Morgunblaðið - 09.11.1984, Side 22
22
MORGUNBLAÐIÐ, FÖSTUDAGUR 9. NÓVEMBER 1984
Loksins föðmuðust
Mondale og Ferraro
WaNhington, g. nórember. AP.
Að leiðarlokum loðmuðust þau
og kysstust. Frambjóðendur demó-
krata til forseta og varaforseta,
Walter F. Mondale og Geraldine
Ferraro, vísuðu öllum formlegheit-
um framboðstímabilsins veg allrar
veraldar.
Mondale kastaði kveðju á
Ferraro við landf;anginn þegar
þau komu með flugvél til höfuð-
borgarinnar í gær . Honum hafði
verið ráðlagt áður en kosninga-
baráttan hófst að koma ekki
einu sinni nálægt meðframbjóð-
anda sínum á almannafæri. En
nú tók hann sig til og faðmaði
þingmanninn hressilega að sér.
Og Ferraro, sem ekki hafði svo
mikið sem rétt Mondale höndina,
galt í sömu mynt.
„Fyrir hönd mína og fjöl-
skyldu minnar langar mig að
geta þess hversu stolt við erum
af Gerry Ferraro," sagði Mon-
dale í hópi stuðningsmanna
sinna og starfsmanna, sem fögn-
uðu honum við komuna til
Washington: „Við erum stolt af
sögulegu hlutverki hennar.“
Geraldine Ferraro svaraði
fyrir sig með stuttri ræðu og
sagði þá m.a.: „Það var ekki á
mínu færi að opna konum dyr
tækifæranna," sagði hún, „það
gerði Fritz Mondale."
írland:
Þorpsbúar fögnuðu
fram á rauðamorgun
— vegna endurkosningar Reagans
Ballyporeen, frlandi, H. nórember. AP.
LÚDRASVEITIN spilaði á torginu,
börn fóni með þakkargjörðir og
þorpsbúar sungu og fögnuðu, og
það var verið að fram á rauða-
morgun í dag, fímmtudag, allt
vegna endurkosningar Ronald Re-
agan.s Bandaríkjaforseta.
Margir hinna 350 íbúa Bally-
poreen skoruðu á forsetann að
efna loforð sitt um að koma aft-
ur til litla þorpsins í Tipperary,
sem hann sótti heim í júní sl. til
þess að sjá fæðingarstað langafa
síns. Og menn voru almennt á
þvi, að kosningaúrslitin í Banda-
ríkjunum ættu eftir að verða
baejarfélaginu mikil lyftistöng.
I gærkvöldi var farið í skrúð-
göngu og haldinn útifundur á
litla þorpstorginu, sem var fán-
um prýtt. Og þorpsbúarnir
hlýddu á ræður sem virðingar-
menn staðarins héldu. Á eftir
voru hljómleikar í félagsheimil-
inu. Svo héldu margir til ölstofu
John’s 0’ Farell’s og héldu
áfram fagnaðinum.
12 stórsigrar á öldinni
WenhioipoB, 7. oóvember. AP.
ELLEFU sinnum áður á þessari
öld hefur Bandaríkjaforseti unnið
sannkallaðan stórsigur, eins og
Reagan nú og jafnvel stærri. Hér
er listi yfir þá:
Warren Harding 1920
Herbert Hoover 1928
Franklin Roosevelt 1932, 1936,
1940 og 1944
Dwight Eisenhower 1952 og 1956
Lyndon Johnson 1964
Richard Nixon 1972
Ronald Reagan 1980
Og svo Ronald Reagan aftur
nú eins og margoft hefur komið
fram.
Fulltrúar Sovétríkjanna í Genf:
„Fólki ekki mismunað
vegna skoðana sinna“
(ienf, 8. nóvember. AP.
FULLTRÚAR Sovétríkjanna, sem í
dag komu fyrir nefnd þá er fylgist
með því að sáttmála Sameinuðu
þjóðanna um borgaraleg og pólitísk
réttindi frá 1977 sé fylgt, fullyrtu að
mannréttindi og lýðræði væru í
heiðri höfð í heimalandi sínu. Þeir
vísuðu á bug öllum ásökunum um,
að Sovétstjórnin misbeitti valdi sínu
og bryti gegn sáttmálanum, sem sjö-
tíu ríki hafa þegar samþykkt. „Sov-
étborgarar njóti meiri réttinda en
gert er ráð fyrir í sáttmálanum,"
sagði helsti talsmaður Sovétmanna á
fundinum, Dimitri Bykov.
Aðrar forvitnilegar yfirlýsingar
sovésku fulltrúanna voru eftirfar-
andi:
„Það er ekki ritskoðun í Sovét-
ríkjunum."
„Fólki er ekki mismunað vegna
skoðana sinna."
„Enginn hefur verið ofsóttur
eða handtekinn vegna trúarskoð-
ana sinna.“
„Staðhæfingar um misnotkun
geðlæknisfræði í pólitískum til-
gangi eru út í hött.“
„Samkvæmt stjórnarskránni
hafa einstök Sovétlýðveldi fullan
rétt til að segja sig úr ríkjasam-
bandinu. Þau hafa hins vegar ekki
áhuga á því.“
Fulltrúar Vesturlanda, sem sátu
fundinn, kváðu svör Sovétmann-
anna ekki fullnægjandi. Fulltrúi
Austur-Þýskalands sagði, að
mannréttindi væru skilgrein-
ingaratriði, og mismunandi frá
einu þjóðfélagskerfi til annars.
Hann kvað ótækt að ræða um
mannréttindi eingöngu frá vest-
rænu sjónarmiði; ef það væri gert
missti sáttmálinn gildi sitt.
Skreiðarmarkaður
í Arabaríkjum?
Osló, 8. nóvember. Frá Jan Erik Laure, frétUriUra Mbl.
NORSKIR skreiðarframleiðendur
gera sér vissar vonir um að mark-
aður kunni að vera fyrir skreið í
Saudi-Arabíu og öðrum arabaríkj-
um. Byggja þeir bjartsýni sína á
því að Yamani olíuráðherra Saudi-
Arabíu keypti 50 kfló af skreið er
hann kom í óvænta skyndiheim-
sókn til Noregs á dögunum til þess
að ræða verðlag olíu við Kire Will-
och forsætisráðherra.
Þingmaður nokkur segir að
skreiðarkaup Yamanis sé gífur-
leg ókeypis auglýsing, og hefur í
þinginu gert fyrirspurnir til
viðskiptaráðherra hvort ráðu-
neytið hafi í hyggju að kanna
hvort markaður sé fyrir skreið í
arabaríkjunum, svo Norðmenn
verði ekki jafn háðir Nígeríu-
markaði.
Norska útflutningsráðið varar
við þeirri bjartsýni að halda að
markaður sé fyrir skreið í ríkj-
um araba. Formælandi ráðsins
sagði Yamani hafa kevpt skreið-
ina sem minjagrip. Á ferðalög-
um sínum hefði hann það fyrir
venju að kaupa eitthvað sem
tengdist sérstaklega viðkomandi
landi.
Argentína:
Ný rannsókn vegna
týndrar stúlku
Buenos Aires, 8. nóvember. AP.
PIERRE Schori, utanrkisráðherra
Svíþjóðar, er í forsvari fyrir þing-
mannanefnd sem stödd er í Argent-
ínu um þessar mundir, að grafast
fyrir um örlög sænsku stúlkunnar
Dagmar Hagelin, sem hvarf spor-
laust í landinu árið 1977.
Hin 17 ára Dagmar var í slag-
togi með stjórnarandstæðingum,
en þetta var á tímum herforingja-
stjórnarinnar. Það eina sem vitað
er um gang mála er, að henni var
rænt, trúlega af öryggisvörðum
stjórnvalda og að hún særðist illa
af skotsári er mannránið var
framið. Herforingjastjómin gaf
ekkert upp um hvar stúlkan væri
niðurkomin, en stjórn Alfonsins
forseta hefur tekið upp rannsókn
málsins að beiðni sænskra stjórn-
valda.
Foreldrar stúlkunnar hafa ritað
bók um málið og viðskipti sín við
argentínsku herforingjastjórnina.
Faðir hennar, Ragnar, heldur því
fram að öryggisverðirnir hafi
ruglast á Dagmar og eftirlýstum
vinstrisinna, stúlku á svipuðu reki
og Dagmar, og mjög líka henni. f
bókinni birta Hagelinhjónin nokk-
uð af leyniskjölum sem stjórnar-
andstæðingar útveguðu þeim eftir
krókaleiðum. í skjölunum segir að
Alfredo Astiz, höfuðsmaður í sjó-
her Argentínu, hafi stjórnað
mannráninu, svo og þúsundum
annarra mannrána sem mörg eru
talin hafa endað með morði fórn-
arlambanna.
Schori utanríkisráðherra sagði
almenn mannréttindi vera aðal-
málefni sendinefndarinnar, en
ofarlega á baugi væri mál Dagmar
Hagelin. „Við fengum aldrei nein
svör er herforingjarnir réðu ríkj-
um. Nú er stjórnsýsla landsins
með öðrum hætti og við höfum
komið til Argentínu með margar
spurningar brennandi á vörum.
Og við höfum fengið jákvæð og
góð svör við mörgum þeirra. Ég vil
ekki tjá mig nánar um það á þessu
stigi, en aðeins segja að núverandi
stjórnvöld hafa tekið málið upp og
rannsókn þess er komin vel á veg,“
sagði Schori.
Þmgmaður í geimferð
S*Jt Lake Citj, 8. DÓvember. AP.
BANDARÍSKA geimvísindastofnun-
in NASA hefur valið öldungadeildar-
þingmanninn Jake Garn til geim-
ferðar með geimskutlunni, að sögn
aðstoðarmanna þingmannsins.
Garn, sem er 52 ára, er fyrrum
flugmaður í bandaríska sjóhern-
um. Hefur hann meira en 10 þús-
und flugstundir að baki, en aðeins
einn geimfari, Joe Engle, hefur
flogið fleiri flugstundir. Hefur
NASA ekki ákveðið hvenær Garn
fer út í geiminn.
Garn er þingmaður repúblikana
og mun hann gefa þinginu skýrslu
um flugið og hvernig NASA ráð-
stafi fjármunum sínum. Hann er
formaður þingnefndar, sem fjallar
um fjármál NASA. Er hann sagð-
ur við hestaheilsu og gengur brátt
undir þjálfun, sem tekur nokkrar
vikur, i Houston og á Kanaveral-
höfða.