Morgunblaðið - 21.11.1984, Blaðsíða 23
MORGUNBLAÐIÐ, MIÐVIKUDAGUR 21. NÓVEMBER 1984
23
— Hvernig finnst þér Færey-
ingar hafa tekið þér?
„Ákaflega vel. Ég get ekki ann-
að sagt. Yfir því er ég auðvitað
glaður og ánægður, því eðli máls-
ins samkvæmt held ég að þessu
starfi sé ekki auðvelt að sinna
nema sá sem hefur það með hönd-
um hverju sinni geti lynt við
heimamenn. Eitt meginhlutverk
þess, sem starfinu gegnir, er í
rauninni að koma á og hafa gott
samstarf við landsmenn um
starfsemina í húsinu. Æðstu yfir-
völd hússins eru norræna ráð-
herranefndin fyrir hönd
Norðurlandaráðs og landstjórnin í
Færeyjum. Síðan höfum við hús-
stjórn, sem fjallar um málefni
þess og ræður forstjóra. í stjórn-
inni sitja þrír Færeyingar og síð-
an einn fulltrúi Norðurlandaþjóð-
anna hverrar um sig. Sá sem
þessu starfi gegnir verður í raun
réttri að vera umboðsmaður þjóð-
anna allra og reyna að inna það af
höndum svo sómasamlegt sé.“
Sterk og lifandi
menning
— Hvernig kemur færeyskt
menningarlíf þér fyrir sjónir?
„Mér finnst það virkt og lifandi.
Áður en ég kom hingað vissi ég, að
Færeyingar áttu bæði góða rithöf-
unda og góða málara. Myndlist
stendur á háu stigi í Færeyjum og
hlutfallslega eru hér margir mjög
góðir myndlistarmenn. Þetta segi
ég ekki bara vegna þess að ég hafi
séð góða myndlist hér á sýningum,
heldur vegna þess að þegar maður
kemur inn á færeysk heimili eða í
opinberar byggingar, verslanir og
banka, þá hanga þar uppi lista-
verk, sem svo sannarlega ná máli
og Færeyingar geta verið stoltir
af. Ég hef komið á sveitabæ, þar
sem héngu uppi málverk eftir
Mykines og Ingólf av Reyni og
ýmsa góða málara aðra. Þetta
sýnir, að hér hafa ekki aðeins
starfað góðir myndlistarmenn
heldur er almennur áhugi á
myndlist í Færeyjum og góður
smekkur ríkjandi. Svona góður og
almennur smekkur á list getur
ekki verið nein tilviljun. Hann
sýnir, að á sviði myndlistar og rit-
listar standa Færeyingar á nokk-
uð gömlum merg. En það sem mér
þótti einna mest gaman að kynn-
ast nú í haust er að bæði í leiklist
og tónlist er sitthvað nýtt að ger-
ast einmitt núna. Dæmi um þetta
er t.d., að í fyrra var stofnuð sin-
fóníuhljómsveit í Færeyjum.
Formaður hennar og hljómsveit-
arstjóri eru frá Klakksvík.
Hljómsveitin æfir hér í húsinu
regulega og hugmyndin er að hún
haldi hér hljómleika snemma í
desember. Þarna er að fæðast sin-
fóníuhljómsveit skipuð áhuga-
mönnum víðsvegar úr eyjunum.
Ég hef kynnst færeyskum tón-
skáldum og undrast hve vítt svið
þeir hafa sem tónlistarmenn. Þeir
eru í klassískri tónlist, jassi, þjóð-
legri músík og öllu mögulegu. Mér
sýnist að hér sé mikil gerjun í
tónlistarlífinu og einmitt vegna
þess hve húsið er vel fallið til tón-
leikahalds geri ég mér vonir um að
það eigi eftir að verða mikil lyfti-
stöng fyrir færeyskt tónlistarlif.
Svipaða sögu mætti segja um
leiklistina."
— Hvað um kvikmyndir?
„Hér er góð aðstaða til kvik-
myndasýninga og kvikmyndir eru
hiklaust eitt af því sem hér á
heima. Hér hafa verið sýndar
nokkrar norrænar kvikmyndir,
m.a. Stuðmannamyndin, en það
hafa ekki verið haldnar sérstakar
kvikmyndavikur eða kvikmynda-
hátíðir. Ég held að þetta sé eitt af
því, sem ekki hefur tekist að móta
sérstaklega á einu og hálfu ári. Ég
hef hugsað mér að huga nánar að
þessum málum ekki síður en öðru,
þegar fram í sækir. Hér voru um
daginn fulltrúar frá kvikmynda-
klúbbi í bænum og kennari, sem
hafði áhuga á að fá til Færeyja
góðar, norrænar barnamyndir.
Það væri gaman að verða sér úti
um íslenskar kvikmyndir og sýna
hér og í sumar heyrði ég, að
eitthvað slíkt væri í undirbúningi,
en ekki er víst að því hafi verið
komið í verk.“
Gott að sleppa úr
streitunni
— Hvernig hefur það lagst í þig
að flytja frá Reykjavík til Þórs-
hafnar í Færeyjum?
„Það hefur lagst vel í mig. Mér
fannst streitan á íslandi og í mínu
starfi vera orðin of mikil. Ég er
a.m.k. ennþá svo lukkulegur, að
hún er ekki byrjuð að mæða eins
mikið á mér hérna og hún gerði
heima. Það er auðvitað töluverð
áreynsla að taka við svo fjölþættu
og ábyrgðarmiklu starfi á nýjum
stað, en mér hefur fundist gott
einmitt að losna úr fjötrum hvers-
dagslífsins heima á Islandi. Ég hef
kunnað vel við mig hér í Þórshöfn
og mér finnst staðurinn vera
einkar notalegur rammi utan um
líf mitt á þessu hausti."
— Hefurðu í hyggju að hverfa
aftur til útvarpsins að fjórum ár-
um liðnum?
„Ég hef rétt til að hverfa að
mínu gamla starfi en hef hugsað
mér að ákveða ekkert um það að
sinni hvað ég geri. í samstarfs-
samningi milli Norðurlandaþjóð-
anna er tekið fram, að þær skuld-
bindi sig til að tryggja ríkisstarfs-
mönnum, sem fá norrænar stöður
í líkingu við þessa, að þeir missi
einskis í réttindum sínum í heima-
landinu. Ég notaði mér þau rétt-
indi og ætla svo að sjá hvað tím-
inn ber í skauti sínu.“
— En þú ert ekki ákveðinn?
„Nei, þetta er töluverð breyting
á högum mínum. Ég er búinn að
vera hjá útvarpinu í 20 ár og það
er í rauninni mín starfsævi hingað
til. Nú skipti ég um starf á fimm-
tugsaldri og nú verður tíminn að
leiða í ljós hvað framundan er. Ég
ætla bara að gegna starfi mínu
hér eftir bestu getu og sjá svo
hvort ég kýs að hverfa aftur til
útvarpsins eða eitthvert annað.
Eðrarð T. Jónsaon er búsettur í
Færeyjum.
Bók um Ágúst
á Brúnastööum
HJÁ Erni og Örlygi er komin út bók-
in Ágúst i Brúnastöðum bóndi og
fyrrum alþingismaður lftur yfir far-
inn veg í samfylgd Halldórs Krist-
jánssonar.
Á bókarkápu segir m.a.: „Flestir
tslendingar sem komnir eru til
vits og ár munu kannast við nafn
Ágústs Þorvaldssonar á Brúna-
stöðum, bónda og fyrrum alþing-
ismanns. f hugann kemur mynd a
stórum og stæðilegum manni,
þéttum á velli og þéttum í lund,
gildum bónda og góðum félags-
málamanni sem samtímis því að
rækta jörð sína og auka bústofn-
inn hefur látið til sín taka á þjóð-
málasviðinu og notið 'virðingar
mótherja jafnt sem samherja.
Heimili hans og konu hans, Ing-
veldar Ásgeirsdóttur, er mikið
rausnarheimili og þótti vel við
hæfi að bjóða sjálfum Finnlands-
forseta til Brúnastaða þegar hann
var hér á ferð fyrir ekki löngu síð-
an.
Af því sem á undan er sagt
mætti ætla að Ágúst hefði fæðst
með silfurskeið í munni og verið
borinn til efna og áhrifa í skjóli
ríkra foreldra. Sú er þó ekki raun-
in. Ágústi var ráðstafað af hrepps-
nefnd Eyrarbakka til uppeldis hjá
sveitarómögum og mátti una því
fyrstu árin að vera nefndur urð-
arköttur og flokkast af krökkun-
um á Bakkanum til óæðri stiga
mannfélagsins og verða fyrir
árásum og áreitni þeirra. Saga
Brúnaðstaðabóndans er eins og
maðurinn sjálfur, þétt lesning og
þægileg, hispurslaus og hefur yfir
sér þokka sem hlýjar lesendanum,
jiióncB og fymari aíþingtemaður Htur yfk {arinn veg
HAILDÓR
KRISTJÁNSSON
SKRÁEX
þótt Brúnastaðabóndinn þori vel
að segja meiningu sína.“
Bókin Ágúst á Brúnastöðum er
sett og prentuð hjá Prentstofu G.
Benediktssonar en bundin hjá
Arnarfelli hf. Á bókarkáppu er
málverk af Ágústi sem Ragnar
Páll Einarsson málaði. Kápuna
hannaði Sigurþór Jakobsson.
Einka-
tölvur
Bókaklúbbur Almenna bókafé-
lagsins hefur sent frá sér bók um
tölvur og tölvunotkun eftir enska
tölvusérfræðinginn Peter Rodwell,
en þýðandi er Björn Jónsson. Bókin
ber heitið EINKATÖLVUR.
í kynningu forlagsins á bókinni
segir á þessa leið: Einkatölvur er
afar handhæg og glögg handbók
um örtölvur, val þeirra og notkun.
Höfundurinn er einn af virtustu
sérfræðingunum í örtölvutækn-
inni. Bókin er auðveld byrjendum
og leiðir þá langt fram á leið í
þekkingu á samsetningu og eigin-
leikum tölvanna og hvernig er
unnt að hagnýta sér þá til gagns
og til leikja.
Einkatölvur er 208 bls. að stærð
í stóru broti og með fjölda mynda
til skýringar efninu. Hún skiptist í
sjö aðalkafla sem heita: Inngangur
— Hafist handa — Tölvur að störf-
um — Vélbúnaður — Hugbúnaður
— Framtíðin — Tölvuval. Hver að-
alkafli skiptist svo í marga undir-
kafla (einingar) og síðast eru
skýringar á orðum tölvumálsins
og atriðisorðaskrá.
Skipulag bókarinnar er sveigj-
anlegt þannig að lesandinn getur
haft sinn hátt á við notkun henn-
ar. Hann þarf ekki að lesa hana
alla í striklotu, heldur getur notað
hana sem uppflettirit til fræðslu
um þau atriði sem hann vanhagar
um hverju sinni. Hið sérhæfða
tölvumál sem ekki verður hjá
komist getur virst óaðgengilegt í
fyrstu, en lærist fljótt og eru orða-
skýringarnar aftast í bókinni mik-
ils virði til skilnings á því, segir í
frétt frá útgefanda.
Bókin er sett og brotin um í
Prentsmiðju Árna Valdemarsson-
ar, en prentuð í Verona á Ítalíu.
Nú bjóða Flugleiðir ódýrar ferðir til Kaupmanna-
hafnar, fyrir þá sem vilja lyfta sér upp í skammdeg-
inu. Verðin eru einstaklega hagstæð: Þriggja daga
ferð kostar aðeins kr. 10.785.- Innifalið er flug og
gisting í 2 manna herbergi, morgunverður og
söluskattur. Flugvallarskattur bætist við verðið.
Fjögurra daga ferð kostar kr. 11.329.-
Sjö daga ferð kostar kr. 15.209.-
Sérstakur afsláttur er veittur fyrir börn.
Frekari upplýsingar veita söluskrifstofur Flugleiða,
umboðsmenn og ferðaskrifstofur
FLUGLEIDIR
Kaupmannahöfn
Ástarsamband til eilífðar
Odýrasta feroin okkar til
KAUPMANNA
kostar aðeins
kr. 10.785