Morgunblaðið - 17.07.1984, Blaðsíða 28

MORGUNBLAÐIÐ, ÞRIÐJUDAGUR 17. JÚLÍ 1984
36
Minning:
Guðni Kristinn
Gunnarsson verk-
smiðjustjóri
Það er sagt að stundum trúi
menn ekki sínum eigin augum.
Svo fór mér er ég sá dánarfregn
Guðna Gunnarssonar, verkfræð-
ings frá Vestmannaeyjum, verk-
smiðjustóra Coldwater Seafood í
Cambridge í Bandaríkjunum. Við
áttum saman tvö símtöl fyrir
u.þ.b. 3 vikum um samstarfsverk-
efni sem hann vildi hjálpa til við
að leysa, ávallt reiðubúinn til að
vinna að framgangi íslensks sjáv-
arútvegs. Eins og ævinlega voru
tillögur hans og svör skýr og
ákveðin, ekkert hik, engar vífi-
lengjur og engir óyfirstíganlegir
erfiðleikar. Þrátt fyrir feikilega
annasamt og krefjandi starf var
Guðni alltaf jafn viljugur að
reyna eitthvað nýtt, aðstoða við að
koma vænlegum nýjungum á
framfæri, efla og styrkja aðalút-
flutningsatvinnuveg íslensku
þjóðarinnar.
Sumum þótti Guðni harður í
horn að taka og kröfuharður.
Vönduð vinna, vönduð vara, ná-
kvæmni og áreiðanleiki eru eigin-
leikar sem sumum Islendingum
virðast því miður lítt tamir orðnir.
Guðni krafðist þessara eiginleika
af íslenskum fiskframleiðendum
og hann krafðist þeirra af sjálfum
sér. Hann vissi hvað í húfi var ef
traust kaupanda og neytenda ís-
lensks fisks i Bandaríkjunum
brysti, ekki sérstaklega fyrir hann
sjálfan heldur fyrir islensku þjóð-
ina í heild. Ég hef aldrei heyrt að
Guðni hafi brugðist trausti nokk-
urs manns. Hann naut þess óskor-
aðs meðal allra sem þekktu til
starfa hans og báru skynbragð á
fiskiðnað og fiskverkun hér heima
og erlendis.
Það er þungbært fyrir aðstand-
endur Guðna að missa hann svo
langt fyrir aldur fram. Ég votta
þeim hluttekningu mína. íslenska
þjóðin veit kannski ekki hvað hún
átti fyrr en hún nú missti hann.
Hans skarð verður vandfyllt.
Björn Dagbjartsson
Fæddur 25. október 1925
Dáinn 10. júlí 1984
Þeir atburðir er verða með
skyndilegum hætti hafa dýpri
áhrif, en þegar við sjáum fyrir að
hverju stefnir.
Það voru mikil og ótrúleg tíð-
indi sem bárust starfsfélögum á
þriðjudagsmorgni fyrir viku, að
Guðni væri látinn, þar eð við höfð-
um setið daglangt á fundi með
honum og Guðni haldið hress
heim til sín á mánudagskvöld.
Meginhluti starfsævi Guðna K.
Gunnarssonar var á vegum Sölu-
miðstöðvar hraðfrystihúsanna og
sölufyrirtækis SH í Bandaríkjun-
um, Coldwater Seafood Corporat-
ion.
Þótt starfsvettvangur Guðna
yrði í annarri heimsálfu, ef undan
er skilinn skammur timi á skrif-
stofu SH hér heima, þá lágu ferðir
okkar oft saman í starfi og tóm-
stundum.
Engum dylst sem til þekkir að
Guðni vann ómetanlegt starf sem
verksmiðjustjóri í Bandaríkjun-
um, ekki aðeins fyrir SH heldur
okkur öll. Á því sviði fór hann
fremstur úr hópi margra, því auk
mikillar þekkingar og reynslu, þá
var Guðni ósérhlífinn og sam-
viskusamur í starfi svo af bar.
Fyrirtækið sat í fyrirrúmi. Aðals-
merki hans var að gera alla hluti
sem best, án tillits til tima eða
fyrirhafnar, enda kunnu við-
skiptavinir að meta þessa eigin-
leika. Fráfall Guðna er því mikið
áfall fyrir fyrirtækið og starfsfé-
laga.
Undanfarið hefur Guðni verið
aðalráðgjafi okkar við byggingu
fiskréttaverksmiðju í Grimsby í
Englandi. Það hefur verið ómet-
aniegt að fá að njóta þekkingar
hans við þessar framkvæmdir og
vantaði nú aðeins herslumuninn
að Guðni fengi að ljúka því starfi.
Fyrir hönd stjórnar sölufyrirtæk-
is SH í Englandi er framlag
Guðna þakkað.
Á þessari stundu eru þó störfin
ekki efst í huga, heldur minningar
frá persónulegum kynnum og
þakklæti fyrir að hafa átt þess
kost að kynnast Guðna.
Ég vil einungis nefna þær frá-
bæru viðtökur sem ég og aðrir
ávallt fengu á heimili Eyglóar og
Guðna í Salisbury, Maryland, við
þau fjölmörgu tækifæri, sem leiðir
lágu þangað. Vafalaust minnast
margir hve fúslega þau hjónin að-
stoðuðu við að greiða úr vanda
hvers og eins sem þar bar að garði.
Flestar eru þó minningarnar frá
veiðiferðum okkar. Guðni naut
þessara ferða i ríkum mæli, enda
fór þar saman, hvíld frá erilsömu
starfi, heimsókn til átthaga, ætt-
ingja og vina og veiða sem hann
hafði yndi af.
Þegar við kvöddumst í New
York fyrir viku, hugsuðu víst báð-
ir til að brátt bæri fundum saman
i Laxá í Aðaldal. Ég veit, að þeir
mörgu kunningjar sem Guðni
eignaðist þar minnast nú góðra
samverustunda.
Við söknum öll góðs drengs.
Fyrir hönd okkar hjónanna
sendi ég Eygló og fjölskyldunni
hugheilar samúðarkveðjur.
Eyjólfur ísfeld Eyjólfsson
„Nú vermir sólin aftur feðra fold
og fræin mynda nýjan jarðargróður,
en þú ert dáinn, lagður lágt í mold
í lífsins blóma, drengur trúr og góður.
Þú látinn ert, ei löng varð saga þín
við ljúfa minning um þig munum
geyma.
Þú lifir áfram, lífíð aldrei dvin,
á ljóssins strönd er gott að eiga heima.
Þessi endir er úr ljóði einu,
gömlu, kom mér í hug er ég fyrir
svo ósköp stuttu opnaði blaðið
mitt einn sólbjartan góðviðris-
morgun og sá þar andlátsfregn
Guðna Kr. Gunnarssonar. Hann
var kominn yfir móðuna miklu
þaðan sem enginn á afturkvæmt
og hversu stutt fannst mér ekki
síðan við kvöddumst um borð í ms.
Stuðlafossi við bryggjuna í Cam-
bridge og hann sagði mér m.a. að
bráðum færi hann heim í stutt frí.
Gaman væri ef við gætum hist.
Hann ætti fáeina daga í laxveiðiá
og hve tilhlökkunin var mikil.
„Mikið vildi ég að þú gætir kom-
ið með mér, Halli minn, við höfum
aldrei farið saman í lax.“ Ég man
hlýleika hans er hann tók í hönd
mína og kvaddi mig síðustu kveðj-
unni.
Á þessum morgni þegar sólskin-
ið og blíðviðrið hafði allt í einu
misst ljóma sinn og kuldi og dap-
urleiki þessarar helfregnar hafði
náð að festa rætur í sál minni,
fannst mér svo erfitt að trúa því
að við ættum aldrei eftir að sjást
aftur i þessu lífi, að heimkoma
Guðna til sins ástkæra lands yrði
með þeim hætti sem nú hefur orð-
ið.
En það er svo margt sem við
mennirnir fáum ekki skilið, því sá
einn er ræður tekur þær ákvarð-
anir sem ekki verður breytt.
Og minningarnar héldu áfram
að streyma um huga minn, ég
minntist þess er ég sá hann fyrst,
alúðar hans og hjálpsemi. Ef ein-
hver vandamál komu upp og ein-
lægan vilja hans til að leysa þau
vandamál árekstralaust með ljúf-
mennsku sinni og þessum sérstaka
og sterka persónuleika sem honum
var svo tamur ásamt þeirri prúð-
mennsku er auðvelduðu honum að
leysa hvers manns vanda og gerði
hann svo vinsælan og eftirminni-
legan hverjum sem hann kynntist.
Hafi Guðni ástarþökk fyrir allt
of stutta en ánægjulega viðkynn-
ingu. Megi Guð hugga og styrkja
hans kæru eiginkonu, börn og alla
þá aðra ástvini sem eiga um sárt
að binda við brottför hans.
Haraldur Pétursson
Kveðja frá stjórn
Sölumiðstöðvar
hraðfrystihúsanna
í dag, þriðjudaginn 17. júlí,
verður gerð frá Landakirkju í
Vestmannaeyjum útför Guðna
Kristins Gunnarssonar, verk-
smiðjustjóra hjá Coldwater Sea-
food Corporation, Maryland, í
Bandaríkjunum.
Guðni var fæddur 25. október
1925 í Vestmannaeyjum og því
tæpra 58 ára að aldri, er hann
varð bráðkvaddur á heimili sínu í
Salisbury að morgni þriðjudagsins
10. júlí sl.
Hann var sonur hjónanna
Gunnars Marels Jónssonar, skipa-
smíðameistara í Vestmannaeyjum
og Sigurlaugar Pálsdóttur.
Að loknu stúdentsprófi frá
Menntaskólanum í Reykjavík vor-
ið 1946, hélt Guðni til náms í
Kanada og lauk meistaragráðu í
efnafræði árið 1952. Starfaði hann
síðan um tveggja ára skeið sem
verkfræðingur hjá Fisheries Re-
search Board of Canada, Techno-
logical Station í Halifax. Árið
1954 réðst Guðni til starfa hjá
verksmiðju Coldwater í Nantic-
oke, Maryland, dótturfyrirtæki
Sölumiðstöðvar hraðfrystihús-
anna, og starfaði hann frá þeim
tíma nær óslitið hjá Coldwater að
undanteknum tveimur árum, er
hann starfaði hér heima hjá SH.
Með Guðna Gunnarssyni er fall-
inn í valinn, langt um aldur fram,
einn af mætustu og mikilhæfustu
starfsmönnum samtakanna, og sá
maður, sem átt hefur hvað drýgst-
an þátt í að auka hróður íslensks
fisks og fiskrétta í Bandaríkj-
unum.
Guðni naut mikils álits, bæði
meðal samstarfsmanna heima og
erlendis, og var hann af mörgum
þeim sem best til þekkja talinn
einn hæfasti maður í þessari grein
í Bandaríkjunum. Samkeppni á
þessum markaði er sennilega
meiri en í flestum löndum, og hafa
íslendingar ekki farið varhluta af
þeirri samkeppni. Það getur því
skipt sköðum, hvernig að fram-
leiðslumálum er staðið. Fjöldi
vörutegunda, sem framleiddar eru
í verksmiðjum Coldwater skiptir
hundruðum og margar þeirra, sem
njóta mestra vinsældra, og eru nú
nær alls ráðandi á markaðnum,
eru ýmist fundnar upp af Guðna
eða þróaðar af honum i samstarfi
við aðra. Sfðan hafa aðrir fram-
leiðendur komið í kjölfarið og til-
einkað sér framleiðslu á þeim.
Samstarf Guðna við stjórn og
starfsmenn SH var með þeim
ágætum, að vart var á betra kosið.
Prúðmannleg framkoma hans og
háttvísi ásamt ljúfmennsku hlaut
að vekja virðingu manna fyrir
honum.
Eftirlifandi konu sína, Eygló
Jónsdóttur, einnig frá Vest-
mannaeyjum, gekk Guðni að eiga
árið 1947, hin ágætasta kona, er
bjó manni sínum fallegt heimili í
Salisbury í Maryland. Þau eignuð-
ust tvö mannvænleg börn, Ónnu
Jónu, gift og búsett í Bandaríkjun-
um og Gunnar, sem enn er í föð-
urgarði.
Fyrir tæpum þremur vikum, á
sólbjörtum Jónsmessudegi, nutum
við hjónin ánægjulegrar samveru-
stundar með Guðna og Eygló.
Borgarfjarðarhérað skartaði sínu
fegursta. Hvergi var ský á himni
að sjá. En oft skipast veður skjótt
í lofti og ský dregur fyrir sólu.
Kallið kom eins og hendi væri
veifað. Þannig er lifið, og því fær
enginn ráðið. En minningin um
góðan dreng lifir.
Fyrir hönd okkar hjóna, stjórn-
ar SH og alls starfsfólks votta ég
eiginkonu hans, börnum og öðrum
aðstandendum dýpstu samúð.
Jón Ingvarsson
Óvænt fráfall Guðna Gunnars-
sonar dregur fram margvíslegar
endurminningar. Við unnum sam-
an meira en tvo áratugi hjá
Coldwater í Bandaríkjunum og
hæfileikar hans voru viðurkenndir
af öllum. Hann stjórnaði verk-
smiðju Coldwater i Maryland með
mikílli festu, dugnaði og snyrti-
mennsku og lét aldrei viðgangast
að þar færi nokkur hlutur úr
FERÐATPYGGING
ÓMETANLEG V£RND
FYRIR FÁAR KRONUR
Njóttu sumarleyfisins áhyggjuiaus.
Á ferðalagi getur lítið skyndilegt óhapp sett stórt strik
íreikninginn. Sýndu forsjálni, taktu ferðatryggingu.
OfíYGGISKORT fylgirmeð í kaupunum án
aukagjalds. Það erómetanleg vernd.
Þú færð jú aðeins eitt sumarfrí á ári.
jgjÍm HACTRYGGIMG HF
Suóurlandsbraut 10,105 Reykjavik, sími 685588.
TAKTU TRYGGINGU-EKKI ÁHÆTTU