Morgunblaðið - 27.11.1984, Blaðsíða 21
MORGUNBLAÐIÐ, ÞRIÐJUDAGUR 27. NÓVEMBER 1984
21
Neytendasamtökin:
Lögum um
leyfi til
aksturs
leigubifreiða
verði breytt
Á FIINDI NeytendasamUkMina 15.
nóvember síðastliðinn var samþykkt
ályktun um að stjórnvöld breyti nú
þegar lögum um leyfí til aksturs
leigubifreiða. Ályktun þessi fer hér á
eftir, en Neytendafélag Reykjavlkur
og nágrennis lýsti yfir stuðningi sín-
um við hana á fundi 21. nóvember
sl.:
Neytendasamtökin telja, að
gera eigi miklar kröfur til leigu-
bifreiðastjóra með tilliti til örygg-
ishagsmuna farþega, en þeir sem
staðist hafa hæfnispróf, sem
endurtekið sé með vissu millibili,
og fullnægja öðrum almennum
skilyrðum, eigi að sjálfsögðu að fá
leyfi til aksturs leigubifreiðar,
enda hafi þeir meðmæli eða ráðn-
ingarsamning frá leigubifreiða-
stöð. Neytendasamtökin skora á
stjórnvöld að breyta nú þegar lög-
um um þessi efni til samræmis við
það sem hér er lagt til. Núgildandi
reglur í þessum efnum eru and-
stæðar hagsmunum neytenda
meðal annars vegna þess að þær
hindra eðlilega samkeppni. Við
endurskoðun á löggjöf um leigu-
bifreiðar krefjast Neytendasam-
tökin þess að fá tækifæri til þess
að koma fram fyrir hönd kaup-
enda umræddrar þjónustu. Þjón-
usta leigubifreiða er ekki einka-
mál þeirra sem selja hana. Hún
skiptir ekki síður máli fyrir þær
tugþúsundir neytenda, sem greiða
fyrir hana.
Sjónvarpsþýð-
endur stofna
fyrirtæki
f?TOFNAÐ hefur verið fyrirtækið
Kvikmyndaþýðingar hf. og eru
það nokkrir þýðendur hjá Sjón-
varpinu, sem standa að því. Þau
eru Bogi Arnar Finnbogason, Vet-
urliði Guðnason, Jóhanna Þrá-
insdóttir, Ragna Ragnars, Krist-
rún Þórðardóttir og Sonja Diego.
Veturliði er framkvæmdastjóri
fyrirtækisins og íslenskufræðing-
ur sér um allan prófarkalestur.
Bogi Arnar Finnbogason sagði í
spjalli við blm. Mbl., að þau
myndu áfram starfa við sjónvarp-
ið, en þar væri stunduð vandaðri
vinnubrögð við þýðingar en al-
mennt gerðist í kvikmyndahúsum
og á myndböndum. Hann sagði að
ekki þyrfti síður að vanda til þýð-
inga fyrir myndbönd og kvik-
myndahús en sjónvarp, en reynsl-
an hefði sýnt að þýðingum á þeim
vettvangi og öðrum frágangi hefði
oft verið ábótavant.
Hann sagði ennfremur að von-
andi tækist að glæða skilning við-
komandi aðila á þvi að vönduð
vinnubrögð borguðu sig alltaf
best.
Sýnir 12 verk
í Gramminu
AGNAR Agnarsson opnaði fímmtu
málverkasýningu sína í versluninni
Gramm að Laugavegi 17.
Sýningin stendur til 7. desember
og er opin daglega á opnunartíma
verzlunarinnar. Á sýningunni eru
12 verk unnin í vatnslit, krít og
collage.
Áskriftarsími: 91-29393