Morgunblaðið - 08.11.1984, Side 5

MORGUNBLADIÐ, FIMMTUDAGUR 8. NÓVEMBER 1984
5
Alþjóðahafrannsóknaráðið:
Leggur til 50 til
100 % aukningu á
loðnukvótanum
Alþjóðahafrannsóknaáðið hefur
nú gert það að tillögu sinni, að lej fi-
legt aflamagn úr loðnustofninum við
ísland og Jan Mayen verði aukið til
hráðahirgða um 50 til 100%. Áður
var leyfilegt að veiða 300.000 lestir
úr stofninum. I‘að er síðan viðkom-
andi ríkisstjórna að taka endanlega
ákvörðun um aflamagnið.
Jakob Magnússon, forstjóri
Hafrannsóknastofnunar, sagði í
samtali við Morgunblaðið í gær,
að ef af þessu yrði þýddi það
450.000 til 600.000 lesta veiði til
bráðabirgða eða þar til niðurstöð-
ur úr yfirstandandi loðnuleiðangri
lægju fyrir. Útlendingar hefðu
tekið 120.000 lestir úr stofninum á
haustmánuðum, þannig að okkar
hlutur gæti orðið 480.000 lestir
miðað við hærri mörkin. Hæpið
væri að loðnan væri nú veiðanleg
utan fiskveiðimarka landsins og
því kæmi þetta allt í okkar hlut.
Hins vegar myndu Norðmenn,
samkvæmt skiptingu stofnsins
milli íslands og Noregs, eiga inni
15% viðbótarinnar, þegar veiðar
hæfust að nýju við Jan Mayen
síðla næsta sumars.
Jakob sagði ennfremur, að leið-
angursskipin væri nú komin á haf-
svæðið norður af Kolbeinsey.
Hefði leiðangur þeirra gengið vel,
en ekkert væri hægt að segja um
rannsóknirnar sjálfar að sinni.
Halldór Ásgrímsson, sjávarút-
vegsráðherra, sagði í samtali við
Morgunblaðið, að tillaga Alþjóða-
hafrannsóknaráðsins væri nú til
umræðu hjá íslendingum og Norð-
mönnum, en endanleg ákvörðun
um aflamagn lægi ekki fyrir. Hins
vegar legði hann áherzlu á að veið-
arnar röskuðust ekki nú, þar sem
loðnan væri mjög feit og verðmæt
um þessar mundir og gæftir góð-
ar. Það væri því mikilvægt að
halda veiðunum áfram. Þessi til-
laga væri aðeins til bráðabirgða
og því kæmi til greina að bíða með
ákvörðun um aflamagnið, þar til
einhverjar niðurstöður væru
komnar úr yfirstandandi loðnu-
leiðangri.
Fló FEF um helgina
Félagsstarf vetrar að hefjast
Haustflóamarkaður Félags ein-
stæðra foreldra verður nú um helg-
ina, laugardag 10. og sunnudag 11.
nóvember, frá kl. 2—5 báða dagana
í húsi FEF á Skeljanesi 6.
í fréttatilkynningu segir, að
markaðurinn sé með nokkuð ný-
stárlegu sniði og vöruúrval fjöl-
breyttara og meira en fyrr. Meðal
þess má nefna mikið af gömlu
leirtaui, postulíni, silfurmunum og
hvers kyns búsáhöldum, auk
skrautmuna. Þá verða seldir sér-
stakir smábarnafatapakkar,
einkar vandaðir, auk þess sem
fatnaður er af öllum gerðum, aldri
og stærðum á alla fjölskylduna.
Húsgögn eru fyrirferðarmikil,
stólar, borð, ryksugur, bónvélar,
ritvélar svefnbekkir og hvaðeina.
Sértilboð helgarinnar eru tveir
glæsilegir skinn-cape, svo og kín-
verskt silki ofl.
Félag einstæðra foreldra er
fimmtán ára um þessar mundir og
gefur í því tilefni út veglegt af-
mælisrit, sem er í vinnslu. Því
verður dreift til skuldlausra fé-
laga og víðar. Aðalfundur FEF
verður þann 19. nóvember í
Skeljahelli og nokkru síðar heldur
skemmtinefnd FEF barnabingó,
sem verður auglýst síðar. Félagar
eru hvattir að taka jólakort til
sölu og eru þau afgreidd á skrif-
stofunni og loks má geta þess að
jólamarkaður félagsins er í undir-
búningi og verður einnig greint
frá honum síðar.
í fréttatilkynningu FEF segir
að fundur um framfærslukönnun
á vegum félagsmálaráðuneytis
hafi verið haldinn í september og
tekizt vel. Mikið líf sé í félags-
starfi og væntanlega eitthvað við
sem flestra félaga hæfi.
Vetrartískan
í Broadway
VETRARTÍSKAN verður sýnd í veit-
ingahúsinu Broadway í kvöld klukk-
an 21.00.
Tískusýning er á vegum versl-
unarinnar Goldie og nýr sýningar-
flokkur, Hollywood-models, sýnir
fatnaðinn. Boðið verður upp á
skemmtiatriði, jassballett og grín-
þátt. Á eftir verður dansað til
klukkan 01, segir í frétt, sem Mbl.
hefur borist.
Launin skert nær ár-
lega frá stríðslokum
— segir Bjarni Jakobsson, formaður Iðju, um nýgerða samninga
„MESTI ávinningurinn í þessum
samningnum felst í því að geta eytt
tvöfalda kerfinu á jafn skömmum
tíma og samningurinn gerir ráð
fyrir,“ sagði Bjarni Jakobsson, for-
maður Iðju, í samtali við blaðamann
Mbl. um nýgerðan heildarsamning
ASÍ og VSÍ.
Bjarni sagðist telja að samning-
urinn væri „eftir atvikum góður
miðað við það, sem á undan var
gengið. Þegar BSRB, prentarar og
fleiri höfðu samið á sömu nótum
var ekki um aðra leið að velja
fyrir okkur," sagði hann. „Að
sjálfsögðu vildi ég, eins og margir
aðrir samherjar mínir, heldur
fara skattalækkunarleiðina. Þá
hefði frekar verið möguleiki að
tryggja kaupmátt umsaminnar
kauphækkunar.
Við vitum," sagði Bjarni, „að
ríkisstjórnir hafa tilhneigingu til
að skera af laununum, sama hver
er við stjórnvölinn. Samkvæmt at-
hugun, sem ég gerði fyrir nokkr-
um árum, hafa laun verið skert á
hverju ári — að tveimur árum
undanskildum — allt frá lokum
síðari heimsstyrjaldarinnar."
— Hefur þú trú á, að launþegar
geti haldið þessari kauphækkun út
samningstímabilið?
„Samningurinn heldur eitthvað,
spurningin er hversu lengi.
Ástandið er ekki bjart ef maður
lítur yfir efnahagslífið, ekki síst
sjávarútveginn. Gengi hefur verið
stöðugt tiltölulega lengi en nú
virðist blasa við, að sjávarútveg-
urinn þurfi á gengisfellingu að
halda,“ sagði Bjarni Jakobsson.
Bjarni Jakobsson, formaður Iðju.
Forsætisráðherra um hækk-
anir almannatryggingabóta:
I samræmi
við kjara-
samningana
„HEILBRIGÐIS- og tryggingaráð-
herra mun gera tillögur til ríkis-
stjórnarinnar um hækkanir al-
mannatryggingabóta. Þeim verður
breytt til samræmis við samninga
ASI og VSÍ að minnsta kosti og þær
breytingar koma til mjög fljótlega,"
sagði forsætisráðherra, Steingrímur
Hermannsson.
Nú bjóöum viö
buxur i urvali
Einnig pottþéttir stórir
jakkar, peysur, stórar
skyrtur o.m.fl.