Morgunblaðið - 13.11.1984, Blaðsíða 30
38
MORGUNBLAÐIÐ, ÞBIÐJUDAQUR 13, NÓVEMBER 1984
Með sijjrinuœ tryggði Eiríkur (Ly.) aér íslandsmeistaratitil aðstoðarökumanna I ár, en Bjarmi ók bílnum f sinni
annarri keppni. Urðu þeir f öðru s*ti f Ljómarallinu og sigruðu núna, glæsilegur árangur.
Haustrall Hjólbarðahallarinnar:
Hraðskreiðastir
frá upphafi til enda
Bjarmi Sigurgarðarsson og Eiríkur Friðriksson unnu
ÞAÐ var aldrei spurning um hver
sigraði í haustralli Bifreiðaíþrótta-
klúbbe Reykjavíkur og Hjólbarða-
hallarinnar á sunnudaginn. Þeir
Bjarmi Sigurgarðarsson og Eirfkur
Friðriksson á Ford Escort 2000 tóku
forystuna strax á fyrstu leið, sem
þeir létu ekki af hendi og komu í
mark sem öruggir sigurvegarar eftir
að hafa náð besta tíma á nær öllum
sérleiðum. Ómar og Jón Ragnars-
synir náðu öðru sæti á Toyota Cor-
olla 1600, sem tryggði Omari ís-
landsmeistaratitil rallökumanna, en
annar sigurvegaranna, Eirfkur, hlaut
titil aðstoðarökumanna, en báðir eru
veittir fyrir bestan keppnisárangur á
árinu. Bræðurnir Birgir og Hreinn
Vagnssynir nældu í þriðja sætið eftir
hörkuakstur á Ford Cortina 2000,
þreyttasta bfl rallsins og líklega
þeim erfiðasta í akstri.
Það voru 18 keppnisbílar sem
lögðu upp frá Hjólbarðahöllinni á
sunnudagsmorgun, en áður en yfir
lauk höfðu sjö þeirra helst úr lest-
inni. Það varð aldrei raunveruleg
keppni um verðlaunasætin þrjú,
fyrr en undir lokin að Birgir og
Hreinn Vagnssynir sprengdu dekk
á ísólfsskálaveg á Cortina-bílnum.
Féllu þeir niður i fjórða sætið, en
Þorsteinn Ingason og Sighvatur
Sigurðsson á Corolla gripu það
þriðja. Mikil barátta var á milli
þeirra á lokaleiðunum, sem endaði
með því að þeir síðarnefndu
snarsnerust í síðustu beygju
keppninnar á klakabunka, og klár-
uðu leiðina í bakkgír i stað þess að
snúa við, til þess að tapa ekki
dýrmætum tíma. En það nægði
ekki þvi Birgir og Hreinn óku
grimmt og þó þeir færu útaf i
sömu beygju með látum náðu þeir
mun betri tima og nældu i þriðja
sætið. Þeir bræður hlutu Morgun-
blaðsbikarinn fyrir skemmtileg
tilþrif og íþróttamannslega fram-
komu, en einnig voru þeir kosnir
vinsælustu keppendurnir af kepp-
endum sjálfum og hlutu Stokk-
fiskbikarinn fyrir. Nánar verður
sagt frá keppninni síðar.
„Við stefndum að þessu innst
inni, að sigra og erum ánægðir að
það skyldi takast," sögðu þeir fé-
lagar Bjarmi og Eiríkur í samtali
við Morgunblaðið. „Við vorum
smeykir við bæði ómar og Birgi
fyrir keppni, en það gekk allt upp
hjá okkur og það var greinilegt að
ómar ætlaði ekki að gera harða
hríð að okkur vegna íslandsmeist-
aratitilsins. Keppnisstjórn og
Hjólbarðahöllin eiga heiður skil-
inn fyrir skemmtilega keppni og
við þökkum þeim sem aðstoðuðu
okkur að ná þessum árangri."
Morgunblaðid/Gunnlaugur.
„Vááá, var það eina sem kom uppúr mér í þessu fhigi,“ sagði Eiríkur Friðriksson, aðstoðarökumaður sem flýgur
þaraa á leið til sigurs með Bjarma Sigurgarðarssyni.
Tímaritið Mannlíf komið út
TÍMARITIi) Mannlíf, 2. tölublað
1984, er nýkomið út, afar fjölbreytt
að efni. Ritið er % blaðsíður ( stóru
broti, ríkulega myndskreytt. Mann-
líf var að þessu sinni sett að mestu í
Prentsmiðjunni Odda hf. en filmu-
unnið, prentað og bundið f Rotter-
dam í Hollandi.
Meðal efnis i Mannlífi að þessu
sinni er einkaviðtal ritstjóra við
blökkumannaleiðtogann Jesse
Jackson, sem margir telja mesta
leiötoga bandarískra blökku-
manna síðan dr. Martin Luther
King lést. Viðtalið við Jesse Jack-
son fór fram í Chicago fyrir
skömmu. Þá er í ritinu grein um
bókmenntir, listir, tækni og vís-
indi eftir dr. Þorvald Gylfason
prófessor, viðtal er við Tinnu
Gunnlaugsdóttur leikkonu, sagt er
frá sjúkdómunum bulimia og an-
orexia nervosa, sem ágerast stöð-
ugt, einkum meðal ungra stúlkna í
velferðarþjóðfélaginu. Enn má
nefna að óvenjulegt viðtal er við
Svavar Gestsson formann Alþýðu-
bandalagsins, svipmynd er af
Styrmi Gunnarssyni ritstjóra
Morgunblaðsins, einnig svipmynd
af Bobby Fischer, fyrrum heims-
meistara 1 skák, ólafur Þ. Harð-
arson ritar um skoðanakannanir,
almenningsálit og stefnumótun í
stjórnmálum og grein er um nor-
ræn hótel með merka sögu.
Enn má nefna að tískuþáttur er
f blaðinu, þar sem nokkur þekkt
pðr hafa verið fengin til að klæða
sig uppá, fréttir eru úr ýmsum
áttum af þekktu fólki, innlendu
sem erlendu, Birgir Árnason ritar
um stóriðju, viðamikil grein er um
kynlíf á níunda áratugnum, fjall-
að er um hið nýja poppstirni
Prince, og Guðmundur Heiðar
Frímannsson og Guðmundur
Andri Thorsson rita um bók-
menntir, svo eitthvað sé nefnt.
Þetta annað tölublað Mannlffs
er prentað f 10 þúsund eintökum,
og er þar með orðið annaö eða
þriðja útbreiddasta timarit á ls-
landi, en fyrsta tölublað hefur nú
selst í um 11 þúsund eintökum.
Mannlíf er aðili að upplagseftirliti
Sambands íslenskra auglvsinga-
stofa og Verslunarráðs Islands.
Otgefandi Mannlífs er útgáfufé-
lagið Fjölnir hf., ritstjóri er Her-
dís Þorgeirsdóttir, auglýsinga-
stjóri Lilja Hrönn Hauksdóttir.
(FrétUtilk;nning)
Fræðslu-
erindi um
siðfræði
DR. BJÖRN Björnsson, prófessor
við guófræðideild HÍ, mun 4
næstu fimmtudagskvöld 15. nóv.,
22. nóv., 29. nóv. og 6. des. flytja
fræósluerindi um siðfræóileg efni
á vegum Hafnarfjarðarsóknar og
verða þau haldin í Slysavarnafé-
lagshúsinu vió Hjallabraut og
hefjast kl. 20.30.
I fyrsta erindi sínu mun hann
fjalla um siðferðilegar grunn-
viðmiðanir og beina þeim síðan
að ákveðnum viðfangsefnum og
vandamálum samtíðarinnar.
Boðið verður upp á kaffi og
frjálsar umræður í framhaldi af
hverju erindi.
Sr. Gunnþór Ingason.
Hafnarfjörður:
Hafnarfjarðarkirkja
Sarnafi!
varanleg lausn
VIÐHALDSFRÍTT ÞAKEFNI
Á ÞÖK - Á ÞAKSVALIR
ÁBYRGÐ Á EFNI OG VINNU
UNNIÐ ALLT ÁRIÐ - SUMAR SEM VETUR
FAGTUN HF LÁGMÚLA 7. 105 REYKJAVÍK, SÍMI 28230
*
I Kanada ekki
Bandaríkjunum
í frétt af andláti Kristjönu P.
Helgadóttur læknis í Morgun-
blaðinu, sl. laugardag, 10. nóv-
ember, er sú missögn, að Krist-
jana hafi lokið sérfræðinámi í
barnasjúkdómum í Bandaríkj-
unum. Hið rétta er, að hún lauk
því námi f Kanada. Þetta leið-
réttist hér með og eru viðkom-
andi beðnir velvirðingar á þess-
ari missögn.
Leiðrétting
ÞAU leiðu mistök urðu í blaðinu
á sunnudag að þar birtist aug-
lýsing frá Huldu Guðmunds-
dóttur, félagsráðgjafa, undir yf-
irskriftinni, hef opnað lækna-
stofu. Þar átti að standa: Hef
opnað stofu. Hulda býður upp á
viðtalsmeðferð (psykoterapia)
einstaklinga, hjóna og fjöl-
skyldna.
Beðist er velvirðingar á þess-
um mistökum. Auglýsingin birt-
ist rétt í blaðinu i dag.
Happdrætti
Hjartaverndar:
Dregið á
föstudaginn
DREGIÐ verður í Happdrætti
Hjartaverndar nk. föstudag,
þann 16. nóvember. Upphaflega
stóð til að draga þann 12. októ-
ber sl., en drætti var frestað
vegna óviðráðanlegra orsaka.
Enn eru seldir miðar í sölubíl
í Austurstræti.