Morgunblaðið - 21.11.1984, Side 1

72 SÍÐUR
STOFNAÐ 1913
228. tbl. 71. árg.
MIÐVIKUDAGUR 21. NÓVEMBER 1984
Prentsmiðja Morgunblaðsins
Stöðugur
straumur
námamanna
til vinnu
London, 20. nóvember. AP.
Um eittþúsund námamenn sneru
til vinnu í dag og hafa þá 3.300
námamenn hætt verkfallinu á
tveimur dögum. Rúmlega 60.000
námamenn eru sagóir hafa hætt
verkfalli og að 59 af 174 námum
séu starfræktar, en Arthur Scargill
leiðtogi námamanna segir tölur
stórýktar.
Til átaka kom við námur víða
um land er herskáir verkfalls-
menn reyndu að hindra vinnu við
þær. Margaret Thatcher forsæt-
isráðherra fordæmdi skemmdar-
verk námamanna í rannsókn-
arstofum kolanámanna í gær,
sem metið er á kvartmilljón
sterlingspunda.
Scargill sakaði ríkisstjórnina,
stjórn kolanámanna, dómsmála-
kerfið og lögregluna um að mis-
nota fjölmiðla í þeim tilgangi að
draga vígtennurnar úr samtök-
um námamanna. „En þrátt fyrir
þungann og grimmdina í þessum
samræmdu árásum munum við
ekki kikna," sagði Scargill.
Simamynd/AP
Starfsmaður Rauða krossins bjargar tveimur skaðbrenndum börnum úr rústum fátækrahverfisins, sem lagðist að
mestu í rúst í gífurlegri gassprengingu í Mexikóborg.
305 manns brenna
í vítiseldi í Mexíkó
Óttast að manntjónið reynist meira — 500 lífshættulega særðir
Meiikóborg, 20. nóvember. AP.
HERMENN girtu í dag af fátækra-
hverfið í Mexíkóborg, sem er ein
rjúkandi rúst eftir einhverja verstu
gassprengingu sögunnar. Var það
gert af ótta við gripdeildir. Þeir,
sem komust af í hverfinu, biðu í
dag milli vonar og ótta um afdrif
margra ættingja sinna, en hundruð
manna brunnu lifandi til bana í
sprengingunni og ógnarbáli, sem
fylgdi í kjölfarið.
Samkvæmt síðustu fregnum
var vitað um a.m.k. 305 sem fór-
ust í sprengingunni og vítiseldin-
BaskaleiÖ-
togi veginn
Bilbao, 20. nóvember. AP.
SANTIAGO Brouard, leiðtogi að-
skilnaðarsinna baska, var veginn
í læknastofu sinni f Bilbao, að
sögn dóttur hans, og er ekki vit-
að hverjir banamenn hans eru.
Brouard var 65 ára og
áhrifamaður í stjórnmálaarmi
hinna útlægu aðskilnaðarsam-
taka baska, ETA. Er hann 39.
fórnariamb pólitískra ofbeldis-
átaka á Spáni á árinu.
um í Tlalnepantla-hverfinu og
a.m.k. 500 voru lífshættulega
slasaðir í sjúkrahúsum. Óttast er
að tölur þessar eigi eftir að stór-
hækka. Tugþúsundir manna
misstu heimili sín og haldast þeir
við í bráðabirgðabúðum í ná-
grenninu.
Eldi og eimyrju rigndi yfir allt
hverfið þegar sprengingarnar
hófust rétt fyrir dögun. Fyrr en
varði stóð allt hverfið i ljósum
logum. Talið er, að fyrsta spreng-
ingin hafi orðið í gasflutningabíl
en síðan sprungu margir tankar
með gasvökva hver á fætur öðr-
um. I sumum tankanna voru allt
að 11 milljónir lítra af gasi.
Stúlka, sem komst lífs af, sagði
að er móðir hennar hefði opnað
útidyr að húsi þeirra á því augna-
bliki sem sprengingin varð, hefði
verið líkast því sem brimskaflar
elds hefðu skollið á húsinu.
Hermenn hafa handtekið tugi
manna, sem reynt hafa að færa
sér í nyt ringulreiðina og stela úr
rústum húsanna. Fjöldi þeirra,
sem komust af í hverfinu, hefur
snúið aftur og skarað í bruna-
rústirnar i leit að eigum sínum.
Mesta gassprenging, sem áður
hefur orðið, átti sér stað í Cleve-
land í Bandaríkjunum árið 1944
en þá fórust 135 manns. Fréttir
eru einnig um, að gasflutninga-
bíll hafi sprungið í Slang-jarð-
göngunum í Afganistan árið 1982
og rúmlega 1.000 manns farist en
þær hafa aldrei verið staðfestar
endanlega.
Sjá nánar á bls. 33.
Bratteli
látinn
Osló, 20. nóvember. AP.
TRYGVE Bratteli fyrrum
forsætisráðherra Noregs lézt í
dag, 74 ára að aldri. Fékk hann
hjartaslag. Bratteli var lagður í
sjúkrahús á föstudag eftir að
hafa hlotið heilablóðfall.
Odvar Nordli þingforseti og
fyrrum forsætisráðherra
skýrði þingheimi frá láti
Bratteli við umræður í stór-
þinginu.
Bratteli var forsætisráð-
herra Verkamannaflokksins
tvisvar, í rúmt ár 1971 til 1972
og rúm tvö ár 1973 til 1976. í
öðrum ríkisstjórnum flokksins
gegndi hann starfi fjármála-
ráðherra og samgönguráð-
herra.
Á þing var Trygve Bratteli
kjörinn 1949 og átti sæti þar til
ársins 1981 að hann sagði skil-
ið við stjórnmálin. Hann var
formaður Verkamannaflokks-
ins 1965—75.
Bratteli lifði af þriggja ára
vist í fangabúðum nazista í
heimsstyrjöldinni síðari. Eig-
inkona Bratteli, Randi, lifir
mann sinn.
Sjá „Trygve Bratteli var einn af
áhrifamestu stjórnmálaleiðtog-
um Noregs" á bls. 32.
192 Pólverjar flýja af farþegaskipi:
„Búinn að fá nóg
af ógnarstjórninni“
ii_>_-i-«-an
Hamborg, 20. nóvember. AP.
NÆR þriðjungur farþega pólska far-
þegaskipsins Stefan Batory strauk
frá borði er skipið hafði viðdvöl í
Hamborg og bað fólkið um hæli sem
pólitískir flóttamenn. Alls flýðu 192
menn, en 608 farþegar voru með
skipinu, og er þetta mesti fjöldaflótti
af pólsku farþegaskipi.
Farþegar hafa hlaupið frá borði
i Vestur-Þýzkalandi, Bretlandi og
Hollandi í fyrri ferðum skipsins.
Alltaf hefur verið um flótta af
skipinu að ræða er það hefur haft
viðkomu í Hamborg, en aldrei jafn
mikinn og nú.
í hópnum er ungir karlmenn
áberandi, en einnig voru heilu
fjölskyldurnar meðal flóttafólks-
ins. Stjórnmálaástandið í Póllandi
er aðalástæðan og sagði 28 ára
byggingatæknifræðingur að
flóttafólkið hefði gagngert farið í
skemmtisiglinguna til að flýja
land. „Ég var í góðu starfi, með
góðar tekjur, en búinn að fá nóg af
ógnarstjórninni," sagði hann.
Hamborg var fyrsti viðkomu-
staður í þessari skemmtisiglingu
Stefan Batory, sem lét úr höfn í
Gdansk um helgina. Skipið fór frá
Hamborg til Rotterdam. Flótti af
Stefan Batory er ekki nýmæli,
m.a. strauk skipstjóri þess eitt
sinn í London. I fyrra struku 34
Pólverjar af skipinu í Hamborg,
12 i Hollandi og 31 i Bretlandi, og
5 í Kaupmannahöfn. f marz 1977
strauk 21 af skipinu í Hamborg og
64 í janúar 1974.