Morgunblaðið - 14.07.1984, Blaðsíða 22
MORGUNBLAÐÍÐ, LAUGARDAGUR 14. JtJLÍ 1984
2S
Einar M. Jóhannsson
skipaður fiskmatsstjóri
Sjávarútvegsráðherra hefur nú
skipað Einar M. Jóhannsson { stöðu
fiskmatsstjóra til fjögurra ára. Um-
sækjendur voru tveir, Einar M. Jó-
hannsson, settur forstjóri, og Jó-
hann Guðmundsson, forstjóri.
Þá er umsóknarfrestur um stöð-
ur forstöðumanna afurðadeildar
og ferskfiskdeildar svo og stöðu
hreinlætissérfræðings liðinn. Mun
sjávarútvegsráðherra skipa í þær
stöður að fenginni umsögn fisk-
matsstjóra og fiskmatsráðs.
Vík í Mýrdal:
Scandinavia Today
Menntamálaráðuneytið og
Menningarstofnun Bandaríkjanna
hafa í sameiningu unnið að yfir-
litssýningu um þátt íslands á nor-
rænu menningarkynningunni í
Bandaríkjunum 1982—1983,
Seandinavia Today.
Sýning þessi er í máli og
myndum og var opnuð í skðla-
húsinu i Vík í Mýrdal á fimmtu-
dag. Hún er opin um helgar til
sunnudagsins 22. júlí.
Fréttatilkynning.
Skordýr í
Norræna
húsinu
í ANDDYRI Norræna hússins hefur
verið sett upp sýning á íslenskum
skordýrum og f fréttatilkynningu frá
Norræna húsinu segir að sýning
þessi sé liður í þeirri starfsemi húss-
ins sem miðar að því að kynna ís-
land fyrir útlendingum, einkum þó
norrænum ferðamönnum. Þá segir
að undanfarin sumur hafi staðið í
anddyri hússins sýningar náttúru-
fræðilegs eðlis, eins og sýningar á
íslenskum steinum, íslenskum jurt-
um, fuglum og eggjum þeirra og
fleirn.
Uppsetning skordýrasýningar-
innar var í höndum Erlings
Ólafssonar skordýrafræðings og
Manuels Arjonas hamskera. Sýn-
ingin stendur fram í miðjan ágúst.
Einar Þorsteinsson, ritstjóri, fyrir framan 17 tonn af ferðablaðinu Land.
Kvennanám-
skeið í hug-
rækt og jóga
AJS. ANANDA Sharada Acarya, and-
legur kennari í Ananda Marga, er
nú stödd hérlendis í boði systrasam-
taka Ananda Marga á íslandi. Með-
an á dvöl hennar stendur, til 26. júlf,
heldur hún kvennanámskeið um
jóga og hugleiðslu, sem verða nánar
auglýst síðar.
A.S. Acarya hefur verið jógi og
andlegur kennari um 20 ára skeið
i Afríku og Mið-Austurlöndum,
þar sem hún kenndi hugleiðslu og
andlega þjálfun fyrir fólk úr öllum
stéttum.
Úr rrétutilkjnningu.
55 SM a9 s
Frá útifundinum þar sem ýmiskonar skemmtiatriði voru á dagskrá.
Friðarganga á Langanesi
Wirshofn. 9. júlf.
Friðarsamtök kvenna í Þórshöfn
og nágrenni efndu til mótmæla-
göngu laugardaginn síðastliðinn.
Gangan hófst við Þórshafnarflug-
völl að loknu ávarpi Dagnýjar
Marinósdóttur og var gengið til
Þórshafnar sem er um sjö km leið.
Áð var við Gunnlaugsá á miðri leið
og kaffiveitingar bornar fram .
Er komið var til Þórshafnar
var efnt til útifundar þar sem
fjölmargir tóku til máls og ýmis
skemmtiatriði voru á dagskrá.
Að lokum var eftirfarandi álykt-
un samþykkt einróma: „Það sýn-
ist ekki vænlegt framlag í þágu
friðar og afvopnunar að setja
upp ný hernaðarmannvirki. Við
skulum heldur ekki láta neina
hernaðarsérfræðinga telja okkur
trú um að við þurfum á slíku að
halda. Okkur líður vel án
stríðsmannaumsvifa og viljum
ekkert slíkt í okkar landshluta.
Nú er vaxandi friðarvilji víða
um lönd og andstaða gegn stríðs-
brölti og það væri í hróplegu
ósamræmi við friðarvilja að við
færum á sama tíma að taka við
nýjum hernaðarmannvirkjum í
landshlutum sem eru lausir við
slíkt.
Það er því ósk friðargöngu á
Langanesi 7. júlí að stjórnvöld
láti af öllum hugmyndum um
Norðausturland í sambandi við
uppsetningu ratsjárstöðva eða
annarra mannvirkja sem tengj-
ast hernaði."
Um tvö hundruð manns tóku
þátt i göngunni og útifundinum.
Veður var fremur kalt, sólar-
laust en þurrt.
Ferðablaðinu Landi
dreift um land allt
FERÐABLAÐIÐ Land er komið út
og hefur veríð sent til allra póstvið-
takenda á landinu, en þeir munu
vera 70 þúsund.
Blaðið, sem er i dagblaðsstærð,
fjallar um ferðamöguleika og
ferðamannaslóðir innanlands.
Efni blaðsins er eingöngu beint að
íslendingum og segir Matthías
Bjarnason, samgöngumálaráð-
herra, m.a. í formála: „Fólk hefur
þeyst stað úr stað án þess að gefa
gaum nánasta umhverfi sínu.
Þannig hefur margur Islendingur-
inn orðið kunnari staðháttum á
suðrænum sólarströndum en
þekktum ferðaleiðum hér innan-
lands."
Útgefandi Lands er fyrirtækið
E. Thorsteinsson hf. Ritstjórar
eru Einar Þorsteinsson og Jón
Birgir Pétursson. Upplag blaðsins
er 80 þúsund eintök, 17 tonn af
pappír. Umframmagni af blaðinu
verður dreift hjá ýmsum þjón-
ustu- og samgöngufyrirtækjum.
Ur fréttatilkynningu.
Fyrirsögn
á leiðara
SÉRKENNILEG villa varð í fyrir-
sögn á leiðara Morgunblaðsins í
gær. Fyrirsögnin átti að vera:
Opnar umræður en ekki loðnar(!)
umræður eins og stóð f blaðinu.
Þetta leiðréttist hér með.
&
Ungir sem aldnir tóku þátt í friðargöngunni.
* '■- O/f
Skrúfublöðin á rækjutogaranum Sigurði Pálmasyni frá Hvammstanga
voru mikið skemmd eftir ísinn. í baksýn sést hvar komið er með Hrafn
Sveinbjarnarson II til ísafjarðar eftir skemmdir í ísnum. Búið er að
gera við skemmdirnar á Sigurði Pálmasyni HU 333 og er hann að fara
aftur til veiða. lóésm. úifar.
Ffladelfía tjaldar
Undanfarin sumur hefur söfnuð-
urinn Ffladelfía reist samkomutjöld
sín víðsvegar um borgina og haldið í
þeim samkomur þar sem starfsemi
safnaðarins hefur verið kynnt og eru
samkomurnar öllum opnar, að því er
segir í fréttatilkynningu frá söfnuð-
inum.
Verður tjaldið, sem er upphitað,
reist í fyrsta sinn á þessu sumri
laugardaginn 14. júlí við Mennta-
skólann við Sund kl. 20.30.
Næstu samkomur verða síðan
sunnudagskvöldið 15. júli, en þá
verður ræðumaður Óskar Gíslason
frá Vestmannaeyjum og þriðju-
dagskvöldið 17. júlí, en síðasta
samkoman verður 22. júlí.
Mikið verður um söng á sam-
komunum og er Árni Arinbjarn-
arson söngstjórí. Bíblíuársins
verður minnst sérstaklega og er
reiknað með að biskup landsins,
herra Pétur Sigurgeirsson, verði
ræðumaður eitt kvöldið. Auk hans
munu margir taka til máls, bæði
héðan úr borginni og utan af
landi, svo og erlendir bræður. Eru
borgarbúar kvattir til að koma í
tjaldið. Allir eru velkomnir meðan
rúm leyfir, en tjaldið tekur um 600
manns í sæti.
50 ára afmæli
Reykjanesskóla
AÐSTANDENDUR Reykjanes-
skóla við ísafjarðardjúp hafa
ákveðið að minnast hálfrar aldar
afmælis skólans með hátíðar-
höldum um verslunarmanna-
helgina, nánar tiltekið laugar-
daginn 4. ágúst nk.
Vonast er til að sem flestir
nemendur og starfsfólk sjái
sér fært að mæta og samfagna
þennan dag. Æskilegt er að
þeir nemendur er hafa hugsað
sér framlag til hátíðarinnar
hafi samband við Baldur Vil-
helmsson, Vatnsfirði, Skarp-
héðin ólafsson, Reykjanesi
eða Benedikt Eggertsson,
Hafnardal.
(Fréttatilkynning)
Fagnaðarsamkoma
fyrir kristniboða
SÉRSTÖK fagnaðarsamkoma verð-
ur haldin á sunnudagskvöldið í húsi
KFUM og KFUK að Amtmannsstíg
2b á vegum Sambands íslenskra
kristniboðsfélaga. Er hún í tilefni
þess að hjónin Valdís Magnúsdóttir
og séra Kjartan Jónsson, sem starf-
að hafa að kristniboði í Kenýa, eru
nýkomin til landsins f ársieyfi.
Á samkomunni munu þau Val-
dís og séra Kjartan flytja ávörp og
segja fréttir frá starfinu í Vest-
ur-Kenýa, í Pókot-héraði, þar sem
íslenska kristniboðsstöðin er stað-
sett. Þar eru nú við störf hjónin
Hrönn Sigurðardóttir og Ragnar
Gunnarsson. Þá mun Skúli Svav-
arsson, kristniboði, tala á sam-
komunni á sunnudagskvöldið, en
hún hefst kl. 20.30.
Leiðrétting: