Morgunblaðið - 08.11.1984, Blaðsíða 17

MORGUNBLAÐIÐ, FIMMTUDAGUR 8. NÓVEMBER 1984
17
Morgunblaðid/Ævar
Lagarfoss í EskifjarÓarhöfn.
Eskifjörður:
Líf og fjör við höfnina
Eskifirði, 6. nóvember.
Á ESKIFIRÐI, eins og í öArum út-
gerðarbæjum, er höfnin lífæð bæj-
arins og er haustið oft aðalathafna-
tíminn. Undanfarinn mánuð hefur
verið mjög mikil umferð um höfn-
ina og það svo mikil að höfnin ann-
ar því oft á tíðum ekki.
Flutningaskip koma og losa
vörur og taka sjávarafurðir til
útflutnings. Togarar koma til að
fá ýmsa fyrirgreiðslu, tollaf-
greiðslu eða að taka ís. Síldar-
skipin streyma út og inn allan
daginn, ýmist til að landa eða
með rifnar nætur eða biluð tæki.
Og loðnuflotinn er líka á ferð-
inni. Loðnuskipin koma drekk-
hlaðin hvert á eftir öðru norðan
úr höfum. Segja má að líf sé við
höfnina allan sólarhringinn.
Siðastliðinn mánuð komu til
dæmis 20 flutningaskip með vör-
ur eða lestuðu afurðir hér og það
sem af er þessum mánuði hafa 7
skip komið sömu erinda.
Síðastliðið föstudagskvöld var
þó einna mest að gera. Fyrir
utan síldar- og loðnuskipin komu
togararnir Ögri og Vigri. Ögri
var með Vigra í togi en skipverj-
ar höfðu fengið trollið í skrúfu
skipsins. Einnig kom strand-
ferðaskip og siðan bættist Lag-
arfoss ofan á allt saman en hann
var fullhlaðinn gámum. Áttu 5
gámar að fara hér á land en sá
hængur var á að til að hægt væri
að ná þessum 5 gámum þurfti að
taka 49 aðra stóra gáma og hífa
þá á land úr skipinu og síðan um
borð aftur. Tók það verk um einn
sólarhring og fylltust bryggjurn-
ar af gámum á meðan. Gámarnir
5, sem svo mikið var haft fyrir,
höfðu að innihaldi sykur sem
söltunarstöðvar hér á Austur-
landi vanhagaði um í síldarsölt-
unina. Menn reka sig á það hvað
eftir annað að legurými hér við
höfnina er allt of lítið og brýnt
að bæta þar úr til að losna við
það vandræðaástand sem oft
skapast. í dag lestar Hvalvíkin
um 1500 tonn af loðnumjöli hjá
loðnuverksmiðjunni.
— Ævar.
Óskar Vigfússon, formaður Sjómannasambands íslands:
Farmgjöldin eru
ekkert einkamál
Athugasemd vegna ummæla Þóröar Sverrissonar hjá Eimskipafélaginu
í Morgunblaðinu sl. sunnudag
er endurprentaður hluti úr viðtali
við mig, sem birtist upphaflega í
Sæfara. málgagni Sjómannasam-
bands íslands. Þessi hluti viðtals-
ins fjallar um þann gífurlega
kostnað sem lagður er á herðar
sjávarútvegsins hér á landi af
þjónustufyrirtækjum ýmsum og
milliliðum og á beinan þátt í bág-
bornum kjörum íslenskra sjó-
manna. Meðal dæma eru nefnd
þau farmgjöld sem greiða þarf
fyrir flutning islenskra sjávaraf-
urða á markað erlendis, en þau
eru margfalt hærri en hliðstæð
gjöld erlendra skipafélaga. Nefnd
eru dæmi um rækjuflutning og
sýnt fram á að það kostar þrefalt
meira að flytja rækjukíló frá ís-
landi á markaði í Englandi og
Danmörku en frá Norður-Noregi
og Grænlandi á sömu markaöi.
Þetta eru óyggjandi staðreyndir.
í framhaldi af birtingu þessa
kafla í Morgunblaðinu leitar blað-
ið til Þórðar Sverrissonar fulltrúa
framkvæmdastjóra Eimskipafé-
lagsins og biður hann að segja álit
sitt á málinu. Þórður fullyrðir þar
að flutningsgjaldið frá Grænlandi
sé hærra en sagt er í viðtalinu og
nefnir til taxta Konunglegu
Grænlandsverslunarinnar.
Vegna þessa er rétt að taka
fram, að upplýsingar mínar fékk
ég frá fyrstu hendi í Sisimiut
(Holsteinsborg) á Grænlandi þeg-
ar ég var þar á síðasta ári. Þær
upplýsingar sé ég enga ástæðu til
að rengja, hvað sem líður pappír-
um er Þórður Sverrisson telur sig
hafa í höndum.
En það eru önnur ummæli Þórð-
ar sem vert er að gaumgæfa.
Hann segir í Morgunblaðinu: „ ...
En það er rétt að skýra frá því að
við erum þessa dagana að hafa
samband við viðskiptavini okkar
og tilkynna um talsverða lækkun á
farmgjöldum fyrir sjávarafurðir.
Hversu mikil sú lækkun er hlýtur
að vera einkamál okkar og við-
skiptavinanna ..." (Leturbr. mín,
Ó.V.)
Velta má því fyrir sér hvort
hugsanlega geti átt sér stað, að
þessi lækkun farmgjalda kynni að
vera í einhverjum tengslum við þá
ákvörðun Sölumiðstöðvar hrað-
frystihúsanna að leita tilboða er-
lendis í flutning á afurðum sínum.
Látum það liggja á milli hluta. En
Þórður Sverrisson veður hins veg-
ar í villu og svima ef hann heldur
að farmgjöld íslenskra farskipa
séu einkamál skipafélaganna og
viðskiptavinanna, — hvort sem
rætt er um sjávarafurðir eða ann-
an varning. Farmgjöld eru nefni-
lega ekki svo lítill hluti af því
verði sem neytendur þurfa að
greiða fyrir vörur í verslunum.
Þar af leiðandi kemur almenningi
það mjög við hver farmgjöld
skipafélaganna eru. Lækkuð farm-
gjöld þýða lækkað vöruverð.
Hvað snertir farmgjöld fyrir
sjávarafurðir eru þau á sama hátt
ekkert einkamál skipafélaga og
einstakra útflytjenda. Eftir því
sem farmgjöldin eru hærri minnk-
ar það svigrúm sem kaupendur
hráefnis hafa til að greiða sjó-
mönnum almennilegt verð fyrir
fiskinn. Lækkun farmgjalda ætti
því að leiða til hærra fiskverðs,
sem aftur myndi leiða til bættra
kjara sjómanna. „Einkamál"
Þórðar er því hreint hagsmuna-
mál sjómannastéttarinnar allrar,
— og landsmanna allra, ef út í það
er farið.
Með þðkk fyrir birtinguna.
Óskar Vigfússon.
Þessir margeftirspuróu
kuldaskór aftur fáanlegir
8140-750
Loðtóöraóir.
Vatnsvaróir. j
Hertur ytri sóti
og auóvitað vasi
Bláir — Kaki.
Stærðir
Hagstætt veró.
34—46
GEISÍPr
U-BIX 250REA
MEÐALSTOR UÓSRfTUNARVÉL
MEÐ S1ÓRK0STLEGA EIGINLEIKA!
U-BÍXisotu er sérstaklega fjölhæf Ijósritunarvél sem skilar
frábærum Ijósritum á venjulegan pappír og glærur. Hún er m.a.
með alsjálfvirkum frumritamatara, papplrsbökkum og afritaraðara
— sem þýðir að hún skiptir um frumrit á réttum tíma, velur rétta
afritastærð og flokkar síðan afritin ( afritaraðarann. Vélin velur
einnig bestu mögulega lýsingu I samræmi við hvert frumrit.
U-BÍXtsonu ar þvl frábær lausn fyrir þau fyrirtæki þar sem stöðugt
tapast dýrmætur tími þegar grípa þarf inn I Ijósritavinnslu til að
skipta um frumrit, ákveða lýsingu, velja pappírsstærðir og raöa
afritum.
Og verðið ætti að koma á óvart, þvl eftir nýafstaðna erlenda
verðlækkun kostar U-BÍX tsoou nú 42.700 kr. minna en áður.
SKRIFSTOFUVÉLAR H.F.

Hverfisgötu 33 — Simi 20560
Pósthólf 377