Morgunblaðið - 22.11.1984, Blaðsíða 16
16
MORGUNBLAÐIÐ, FIMMTUDAGUR 22. NÓVEMBER 1984
Vinir og vandamenn fylgdust með „útförinni“ af þiljum Þórunnar Sveinsdóttur.
Vestmannaeyjar:
Elzta skipi flotans sökkt
Ventmannaeyjum, 20. nóvember.
ÞAÐ FÆKKAÐI um einn í bátaflota
Vestmanneyinga sl. sunnudag þegar
elsta skipi flotans var sökkt í skipa-
kirkjugaröi norðvestur af Eiðinu f
Eyjum. Haförn VE 23 hafði verið
dæmdur í úreldingu og þetta 67 ára
gamla happa- og gæfuskip fékk virðu-
lega „útfór“. Af þiljum aflaskipsins
Þórunnar Sveinsdóttur VE sem hafði
hjálpað Haferninum síðustu ferðina
út úr höfninni, fylgdust eigendur
bátsins, aðstandendur þeirra og vina-
fólk, með söknuði og trega með þvi er
skipið smá saman seig í sjó og hvarf
loks alveg undir lognkyrrt yfirborðið.
Langri og farsælli útgerðarsögu Haf-
arnarins var lokið.
Haförn VE 23 var smíðaður i
Fredrikssund í Danmörku árið
1917 og var 36 brúttólestir að
stærð. Haförninn var elsta skip
Eyjaflotans og jafnframt næst
elsta skip íslenska fiskiskipaflot-
ans skv. nýjustu skipaskrá. Skipið
var keypt hingað til Eyja frá
Danmörku árið 1940 af Pétri And-
ersen útgerðarmanni, sem kallaður
var i daglegu tali Eyjabúa Danski
Pétur. Pétur átti bátinn ásamt son-
um sínum og hlaut báturinn nafnið
Meta VE. Þann 26. október 1959
keyptu svo bátinn bræðurnir Ing-
ólfur og Sveinn Matthíassynir og
gerðu þeir bátinn út allt fram til
loka síðustu vetrarvertíðar að þeir
ákváðu að hætta útgerð. Þeir bræð-
ur höfðu alla tíð róið sjálfir á bátn-
um, Ingólfur sem skipstjóri og
Sveinn sem vélstjóri.
Ingólfur Matthíasson sagði í
samtali við Morgunblaðið að sér
þætti mikil eftirsjá í þessum bát.
„Þetta hefur alla tíð verið mikil
happafleyta og öll þessi 25 ár sem
við bræður höfum gert hann út
hafa engin slys eða óhöpp hent bát-
inn né áhöfn hans.“ Aðspurður um
það, hvernig honum hafi verið inn-
anbrjósts þegar hann horfið á eftir
bátnum í hafið eftir þessi löngu
samskipti, svaraði Ingólfur: „Eg
fylltist miklum söknuði og eftirsjá.
Þó get ég varla verið annað en
ánægður með að báturinn fékk
þessi endalok en ekki einhver önn-
ur óvirðulegri, eftir 67 ára þjónustu
og farsælt 25 ára samstarf sem
hefur reynst öllu leyti vel og skilað
góðum afla og afkomu. Þetta var
afbragðs bátur og alla tíð vel búinn
tækjum. Ég hefði ekki verið
hræddur við að treysta bátnum til
að þjóna í 20 ár til viðbótar þeim 67
sem báturinn hefur lagt að baki, en
eftir 54 ár til sjós fannst mér tíma-
bært að hætta sjósókn og fara að
gera eitthvað annað. Við bræður
erum orðnir fullorðnir og tókum þá
ákvörðun að hætta útgerð."
Ingólfur Matthíasson starfar nú
sem hafnarvörður við Vestmanna-
eyjahöfn og því enn starfandi við
lífæð byggðarlagsins þó svo hann
sé hættur að færa fisk að landi.
„Ég hefi hoppað úr bátnum upp á
bryggjuna," sagði Ingólfur Matthi-
asson skipstjóri að lokum — feng-
sæll og farsæll formaður í 25 ár nú
kominn í land eftir rúmlega hálfr-
ar aldar sjósókn.
— hkj.
ENGIS HVAD
FELLING ?■
EKKITIL UMRÆÐU HJÁ OKKUR
iÉJ
fcj
EIGUM NOKKRA SKODA ÁRG.1985
Á GAMLA GÓÐA VERÐINU.
JÖFUR HF
NÝBÝLAVEGI2
KÓPAVOGI
SÍMI 42600