Morgunblaðið - 26.07.1984, Side 24

24
MORGUNBLAÐIÐ, FIMMTUDAGUR 26. JÚLÍ 1984
Undarleg eru atvikin. Við
sátum á Saint-Michel-torg-
inu í París og elfur mann-
lífsins og umferðinnar
hrísluðust þvers og kruss.
Við vorum að tala um Erró,
Guðmund Guðmundsson,
og ég hafði á orði að ég
þyrfti að hringja í hann til
þess að afla í blaðagrein. í
sömu mund gengur Erró á
torgið ásamt konu sinni
nýkominni fra Thailandi
og listamaðurinn staldraði
við. Við mæltum okkur mót
RABBAÐ VIÐ ERRÓ Á VINNUSTOFUNNI í PARÍS
Set þúsund hluti
saman á minn hátt
Maoet — úr (ýningarikrá frá einnl af •tóraýningum Erró (Frakklnndi um þeranr mundir.
á vinnustofu hans.
Að undanförnu hefur
Errð verið með fjöl-
margar sýningar í
gangi, síðast þrjár
stórar sýningar í
Frakklandi, eina stóra sýningu í
Sviss auk þátttöku í ýmsum sýn-
ingum svo sem á Kjarvalsstöð-
um þar sem fimm stórar myndir
Erró taka á móti gestum þegar
þeir ganga i húsið. Það kennir
margra grasa á sýningum Erró,
pólitísku myndirnar eru á einum
stað, erótísku myndirnar eru á
sýningu í fornu klaustri og þar
hanga þær uppi í svefnherbergj-
um munkanna. Að undanförnu
hefur Erró unnið talsvert við
málverk af meisturum ýmissa
greina lista, vísinda og stjórn-
mála og að baki liggja liðlega 80
stór málverk af andlitum, sögu
mannanna, lífi þeirra, vinum
þeirra og stundum flæðir tónlist
eða annað tilheyrilegt inn i
myndirnar. Þá hefur staðið yfir í
Frakklandi sýning á öllum
klippimyndum Erró, þ.e. módel-
in hafa verið sýnd ásamt full-
unnum myndum.
„Það er nóg að gera,“ sagði
Erró, „ég var að byrja á nýrri
myndaröð um geimöld en megin-
tíminn nú fer í að vinna fjórar
mjög stórar myndir fyrir Ren-
ault-bílaverksmiðjurnar. Þeir
pöntuðu þessar myndir og ég tek
fyrir vélina í heild, tek þetta allt
i sundur i þúsund hluti og set
saman á minn hátt. Ég reikna
með átta mánaða vinnu i þessar
myndir, en þær verða sýndar i
Frakklandi næsta sumar."
Erró Ljótmyndir Ámi JohnMn.
Erró hefur vinnustofur á
þremur stöðum. „Já, ég er á
Spáni i tvo mánuði á vorin, til
Thailands fer ég á sama degi ár
hvert eins og gamall Englend-
ingur og svo er það París.
Nei, ég hef ekki málað mikið
af íslandi upp á siðkastið, það er
búið að mála allt ísland og það
er meira af landslagi innandyra
á íslandi en utan, málverkin
væru líklega lengri en strand-
lengjan ef þau væru sett saman
öll. Ég reyni þó að halda eins
góðum tenglsum heim og ég get
og nú eru fimm myndir á Kjar-
valsstöðum, allar nýjar nema
fiskalandslagið. Þetta eru mis-
munandi myndir og sýna
ákveðna þætti. Það er gott að
geta sent stórar myndir heim,
gaman að sýna stórar myndir
þar. Ég vildi helzt vinna allar
myndir á 3 x 6 metra, en það er
svo erfitt að flytja svo stórar
myndir, 2x3 metrar kemst hins
vegar um allar dyr. Ég vonast til
þess að koma heim með sýningu
einhverntíma i rólegheitum, ef
til vill á næsta ári. Eg gæti þess
að koma aðeins heim með góðar
myndir, það bezta, fólk dæmir
svo hart, hefur góð augu. Ég geri
þetta í rólegheitum, en þegar ég
lýk við syrpu af myndum vel ég
það bezta úr og geymi það til
sýningar heima.
Jú, þetta gengur vel hjá mér,
ekki eins vel og maður vildi, en
þetta er vinna og aftur vinna og
það dugar ekkert minna en að
standa uppi 10—12 tíma á dag
við málverkið. Launin til lengdar
eru þvi ekkert til að hrópa húrra
fyrir og það eru tímabil sem eru
erfið hér i Evrópu, í Frakklandi
eru 40 þúsund listmálarar og
samkeppnin er mikil. Maður
verður því að vera þéttur og
fastur fyrir og þannig byggist
þetta upp fyrir manni. Fólk
treystir á mann og það hefur
þannig mikið að segja að vinna
markvisst og mér finnst það
einnig skipta miklu máli að
vinna ekki aðeins i Frakklandi,
heldur einnig viða um heim og
skapa þannig ákveðinn takt-
slátt."
Erró fyrir framan eina af stóru mjndnnum fyrir Reno aem hann er nýbyrjaður á.
Erró með
eina af nýju
mvndunum
sínum, aust-
ræna fegurð.
Erró hugar
að tveimur
málverkum á
vinnustofu
sinni (Paris,
vestrænu og
austrænu
myndefni.