Morgunblaðið - 01.08.1984, Blaðsíða 43

MORGUNBLAÐIÐ, MIÐVIKUDAGUR L ÁGÚST 1984
43
Fjórdungsmót Vestur-
lands á Kaldármelum
Athuaasemd
eftir Olaf
Kristjánsson
f Morgunblaðinu 10. júlí sl. er
fyrirsögn, Góð hross á miður vel
skiplögðu móti. Þegar svo greinin
er lesin er kvartað yfir tölvuleysi á
þessu móti. Á Kaldármelum er
ekkert rafmagn, tölvufróðir menn
sögðu mér að tölvan þyrfti jafnan
straum og mikil áhætta væri að
nota straum frá vél. Um þetta
frekar en annað spurði fréttamað-
urinn ekki. Á staðinn var lagður
sími fyrir þetta mót og var það
bæði nokkuð langsótt og dýrt, og
treystum við okkur ekki til að taka
rafmagn á staðinn að þessu sinni.
Svo kemur grein II 21. júli.
Þar gefur fréttamaður Morgun-
blaðsins lýsingu á mótinu og
framkvæmd þess. í þeirri lýsingu
blaðamanns Mbl. er ekki einn ljós-
an punkt að finna nema kannski
hraunjaðarinn margrómaða og
kannski flugvöllinn. Held ég satt
að segja að ekki séu allir móts-
gestir á sama máli og blaðamaður
Mbl. og engan hef ég hitt sem var
á þessu hestamannamóti, sem ber
því sömu sögu og blaðamaður Mbl.
Það er hughreysting fyrir það
fólk, sem að þessu móti stóð og
lagði nótt við dag í vikur og daga
fyrir mótið og á meöan á mótinu
stóð að fá svo góða umfjöllun sem
fréttamaður Mbl. hefur af því að
segja.
Bg vona að þetta fólk missi ekki
kjarkinn og hætti ekki að vinna
fyrir þennan félagsskap i framtíð-
inni. Það hefði verið skemmtilegra
fyrir fréttamanninn að ræða við
einhvern ábyrgan mann á móts-
stað og spyrjast fyrir um mörg
þau atriði er hann í umræddum
greinum hefur fjallað um, heldur
en að giska á þau. Fréttamaðurinn
segir að dagskráin hafi farið úr
böndunum strax á fimmtudag
vegna þess hvað mótið byrjaði
seint og frestað hafi verið tölt-
keppni sem auglýst hafði verið kl.
20.00 um kvöldið. Búið var að
dæma kynbótahryssur kl. 18.30 og
þar átti töltið að fara fram. Því
var ekki frestað vegna timaskorts
en það voru aðrar ástæður sem
ekki var hægt að ráða við, hins-
vegar tafðist að hægt væri að
byrja að dæma gæðinga af ástæð-
um sem ég ætla ekki að ræða hér.
Það er rétt að hátalarakerfið
reyndist ekki nógu vel, sérstaklega
á sunnudag, þar var þó ekki til
sparað af mótsins hálfu, það var
leigður maður með þessi tæki sem
reynst hafa mjög vel á öðrum mót-
um en allt getur bilað og maður-
inn gerði allt sem hsegt var og svo
heyrðist illa á móti vindi, en það
var það sem skeði þegar hjálpar-
tæki þurfti á sunnudeginum við
sýningarvöllinn. Svo segir frétta-
maðurinn að matsalan hafi verið
illa rekin og litill matur. Undan
litlum mat held ég að enginn hafi
kvartað og ekki getað það þvi þar
fengu allir eins mikinn mat og
þeir vildu, þar til kl. 14.00 á
sunnudag, en eftir það voru til
nógar súpur og smurt brauð, kaffi
og kökur. Þessi frásögn er meiri-
háttar ósvífni.
Þeir sem stóðu að Fjórðungs-
mótinu á Melgerðismelum í fyrra-
sumar voru svo vinsamlegir að
lána okkur öll gögn yfir þeirra
mót og þar á meðal lista yfir öll
vörukaup í þeirra mötuneyti.
Fyrir mótið á Kaldármelum voru
öll þessi vörukaup tvöfölduð og
svo bætt við það á laugardeginum
því að salan varð svo miklu meiri
en á Fjórðungsmótinu 1980. Og
svo ætlar fréttamaðurinn að telja
fólki trú um að illa rekin matsala
og lítil matur sé til að auka söluna
svona gífurlega, hann ætti að
beina því til einhverra annarra en
okkar.
Mótsskráin seldist upp, segir
fréttamaðurinn. Það er rétt hjá
honum. Hann segir innihaldið ié-
legt og útiitiö slæmt og þá spyr ég,
Gustur frá Knerri. Knapi Ragnar Hinriksson.
sedist hún upp vegna þess? Móts-
skráin var prentuð í miklu meira
upplagi en fyrir fjórðungsmótið
1980 og seldust núna helmingi
fleiri skrár en þá. Ytra útlit móts-
skrárinnar hannaði Magnús
Ólafsson, arkitekt á Akranesi,
ásamt mörgu öðru sem hann gerði
fyrir okkur og öllum líkaði vel, þó
það félli ekki undir smekk frétta-
mannsins, en ég vil þakka Magn-
úsi fyrir öll hans verk fyrir fjórð-
ungsmótið og á meðan það stóð
yfir.
Svo þegar blaðamaður kemur að
lýsingu á gæðingum, þá veit hann
ekki hvaðan hestur númer einn,
sigurvegarinn í A-flokki á mótinu,
er, en það er nákvæmlega eins
skýrt frá honum í mótsskrá og
öðrum hestum. Gustur er frá
Knerri í Breiðuvík, eigandi hans
er Friðgeir Karlsson og hann
keppti fyrir Snæfelling. Besta
kynbótahryssan á mótinu var iíka
frá Snæfellingi, það ættu allir að
muna, henni var það mikið hrósað
á mótinu, og það voru fleiri toppar
frá Snæfellingi og til Snæfellings
fóru 6 eignarbikarar af 12, þó
fréttamaðurinn tæki ekki eftir
því.
Hestamannafélagið Snæfelling-
ur lagði til þennan mótsstað og
verður að taka við þeim dómum
sem hann fær, þó öll félögin á
Vesturlandi stæðu að rekstri
mótsins. Ég vil svo að lokum
þakka öllu starfsfólki og öllum
þeim sem studdu okkur til þess að
gera þetta fjórðungsmót mögu-
legt.
Ólafur Kristjínsson rtr fram-
k ræmdastjóri fjórðungsmótsins í
Kaldírmelum.
Grænland hefur ótrúlega margt að bjóða
stórkostlega náttúrufegurð, fjölskrúðugt dýralíf og
skemmtilegt mannlíf.
Flugleiðir hafa reglubundið leiguflug til Kulusuk
um sumartímann, frá 18. júni til 30. ágúst,
á mánudögum, miðvikudögum og fimmtudögum.
Brottför frá Reykjavík er kl. 11.30,
en til Kulusuk er aðeins um 2ja tima flug.
Til Reykjavíkur er siðan komið aftur kl. 19.30.
Dagsferð til Grænlands er tilvalinn ferðakostur
fyrir hópa, vinnufélaga og félagasamtök.
Takið með góða skó, og gleymið ekki myndavélinni!
FLUGLEIDIR
Gott lúlk h/á traustu félagt
FÆRIR í FLESTAN SJÓ
MEÐVISA ÍVEGANESTI
OLYMPIUIANDSUÐIÐ
í HANDKNATTLEIK
ÁFRAM ÍSLAND
18 AÐILDARBANKAR
OG SPARISJÓÐIR
V/SA
VISA ÍSLAND