Morgunblaðið - 01.08.1984, Blaðsíða 18

18
MORGUNBLAÐIÐ, MIÐVIKUDAGUR 1. ÁGÚST 1984
Flautað til leiks í einvíginu. Atli Guðlaugsson, skólastjóri Tón-
listarskólans í Akureyrir si um þann hhita eigvígisins.
Hátíðisdagar hestafólks á Melgerðismelum:
Eitt íslandsmet fauk
á kappreiðum mótsins
Hestar
Valdimar Kristinsson
Um helgina héldu hestamannafé-
lögin í Eyjafirði hestamót undir heit-
inu „Hátíðisdagar hestafólks". Auk
þess að vera með hefðbundnar
keppnisgreinar var boðið upp á at-
hyglisverðar nýjungar sem féllu
áhorfendum vel í geð. Má þar nefna
parakeppni og einvígi milli Reykvík-
inga og Akureyringa í gæðinga-
keppni. Auk þessa héldu íþrótta-
deildir félaganna opið mót í hesta-
íþróttum. Mótið hófst á laugardag
og stóð yfir fram á kvöldmat á
sunnudag. Á laugardagskvöldi var
haldin kvöldvaka og var dansað í
stóru tjaldi sem hafði verið reist á
mótsstaðnum. Kalsaveður var báða
dagana sem gerði það að verkum að
aðsókn var frekar drsm.
Eitt íslandsmet var sett I
kappreiðum mótsins og var þar að
verki Tvistur Harðar G. Alberts-
sonar. Bætti hann metið í 300
metra stökki um eitt sekúndubrot.
Tíminn var 21,5 sek. Spóla Harðar
Þ. Harðarsonar náði sama tíma en
var dæmd sjónarmun á eftir. Var
metið sett i aukaspretti eftir
kappreiðar og var það reyndar
Spóla sem átti að setja metið en
Tvistur látinn hlaupa með til að
veita Spólu keppni.
Framkvæmd mótsins tókst með
miklum ágætum þó starfsaðstaða
væri ekki sem allra best þvi tveir
dómpallar sem settir höfðu verið
upp á Melgerðismelum fuku síð-
astliðið haust og þvi notast við
bráðabirgðaskúra að þessu sinni.
í einvíginu sem áður er minnst
á kepptu efstu hestar úr gæð-
ingakeppni Léttis frá því í vor og
efsti hestur I B-flokki gæðinga hjá
Fák og annar hestur í A-flokki.
Fóru leikar þannig að Akureyr-
ingar sigruðu i B-flokki og var það
Kristall frá Kolkuósi sem keppti
fyrir þeirra hönd en knapi á hon-
um var Gylfi Gunnarsson. Fyrir
Fák keppti Sðlvi frá Glæsibæ og
knapi á honum var Gunnar Arn-
arsson. í A-flokknum sigraði aftur
Neisti frá Kolkuósi sem Sigur-
björn Bárðarson sat. Voru þeir
fulltrúar Reykvíkinga en fyrir Ak-
ureyringa keppti í þessum flokki
Sámur frá Vallanesi sem Reynir
Hjartarson sat.
Samanlögð stig eru Fák í hag
þannig að reykvfkingar teljast sig-
urvegarar I þessu fyrsta einvígi
sinnar tegundar.
Parakeppnin var einnig mjög
skemmtileg á að horfa og er hér
um ræða nýjung sem vafalaust á
eftir að verða fastur liður á hesta-
mótum framtíðarinnar. Verður
henni gert frekari skil í föstudags-
blaði Morgunblaðsins.
En úrslit f öllum greinum móts-
ins urðu sem hér segir:
Sámur frá Vallanesi efsti hestur í A-flokki gsðinga. Eigandinn Reynir
Hjartarson situr hestinn.
Tvistur og Spóla (metsprettinum, Hér er Tvistur örlftið á eftir Spóhi en hann
stal metinu á síðustu metrunum. Ljósm. — Sig. Sigm.
Þeir Sölvi og Kristall heyja hér harða baráttu í einvíginu og mátti ekki
á milli sjá hvor hefði betur.
A-flokkur gæðinga
1. Sámur frá Vallanesi, eigandi og
knapi Reynir Hjartarson. Eink.:
8,48.
2. Övar frá Hvassafelli, eigandi
Gunnbjörn Arnljótsson, knapi Einar
örn Grant. Eink.: 7,99.
3. Dýri frá Flugumýri, eigandi Guö-
laugur Arason, knapi Baldvin Guð-
laugsson. Eink.: 8,19.
B-flokkur gæöinga
1. Kristall frá Kolkuósi, eigandi og
knapi Gylfi Gunnarsson. Eink.: 8,67.
2. Aron frá Litlu-Gröf, eigandi Arndfs
Björnsdóttir, knapi Birgir Árnason.
Eink.: 8,59.
3. Barón frá Stóra-Hofi, eigandi og
knapi Baldvin Guðlaugsson. Eink.:
8,23.
llnglingar 13—15 ára
1. Sonja Grant sem keppt á Drottningu
frá Miklabæ. Eink.: 8,35.
2. Herdis Ármannsdóttir sem keppti á
Sindra frá Árgerði. Eink.: 7,99.
3. Rósa Hreinsdóttir sem keppti á
Blesa frá Hvassafelli. Eink.: 7,91.
Unglingar 12 ára og yngri
1. Eiöur G. Matthíasson sem keppti á
Funa fró Vlndheimum. Elnk.: 8,28.
2. örn Ólason keppti á Klúbb úr Eyja-
firöi. Eink.: 8,26.
Fréttabréf úr Breiðavíkurhreppi:
tregur en fiskurinn góður
Afli er
Breiðavlkurhreppur, 21. júll.
HÉR VAR vorið mjög gott og gróður
kom snemma, og var sauðfé sleppt
fyrr en venjulega. Sauðburður gekk
yfirleitt vel, þó verða talsverð van-
höld á lömbum og ám á sumum bæj-
um, á einum bæ verða mikil vanhöld
á lömbum vegna margskonar sjúk-
dóma og einnig víða nokkur vanhöld
á ám og lörabum, votheysveiki.
Votheysveiki var með meira móti í
sveitinni á liðnum vetrí. Kal var
mikið í vor á suraura tímum og hefur
aukist sumstaðar frá fyrri árum.
Nokkrir bændur endurunnu kal-
svæðin að hluta til og sáðu í það
ýmist höfrum eða grasfræi.
Þar sem ekki er kalið er mikið
gras og er nú farið að stórskemm-
ast því lítið hefur gengið að heyja
vegna stöðugs votviðris og ekki
einu sinni hægt að heyja f vothey
og horfir því til vandræða með
heyskap, ef ekki þornar fljótlega.
Framkvæmdir
Nú eru í smíðum tvö íbúðarhús
á Arnarstapa, annað var reist á
síðastliðnu hausti, en hitt var ver-
ið að reisa nú í vikunni. Fólkið er
flutt í húsið sem reist var á síð-
astliðnu hausti. Þetta eru eininga-
hús, annað frá Stykkishólmi og
hitt frá Selfossi. Þeir sem eiga
þessi hús eru bræður, Högni
Högnason og Þorkell Geir Högna-
son, synir Högna Högnasonar,
sem bjó lengi á Bjargi á Arnar-
stapa.
Nú stendur til að lagfæra höfn-
ina á Arnarstapa, það á að keisa
grjót ofan á grjótgarðinn sem
fyrir er og var gerður fyrir nokkr-
um árum, en hefur nú horfið að
miklu leyti í vetrarbrimum. Á síð-
astliðnu hausti var losað talsvert
mikið grjót í Laugarholti fyrir
ofan Hellna sem á að fara í garð-
inn. Þetta verk hefur verið boðið
út og er meiningin að byrjað verði
á þessu verki i ágúst.
Útgerð
Frá Arnarstapa og Hellnum
hafa verið gerðar út trillur eins og
undanfarin ár og hafa verið hér
aðkomubátar frá Akranesi og
Reykjavík. Fiskurinn hefur verið
Iagður upp á Arnarstapa og flutt-
ur þaðan á bíl til ólafsvfkur.
Frystihúsið í ólafsvfk kaupir
fiskinn. Nú hefur enginn fiskur
verið verkaður f salt á Arnarstapa
eins og undanfarin ár. Afli hefur
verið tregur en góður fiskur.
Vegamál
Vegurinn fyrir Jökul, Útnesveg-
ur frá Heiðarkasti að Gufuskál-
um, hefur verið með afbrigðum
slæmur í sumar og búinn að vera
lengi næstum ófær, mjög holóttur
og slæm hvörf, svo er víða, þar
sem vegurinn liggur á krananum
að ofanfburður er horfinn og
klappirnar standa upp úr. Það er
líkast stakkstæði á að keyra þar,
þar er þvf ekkert til að hefla þó
vegurinn sé heflaður og er því
brýn nauðsyn að keyra ofan í veg-
inn ef hann á að teljast vegfarend-
um bjóðandi, en á þessum tíma árs
er mikil umferð um veginn af
ferðafólki. Marga vegfarendur hef
ég hitt og hafa þeir kvartað mjög
yfir veginum sem eðlilegt er, það
er mál manna að hvergi á landinu
sé eins slæmur vegur.
Þessi umræddi vegur var nú
heflaður á fimmtudag og föstudag
sfðastliðinn og er það f annað
skipti sem hann er heflaður á ár-
inu.
Hverig á þvf stendur að svona
viðhald er á umræddum vegi veit
ég ekki, en úr þessu þarf að bæta
hið bráðasta og vonandi verður
það gert.
Finnbogi G. Lárusson.