Morgunblaðið - 31.07.1984, Blaðsíða 2
2
MORGUNBLAÐIÐ, ÞRIÐJUDAGUR 31. JÚLÍ 1984
„Dómurinn ekki
fordæmi í máli
Aðalsteins“
— segir Jón Steinar Gunnlaugsson um
ummæli Gunnars Guðbjartssonar
JÓN Steinar Gunnlaugsson, lögmað-
ur Aðalsteins Árnasonar á Hýrumel í
Borgarfirði, vildi koma eftirfarandi
á framfæri vegna ummæla Gunnars
Guðbjartssonar, framkvæmdastjóra
Framleiðsluráðs landbúnaðarins, í
Mbl. sl. sunnudag um gjöld Aðal-
steins til Stofnlánadeildar landbún-
aðarins:
„Dómurinn sem framkvæmda-
stjóri Framleiðsluráðsins nefnir
er ekki fordæmi í máli Aðalsteins.
í gamla málinu var deilt um hvort
yfirleitt mætti innheimta skatt af
bændum til að fjármagna Stofn-
lánadeild landbúnaðarins. Aðal-
steinn byggir ekki á því að slíkt sé
yfirleitt óheimilt. Hann byggir
hinsvegar á því, sem ekki reyndi á
í hinu málinu að skilyrði gjaldtök-
unnar sé að allir bændur njóti
jafns réttar til lánafyrirgreiðslu.
Að öðru leyti er athyglisvert við
ummæli framkvæmdastjórans að
hann tjáir sig ekkert um hvort
hann telji það standast að skylda
Aðalsteins til aðildar að hags-
munafélögum bænda með vald-
boði. Bendir það til þess að erfitt
sé um rökstuðning með þeirri
skipun."
Vigdís Finnbogadóttir
sett inn í embætti í
annað sinn á morgun
VIGDÍS Finnbogadóttir, forseti ís-
lands, verður sett inn f embætti I
annað sinn á morgun, en þá hefst
annað kjörtímabil hennar sem for-
seti fslands.
Athöfnin hefst með því að geng-
ið verður frá Alþingishúsinu til
dómkirkju, þar sem guðsþjónusta
verður haldin og hefst hún klukk-
an 15.30. Séra ólafur Skúlason
vígslubiskup prédikar og blandað-
ur kór undir stjórn Marteins
Hunger syngur.
Að guðsþjónustunni lokinni er
gengið til Alþingishúss, þar sem
forseti Hæstaréttar lýsir forseta-
kjöri og útgáfu kjörbréfs og fer
með eiðstafinn, sem forseti ís-
lands undirritar. Að undirritun
lokinni gengur forseti íslands
fyrir forseta Hæstaréttar sem af-
hendir honum kjörbréfið. Forseti
fslands gengur þá fram á svalir
Alþingishússins með kjörbréfið í
hendinni, minnist ættjarðarinnar
og flytur ávarp. Síðan syngur
dómkirkjukórinn þjóðsönginn.
Auk þess að kórinn syngur við
Alþingishúsið mun lúðrasveit
leika á Austurvelli.
Morgunblaðið/Július.
Þyrla kemur með hina slösuðu í Borgarspítalann um kl. 23.30 á sunnudagskvöld.
Alvarlegt umferðarslys í Norðurárdal á sunnudag:
Átta fluttir í sjúkrahús
ATTA farþegar úr tveimur bifreið-
um voru fluttir í sjúkrahús á
sunnudagskvöld eftir að þær höfðu
rekist harkalega saman í Norður-
árdal um kl. 19 um kvöldið.
Sex farþeganna voru strax
fluttir með sjúkrabifreiðum í
Sjúkrahús Akraness en þyrla frá
varnarliðinu sótti tvo á slysstað
að beiðni Borgarneslögreglunn-
ar. Þyrlan lenti síðan á Akranesi
til þess að taka einn sexmenn-
inganna með áleiðis í Borgar-
sjúkrahúsið sökum alvarlegra
áverka. Aðeins einn farþeganna
slapp með minniháttar meiðsl,
hinir hlutu skurði og beinbrot.
Einn farþeganna var enn í lífs-
hættu síðast er Mbl. frétti.
Að sögn lögreglunnar í Borg-
arnesi, sem fékk tilkynningu um
slysið um kl. 19.20, er erfitt að
segja nákvæmlega til um tildrög
slyssins að svo komnu máli, þar
sem enn hefur ekki verið hægt
að yfirheyra bílstjórana af skilj-
anlegum ástæðum. Svo virðist
þó, sem önnur bifreiðin hafi ver-
ið að taka fram úr vöruflutn-
ingabifreið með tengivagn á suð-
urleið er slysið varð. Hafi bif-
reiðirnar rekist mjög harkalega
saman, nánast beint framan á
hvora aðra.
Sem fyrr segir kom þyrla
varnarliðsins á staðinn um kl.
22.30 en hafði þá eitthvað villst
af leið áður sökum ónákvæmrar
staðarákvörðunar slyssins. Ekki
sagðist lögreglan í Borgarnesi
gera sér grein fyrir hvað hefði
farið úrskeiðis en þyrlan hefði
verið komin í loftið um kl. 21.10.
Fljótlega gekk fyrir sig að koma
hinum slösuðu um borð í þyrluna
og var hún lögð af stað áleiðis til
Reykjavíkur fáeinum mínútum
eftir lendingu.
Lögreglan í Borgarnesi óskar
eftir að koma á framfæri þakk-
læti til vegfarenda, sem veittu
ómetanlega aðstoð við aðhlynn-
ingu hinna slösuðu. Þetta alvar-
lega umferðarslys fylgdi í kjöl-
far annars í Norðurárdalnum
fyrr á sunnudaginn.
Rétt er að minna vegfar-
endur á það hér í lokin að fara að
öllu með gát því framundan er
mesta umferðarhelgi ársins.
Óyenjumiklar gangtruflanir í bflum:
Bensínið talið orsökin
'O
INNLENT
ÓVENJUMIKIÐ hefur verið um
gangtruflanir í bifreiðum á höfuð-
borgarsvæðinu undanfarnar vikur.
Haliast viðmælendur Mbl. helst að
því að einhver sveifla í oktantölu
bensínsins, sem selt er hér á landi,
kunni að vera orsök þessa. Oktan-
tala er mælikvarði á gæði bensfns og
er það þeim mun betra því hærri
sem talan er. Bensín hérlendis er
yfírleitt 93 oktan. Friðgeir Indriða-
son, stöðvarstjóri hjá Olís, sem m.a
befur eftirlit með sýnatöku af öllu
því bensíni, sem félagið flytur inn,
taldi þessa skýringu hins vegar ekki
líklega.
„Svo gott sem hver einasti bíl-
eigandi, sem komið hefur inn með
bíl til stillingar hjá okkur að und-
anförnu, hefur kvartað undan því
hversu erfitt hefur verið að gang-
setja bílinn heitan. Mörg dæmi
eru þess, að bílarnir hafi drepið á
sér á gatnamótum og ekki farið í
gang aftur,“ sagði Loftur Hauks-
son, verkstæðisformaður hjá P.
Samúelsson, Toyota-umboðinu.
„Ég var nú að frétta það fyrir
helgina frá kollega mínum hjá
Bílaborg að þeir hjá olíufélögun-
um hefðu verið að blanda 92 og 98
oktan bensíni saman," sagði Loft-
ur ennfremur.
Mbl. ræddi við verkstæðisfor-
menn hjá Mazda-umboðinu, Bíla-
borg, Toyota-umboðinu, P. Sam-
úelsson og Volvo-umboðinu, Velti,
í gær og bar þeim öllum saman um
að óvenjulega mikið væri um
gangtrufianir, ekki sfst ef tekið
væri mið af árstima. Lýsing eig-
endanna á truflununum væri nær
alltaf hin sama; bíllinn færi í gang
strax á morgnana á fullu innsogi
en ef drepið væri á vélinni eftir að
hún væri orðin heit væri nær
ómögulegt að koma bifreiðinni í
gang á ný.
„Það er að sjálfsögðu engin leið
fyrir mig að fullyrða um hluti sem
þessa, en okkur hefur óneitanlega
dottið þetta í hug,“ sagði Sigurður
óskarsson, verkstæðisformaður
hjá Bílaborg, og vísaði þá til bens-
ínsins. Sigurður Kristófersson hjá
Velti sagðist oftlega hafa velt því
fyrir sér hvort það gæti verið, að
sveiflur væru á oktantölu bensíns.
Sér væri í mun að komast að þvf
því þar með mætti e.t.v. skýra
stóran hluta þeirra gagntruflana,
sem verkstæðið hefði þurft að
glfma við.
Þorsteinn Pálsson um aðgerðir rikisstjórnarinnar:
Stærsta skref frá miðstýr-
ingu í peningakerfinu í 25 ár
— bjargföst ákvörðun að hefja ekki gengisfellingarleikinn
„MIKILVÆGASTA atriðió í þess-
um ákvöróunum er sú algjöra
breyting sem geró er á vaxta-
ákvöróunum. Bankarnir fá nú
sjálfstæói til að ákveóa vexti á inn-
lánum og útlánum aö öóru leyti en
því að Seólabankinn ákveður lág-
marksvexti á sparisjóðsinni-
stæóum. Þetta er að mínu mati
stærsta skref frá miöstýringu í
peningakerfínu frá því að viðreisn-
araögerðirnar voru ákveónar fyrir
25 árum,“ sagði Þorsteinn Páis-
son, formaður Sjálfstæðisflokks-
ins, þegar Morgunblaðið leitaði
álits hans á ákvörðunum ríkis-
stjórnarinnar í gær, sem teknar
voru að loknum þingfíokksfundum
stjórnarfíokkanna.
„í ákvörðunum ríkisstjórnar-
innar felst í senn frelsi fyrir
bankana og ábyrgð þeirra á því
að viðhalda jafnvægi á fjár-
magnsmarkaðnum. En þar hafa
hlutirnir gengið úrskeiðis sfð-
ustu vikur. Um leið er ákveðið að
auka aðhald að bönkum og skipt-
ir þar mestu að stefnt er að því
að draga úr sjálfvirkum aðgangi
viðskiptabanka til að stofna til
yfirdráttarskulda í Seðlabank-
anum. Bankarnir eiga nú f aukn-
um mæli að gera þetta í við-
skiptum sín á milli. Allar þessar
aðgerðir eru nauðsynlegar til að
stemma stigu við jafnvægisleys-
inu sem hefur verið að myndast
á þessu sviði undanfarnar vik-
ur,“ sagði Þorsteinn Pálsson.
Um aðgerðirnar sem miða að
þvf að rétta hag sjávarútvegsins
sagði formaður Sjálfstæðis-
flokksins:
„í því efni á að hraða fram-
kvæmd þeirrar skuldbreytingar
sem þegar er ákveðin og auka
fjárútvegun til viðbótarskuld-
breytingar á lausaskuldum hjá
útgerðar- og fiskvinnslufyrir-
tækjum.
Þorsteinn Pálsson
Þá verða útgerðinni tíma-
bundið endurgreiddir skattar
sem hún hefur greitt. Er þetta
gert á meðan verið er að vinna
að breytingum á verðmyndun og
fyrirkomulagi í olíusölu í því
skyni að geta þegar í stað gripið
á aðsteðjandi vanda.
Loks er það veigamikil
ákvörðun að gera þeim fyrir-
tækjum sem vilja ganga undir
fjárhagslega og rekstrarlega
endurskipulagningu tilboð um að
leggja skipum. Það er ljóst að
það þarf víða uppskurð í rekstri
fyrirtækja i sjávarútvegi og rfk-
isstjórnin vill fyrir sitt leyti
stuðla að því að það geti orðið
með þessum hætti. Með öllu er
útilokað að halda öllum flotan-
um úti til jafn lítilla veiða og
raun ber vitni. Þetta tilboð ríkis-
stjórnarinnar um að aðstoða
fyrirtæki við fjárhagslega og
rekstrarlega endurskipulagn-
ingu, tel ég merkilegt nýmæli."
Að lokum sagði Þorsteinn
Pálsson, formaður Sjálfstæðis-
flokksins: „Það er bjargföst
ákvörðun að verða ekki við nein-
um kröfum um að hefja gengis-
fellingarleikinn að nýju.“