Morgunblaðið - 13.11.1984, Page 27
MORGUNBLAÐIP, ÞRIÐJUDAGUR13. NÓVEMBEB 1984
27
Sovézku liðhlauparnir
neyddir til að snúa heim?
London, 12. bít. AP.
SEXTÁN mánuðum eftir að tveir
sovéskir hermenn í hernámsliði
Sovétríkjanna í Afganistan flýðu
til Bretlands héldu þeir svo í
gærkvöldi með Aeroflot-flugvél
áleiðis til Sovétríkjanna. Mennirn-
ir tveir sögðu við fréttamenn, að
þeir byggjust við, að allt yrði í góðu
lagi þegar heim kæmi og þeir voru
alls ekki kvíðnir. Sovéskir sendi-
ráðsstarfsmenn fylgdu þeim til
flugvallar og höfðu áður meinað
breskum lögregluyfirvöldum að
tala við mennina til að reyna að
ganga úr skugga um, hvort þeir
hefðu verið kúgaðir til að snúa
heim með hótunum um að fjöl-
skyldur þeirra myndu hafa verra
af ella.
Bethel lávarður, þingmaður á
Evrópuþinginu sem aðstoðaði
mennina við að komast til Bret-
lands, sagðist ekki vera i nokkr-
um vafa um að þeir hefðu verið
beittir hótunum. Þegar þeir
komu til Bretlands á sinum
tíma, gáfu þeir lögregluyfirvöld-
um ljótar lýsingar á framferði
sovéska hersins í Afganistan og
þykir ekki trúlegt, að sögn
fréttaskýrenda, að þeim verði
fagTiað innilega við heimkom-
una. Starfsmenn sovéska sendi-
ráðsins sögðu, að mennirnir
hefðu þjáðst af heimþrá og þeir
hefðu ekki getað fellt sig við
vistina í Bretlandi. Fyrir
skömmu fékk annar mannanna
bréf frá fjölskyldu sinni og er
getum að þvi leitt að fjölskyldan
hafi verið neydd til að senda
bréfið til að ýta undir sektar-
kennd og vanlíðan mannanna.
Brottför mannanna tveggja,
Rykhov og Khlan, svo og nýleg
heimferð Svetlönu Stalinsdóttur
hefur vakið mikla athygli á
Vesturlöndum og eru uppi get-
gátur í æðstu hringjum að
Sovétmenn beiti æ harkalegri
þvingunum þá sem reyna að búa
sér nýtt heimili á Vesturlöndum,
en Sovétmönnum þykir akkur i
að fá heim aftur.
Sím&mynd AF
Raijv Gandhi forsætisráðherra Indlands er hér með eina af 25 koparkrúsum
sem innihéldu ösku hinnar föllnu Indiru Gandhi, en öskunni var dreift yflr
Himalaya-fjöll um helgina.
Ösku Indíru dreift
Óvíst er um
verustað
Shcharanskys
Jerós&lem, 12. bót. AP
ANATOLY Shcharansky, sovézkur
gyðingur sem afplánar þrettán ára
refsidóm fyrir andsovézka iðju hef-
ur verið fluttur í nauðungarvinnu-
búðir í Úralfjöllum og fjölskylda
hans hefur miklar áhyggjur af bágri
heil.su hans, að því er kona hans
Avital sagði í dag. Hún sagðist hafa
rætt við mág sinn í síma, en ekkert
hefði heyrzt frá honum og ekki væri
vitað um líðan hans. Shcharansky
hefur verið hjartveikur undanfarin
ár og mikill áróður verið rekinn
fyrir því á Vesturlöndum, að hann
fái að fara úr landi.
Ríkisstjórn Shimon Peresar
samþykkti á síðasta ríkisstjórn-
arfundi sínum að skora á sovézk
stjórnvöld að leyfa Shcharansky
að flytjast til ísraels.
Olíufram-
leiðsla Óman
óbreytt
Manama, 12. BÓTember. AP.
OMAN dregur ekki úr olíu-
framleiðslu sinni, sem nemur 400
þúsundum tunnum á sólarhring, að
sögn olíuráðherra landsins. Oman er
ekki ÍOPEC.
Ráðherrann, Ahmed Al-Shan-
fari kvaðst hins vegar styðja
ákvörðun OPEC-ríkja um fram-
leiðslusamdrátt úr 17,5 milljónum
fata á dag í 16 milljónir til þess að
sporna við verðlækkun á olíu.
Haft var eftir Qaboos, soldán af
Oman, um helgina að Oman-búar
hyggist stuðla að fjölbreyttni í
efnahagslífi sínu til þess að verða
ekki algjörlega háðir olíutekjum.
Hyggist þeir einbeita sér að þróun
landbúnaðar og iðnvæðingu.
Dehlhi, 12. nÓTember. AP.
ÖSKU Indíru Gandhi var dreift úr
herflugvél yfir Himalayafjöllin, sam-
kvæmt ósk Indiru, sem hafði dálæti
á fjöllunum tilkomumiklu.
Þrjár öskukrukkur, sem verið
höfðu til sýnis undir tré við æsku-
heimili Indiru, voru fluttar með
þyrlu frá Dehlhi til Hindon-flug-
stöðvarinnar i norðurhluta lands-
ins, þar sem þær voru settar um
borð í AN-12 flutningaflugvél
ásamt 32 öskukrukkum öðrum,
sem verið höfðu til sýnis í borgum
Indlands.
Á laugardag var lögreglustjór-
inn í Dehlhi settur af og eftirmað-
ur hans hét því að efla traust
manna á lögreglunni, sem þvarr er
lögreglunni mistókst að bæla
niður fjögurra daga blóðugar
óeirðir í kjölfar morðsins á Indiru
Gandhi.
Stofnaðir mannréttinda-
hópar í Varsjá og Kraká
Varajá, 12. BÓTember. AP.
Menntamenn og fyrrum
Samstöðumenn í Krakow í suður-
hluta Póllands hafa stofnað nefnd
til að fylgjast með framgangi
mannréttinda og til að bregðast
við morðinu á prestinum Jerzi
Popicluszko, sem var stuðnings-
maður Samstöðu.
Stofnendur mannréttinda-
hópsins eru 22 að tölu. í
stofnskjali, sem þeir undirrit-
uðu allir, er hvatt til endurbóta
í dómskerfinu í kjölfar morðsins
á Popieluszko.
„Við skulum öll gera það sem í
okkar valdi stendur til þess að
Pólland verði ekki framar vett-
vangur pólitískra morða, pynt-
inga, mannrána og pólitískra
ofsókna," segir í stofnskjali
hópsins í Krakow, sem dreift
hefur verið til vestrænna frétta-
manna í Varsjá.
Þá var í dag kynnt stofnun
samskonar samtaka í Varsjá.
Meðal stofnenda voru Edward
Lipinski, virtur hagfræðingur
og stofnandi réttindabaráttu-
hóps verkamanna, KOR, Jan
Josef Lipinski, sem einnig er
stofnandi KOR, og Janusz
Onyszkiewicsz, fyrrum talsmað-
ur Samstöðu.
Félagsfundur
Verzlunarmannafélag Reykjavíkur heldur félagsfund
um nýgerðan kjarasamning á Hótel Sögu (Átthaga-
sal) miövikud. 14. nóvember kl. 20.30.
Dagskrá.
Nýr kjarasamningur.
Félagsmenn hvattir til aö fjölmenna. Veriö virk í VR.
Verzlunarmannafélag Reykjavíkur.
T ölvunámskeið
MARKMIÐ: Lotus 1-2-3 er hugbúnaður sem náð
hefur gífurlegri útbreiðslu um allan hinn tölvuvædda heim
undanfarin misseri. Lotus 1-2-3 er fáanlegt á flestar gerðir
16 bita smátölva, s.s. IBM PC og samskonar vélar, Rainbow
PC, Wang PC. í þessum hugbúnaði sameinast öflugur
töflureiknir (spredsheet), gagnagrunnskerfi (database) og
síðast en ekki síst grafisk framsetning upplýsinga. Þessi
þrjú kerfi vinna náið saman (intergrated), og með því hafa
náðst áður óþekktir möguleikar i gagnavinnslu á minni
tölvur.
Efni námskeiðsins:
- Kenna á þá möguleika sem 1-2-3 býður í tölvu-
vinnslu
- Notkun allra skipana og verkþátta kerfisins með
hjálp tölvu
— Notkun gagnagrunns og grafísk framsetning
- Samtenging kerfanna 1-2-3 og samtenging við
önnur tölvukerfi.
Á námskeiðinu er notaður tölvubúnaður sem keyrir
Lotus 1-2-3.
ÞÁI I IAKENDUR: Stjórnendur fyrirtækja og stofn-
ana, fjármálastjórar, deildarstjórar hagdeilda, rekstr-
arráðgjafar og þeir sem ábyrgð bera á notkun tölvukerfa
við áætlanagerð.
TÍMI OG STADUR: Síðumúli 23, 26.-29. nóvember
kl. 9-13.
LEIÐBEINENDUR: Páll Gestsson, starfsmaður IBM á
íslandi. Friðrik Sigurðsson, forstöðumaður Tölvufræðslu SFÍ.
TILKYNNIÐ ÞATTTOKU
í SÍMA 82930
STJÓRNUNARFÉLAG
ISIANDS ISS23
BJARNI DAGUR/AUGL