Morgunblaðið - 08.11.1984, Page 2

2
MORGUNBLAÐIÐ, FIMMTUDAGUR 8. NÓVEMBER 1984
Klakkur VE stórskemmdist í Cuxhaven:
Togarinn fór á
hliðina f þurrkví
SKUTTOGARINN Klakkur VE skemmdist mikiA þegar hann lagðist á
hliðina í slipp í Cuxhaven í Vestur-Uýskalandi seint í fyrrakvöld. SkipiA
var til viðgerAa í skipasmíðastöð og var verið að sjósetja það þegar
óhappið varð. Haraldur Benediktsson skipstjóri á Klakk vildi sem
minnst um óhappið ræða þegar Mbl. náði símasambandi við hann í
gærkvöldi. Sagði hann að sjópróf ættu eftir að fara fram og þar myndu
málin skýrast. Skipið maraði í hálfu kafi og hallaði 80 gráður eftir
óhappið en rétti sig við í 45 gráðu halla eftir að vélarrúmið fylltist af sjó.
I gærkvöldi var kominn stór flotkrani að Klakki og átti að lyfta skipinu
aftur upp í slippinn í gærkvöldi.
„Þetta er flot„dokk“ sem þeir
hleypa sjó inn í og var búið að
sökkva henni þó nokkuð þegar
óhappið varð. Skipið lagðist bara
á hliðina þarna í „dokkinni“ hjá
þeim þannig að það hallaði 80
gráður en lenti þá með möstrin á
brúninni á kanti sem þarna er
við,“ sagði Haraldur. Aðspurður
um skemmdir sagði hann: „Þetta
er eins svart og það getur verið,
held ég að óhætt sé að segja.
Sjór fór niður alla loftkanala
þannig að vélarrúmið fylltist.
Sjórinn fór um allt skip, inn í
íbúðir og alveg inn í brú, hún
fylltist fast að því til hálfs.
Skrokkur skipsins er óskemmd-
ur og mest af tækjunum í stýr-
ishúsinu. Maður veit ekki hvað
mikið er skemmt í vélarrúminu.
Allt er ónýtt í eldhúsi og mat-
vælageymslum og íbúðum. Jóla-
innkaup mannskapsins fóru þar
fyrir lítið."
Þegar sjósetja átti skipið voru
14 um borð, 12 skipverjar og eig-
inkonur tveggja þeirra. Harald-
ur sagði að enginn hefði meiðst
og aldrei hefði verið veruleg
hætta á ferðum fyrir fólkið.
Sagði hann að þau hefðu verið
hífð í land með krana sem þarna
er og allt hefði það gengið vel.
Hluti hópsins færi heim með
flugi á föstudag en hin með
Breka VE sem selur í Cuxhaven
á mánudag. Haraldur sagði að
þetta setti mikið strik í reikn-
inginn hjá þeim. Fyrirhugað
hefði verið að halda heim með
skipið um helgina en nú væri
ljóst að það yrði ekki næstu
mánuðina en tók jafnframt fram
að hann væri reyndar ekki fædd-
ur bjartsýnismaður.
Togarinn Klakkur í Vestmannaeyjahöfn.
Kostar 520 krónur
að slátra meðallambi
VIÐ haustverðlagningu sauð-
fjárafurða var slátur- og heild-
sölukostnaður ákvarðaður. Er
kostnaðurinn 36,08 krónur á
hvert kíló kjöts en það er 18%
hækkun frá haustverðlagningu í
fyrra. Er því slátur- og heild-
sölukostnaður við meðallamb á
þessu hausti, sem ætla má að sé
um 14,5 kg., um 520 krónur.
Veislugæsirnar reknar til rétta
Kleppjárnsreykjum í október.
A síðastliðnu vori var stofnað Gæsaræktarfélag
Vcsturlands. Þar sem gæsarækt er vaxandi búgrein
og sífellt fleiri snúa sér að gæsarækt, þótti upphafs-
mönnum að gæsaræktinni, nauðsynlegt að stofna
félagsskap, sem hefði umsjón með útungun og fjölg-
un fugla, til þess að halda stofninum hreinum og
gæta þess að aðeins hraustir og heilbrigðir fuglar
væru settir á. I stjórn félagsins eru Magnús Jónsson
Ilvanneyri, Þorvaldur Pálmason Runnum og Jón
Sigvaldason Ausu, sem sér um alla útungun á vegum
félagsins.
Þegar fréttaritari átti leið framhjá Runnum á dög-
unum sá hann hvar Þorvaldur og Sigríður, eiginkona
hans, voru að smala gæsum og reka til rétta.
Það er tilkomumikið að sjá á sjötta hundrað
veislugæsir saman í hóp. Þorvaldur sagði að gæsa-
ræktin hefði gengið vel í sumar, að vísu kom tófa í
heimsókn og tók 10 gæsir ófrjálsri hendi, en fyrir
vikið sendi Jón Blöndal, refaskytta með meiru, tæf-
una, kall hennar og 3 yrðlinga inn í eilífðina. Einnig
sagði hann að fóðurbætisskatturinn ylli vanda og
það mál þyrfti að leysa hið bráðasta.
600 ungar, sem slátrað verður núna í haust, eru
frá því í mars og aprfl og er meðalvigt þeirra um 4,5
kg. Þorvaldur sagði að lokum að söluhorfur væru
góðar þar sem fuglinn hefði þrifist mjög vel í sumar.
Gæsirnar verða seldar undir nafninu Veislugæs.
Bernhard
Þorsteinn Pálsson, formaður Sjálfstæðisflokksins:
Til álita að lækka
tolla og vörugjald
— í því skyni að mæta verðlagsáhrifum kjarasamninganna
„ÉG TEK undir með Guðmundi J.
Guðmundssyni, formanni Verka-
mannasambandsins, í Mbl. í morg-
un, þegar hann segir, að þetta séu
vitanlega verðbólgusamningar,“
sagði Þorsteinn Pálsson formaður
Sjálfstæðisflokksins, er hann var í
gær spurður álits á nýgerðum samn-
ingum ASÍ og VSÍ.
Formaður Sjálfstæðisflokksins
var spurður, hvaða efnahagsað-
gerðir hann teldi stjórnvöld verða
að standa fyrir í framhaldi af
kjarasamningunum. Hann svar-
aði: „Það er auðvitað ljóst, að það
verður að tryggja rekstur höfuð-
atvinnugreinanna, sem átt hafa
við mikla erfiðleika að etja sem
magnast enn vegna þessara samn-
inga. Ég tel einnig að það geti
komið til álita að mæta þeim verð-
lagsáhrifum sem af hljótast með
nýjum aðgerðum í skattamálum.
Það kemur vel til álita að mínu
mati að lækka tolla og vörugjald í
þessu skyni. Ég tel einnig, að það
verði að huga að því að undirbúa
þjóðarsátt um kjarasamninga á
næsta ári, þó það hafi ekki tekist
að þessu sinni. í því sambandi er
mikilvægt að hefja heildarend-
urskoðun á húsnæðislánakerfinu.“
Þorsteinn sagði ennfremur að
hann teldi mikilvægt, að fram-
kvæmd verði könnun á þróun
tekjuskiptingarinnar undangeng-
in ár, þannig að þær staðreyndir
lægju fyrir, áður en gengið yrði til
næstu kjarasamninga. Hann sagði
síðan: „Það er alveg ljóst, að þjóð-
in þolir ekki annað mánaðarverk-
fall á næsta ári. Hún þolir heldur
ekki verðbólgusamninga af því
tagi sem gerðir hafa verið og fyrir
þá sök verða menn að taka á þessu
verkefni með nýjum hætti. Það
liggur fyrir ríkisstjórninni að gera
tillögur um þetta og væntanlega
fær fólk fljótlega að sjá hvað hún
hefur fram að færa.“
Flokksþing Alþýöuf lokks um aðra helgi:
Kröfur um að Kjartan
Jóhannsson dragi sig í hlé
— Gylfi Þ. Gíslason hafnaði boði um formennsku
Gefur Jón Baldvin Hannibalsson kost á sér?
Ýmislegt bendir til þess, að átök
verði um formennsku í Alþýðu-
flokknum á flokksþingi hans, sem
verður um aðra helgi. Kjartan Jó-
hannsson, formaður flokksins, hef-
ur legið undir vaxandi gagnrýni á
undanförnum mánuðum og kröfur
komið fram um, að hann dragi sig
í hlé.
Þessar umræður komust á það
stig fyrir nokkrum vikum, að
samstaða tókst meðal áhrifa-
manna í flokknum um að óska
eftir því við Gylfa Þ. Gíslason,
fyrrverandi formann flokksins,
að hann tæki að sér formennsku
á ný. Gylfi Þ. Gíslason hafnaði
því boði. Eftir að sú afstaða lá
fyrir hefur athyglin beinzt að
Jóhönnu Sigurðardóttur, alþm.,
Árna Gunnarssyni, Sighvati
Björgvinssyni og nú að undan-
förnu í auknum mæli að Jóni
Baldvin Hannibalssyni, alþm.
Þeir Alþýðuflokksmenn, sem
telja eðlilegt, að Kjartan Jó-
hannsson dragi sig í hlé, benda
á, að Alþýðuflokkurinn hafi
stöðugt tapað fylgi frá stórsigr-
inum í kosningunum 1978, jafn-
framt því, sem flokkurinn hafi
klofnað er Bandalag jafnaðar-
manna var stofnað. Bent er á, að
staða flokksins í skoðanakönn-
unum sé slæm, þótt hann sé í
stjórnarandstöðu, á sama tíma
og ríkisstjórnin eigi í vök að
verjast. Sú skoðun mun útbreidd
innan Alþýðuflokksins, að
Kjartan Jóhannsson eigi að taka
afleiðingum þessarar þróunar og
gefa ekki kost á sér til endur-
kjörs.
Þegar Gylfi Þ. Gíslason hafði
gefið afsvar naut Jóhanna Sig-
urðardóttir, alþm. umtalsverðs
fylgis til formennsku, en spurn-
ingar hafa vaknað um það, hvort
hún mundi halda sínum hlut í
pólitískri baráttu við formenn
hinna flokkanna. Samkvæmt
heimildum Morgunblaðsins er
vaxandi þrýstingur á Jón Bald-
vin Hannibalsson að gefa kost á
sér við formannskjör. Búizt er
við að afstaða hans til þess liggi
fyrir um næstu helgi.
Nýr Bláfjalla-
vegur brátt tek-
inn í notkun
Á NÆífTUNNI verður tekinn í notk-
un nýr vegur til Bláfjallasvæðisins.
Liggur hann frá Krísuvíkurvegi og
tengist núverandi Bláfjallavegi við
Rauðuhnjúka. Styttir hann leið Kópa-
vogsbúa og íbúa sveitarfélaganna þar
fyrir sunnan og á Reykjanesi til Blá-
fjallasvæðisins.
Vegurinn er um 18 kílómetra
langur og hefur kostað um 30 millj-
ónir króna á verðlagi þessa árs, að
sögn Rögnvalds Jónssonar, deildar-
verkfræðings hjá Vegagerð rikisins.
Framkvæmdir við Bláfjallaveginn
hafa staðið í fjögur ár en verður þó
ekki lokið í haust. Verður hann með
grófu malarslitlagi í vetur en ekki
er fyrirhugað að setja á hann var-
anlegt slitlag. í sumar hafa verk-
takafyrirtækin Borgarverk hf. i
Borgarnesi og Tak hf. í Búðardal
unnið við veginn en áður höfðu ým-
is verktakafyrirtæki unnið við
hann.
Rögnvaldur sagði að þessi vegur
myndi ekki leysa þau umferðar-
vandamál sem verðið hefðu á Blá-
fjallasvæðinu yfir háannatímann
því að vegurinn tengdist núverandi
Bláfjallavegi þrem kílómetrum frá
skálanum. Það væri hinsvegar rætt
um að leysa þau vandamál með nýj-
um vegi á milli Kóngsfells og
Drottningar þannig að hringakstur
með einstefnu gæti komist á. Sagði
Rögnvaldur hugsanlegt að ráðist
yrði í þá framkvæmd næsta sumar.