Morgunblaðið - 17.07.1984, Blaðsíða 15

w>r t.rfn. vr HTIOAnm.amd rrrrtA inyunqow
MORGUNBLAÐIÐ, ÞRIÐJUDAGUR 17. JULÍ 1984
Ævar Þorsteinsson, bóndi í Enni, og hryssan Flís, sem er 14 vetra.
„Færð engan til að
segja hrossatöluna“
„ÉG ER NÚ eiginlega fæddur og
uppalinn á hestbaki," sagði Ævar
Þorsteinsson, bóndi í Enni í Húna-
vatnssýslunni, þegar rabbaö var við
hann að Núpi í Laxárdal. Sú jörð er
nú komin í eyði, eins og dalurinn að
mestu, nema hvað Ævar hefur þar
hross sín og reyndar á fleiri jörðum
sínum þar um slóðir.
Ævar kvað mikið vera um hesta
og hross í Langadalnum og þar
um kring, þó að þeir bændur væru
færri sem ræktuðu hross sem
reiðhesta en í kjöt. Hann sagðist
hafa sína hesta úti við allan árs-
ins hring og sagði þá uppeldisað-
ferð hafa reynst sér best. Á sumr-
in væru hrossin í Laxárdalnum en
heima við á veturna. Kæmu þau
eldri þá sjálf heim í Enni, en
yngri tryppin þyrfti oftast að
sækja. Ævar ræktar og selur
hross bæði tamin og ótamin og á
öllum aldri, eins og hann komst
að orði.
Og hvað á hrossaræktarbónd-
inn mörg hross?
„Ætli þú fáir nú nokkurn stór-
bóndann í Húnavatnssýslunni til
að segja þér hrossatöluna á sínu
búi,“ var svarið og ekki laust við
að eilítið glott fylgdi með. „Það er
þannig með húnveska bændur
sem aðra að þeir segja yfirleitt
tölu á öllum sínum dýrum nema
hrossunum. Ég get hinsvegar
nefnt þér öll mín hross með nafni,
en töluna man ég ekki svo glöggt!“
í Enni eru auk hrossa um 450
fjár. „Kindur eru ágætisskepnur,"
sagði Ævar, „en það er engin dýr
jafngaman að hafa eins og hross.
Það tekur mörg ár og mikla fyrir-
höfn að rækta einn góðan hest, nú
stundum tekst það ekki. En takist
vel til þá er árangurinn langt um-
fram erfiðið. Og þá er gaman að
vera hrossaræktarbóndi."
Eins og allir sannir hestamenn á Ævar sinn uppáhaldshest, sem er
hryssan Gletting, 11 vetra gömul. Á myndinni er hún með folaldi sem hún
kastaði þann 22. júní og er undan Gusti 923 frá Sauðárkróki.
Einu sinni Húnvetningur, alltaf Húnvetningur, má segja um Sigurbjörn
Jakobsson, sem var staddur í Enni. Hann bjó í Húnavatnssýslunni fram
á fimmtugsaldur, en fluttist þá til Reykjavíkur. Hefur upp frá því haft það
fyrir sið að heimsækja sýsluna sína á sumrin og kvaðst ekki geta hugsað
sér að láta árið líða án þess að heimsækja bernskuslóðirnar og gerast
sveitamaður um stund. Með honum á myndinni eru þeir feðgar Ævar
Þorsteinsson og Jósteinn Ævarsson.
LANDSSMIÐJAN
Slipivélar Hersluvélar og
fjöldi annarra tækja.
Hefnrdn skoóad skáosura
bj& axis ?
Vantar skáp í barnaherbergið, forstofuna eða svefnherbergið?
Þá kemur þú til okkar, við eigum flestar breiddir og
hæðir þannig að þú getir nýtt ráðstöfunarpláss til fulls.
Skáparnir eru til í fjölmörgum gerðum og hurðir í
miklu viðarúrvali.
Þú ferð létt með að setja skápana okkar saman
sjálfur en ef þú vilt þá gerum við það fyrir þig.
Framleiðslan hjá okkur er íslensk gæðavara sem
vakið hefur verðskuldaða athygli erlendis
Axel Eyjólfsson
SMKXJUVEGI« - SÍMI 43500
Auglýsmgastofa Gunnars