Morgunblaðið - 21.11.1984, Blaðsíða 38

- 38
MORGUNBLAÐIÐ, MIÐVIKUDAGUR 21. NÓVEMBER 1984
Sjálfstæðiskonur gefa út rit:
Átta erindi um frið,
frelsi og mannréttindi
Landssamband sjálfstæðis-
kvenna og Hvöt efndu í vor til frið-
arráðstefnu undir heitinu Friður
— Frelsi — Mannréttindi. Voru
þar flutt átta framsöguerindi, auk
þess sem fram fóru pallborðsum-
ræður. Hafa félögin nú gefið út er-
indin og ágrip af pallborðsumræð-
unum og hafa þau verið send öllum
félagsmönnum. Auk þess verða þau
send þeim sem hafa sýnt áhuga á
friðarmálum og eru á lista hjá frið-
arsamtökum kvenna og er hann til
í Valhöll fyrir þá sem kynnu að
óska eftir að fá hann. Erindin
fluttu Gunnar Gunnarsson starfs-
maður Öryggismálanefndar sem
talaði um frið í sögulegu ljósi,
Matthías Johannessen ritstjóri
sem talaði um frelsi, Jónatan
Þórmundsson prófessor sem talaði
um mannréttindi, Sigurður A.
Magnússon rithöfundur sem talaði
um frið af sjónarhóli listamanns,
séra Auður Eir sem talaði um frið,
frelsi og mannréttindi í ljósi krist-
innar trúar, Sigurður M. Magnús-
son kjarneðlisfræðingur sem talaði
um áhrif kjarnorkuvopna og Elín
Pálmadóttir blaðamaður sem tal-
aði um friðarhreyfingar.
Ný Skífa í Borgartúni
NÝ VERSLUN, Skífan, var opnuð í
Borgartúni 24, rimmtánda nóvember
sl.
I Skífunni, sem rekin er af sam-
nefndu fyrirtæki, verða seldar
hljómplötur og leigð myndbönd.
„Þetta er hvort tveggja afþrey-
ingarefni og við ætlum að reyna
fyrir okkur með það hvort ekki
fari vel á þvi að selja það saman,"
sagði Jón Ólafsson, eigandi Skíf-
unnar. En Skífan hefur m.a. ný-
lega orðið sér úti um umboð fyrir
myndbönd frá bandaríska kvik-
myndafyrirtækinu RCA/Col-
umbia.
Fyrirtækið Skífan hefur nú
starfað i niu ár. Það opnaði sina
fyrstu verslun í Hafnarfirði árið
1975 og síðan aðra árið 1976, á
Laugavegi 33. Þar voru skrifstof-
urnar einnig til húsa þar til i
ágúst sl., að þær voru fluttar í
Borgartúnið þar sem hin nýja
verslun hefur nú tekið til starfa.
Við opnun hinnar nýju verslunar. F.v. Sjöfn Sigþórsdóttir og maður hennar,
Kristján Gunnarsson, framkvæmdastjóri Skífunnar, Jón Olafsson, eigandi
Skífunnar, og kona hans, Helga Hilmarsdóttir.
Morgunblaöiö/R A X
Ríó-tríóið á sviðinu í Broadway, Ólafur Þórðarson, Ágúst Atlason, Helgi Pétursson og fjær má sjá Gunnar
Þórðarson hljómsveitarstjóra.
Ríó-tríóið á Broadway:
Aukaskemmtun vegna
gífurlegrar aðsóknar
„VEGNA gífurlegrar aðsóknar
verðum við að hafa auka Ríó-kvöld
í Broadway næstkomandi sunnu-
dag,“ sagði Ólafur Laufdal veit-
ingamaður í samtali við Morgun-
blaðið í gær.
„Engin af þeim hátíðum sem
við höfum verið með hefur farið
eins vel af stað og stemmningin
er meiri en áður hefur þekkst,
fólkið hefur jafnvel dansað uppi
á borðum,“ bætti Ólafur við. „Nú
þegar er uppselt i matinn á Ríó-
kvöldunum, föstudaginn 23. og
30. nóvember og laugardags-
kvöldunum 24. nóvember og 1.
desember og það er að verða
uppselt laugardagskvöldið 8.
desember. ómar Ragnarsson
skemmti hjá okkur 24 kvöld en
þá urðum við að hætta vegna
Sumargleðinnar. Það kæmi mér
ekki á óvart að Ríó slægi þetta
met Ómars.“
Að sögn Ólafs kemur Ríó-tríó
fram í tvo tíma. Hjómsveit
Gunnars Þórðarsonar, alls 15
manns með strengjasveit, að-
stoðar.
Sem fyrr segir verður auka
Ríó-kvöld á sunnudaginn kemur
og er miðasala þegar hafin í
Broadway. Hugsanlega verða
fleiri aukaskemmtanir síðar
vegna hinnar miklu aðsóknar.
42. flokksþing Alþýðuflokksins:
„Ríkisstjórnin hefur í engu hróflað við
grunnvandamálum atvinnuveganna
Alþýðublaðið eini skuldlausi aðili Blaðaprents
ÚTGÁFUMÁL Alþýðublaósins eni enn á athugunarstigi og ekki ráöið, hvort það
kemur áfram út í dagblaðsformi. Prentað upplag þess er 4.200 eintök. Það hefur
verið rekið hallalaust og er eini aðili Blaðaprents hf. sem er skuldlaus við
fyrirtækið. Þetta kom fram á blaðamannafundi sem nýkjörinn formaður Al-
þýðuflokks, Jón Baldvin Hannibalsson, efndi til í gærmorgun. Hann kvað
flokkinn stefna að því að koma sér upp útgáfumiðstöð, sem kæmi á framfæri
upplýsingaritum á vegum flokksins, auk þess sem kynning á sjónarmiðum hans
á myndböndum væri í athugun.
Formaður greindi frá því á fund-
inum að Þjóðviljinn hefði boðið sér
að birta þjóðmálagreinar og látið
að því liggja, að blaðið vildi vera
vettvangur skoðanaskipta á vinstri
væng stjórnmálanna. Hann hefði
þegið þetta boð og sent tvær grein-
.ar til Þjóðviljans. Hver dagurinn
hefði síðan liðið af öðrum án þess
greinarnar birtust. Hann hafi þá
hringt í ritstjóra Þjóðviljans og
fengið þau svör að Þjóðviljinn væri
fátækt blað og hefði ekki efni á að
birta greinarnar, sem blaðið hefði
þó sjálft beðið um. Þá hafi verið
brugðið á það ráð að senda aðra
greinina á Morgunblaðið, sem hafi
birt hana strax. Það kom fram í
máli Árna Gunnarssonar og Jóns
Baldvins, að Morgunblaðið væri
opið fyrir gagnstæðum sjónarmið-
um.
Jón Baldvin kunngerði síðan eft-
•írfarandi útdrátt úr stefnuyfirlýs-
ingu 42. flokksþings Alþýðuflokks-
ins, sem fram fór um sl. helgi:
„Mikilvsegustu verkefni íslenzkra
stjórnmála nú er að móta skýr svör
við tveimur spurningum:
1. Hvernig getur þjóðin unnið sig
út úr ríkjandi kreppuástandi og
haldið til jafns við grannþjóðir í
lífskjörum'í framtíðinni?
2. Hvernig er unnt að tryggja jafn-
ari eigna- og tekjuskiptingu en nú
er, einmitt vegna þess að minna er
til skiptanna um sinn?
Ríkisstjórn Steingríms Her-
mannssonar og sjálfstæðismanna
hefur unnið sér það til óhelgi, að
láta launþega eina standa undir öll-
um kostnaði vegna skakkafalla
þjóðarbúsins og fjárglæfrum fyrir-
rennara hennar á stjórnarstólum
að auki. Ríkisstjórnin hefur í engu
hróflað við grunnvandamálum at-
vinnuvega og efnahagsstjórnar.
Hún valdi þá leið að flytja fjár-
magn í stórum stíl frá launafólki til
fyrirtækja og fjármagnseigenda.
Þessi stefna stjórnarflokkanna er
nú hrunin og ríkisstjórnin búin að
vera.
Brennimark ranglætisins var
ekki sviðið í ásýnd íslenzks samfé-
lags fyrst í tíð núv. ríkisstjórnar.
Aðgerðir hennar hafa hins vegar
afhjúpað óaðlaðandi ásýnd þess
brenglaða verðbólguþjóðfélags, sem
festist í sessi á sl. hálfum öðrum
„áratug hinna glötuðu tækifæra". Á
þessu tímabili hafa þrír stjórn-
málaflokkar farið með völd lengst
af: Framsóknarflokkur, Alþýðu-
bandalag og Sjálfstæðisflokkur.
Þjóðmálaforysta þessara flokka
hefur brugðizt.
Sérfræðingum ber saman um að
við hefðum 25 milljörðum króna
meira til skiptanna en nú er, ef
fjármunir þjóðarinnar hefðu nýtzt
jafn vel og áður en verðbólgunni
var hleypt lausri. Þjóðmálaforysta
þríflokkanna skuldar þjóðinni
þessa upphæð.
Fórnarkostnaður verðbólguára-
tugarins birtist okkur nú í hruni
sjávarútvegsins, bágbornum líf-
skjörum, sárum vonbrigðum og
svörtum framtíðarhorfum. Landið
byggja nú þegar tvær þjóðir. önnur
hefur fært þungbærar fórnir, án
árangurs. Hin þjóðin hefur brugðizt
skyldum sínum og er orðin að for-
réttindahópi í þjóðfélaginu. Unga
kynslóðin kemur að lokuðum dyrum
— henni hefur verið úthýst.
Stofna þarf sérstakan „skulda-
skilasjóð heimilanna“, til aö leysa
vanskilavandann.
Rfkisstjórn Steingríms Hermanns-
sonar hefur beðið skipbrot vegna
þess, að hún hefur misboðið réttlæt-
iskennd þjóðarinnar.
Launþegar og unga kynslóðin eru
í uppreisnarhug gegn ranglátu
þjóðfélagi. Það kallar á róttækar
þjóðfélagsumbætur — í anda jafnað-
arstefnu og mannúðar. Alþýðuflokk-
urinn lítur á það sem meginvið-
fangsefni. sitt á næstunni að brúa
bilið milli hinna „tveggja þjóða“.
Til þess eru úrræði jafnaðarstefn-
unnar hin einu sem duga.
Svar Alþýðuflokksins við fullyrð-
ingum ráðherra og atvinnurekenda
um, að þjóðfélagið hafi ekki efni á
að greiða mannsæmandi laun er —
AÐ ÞÁ BERI AÐ BREYTA ÞVÍ.
Flokksþingið samþykkti róttæka
„stefnuyfirlýsingu um leiðir til að
jafna eigna- og tekjuskiptingu og
tryggja þjóðfélagslegt réttlæti**.
Stefnu Alþýðuflokksins má draga
saman i þessar niöurstöður:
að lækka framleiðslu-, fjármagns- og
vaxtakostnað atvinnulífsins,
að létta skattbyrði launþega, og sér-
staklega fjölskyldna með eina fyrir-
vinnu,
að uppræta skattsvik forréttinda-
hópa,
að lækka verðlag með lækkun sölu-
skatts,
að lækka skuldabyrði húsbyggjenda,
sérstaklega yngri kynslóðarinnar,
að tryggja aukinn jöfnuð og þjóðfé-
lagslegt réttlæti.
Alþýðuflokkurinn minnir á til-
lögur sínar á Alþingi um:
að afnema tekjuskatt á laun allt aö
35 þús. á mán.
að lækka söluskatt og þar með vöru-
verð með afnámi á undanþágum,
að leggja stóreignaskatt á verðbólgu-
gróða forréttindahópa og verja tekj-
unum til að bæta fyrir misgjörðir
þjóðfélagsins við hina ungu.
að stöðva óráðsíu Seðlabankans og
útþenslu bankakerflsins.
Þetta eru fá dæmi af mörgum um
róttækar umbótatillögur Alþýðu-
flokksins, sem eiga það sameigin-
legt, að flytja fjármagn frá forrétt-
indahópum, sem hafa makað krók-
inn, til vinnandi fólks, sem hefur
fært fórnir.
Þetta eru kjarabætur f ósvikinni
mynd — án verðbólgu. Þetta eru þjóð-
félagsumbætur í réttlætisátt.
Svar Alþýðuflokks við spurning-
unni um, hvernig tryggja megi
efnahagslegt sjálfstæði þjóðarinnar
og sambærileg Iffskjör á við grann-
þjóðir, byggir á þessum undirstöð-
um:
að brjóta niður hið spillta pólitiska
ríkisforsjár- og skömmtunarkerfi
kerfisflokka og hagsmunasamtaka í
sjóðakerfi og lánastofnunum,
að létta „velferðarkerfi fyrirtækj-
anna“ af herðum skattgreiðenda,
að skapa hagvaxtargreinum fram-
tíðaratvinnulífs bætt vaxtarskil-
yrði,
að marka NÝJA ATVINNU-
STEFNU allt til aldamóta.
Þess vegna tekur flokksþingið af
öll tvímæli um, að Alþýðuflokkur-
inn er ekki gamaldags kerfis- og
ríkisforsjárflokkur, heldur róttæk-
ur umbótaflokkur, sem vill breyta
þjóðfélaginu í átt til valddreifingar
og virkara lýðræðis.
Alþýðuflokkurinn býður nú von-
sviknum kjósendum nýjan valkost:
1. Róttæka umbótastefnu f efna-
hags- og félagsmálum.
2. íhaldssemi á farsæla stefnu í ör-
yggis- og varnarmálum.
3. Frumkvæði um myndun samein-
ingarafls jafnaðarmanna og frjáls-
lyndra afla vinstra megin við miðju
íslenzkra stjórnmála.
Alþýðuflokkurinn lýsir sig reiðu-
búinn til samstarfs um stjórn
landsins með þeim öflum, sem vilja
leggja þessari stefnu lið. Samstaða
þjóðarinnar, stétta og aldurshópa,
atvinnugreina og landshluta, um
framtíðarverkefnin, er undir þvf
komin, að þessi stefna fái aukið
brautargengi með þjóðinni."
Fundur um
vímuefni
ÞINGSTÚKA Reykjavíkur efnir til
fundar um vímuefni og varnir gegn
þeim í Bústaðakirkju annað kvöld,
fimmtudagskvöld, og hefst fundur-
inn kl. 20.30.
Frummælendur á fundinum
verða Jóhannes Bergsveinsson yfir-
læknir og Helgi Seljan alþingis-
maður.
Skólakór Kársness undir stjórn
Þórunnar Björnsdóttur kemur og
syngur á fundinum.