt lóð á vogarskálina og snúa vörn f
sókn, sækja fram til nýrra atvinnu-
tækifæra og eflingar byggðar við
hinn fagra fjörð okkar. Við teljum
að enginn kostur í nýrri atvinnu-
uppbyggingu á þessu svæði megi
verða útundan vegna fordóma, við
höfum hreinlega ekki efni á því aö
skoða ekki alla kosti í þessum efn-
um. Og ég hlýt að álykta sem svo, að
þannig hugsi meirihluti héraösbúa,
þar sem nú þegar hafa hátt f tvö
þúsund manns skrifað undir þessa
ályktun okkar, og má þó segja að
söfnunin sé vart komin af stað enn-
þá,“ sagði Jón Arnþórsson að lokum.
GBerg
------------------------------------\
Bókin
Hagfræði og stjórnmál
eftir dr. Magna Guömundsson á erindi viö hvern einasta
mann, sem lætur sig varöa þjóðarhag.
Útgefandi.
V I
Terelynebuxur nýkomnar
2 teg. 11 litir. Kr. 625,- og 785.-
Karlmannaföt kr. 1.995,- og 2.975.-
Gallabuxur kr. 475.- og 580,-
Regngallar allar stæröir. Blússur, anorakkar, skyrtur,
bolir og margt fleira ódýrt.
Andrés, Skólavörðustíg 22, símí 18250.
Bladburðarfólk
óskast!
Austurbær
Ingólfsstræti Bjarnarstígur
Lindargata frá 1—38 Laugavegur frá
Skólavöröustígur 101 —171
Ljósm. GBerg
Gunnar Steindórsson og Guðrún Sigbjörnsdóttir skrifa undir áskorun
„áhugamanna um frarafarir við Eyjafjörð". Á milli þeirra er Jón Arnþórsson,
sem veitir skrifstofu hópsins forstöðu.
Viö undirritaðir lögmenn, áöur til húsa aö
Klapparstíg 40 og Barónsstíg 5, Reykjavík,
tilkynnum aösetursskipti. Frá og meö 3. júlí
1984 veröum viö til húsa að Pósthússtræti
13, Reykjavík.
LÖGMENN
VIÐ AUSTURVÖLL
OTHAR ÖRN PETERSEN HRL. SKARPHÉÐINN ÞÓRISSON HRL. GlSLI BALDUR GARÐARSSON HDL.
Póslhusstræti 13, pósthólf 476, 121 Reykjavík, sími 28188