Morgunblaðið - 04.11.1984, Blaðsíða 62

62
MORGUNBLADIÐ, SUNNUDAGUR 4. NÓVEMBER 1984
STÓRI-
OG LITLI-
KLÁUS
LITIÐ
INN Á
ÆFINGU
Með aöalhlutverk fara
Guðrún Þórðardóttir, Sól-
veig Pálsdóttir, Bjarni Ingv-
arsson, Margrét Ákadóttir,
Ólafur Örn Thoroddsen,
Júlíus Brjánsson, Þórir
Steingrímsson og Guðrún
Alfreðsdóttir.
Litli Kláus með djáknann í kistunni.
Það gengur mikið á í Bæjarbíói I
Hafnarfirði þegar blaðamann og
Ijósmjndara ber að garði til að líta
inn á æfingu Revíuleikhússins á
leikritinu Litli Kláus og stóri Kláus,
gert eftir sögu H.C. Andersen.
Það er allt þegar „á fullu" og
fólk er að hjálpast að við koma
sviðinu í rétt horf því tíminn er
stuttur til æfinga á milli bíósýn-
inga, og ekki til setunnar boðið.
Ærsl, hlátur og hressileiki eru
einkennandi fyrir andrúmsloftið
þegar inn er komið og skyldi
reyndar engan undra, því hér er
verið að flytja það sem börn á öll-
um aldri hafa skilið og metið og
haft ánægju af í fjöldamörg ár.
Hér eigast þeir aðallega við „stóri"
og „litli“ maðurinn, líkir sjálfum
sér á öllum tímum í sókn og vörn
og enginn í vafa þegar leiknum
lýkur hvor þeirra muni eiga sam-
úð áhorfenda. Hlutverk í leiknum
eru í höndum þeirra sem kunna
vel til verka og enginn vafi á að
„góða veislu gjöra skal“ á fjölun-
um í Bæjarbíói að þessu sinni.
Þetta er fjórða verk Revíuleik-
hússins , en það mun áður hafa
flutt Galdraland, Karlinn í kass-
anum og íslensku revíuna. Það
sem hefur háð æfingum og leik-
húsinu undanfarið er húsnæðis-
leysi og hefur það lent í ýmsum
hrakningum í því sambandi. Að
sögn Sögu Jónsdóttur sem leik-
stýrir litla og stóra Kláusi eru um
20 leikarar að æfa og þar af átta
vanir, en hitt eru unglingar og
börn. Tónlistin í leikritinu er sam-
in af Jóni ólafssyni og textana
samdi Karl Ágúst Úlfsson. Leik-
mynd annaðist Baldvin Björnsson.
Við tókum þá litla og stóra
Kláus, sem leiknir eru af Júliui
Brjánssyni og Þóri Steingrfms-
syni, stuttlega tali.
r
Saga Jónsdóttir leikstýrir verkinu.
Jón Ólafsson semur tónlist við leik-
ritið.
Þórir Steingrímsson:
Stóri Kláus er
yndislega barnalegur
Aðspurður sagði Þórir það vera
skemmtilegt að leika stóra Kláus.
Hann væri afskaplega yndislegur,
barnalegur, ráðríkur yfirmaður og
það væri alltaf eitthvað af vond-
um manni innan f manni sem
kæmi kannski fram i hlutverki
eins og þessu. Því verr sem krökk-
unum líkar við mann> því betur
hefur manni tekist, sagði hann.
Krakkarnir eru kröfuharðir, smá-
munasamir en skemmtilegir
áhorfendur og það þýðir ekkert að
ætla sér að plata þau. Söguþráður-
inn er afskaplega líkur uppruna-
legu sögunni og kynnir vissar
þjóðfélagsstéttir. Stóri Kláus er
efnahagslega sterkari á velli og
beitir því óspart á litla Kláus. En
með tið og tíma fer litli Kláus að
taka við sér og hugsa meira um sig
og nota heilann til að klekkja á
stóra Kláusi, sem alltaf hefur leik-
ið hann svo grátt, sagði Þórir að
lokum.
Júlíus Brjánsson:
Litli Kláus, erfitt hlutverk
en mjög skemmtilegt
Július, sem fer með hlutverk
litla Kláusar, sagði að hlutverkið
væri erfitt en skemmtilegt og það
væri sérstaklega gaman að leika
fyrir börnin þótt þau væru ekkert
miskunnsamari en þeir fullorðnu.
Ef þeim líkaði ekki leikurinn létu
þau heyra í sælgætispappír og
kliður færi um salinn.
Þetta er skemmtilegt ævintýri
þó það sé dálftill óhugnaður
kannski í því. Við höfum nú reynt
að stemma stigu við því, sagði
Júlíus og leitast við að halda ævin-
týralegum blæ. GRG