Morgunblaðið - 01.11.1984, Blaðsíða 52
52
MORGUNBLAÐIÐ, FIMMTUDAGUR 1. NÖVEMBER 1984
Mikil örtröð myndaðist á skrifstofu ÁTVR og fengu færri afgreiðslu en vildu.
Lögreglan hefur nú tekið til við hraðamælingar á nýjan leik eftir tæplega
manaðar hlé.
Annríki hjá ríkisstarfsmönnum
eftir mánaðarhlé frá vinnu
úr skipum, eftir að hafa legið þar
á meðan á verkfallinu stóð. Ari
Jóhannesson, yfirdeildarstjóri
böggladeildar, kvað mörg tonn af
bögglapósti liggja enn í skipum og
úti á flugvelli, og sakir geymslu-
skorts þyrfti að flytja mikið af
honum í geymslu á Umferðar-
miðstöðinni. Sagði hann að flug-
pósturinn gengi alveg fyrir í af-
greiðslu og sjópóstur yrði
afgreiddur þegar um hægðist. Þá
væri mikið magn af innlendum
flugpósti frá því fyrir verkfall sem
biði afgreiðslu og gnægð af sjó- og
flugpósti væri á leiðinni til lands-
ins. Kristján Hafliðason, yfir-
deildarstjóri bréfadeildar, sagði
að nú væri að dembast inn mánað-
argamall innlendur póstur frá
hinum ýmsu fyrirtækjum og
skiptu bréfin jafnvel tugþúsund-
um. Ari kvaðst búast við því að
bögglapósturinn, sem nú liggur
fyrir, yrði tilbúinn til afgreiðslu
um aðra helgi og því má telja víst
að í nógu verður að snúast fyrir
starfsfólk pósthúsanna næstu
daga.
RÍKISSTARFSEMI hefur nú hafist að nýju eftir nær mánaðarlangt
verkfall BSRB og má búast við miklum önnum í ríkisfyrirtækjum
næstu daga. Blaðamaður og Ijósmyndari brugðu sér í nokkur slík
fyrirtæki í gær, og blöstu hvarvetna við sjónum langar raðir af fólki
sem beið afgreiðslu.
Annríki á skrifstofu ÁTVR
Á skrifstofu Áfengis- og tó-
baksverslunar ríkisins hafði safn-
ast saman hópur fólks strax er
opnað var, til að kaupa tóbak, og
sáu starfsmenn sér ekki annað
fært en að láta viðskiptavinina
bíða frammi á gangi, til að aftra
því að örtröð myndaðist við af-
greiðsluna. Menn fengu í hendur
tölusetta miða og voru síðan af-
greiddir í númeraröð, einn í einu.
Um miðjan dag var búið að af-
greiða um 80 viðskiptavini en hins
vegar hafði 270 númerum verið út-
hlutað, svo að færri komust að
þann daginn en vildu. Sölumenn
áfengis sögðu að síminn hefði vart
þagnað allan daginn, enda voru
flest vínveitingahús landsins orð-
in vínlaus. Ragnar Jónssson,
skrifstofustjóri ÁTVR, kvaðst
vonast til að hægt að væri að
ganga frá öllum áfengis- og tó-
bakspöntunum sem borist hefðu,
fyrir helgi.
Fjallháir staflar af pósti
f Póstmiðstöðinni Ármúla gaf
að líta fjallháa stafla af
óafgreiddum bögglapósti. Þangað
hafði hann verið að berast um
daginn, frá Keflavíkurflugvelli og
í Póstmiðstöðinni Ármúla varð vart þverfótað fyrir fjallháum stöflum af bögglapósti. Moixunblaðið/ Július
Hvað segja formenn félaga og sambanda í BSRB um samningana?
VaJgeir Gestsson, form.
Kennarasambands
íslands:
„Dugir ekki til að
stöðva flótta úr
kennarastéttinni“
„SAMNINGURINN gefur kennur-
um ekki það sem þarf til að stöðva
flótta úr stéttinni," sagði Valgeir
Gestsson, formaður Kennarasam-
bands íslands, í samtali við Mbl. um
BSRB-samninginn, sem samþykktur
var af samninganefnd bandalagsins
á þriðjudagskvöldið. „Það er þó
verulegur kostur, að leið til sérkjara-
-iamninga opnast strax, þeim á aö
rera lokið innan sex vikna, og þar
munum við kennarar berjast mjög
ákveðið fyrir frekari launaleiðrétt-
ngum. Þetta er spurning um hvaða
kennarar verða áfram í starfi."
— Menn hafa ýmsir látið í ljós
3fasemdir um að samningurinn
haldi — að kauphækkunin verði
nokkurs virði þegar kemur fram á
næsta ár. Hvert er þitt álit?
„Enginn vinnuveitandi í landinu
hefur það betur í hendi sér en rík-
ið hvort þessi samningur heldur.
Það þarf ekki ein króna að fara út
í verðlagið nema ríkisvaldið kjósi
að svo verði,“ svaraöi Valgeir
Gestsson. „Og það er ekki hægt að
vitna til „fjárhagsvanda ríkis-
sjóðs“, því ríkið hefur að undan-
förnu verið að setja frá sér veru-
lega tekjustofna. Skattaleg staða
atvinnurekenda og fjármagnseig-
enda hefur verið bætt mikið —
hækkun skattafrádráttar þeirra
hefur verið um 57% á þessu ári,
eignaskattur hefur lækkað um
20% og vaxtatekjur fyrirtækja
eru ekki lengur skattlagðar. Ef
dæmið verður gert upp eftir árið
mun koma í ljós, trúi ég, að gífur-
legt fjármagn hafi verið sett til
atvinnuveganna á sama tíma og
kaupmáttur launafólks fer niður
um fjórðung. Ég vorkenni ekki
stjórnvöldum að koma í veg fyrir
að þessi kauphækkun fari beint út
í verðlagið. Ef það gerist, þá er
það beinlínis ákvörðun stjórn-
valda.“
— Telur þú að verkfallið hafi
skilað þeim árangri, sem að var
stefnt?
„Verkfallið skilaði gífurlegum
árangri. Samningurinn, sem nú
liggur fyrir til staðfestingar eða
synjunar í allsherjaratkvæða-
greiðslu, er að vísu mjög umdeild-
ur og mikill fjöldi félaga er afar
óánægður með hann. En það eru
ekki nema nokkrar vikur siðan
fjármálaráðherra landsins sagði í
sjónvarpi að opinberum starfs-
mönnum væri nær að taka launa-
lækkun en að fara fram á hærri
laun. Vikum saman fengum við
engin tilboð frá fjármálaráðherra,
sem hægt var að ræða um alvar-
lega. Sáttatillagan var felld, bæði
af okkur og ríkisvaldinu — og svo
byrjaði ráðherrann á að gera til-
lögu um samninga, sem væru und-
ir sáttatillögunni! Jafnvel eftir að
Reykjavíkursamkomulagið var
gert leið langur tími áður en
samninganefnd BSRB var gert til-
boð sambærilegt við þá samninga,
sem var hafnað af félagsmönnum i
Starfsmannafélagi Reykjavíkur-
borgar. Kaupliðir þessa samnings
gefa um 50% meira en Reykjavík-
ursamkomulagið, þannig að við
höfum farið frá engu upp í um
20% á tiltölulega skömmum tíma
— en það hefur kostað átök og
fórnir."
Valgeir sagði að verkfallið hefði
einnig skilað annarskonar
árangri. „Það hefur komið vel í
ljós, að BSRB er gífurlega sterkt
verkalýðsfélag," sagði hann. „Fé-
lagsmenn voru mjög virkir í bar-
áttunni og margir voru til í að
berjast áfram. Stöðugar hótanir
ríkisvaldsins í garð samtakanna
og einstaklinga innan þeirra urðu
til að þjappa fólkinu enn betur
saman og varð til þess að enn
fleiri urðu virkir í baráttunni.
Einna mikilvægast þykir mér,
að nú geta allir vitað að gegn því
hugarfari, sem kom i ljós með að-
gerðum og hótunum stjórnvalda,
er fólk reiðubúið að rísa upp sem
einn maður,“ sagði Valgeir
Gestsson.
Sigþrúður Ingimundar-
dóttir, form. Hjúkrunar-
félags íslands:
„Álitleg
prósentuhækkun“
„Ég mælti með þessum samningi,
en það er álitamál hvort hann skilar
þeim kaupmætti sem að var stefnt,“
sagði Sigþrúður Ingimundardóttir,
formaður Hjúkrunarfélags íslands.
„Viðvíkjandi kaupmáttar-
ákvæðinu þá er það einungis upp-
sagnarákvæði, og ég hefði helst
viljað ná meiri árangri í þeim efn-
um. En það gekk einfaldlega ekki
og þar sem ég taldi að búið væri að
ná fram atriðum sem skiptu máli,
eins og til dæmis að þarna var
komin nokkuð álitleg prósentu-
hækkun, þá mælti ég með sam-
þykkt samningsins.
Þetta hefur verið afskaplega
erfiður og þungur róður og mikil
fyrirstaða. Það hefur kostað mikið
að ná upp því sem hægt var að ná.
Ég mat stöðuna a.m.k. þannig að
ekki væri hægt að ná meiru fram.
Og við hefðum aldrei náð þessum
samningi öðru vísi en með verk-
falli,“ sagði Sigþrúður.
Tómas Jónsson,
form. Landsambands
lögreglumanna:
„Hyggilegt að sætta
sig við þetta tilboð"
„ÉG VAR einn þeirra sem sam-
þykkti samninginn,“ sagði Tómas
Jónsson, lögregluvarðstjóri á Sel-
fossi, formaður Landsambands lög-
reglumanna.
„Ég mat stöðuna svo að hyggi-
legt væri að sætta sig við það til-
boð sem komið var. Ég var ekki
sáttur við ýmis atriði samnings-
ins, t.d. taldi ég uppsagnarákvæð-
in ótraust. Sem talsmaður
lögreglumanna, sem voru í vinnu
og fengu sín laun í verkfallinu, var
ég í sjálfu sér ekki ósáttur við
sjálfa launahækkunina, en ég skil
vel ýmsa þá, sem háðu sjálfa verk-
fallsbaráttuna, þótt þeim fyndist
að ekki fengist nægilegt út úr
samningunum. Við stóðum
frammi fyrir því að samþykkja og
Ijúka samningunum eða að halda
áfram verkfallinu í langan tíma
enn. Baráttuvilji félaga okkar var
enn í hámarki, en ég óttaðist að
svo tæki að þrengja að fólki, að
þessi baráttuvilji gæfi sig ef verk-
fallið héldi lengi áfram.
Ég tel að við höfum ekki náð
fram því sem við stefndum að og
baráttan fyrir réttlátum launum
hlýtur enn að halda áfram. En
eins og ég sagði hefur baráttuvilji
félaga okkar og samstaða verið
mjög mikil. Ég vona að niðurstaða
þessarar baráttu verði sú að
stjórnvöld, hver sem þau eru á
hverjum tíma, skilji að það verður
að hafa fólkið með sér og gleymi
því ekki að síst af öllu má sýna því
lítilsvirðingu þegar það fer fram á
að fá að lifa mannsæmandi lífi af
launum sínum.
Ég hefði sjálfur kosið að skatta-
dæmið hefði fyrr komið inn í
myndina og þá ekki sem sýndar-
plagg heldur útfært þannig að
fullvissa væri fyrir hvað það þýddi
í kaupmætti. Þetta var engan veg-
inn hægt að meta á þeim skamma
tíma sem við höfðum til stefnu. Ég
tel að fjármagnstilfærsla hafi orð-
ið svo mikil frá launafólki til ann-
arra aðila i þjóðfélaginu að ef
þeirri stefnu væri breytt þurfi
ekki að láta þessa samninga auka
á verðbólguna. Sárast þykir mér
að stjórnvöld skyldu ekki skilja
strax í upphafi að það þurfti að
koma til móts við okkur. Á því
hefðu allir hagnast, ekki síst ríkis-
stjórn og ríkissjóður.
Ég hvet alla opinbera starfs-
menn til að samþykkja samning-
ana.“
Ragnhildur Guðmunds-
dóttir, form. Félags
íslenskra símamanna:
„Ekki ánægð með
þennan samning“
„Ég er ekki ánægð með þennan
samning, mér finnst vanta betri
kauptryggingarákvæði í hann,“
sagði Ragnhildur Guðmundsdóttir
formaður Félags íslenskra síma-
manna.
Ragnhildur sagði það bera hæst