Morgunblaðið - 08.11.1984, Side 31
MORGUNBLAÐIÐ, FIMMTUDAGUR 8. NÓVEMBER 1984
31
Nicaragua:
Herflugvélar í
sovésku skipi?
Wa«hington, 7. nóvember. AP. ^
Bandaríkjamcnn hafa undanfarn-
ar vikur fylgst gaumgæFilega með
sovésku flutningaskipi, sem nú er
sennilega komið til hafnar einhvers
staðar í Nicaragua, en talsmenn
Hvíta hússins segja, að ekkert liggi
fyrir sem sanni að um borð í skipinu
séu sovéskar orrustuflugvélar af
gerðinni MIG 21.
Bandaríska sjónvarpsstöðin
CBS hafði það í gær eftir heimild-
armönnum sínum innan banda-
risku leyniþjónustunnar, að
bandarísk yfirvöld teldu sennilegt
að orrustuflugvélar væru um borð
og ef það reyndist rétt hefðu þau í
hyggju, að stöðva skipið með ein-
hverjum ráðum.
Sendiráð Nicaragua í Washing-
ton hefur visað þessari frétt á bug
og segir ekkert hæft í því að skipið
flytji herflugvélar. Jafnframt
saka talsmenn sendiráðsins
Bandaríkjastjórn um að búa til
tylliástæðu fyrir árás á Nicar-
agua.
Larry Speakas, blaðafulltrúi
Reagans forseta, sagði í Los Ang-
eles í gær að hann gæti ekki upp-
lýst hver farmur fluntingaskips-
ins væri. Ef orrustuflugvélar væru
um borð liti Bandaríkjastjórn svo
á, að um alvarlega ögrun væri að
ræða.
Símamynd AP.
Móðir Teresa harmi slegin
Móðir Teresa er miður sín er hún yfirgefur shika-heimili eitt í
Trilokpouri-hverfinu I Nýju Delhi. Hún var að kynna sér ástand
mála eftir að óeirðunum sem fylgdu í kjölfarið á morði Indiru
Gandhi lauk. Þrjú brunnin lík voru í húsi því sem Teresa er að
yfirgefa á myndinni.
Arthur Scargill:
Segir yerkfallid
ekki að splundrast
Edinborg, 7. nóvember. AP.
ARTHUR Scargill, leiðtogi verka-
lýðsfélags kolanámuverkamanna í
Bretlandi lét hafa eftir sér í dag, að
það væri af og frá að hið 8 mánaða
gamla verkfall væri að fara út um
þúfur. Hélt Scargill þrumandi ræðu
á starfsmannafundi í Edinborg og
var vel fagnað af viðstöddum. Fund-
urinn var einn af fimm áætluðum
sem haldnir verða til að stappa stál-
inu í námumenn.
„Sannleikurinn er sá, að 131
námur hafa stöðvast í verkfallinu
og 80 prósent félaga okkar eru í
verkfalli. Tölur þær sem atvinnu-
rekendur hafa gefið upp um þá
sem haldið hafa aftur til vinnu eru
villandi," sagði Scargill. Umrædd-
ar tölur hljóðuðu upp á 1200 kola-
námumenn sem hefðu mætt til
vinnu tvo fyrstu daganna í vik-
unni, eftir að atvinnurekendur
höfðu boðið þeim háar sérgreiðsl-
ur í jólamánuðinum. Scargill út-
listaði ekki á hvern hátt umrædd-
ar tölur hefðu verið „viliandi". Á
hinn bóginn fréttist að í dag hefðu
350 námuverkamenn til viðbótar
bæst í sívaxandi hóp þeirra sem
byrjað hafa vinnu á ný.
Margareth Thatcher, forsætis-
ráðherra Bretlands, sagði í þing-
ræðu í gær, að stjórnvöld hefðu
ekkert frekar fram að færa til
kolanámumanna, þau hefðu boðið
þeim raunhæfar kauphækkanir
með hliðsjón af stöðunni í efna-
hagsmálum. „Ef Scargill og hans
lið gengur ekki að þessu er ekki
hægt annað en að velta fyrir sér
hvort deilan kunni að standa í
raun og veru út af allt öðru en
kaupi og kjörum launþeganna sem
eru í verkfallinu, þ.e. að ástæðurn-
ar fyrir verkfallinu séu af póli-
tískiim toga,“ sagði Thatcher.
Ekklerallt
sem sýnist
Sparifjáreigendur eiga nú fleiri kosti en nokkru sinni fyrrtil að ávaxta pening-
ana. Og um leið verður allur samanburður á innlánsformum flóknari og
erfiðari.
Gylliboðin með lýsingarorðum í hástigi birtast úr öllum áttum, en pegar að er
gáð þá er ekki allt sem sýnist. Hvað þarf til að ná hœstu ávöxtun? Hvaða
áhrif hefur úttekt?
Boð okkar er hœkkun vaxta á 6 mánaða reikningum. Þannig fœst
27,2°/o ársávöxtun
sem er sambœrileg við hámarksávöxtun hjá peningastofnunum almennt.
Einfalt mál. Fáið samanburðinn í Sparisjóðnum.
5PARI5JDÐUR
HAFNARFJARÐAR
Hagur heimamanna
NÝTT
GROHE
LADYLUX - LADYLINE létta eldhússtörfin
Ladylux og Ladyline eru heiti á nýrri kynslóð eldhúsblöndunartækja frá Grohe.
Faanleg í fjölbreyttu litaúrvali sem einnar handar eða tveggja handa tæki.
Margvíslegir notkunarmöguleikar: Breytilegur úði, skafa eða bursti sem tengja má við
tækin með einu handtaki.
Ladylux - Ladyline: Nýtt fjölhæft heimilistæki í eldhúsið.
GROHE = öryggi, ending og fullkomin viðgerða- og varahlutaþjónusta.
RR BYGGINGAVÖKDR HE
Nethyl 2, Ártúnsholti, Simi 687447 og Suðurlandsbraut 4, Sími 33331