Morgunblaðið - 12.07.1984, Blaðsíða 12

KÍ>*M0RGUNBLAÐH3, FIMMTUDAGUR12. JÚLÍ 1984
f 12
Bændur í Eyjafirdi sóttir heim
Séd yfir einn kartöfiugarö þeirra Eiríks og Stefins i félagsbúinu „Einarsstaðir Sflastaðir“.
Kartöflugarðarnir
iíta mjög vel út
Eiríkur Sigfússon i Sflastööum sagði að búast mætti við uppskeru í igúst
ef svo færi fram sem horfði.
— Vongóður um að fá metuppskeru í ár segir
Eiríkur Sigfússon, bóndi á Sflastöðum
ÓHÆTT er að segja að kartöflu-
bændur séu heppnari í ir með veð-
urfarið en í fyrra því nú hefur sólin
séð sóma sinn í því að skína in
afiits i matjurtagarða þeirra. Ekki
hefur Eyjafjörður farið varhluta af
mildi veðurguðanna og hefur sólin
haft sig þar mikið í frammi og lagt
sitt af mörkum til að gleðja bændur
þar um slóðir.
í samtali við Morgunblaðið
sagði Eiríkur Sigfússon, bóndi á
Sílastöðum í vestanverðum Eyja-
firði, að kartöflugarðarnir litu
ákaflega vel út, þó ekki væri
lengra liðið á sumrið, og að búast
mætti við uppskeru í ágúst ef svo
færi fram sem horfði.
„í fyrra setti ég niður um mán-
aðamótin mái/júni en eftir það
hlýnaði ákaflega lítið og uppsker-
an varð lítil. En eins og útlitið er
i dag er ég vongóður með að fá
metuppskeru i ár.
Það er bara vonandi að land-
búnaðarráðherra fari varlega í
úthlutun innflutningsleyfa á
kartöflum þegar þær íslensku
koma á markaðinn. Það gerist
eðlilega að þegar neytendur taka
upp kartöfiur úr sinum eigin
görðum að þá fellur markaðurinn
niður og þá er hætt við að birgðir
hlaðist upp i landinu ef of mikið
er fiutt inn.
Aðspurður um gengi heyskapar
sagði Eirikur að hjá þeim Stefáni
Björnssyni, en þeir reka i samein-
ingu félagsbúið „Einarsstaðir
Sílastaðir" hefði gengið mjög vel.
„Við byrjuðum slátt 20. júni og
erum búnir með fyrirslátt," sagði
Eiríkur „en það er lfklegt að við
þurfum að slá aftur til að fá ekki
sinu í túnin. Þetta sýnir annars í
heild að ástandið er gott hjá
bændum og gott útlit með að hey-
skapur gangi vel. Ég hef yfirleitt
ekki þurft að slá tvisvar en lík-
lega neyðist ég til þess núna,“
sagði Eiríkur að lokum.
Reynir Schiöth, bóndi á Hólshúsum, kvað Eyfirðinga búa við „sprettuöryggi“
Davíð Guðmundsson i Glæsibæ var í óða önn að flytja hey í hús.
Jafnbesta heyskapar-
sumar í manna minnum
Akureyri, 10. júlí.
„ÞAÐ SEM AF ER þessu sumri er það jafnbesta sem ég man frá því ég hóf
búskap hér árið 1965,“ sagði Reynir Schiöth, bóndi á Hólshúsum í Eyja-
firði, þegar fréttamaður Mbl. ræddi við hann í dag. „Annars má segja að
spretta sé alltaf góð á þessari jörð, eins og reyndar víðast í Eyjafirðinum
vegna sérstakrar veðursældar og góðs jarðvegs. Við búum hér við „sprettu-
öryggi" ef okkur leyfist að búa til það orð yfir það. Það, sem helst kemur
okkur til góða í slíku árferði sem nú er. má segja að sé að við fáum mun
betra hey en annars auk þess sem við erum fyrr búin og höfum betri tíma
til að sinna ýmsu öðru,“ sagði Reynir Schiöth. Aðspurður sagðist hann vera
vel hálfnaður með heyskap að þessu sinni, en nefndi jafnframt að hann
hefði ekki getað byrjað slátt fyrr en 11. júli árið 1979.
Hólshús eru um 20 km innan
Akureyrar og almennt er sömu
sögu að segja frá öllum býlum í
framfirðinum, sláttur er vfðast
langt kominn og gott hljóð í
bændum. Hið sama má segja um
bændur í útfirðinum, norðan Ak-
ureyrar. T.d. sagði Eiríkur Sig-
fússon, bóndi á Sílastöðum, að
hann væri þessa dagana að ljúka
heyskap í sumar, en í fyrra hefði
hann ekki hafist fyrr en 12. júlí.
Sömu sögu hafði Davíð Guð-
mundsson á Glæsibæ að segja, en
hann var að flytja hey i hús
ásamt dóttur sinni, þegar frétta-
mann bar að.
Gunnar Kristjánsson, bóndi á
Dagverðareyri, var að binda hey
ásamt syni sínum og meðciganda,
Oddi. Þeir feðgar búa stórbúi á
Dagverðareyri og hafa mjög tekið
tæknina í sfna þjónustu, og munu
þeir einu á landinu, sem í notkun
hafa svokallaða „baggabyssu“
sem skýtur böggum sjálf upp á
heyvagna. Voru þeir að vinna við
þá vél í gær. „Ég fullyrði að þetta
er eitt jafnbesta sumar það sem
af er sem ég man eftir, og man ég
nokkuð langt aftur í tímann,“
sagði Gunnar Kristjánsson.
Almennt er hljóð í bændum 1
Eyjafirði afar gott þessa dagana.
Helst var á þeim að heyra að erf-
itt kynni að reynast að losna við
umframhey á næsta vetri, en þó
hafa þegar borist fyrirspurnir
austan úr Þingeyjarsýslum um
væntanleg heykaup á næsta vetri.
þar sem kal hefur herjað á tún. I
Eyjafirði hefur lítið sem ekkert á
því borið.
GBerg
Gunnar Kristjánsson og sonur hans Oddur stóóu glaðbeittir á svip við
baggabyssuna en hún mun vera sú eina sinnar tegundar hérlendis enn
sem komið er.