Morgunblaðið - 21.11.1984, Blaðsíða 2
2
MORGUNBLAÐIÐ, MIÐVIKUDAGUR 21. NÓVEMBER 1984
Gengisfellingin:
Bandaríkjadollar
hækkaði um 14,2%
VIÐ gengisfellinguna i mánudag hskkaði sölugengi erlends gjaldeyris,
mismunandi eftir tegundum, eða frá 12,8% til 14,8% miöað við síðustu
gengisskráningu fyrir helgi. Bandarfkjadollar kostar nú 39,300 kr., hækkaði
um 14,2%.
Sterlingspund kostar 49,096 kr.,
hækkaði um 13,3%. Dönsk króna
kostar 3,6352 kr. og hækkaði um
12,9%. Norsk króna kostar 4,5211
kr., hækkaði um 13,4%. Sænsk
króna kostar 4,5799 kr. og hækk-
aði einnig um 13,4%. Franskur
franki kostar 4,2831 kr., hækkaði
um 13,1%. Vestur-þýskt mark
kostar 13,1460 kr., hækkaði um
13,1%. Spænskur peseti kostar
0,2350 kr., hækkaði um 13,4%.
Japanskt yen kostar 0,16140 kr.,
hækkaði um 13,7%. Minnsta
hækkun gjaldmiðils varð á belg-
íska frankanum. Hann kostar nú
0,6495 kr., hækkaði um 12,8%.
Gengi SDR (sérstakra dráttar-
réttinda) er nú 34,5607 kr. og
hækkaði mest samkvæmt nýju
gengisskráningunni, eða um
14,8%.
Aðalfundur LÍÚ í dag:
Stjórnun veiðanna og
menntunarmál á dagskrá
AÐALFUNDUR Landssambands
íslenzkra útvegsmanna hefst á
Hótel Sögu í dag. Að sögn Krist-
jáns Ragnarssonar, framkvæmda-
stjóra LIÚ, mun fundurinn mark-
ast mjög af viðhorfum manna til
stjórnunar fiskveiða á næsta ári og
þeirrar reynslu, sem nú hefur feng-
izt af kvótakerfinu með tilliti til
framhaldsins.
Kristján sagði, að auðvitað
hlyti fundurinn einnig að mark-
ast af umræðum um hina slæmu
afkomu flotans að undanförnu og
framkvæmd skuldbreytinga, sem
verið væri að framkvæma og
hefði dregizt mjög lengi. Afkom-
an, stjórnun veiðanna og mennt-
unarmál væru meginstefið í
þessu, en menntunarmálin hefðu
mikið verið til umræðu að
undanförnu vegna minnkandi að-
sóknar að Sjómannaskólanum,
gagnstætt aðsókn að öllum öðr-
um skólum.
Morgunblaöið/JúlíuB
Árekstrasúpa í góðviðrinu
NÝLEGUR fólksbfll valt skyndi-
lega á Hringbraut nærri Landspít-
alanum í Reykjavík síðdegis í gær.
Ökumaðurinn slasaðist ekki en
bfllinn er talsvert skemmdur, eins
og sjá má af myndinni, sem var
tekin þegar lögreglumenn veltu
bflnum við á ný.
Margir árekstrar urðu í höfuð-
borginni í gær án þess að alvar-
leg slys yrðu á fólki. Sjö ára
stúlka varð fyrir mótorhjóli
skammt frá Melaskólanum í gær
en slapp betur en á horfðist: hún
viðbeinsbrotnaði og hlaut minni-
háttar höfuðáverka.
Sala Coldwater 6,7 milljarðar fyrstu 10 mánuði ársins:
4 % verðmætaaukning og 12 %
magnaukning frá því í fyrra
HAUSTTSyTJÓRNARFUNDUR Coldwater, sölufyrirtækis SH í Bandaríkjun-
um, var haldinn í Bandaríkjunum fyrr í þessum mánuði. Kom þar meðal
annars fram, að heildarsala fyrirtækisins fyrstu 10 mánuði ársins nam 6,7
milljöröum króna, 173 milljónum dollara, og jókst um 4% i verðmætum en
12% í magni miðað við sama tíma á síðasU ári. Þá var á fundinum einnig
rætt um hugsanlega framleiðslu á „surimi“ (fiskfarsi) hér á landi, til útflutn-
ings og framleiðslu krabbastauta.
Jónas Bjarnason
formaður Varðar
DR. JÓNAS Bjarnason var kjörinn
formaður Landsmálafélagsins Varðar
á aðalfundi félagsins í gærkvöld. Jón-
as var kosinn að tillögu uppstillingar-
nefndar en aðrir gáfu ekki kost á sér
til formennsku. Gunnar Hauksson,
fráfarandi formaður, gaf ekki heldur
kost á sér.
Aðrir stjórnarmenn voru kjörnir:
Guðmundur Jónsson, Gústaf B.
Einarsson, Halldór S. Friðriksson,
Kristinn Jónsson, Lovisa Sigurð-
ardóttir og Helga Jóhannsdóttir.
Varamenn í stjórn félagsins voru
kosnir ólafur Klemensson, Rafn
Thorarensen og Ottó örn Péturs-
son. Endurskoðendur voru kosnir
Hannes Þ. Sigurðsson og Helgi V.
Jónsson.
Að sögn Guðmundar H. Garð-
arssonar, blaðafulltrúa SH og
Coldwater, var fjöldi mála á
dagskrá fundarins. Helzt þeirra
voru sölu- og framleiðslumál,
framtíðarhorfur I þeim efnum;
kynning á nýjungum í starfsemi
fyrirtækisins, svo sem nýjum
vörutegundum og breytt útfærsla
á starfsemi fyrirtækisins.
Guðmundur H. Garðarsson
sagði, að Magnús Gústafsson, for-
stjóri Coldwater, og aðrir stjórn-
endur fyrirtækisins hefðu kynnt
stöðu mála. Þar hefði meöal ann-
ars komið fram, að salan í októ-
bermánuði hefði aukizt um 19% í
magni miðað við sama mánuð i
fyrra og um 14% í verðmætum.
Alls hefði salan í mánuðinum
numið tæpum 740 milljónum
króna (tæpum 19 milljónum doll-
ara). Magnaukning fyrstu 10 mán-
uði ársins hefði verið 12% miðað
við sama tíma í fyrra, en verð-
mætaaukningin 4%. Alls hefði
verið selt fyrir 7,6 milljarða króna
(173 milljónir dollara) þetta tíma-
bil. Magnaukning í sölu
verksmiðjuframleiddrar vöru
Áður farið ránsferðir
um nágrennið að nóttu
STROKUFANGARNIR fjórir, sem struku úr fangelsinu á Kvíabryggju
aðfaranótt mánudagsins, voru allir komnir aftur á bak við lás og slá um
miðnætti í fyrrakvöld. Einn þeirra gaf sig fram við lögreglu af sjálfsdáð-
um, hinir þrír voru handteknir í íbúð í Kópavogi þar sem þeir sátu að
sumbli. Við yfirheyrslur yfir þeim mun hafa komið I Ijós, að þeir hafa
iður farið út um glugga á Kvíabryggju að næturlagi og farið rænandi og
ruplandi um nágrannabyggðirnar.
Upphaflega setluðu fangarnir
aðeins að fara í stutta ránsferð
niður í Grundarfjörð aðfaranótt
mánudagsins og vera komnir
aftur í klefa sína áður en þeirra
yrði saknað um morguninn. Einn
þeirra fór út um glugga á klefa
sinum og aðsioðaði hina við að
komast út. Lögðu þeir síðan af
stað fótgangandi niður i þorpið
og höfðu með sér kúbein. Þegar
kom í Grundarfjörð þótti þeim
vitlegra að fara til Reykjavíkur.
Stálu þeir fljótlega bíl, sem þeir
óku áleiðis. Hann reyndist
hinsvegar bæði hljóðkútslaus og
bensinlítill, 3vo þeir völdu sér
heppilegra farartæki í Ólafsvík
og héldu ferðinni áfram til höf-
uðborgarinnar.
Ekki höfðu þeir ekið lengi þeg-
ar sprakk á einu hjóli. Þá skorti
lykil til að geta opnað verkfæra-
geymsluna en létu það ekki aftra
sér frá að spenna hana upp. Kom
þá kúbeinið í góðar þarfir. Undir
morgun, þegar þeir voru komnir
á Mýrar, bilaði bíllinn. Skildu
þeir hann eftir þar sem þeir voru
staddir og röltu heim að næsta
bæ. Þar þáðu þeir kaffi hjá
heimilisfólkinu en bóndi á bæn-
um mun jafnframt vera hrepp-
stjóri í sinni sveit, skv. upplýs-
ingum Mbl. Frá Mýrum fengu
þeir far með flutningabíl suður í
Hvalfjörð þar sem þeir skiptu
liði og fóru tveir og tveir saman
„á puttanum" til Reykjavikur.
Tveir þeirra skildu við greið-
vikinn ökumann á Ártúnshöfða,
fóru inn í Saab-umboðið og
fengu að hringja þar. Þökkuðu
þeir fyrir sig með því að stela af
einum starfsmanna fyrirtækis-
ins seðlaveski, sem í var ávís-
anahefti, krítarkort og fleira.
Skemmtu þeir sér siðan i höfuð-
borginni það sem eftir var dags,
skrifuðu út nokkrar ávísanir og
borguðu einu sinni með krítar-
kortinu.
Ekki er ljóst hversu háar fjár-
hæðir þeir sviku út með þeim
hætti, að sögn Þóris Oddssonar,
vararannsóknarlögreglustjóra
ríkisins. Siðar um daginn hittu
þeir félaga sína tvo, sem höfðu
komið með öðrum bil til Reykja-
víkur, og voru siðan handteknir í
Kópavogi í fyrrakvöld, eins og
fyrr sagði.
hefði numið 12% en 10% í fisk-
flökum. Þá hefði komið fram, að
sala á ferskum fiski þetta tímabil
hefði verið nokkru minni nú og
sömuleiðis sala á humri. Samsetn-
ing tegunda hefði á þessu ári ekki
verið eins hagstæð og á þvi síð-
asta, karfi og ufsi vægju nú
þyngra í heildarsölunni og einnig
hefði orðið nokkur verðlækkun á
fiskblokkinni, sem hefði dregið lít-
illega úr verðmætaaukningunni
samanborið við magnaukninguna.
Þá sagði Guðmundur, að á fund-
inum hefði útlit og horfur heima
og heiman verið rætt á fundinum
og væri forysta fyrirtækisins
vestra í sóknarhug. Hins vegar
væri erfitt að spá nokkru um horf-
ur framundan, en menn gerðu sér
þó vonir um bata í byrjun næsta
árs.
Nú væru framundan fundir með
umboðsmönnum Coldwater, sem
væru um 50 talsins um öll Banda-
ríkin. Yrðu fundirnir haldnir i
San Francisco, Dallas, Atlanta,
Chicago og New York. Á þessum
fundum yrði farið yfir sölu þessa
árs, áætlun þess næsta og kynn-
ingu nýrra vörutegunda auk fieiri
þátta. Hjá forráðamönnum
Coldwater væri lögð höfuðáherzla
á gæðaframleiðslu heima og
heiman, enda væri það Ijóst að
gæðin væru lykillinn að velgengni
í markaðsmálum.
Að lokum gat Guðmundur þess,
að á fundinum hefði verið rætt um
hugsanlega tilraunaframleiðslu á
svokölluðu surimi, sem væri eins
konar fiskfars úr ýmsum fiskiteg-
undum, sem lítt eða ekkert væru
nýttar til manneldis. Væri þar
verið að huga að framleiðslu
krabbastauta og annarra vöruteg-
unda svipaðs eðlis. Vara þessi
væri þekkt í Japan og væri nú að
ryðja sér til rúms í Bandaríkjun-
um.
Stjórn Coldwater skipa: Ágúst
Flygenring, Ásgrimur Pálsson,
Eyjólfur lsfeld Eyjólfsson, Gísli
Konráðsson, Guðfinnur Einars-
son, formaður, Guðmundur Karls-
son, Jón Ingvarsson, Magnús
Gústafsson og Ólafur B. ólafsson.
Samningarn-
ir felldir í
Siglufirði
Sighinrdi, 20. nóvember.
NÝGERÐIR kjarasaraningar
ASÍ og VSÍ voru felldir á félags-
fundi í verkalýðsfélaginu Vöku
hér í kvöld. 33 félagar af liðlega
500 voru á fundinum. Tuttugu
greiddu atkvæði gegn samning-
unum, tíu voru með og þrír sátu
hjá.
— Fréttaritari.
Bankamenn sömdu
BANKAMENN meta þá samninga,
sem tókust með Sambandi ísl.
bankamanna og bönkunum í fyrri-
nótt, til liðlega 24%hækkunar launa
fram til ársloka 1985, að því er
framkvæmdastjóri sambandsins,
Helgi Hólm, sagði { samtali við
blaðamann Mbl. í gær.
„Þetta er í meginatriðum eins
og þeir samningar, sem gerðir
hafa verið að undanförnu, til
dæmis ASÍ/VSÍ-samningurinn,“
sagði Helgi. „Fyrr um daginn, sem
samningurinn var gerður í
fundaherbergi Seðlabankans, var
ákveðin þar gengisfelling. Við
reyndum að fá inn í samninginn
gengistryggingarákvæði, enda
sömdum við í skugga gengisfell-
ingarinnar, en það tókst ekki."
Samningurinn hefur verið stað-
festur af stjórn, samninganefnd
og formönnum aðildarfélaga sam-
bandsins með fyrirvara um sam-
þykki félaganna. Allsherjarat-
kvæðagreiðsla um samninginn fer
fram 26. og 27. nóvember næst-
komandi.