Morgunblaðið - 17.07.1984, Blaðsíða 17

MÓRGUNBLAÐIÐ, ÞRIÐJUDAGUR 17. JÚLÍ 1984
r
17
Hér kyssa bræAurnír James og Robert Magee móður sína, frú Ritu
Ahlers, á blaðamannafundi í New York á miðvikudaginn var. Þar tók
móðir þeirra á móti 3ja milljóna dollara happdrettisvinningi og ekki
nema von, að þau séu öll kampakát.
Kínverjar harðorðir
í garð risaveldanna
Pekiag, 16. júlf. AP.
KÍNVERSKA fréttastofan Xinhua sendi frá sér margar yfirlýsingar um
helgina. Þar var um harða gagnrýni á beði Sovétríkin og Bandaríkin að
reða. Sagði Xinhua, að Kínverjar myndu aldrei verða bandamenn Bandaríkj-
anna né gera við þá þeim sáttmála af nokkru tagi á meðan Bandaríkin seldu
vopn til Taiwan, en sú vopnasala veri ekkert annað en illkynjaður vírus sem
grefi stöðugt undan vilja Kínverja til að eiga góð samskipti við Bandaríkin.
Þá gagnrýndi Xinhua Sovétrík-
in harðlega fyrir að aflýsa heim-
sókn háttsettra erindreka eftir að
Ronald Reagan Bandaríkjaforseti
heimsótti Kína. „Batnandi sam-
búð við Sovétríkin er borin von á
meðan ráðamenn þar sýna slíka
stífni.“
Allmargir þjóðarleiðtogar þriðja
heimsins hafa heimsótt Kina síð-
ustu misseri og sagði Xinhua það
benda eindregið til þess að ríki
þriðja heimsins kynnu betur að
meta óháða utanríkisstefnu Kin-
verja, sem forðuðust að skipta sér
af innanríkismálum þeirra, en
samsvarandi stefnu Bandarikj-
anna og Sovétrikjanna, sem mið-
uðu allt við að ná sem viðtækust-
um áhrifum án tillits til þeirra
meðala sem beitt væri.
Fleiri sikhar
gómaðir
Nýju Delhi, 16. júll. AP.
HERLÖGREGLA í Punjab handtók
í dag 11 grunaða hryðjuverkamenn
úr röðum sikha, en sikharnir eru
ásamt öðrum sem handteknir hafa
verið grunaðir um að hafa haft á
prjónunum áform um að ráðst á
indverska hermenn sem geta
„Gullna musterisins“ í Punjab.
Ekkert hefur enn orðið af að-
gerðum sikhanna og er talið að
handtökur i þessum mánuði hafi
hamlað því, en hermenn og lög-
regla hafa handtekið alls um 5.000
sikha. Flestum var sleppt eftir yf-
irheyrslur, en 1.500 sitja enn á bak
við lás og slá.
í Kashmir, nágrannariki Punj-
ab, er andrúmsloftið þrungið
spennu eftir að stjórnvöld á Ind-
landi settu á útgöngubann til að
koma í veg fyrir fjöldagöngu sem
stefnt hafði verið gegn stjórninni.
Tókst með lagasetningunni að
koma í veg fyrir gönguna, en ólga
er mikil á meðal fólks fyrir vikið.
Stjórnvöld hafa látið í veðri vaka
að leyfð verði „einhvers konar"
kröfuganga i næsta mánuði ef
ástandið i ríkinu leyfir slikt.
Sýrlendingar
halda friðinn
Beinit, Líbanon. 16. júli. AP.
SÝRLENSKIR hermenn héldu i dag
uppi lögum og reglu í norðurhéruð-
um Líbanon, þar sem tver sveitir
bardagamanna hafa borist á bana-
spjót síðan á fimmtudag í síðustu
viku og 40 manns hafa látið lífið.
Vopnahlé sem samið var um var
aðeins haldið með návist sýr-
lenskra hermanna, sem bjuggu um
sig á milli svæða hinna striðandi
fylkinga. Voru Sýrlendingar hinir
augljósu málamiðlarar i bardög-
unum þar eð þeir hafa stutt báða
skæruliðahópana og séð þeim fyrir
vopnum. Flestir hinna látnu og
særðu voru óbreyttir borgarar
sem urðu fyrir barðinu á fall-
byssuskothrið hinna striðandi
fylkinga.
Þess var og getið að í Beirut
virtist allt með kyrrum kjörum og
talsverður straumur fólks væri nú
á milli borgarhlutanna, sem fram
til skamms tíma voru lokaðir öðr-
um en þeim sem þar bjuggu.
Skærur hafa verið litlar eða engar
siðustu tvær vikurnar i höfuð-
borginni og kunna borgarar þvi
ágætlega. Karami forsætisráð-
herra átti í dag langan fund með
kaupsýslumanninum Rafik Har-
iri, sem mjög lét til sín taka i vop-
nahlésviðræðunum öllum. Ræddu
þeir hinar ýmsu leiðir frekari upp-
byggingar efnahags landsins, en
hann er í kalda kolum eftir
margra ára borgarastyrjöld.
Tvær kvennaferðir til fröken Parísar með Henríettu og Rósamundu
11. ágúst (1 vika) og 17. ágúst (1 vika)
Jæja stelpur
látum ekki París bíða lengur!
• Fara á flot á Signu
• Heimsækja Pompidou-safnið
• Fara á kvennakaffihús - og fullt af götukaffihúsum
• Horfa á sæta stráka bera að ofan og í stuttbuxum
• Fara í skoðunarferð um borgina
í París ætlum við að:
• Fara í tyrkneskt kvennabað
• Skoða stærsta markað í París, þar sem konur geta skoðað
allar þær tuskur sem þær vilja
• Ganga settlega um skrautgarða Parísarborgar
• Fara á skemmtikvöld á veitingastaðnum Chez Felix, þar
sem Henríetta og Rósamunda stela senunni
• Horfa á Eiffelturninn (það verður beðið eftir þeim sem
þora upp)
Þetta er bara brot af því sem hægt er að gera í París. En fyrst og fremst ætlum vlð kellurnar að hlægja
saman, kjafta saman, borða saman og skoða og skemmta okkur samanl
Veró kr. 13.900 Innifalið: Flug til Luxemborgar, lest til Parísarþarsem konur
hristast saman, og gisting á þægilegu hóteli í latínuhverfinu,
með morgunverði, - og beint flug heim aftur (ásamt
fararstjórum sem seint munu gleymast).
Samvinnuferdir - Landsýn
AUSTURSTRÆTI 12 - SÍMAR 27077 & 28899
SÖLUSKRIFSTOFA AKUREYRI: SKIPAGÖTU 18 - SIMAR 21400 & 23727