Morgunblaðið - 31.07.1984, Blaðsíða 24

24
MORGUNBLADIÐ, ÞRIÐJUDAGUR 31. JÚLÍ 1984
Átök við landamæri
Kína og Víetnams
Banekok. 30. júlí. AP.
VÍETTNÖMSK stjórnvöld sögöust
um helgina hafa rekiö af höndum
sér 15 kínverska hermenn, sem ráö-
ist höföu inn í héraöið Ha Tuyen við
landamæri ríkjanna.
Hefðu Kínverjar flúið til síns
heima þegar víetnamskir eftir-
litsmenn komu á staðinn. Nokkuð
hefur borið á átökum milli Kín-
verja og Víetnama á landamærum
ríkjanna að undanförnu.
Sendiherra á
Taiwan flæktur í
eiturly fjasmy gl ?
Tókýó, 30. júlí. AP.
„ÞETTA eru verstu lygar sem ég hef
heyrt,“ sagði Duluc sendiherra
Dóminikanska lýöveldisins á Tawan
í örstuttu símaviðtali viö AP-frétta-
stofuna á laugardaginn.
Sendiherrann er grunaður um
að hafa aðstoðað eiturlyfjasmygl-
Jackson flytur
lögheimili
til S-Karólínu
Chicago, 30. júlí. AP.
JESSE Jackson kunngeröi um
helgina, að hann heföi gert ráö-
stafanir til aö flytja lögheimili sitt
frá Chicago til Suður-Karólínu
svo að hann geti keppt aö því að
komast í framboð til öldunga-
deildarinnar í nóvember að því er
fréttaskýrendur telja. Núverandi
þingmaður S-Karólínu er Storm
Thurmond. Jackson mun veröa
að bjóöa sig fram utan flokka þar
sem frambjóðandi Demókrata-
flokksins hefur verið ákveöinn.
Thurmond þykir sterkur fram-
bjóðandi og hefur setið á þingi til
fjölda ára. Jackson hefur sjálfur
ekki staðfest, að hann ætli aö
gefa kost á sér, en sagöist telja
kosningahátt og reglur þar órétt-
látar og þörf að breyta þeim.
Jackson ætlar að greina frá
ákvörðun sinni síðar í vikunni.
ara að koma eiturlyfjum, sem eru
að verðmæti á sölumarkaði um
110 milljónir dollara, til Japans.
Japanskir fjölmiðlar greindu frá
þessu um helgina.
Fréttamenn reyndu árangurs-
laust að ná í Duluc í dag, mánu-
dag, en ráðskona sendiherrans
sagði, að hann væri fjarverandi.
Að sögn frétta í japönskum blöð-
um, sem eru hafðar eftir lögreglu-
yfirvöldum, á Duluc að hafa flutt
140 kg af eiturlyfjum í diplómata-
farangri á tímabilinu marz-apríl á
þessu ári.
Háttsettur starfsmaður Dómin-
ikanska lýðveldisins i Santo Dom-
ingo kvaðst ekki hafa heyrt um
þessar ákærur. í höfuðborg Taiw-
ans sögðu starfsmenn Interpols,
að þeir hefðu fengið skýrslur um
málið, en þeir fengju ekki séð, að
sendiherrann væri flæktur í mál-
ið.
Eitt af fórnarlömbum mannsins, sem skaut fimm manns til bana f Hot Springs í Arkansas, flutt í sjúkrahús
undir lögregluvernd.
Ozal sækist eftir
sáttum við Grikki
Papandreu lætur sér fátt um finnast
Ankara, 30. júlí. AP.
TURGUT Ozal, forsætisráðherra Tyrklands, sagði við fréttamenn um
helgina, að vopnakapphlaupið milli Tyrkja og Grikkja væri hvorugri
þjóðinni í hag og til þess eins fallið að viðhalda stirðri sambúð milli
ríkjanna. „Hvert getur þetta leitt? Og ætlum við að nota þau? Ef ekki þá
er þetta fáránlegur peningaaustur, sem hvorug þjóðin hefur nokkur efni
á,“ sagði Ozal.
ERLENT
Hann sagði að Tyrkir sæktust
ekki eftir fermetra af grísku landi
hvað þá meira og ítrekaði að full-
trúar þessara landa legðu þau
vandamál til hliðar um sinn, sem
sýnilega væri ekki fært að leysa í
bili. Reynt yrði að byggja upp
traust milli þjóðanna og aukinn
ferðamannastraumur milli þeirra
væri æskilegur, enda persónuleg
• •
Okumaðurinn
geðsjúkur
Los Angeles, 30. júlf. AP.
DANIEL Lee Young, sem ók á
mannþröng á gangstétt skammt frá
Kaliforníu-háskóla á laugardag með
þeim afleiðingum að einn dó og 54
slösuðust, þar af þrír alvarlega, átti
við geðræn vandamál að strfða.
Að sögn bróður Youngs hefur
hann verið mjög taugaveiklaður
síðustu mánuði. Eftir að hann var
handtekinn í fyrra fyrir innbrot
hefur hann verið haldinn ofsókn-
arbrjálæði og sakað alla um að
reyna að stela frá honum.
kynni á við gagnsemi margra
ráðstefna. Hann sagðist leggja til
að Tyrkir legðu til rafmagn og
vatn á nokkrum grískum eyjum á
austurhluta Eyjahafsins, sem eru
aðeins fáar sjómílur undan
ströndum Tyrklands.
Andreas Papandreu, forsætis-
ráðherra Grikkja, sagði að Grikk-
ir myndu ekki aflétta vegabréfs-
áritunarskyldu Grikkja, sem færu
til Tyrklands, þótt Tyrkir hefðu
gert það fyrr á þessu ári. Pap-
andreu gerði lítið úr tilboði Ozals
Turgut Ozal
um að Tyrkir legðu nokkrum
grískum eyjum til vatn og raf-
magn og sagði að þetta væri bragð
af Tyrkja hálfu til að grafa undan
fullveldi Grikklands.
Hermaður frá
N-Kóreu flýr
Seoul, 30. júlf. AP.
NORÐUR-kóreskur liðþjálfi flúði á
laugardag til Suður-Kóreu, skammt
frá vopnahléslínunni svokölluðu,
sem skilur ríkin tvö að.
Liðhlaupinn er fyrsti hermaður-
inn, sem flúið hefur frá Norður-
til Suður-Kóreu á þessu ári, en
hinn 96. í röðinni frá lokum
Kóreustríðsins árið 1953. Hann
gaf sig fram við suður-kóreska
landamæraverði skammt frá
Kwanghwa-héraði, sem er um 40
km. frá Seoul, höfuðborg Suður-
Kóreu.
Liðþjálfinn komst gegnum
gaddavírsgirðingu, sem raf-
straumur er leiddur í, og synti yfir
fljótið Han. Við yfirheyrslu kvaðst
liðþjálfinn hafa flúið frá Norður-
Kóreu vegna „óbærilegra lífsskil-
yrða og erfiðisvinnu f hernum".
íran segir sig
ekki úr OPEC
Nikósiu, Kýpur. AP.
ÍRANIR vísuðu um helgina á bug
fréttum um að þeir hefðu sagt sig úr
Samtökum olíuútflutningsríkja,
OPEC.
Talsmaður íranska olíumála-
ráðuneytisins, sagði að orðrómur-
inn um að íranir hefðu hætt aðild
að OPEC væri með öllu tilhæfu-
laus, enda hefðu íranir ætið lagt
sig í líma við að styrkja samtökin
og forðast allar aðgerðir, sem
gætu veikt þau.
Fyrr í þessum mánuði fóru ír-
anir fram á það á fundi OPEC-
ríkja að verð hráolíutunnu hækk-
aði upp í 25 dollara, eins og það
var þangað til í mars á síðasta ári,
en án árangurs. Samtökin ákváðu
að hækka ekki verð hráolfu að svo
stöddu.