Morgunblaðið - 27.11.1984, Blaðsíða 28

28
MORGUNBLAÐIÐ, ÞRIÐJUDAGUR 27. NÓVEMBgR 1984
Hefndartónn í N-
Kóreumönnum
segir Neil Kinnock eftir fund hans og Chernenkos
Tókýó, SeouL 26. nÓTember. AP.
NORÐUR-Kóreskur herforingi, yfir-
maður þeirra hermanna sem féllu í
skotbardaganum við suður-kóreska
og bandaríska hermenn i dögunum,
lýsti það skoðun sína að það yrði að
hegna „hinum heimsvaldasinnuðu
Bandaríkjamönnum fyrir morðin",
eins og hann komst að orði er félag-
ar hans þrír voru til moldar bornir í
dag. Vopnahlésfundur var haldinn í
hlutlausa bænum Panmunjon í dag
og þar kröfðust Norður-Kóreumenn
þess að þeir yrðu beðnir afsökunar
og að sovéska flóttamanninum yrði
skilað aftur umyrðalaust.
Þá má geta þess, að ríkisútvarp-
ið í Norður-Kóreu greindi frá þvi,
að atburðurinn við landamærin
sýndi og sannaði hver hinn raun-
verulegi hugur þeirra væri fyrir
bættri sambúð kóresku ríkjanna.
Bandarískur fulltrúi Sameinuðu
þjóðanna á vopnahlésfundinum
lagði fram myndsegulband af at-
vikinu og benti á að það hefðu ver-
ið Norður-Kóreumenn sem áttu
upptökin, flóttamaðurinn hefði
freistað þess að flýja upp á eigið
eindæmi og þar sem norður-kór-
esku landamæraverðirnir eltu
hann lengra en þeir hefðu heimild
til, hefði ekki verið hægt annað en
að svara skothrið þeirra. Norður-
Kóreumenn hafa til þessa beint
reiði sinni einkum að „bandarisku
heimsvaldasinnunum" og sagt það
gert til þess að spilla ekki meira
en þörf er á þeim árangri sem
náðst hefur í viðræðum landanna
um bætta sambúð upp á siðkastið.
Símamynd/AP.
Konstantin Chernenko, forseti Sovétrikjanna (til vinstri) og Neil Kinnock, leiðtogi brezka verkamannaflokks-
ins (til hægri). Mynd þessi var tekin í Kreml i gær. Á milli þeirra stendur túlkur.
„Hóflega bjartsýnn" á frekari
viðræður milli risaveldanna
Pinochet
Enn smala
hermenn
Pinochets
Saatiafo, Chile. 26. nÓTember. AP.
AUGO^TO Pinochet, forseti Chile,
hefur enn bert aðgerðir gegn stjórnar-
andstæðingum í landinu. Hann lýsti á
dögunum yfir neyðarástandi og í dag
smalaði berinn saman 200 mönnum í
tveimur fátækrahverfum í Santiago og
eru þeir nú geymdir á íþróttaleikvangi
uns mál þeirra verður athugað. Búist
er við að margir þeirra verði sendir í
útlegð.
Útlendingar í Chile hafa ekki far-
ið varhluta af aðgerðum forsetans,
sem hann segir vera lið í að „bæla
niður kommúnistisk öfl i landinu
vilja hefta framrás lýðræðis-
Þannig hefur útlendingum i
landinu verið gert að undirrita
skjal þar sem þeir lofa að skipta sér
ekki af innanrikismálum i Chile
meðan á dvöl þeirra stendur.
sem
ins“
Monkvu, 26. BÓT.
KONSTANTIN Chernenko forseti Sovétríkjanna álítur að tími sé kominn
fyrir „nýjan hugsunarhátt'* í Moskvu og Washington, til þess að risaveldin
getið komið samskiptum sínum í eðlilegt horf og komið á eftirliti með
vígbúnaði. Var þetta haft eftir Neil Kinnock leiðtoga breska verkamanna-
flokksins eftir fund hans með Chernenko í dag.
Kinnock er staddur í Moskvu
ásamt Denis Healey aðaltals-
manni Verkamannaflokksins í
utanríkismálum. Kvaðst Kinnock
vera „hóflega bjartsýnn" á, eftir
viðræðurnar við Chernenko, að
framhald yrði á viðræðum milli
risaveldanna eftir fyrirhugaðan
fund þeirra Gromykos utanríkis-
ráðherra Sovétríkjanna og Shultz
utanríkisráðherra Bandaríkjanna,
en þessi fundur á að fara fram í
Genf snemma í janúar nk.
Kinnock kvaðst álíta, að Chern-
enko útilokaði ekki þann mögu-
leika að eiga sjálfur fund með
Ronald Reagan Bandarfkjafor-
seta. Chernenko hefði hins vegar
ekki rætt sérstaklega um slíkan
fund, heldur fyrst og fremst um
alþjóðamál frá almennum sjón-
arhóli. í viðtali fyrir skömmu við
bandarísku fréttastofuna NBC
sagði Chernenko, að hann teldi
fund þeirra Reagans enn ekki
tímabæran.
Skammt á milli
hláturs og gráts
Sioox Citj, lowa, 26. nóvember. AP.
ÞAÐ sannaðist áþreifanlega í Si-
oux City að það er skammt milli
hláturs og gráts, er eftirfarandi átti
sér stað:
Dag einn fyrir tveimur vikum
varð óhugnanlegt umferðarslys,
bifreið rakst á skólabíl með þeim
afleiðingum að báðar bifreiðirn-
ar ultu, 3 létu lífið og 12 slösuð-
ust. í hópi þeirra sem létust var
skráð Patrica Noonan, 16 ára, en
í hópi hinna slösuðu var jafn-
aldra hennar, Shawn Lake.
Ungfrú Lake lá á gjörgæslu
með slæm höfuðmeiðsl. Hún
hafði ekki meðvitund. Á sama
tíma báru aðstandendur kennsl
á lík ungfrú Noonan og útförin
fór fram að viðstöddu fjölmenni.
Móðir ungfrú Lake sat við hlið
hennar á sjúkrahúsinu og þrátt
fyrir slæm meiðsl var reiknað
með því að hún næði meðvitund
á ný og trúlega fullri heilsu.
En það var ekki fyrr en að
ungfrúin fékk meðvitund á nýj-
an leik á sunnudag að það rann
upp fyrir fólki að eigi var allt
með felldu. Ungfrú Lake var þá
alls ekki sú sem talið var, þar
reyndist vera um Patricu Noon-
an að ræða. Shawn Lake reynd-
ist vera dáin.
„Þetta er stórfurðulegt," sagði
eigandi útfararheimilisins sem
sá um greftrunina og læknir á
sjúkrahúsinu, þar sem talið var
að ungfrú Lake glímdi við
meiðsli sín, sagðist ekki skilja í
því að móðir stúlkunnar skyldi
ekki átta sig á þvi að stúlkan i
rúminu væri ekki dóttir hennar.
Frú Boyd McFarland, amma
stúlkunnar sem reyndist á lífi
sagði: „Við trúum þessu varla,
það er of gott að vera satt. En
samt finnum við hræðilega til
með fjölskyldu Shawn, þetta var
hræðilegt áfall fyrir hana.“
Samkvæmt frásögn sovésku
fréttastofunnar TASS skýrði
Chernenko Kinnock frá því, að
Sovétstjórnin myndi íhuga sér-
samninga við Bretland, ef Bretar
afvopnuðust einhliða og létu flytja
öll erlend kjarnorkuvopn burt af
landi sínu. Ef Bretar afsöluðu sér
algerlega sínum eigin kjarnorku-
vopnum „væru Sovétríkin tilbúin"
til samsvarandi fækkunar á með-
aldrægum kjarnorkuvopnum sín-
um.
En Chernenko gerði það ljóst
samkvæmt frásögn TÁSS, að
þetta boð hans væri skilyrðum
bundið og að það myndi ekki ná til
langdrægra kjarnorkueldflauga,
sem Sovétmenn segjast hafa kom-
ið fyrir í Austur-Evrópu, eftir að
NATO tók að koma upp meðal-
drægum eldflaugum sínum i
Vestur-Evrópu í nóvember í fyrra.
Sýrland:
Mitterrand sækir
Hafez Assad heim
Duukn, Hýrlandi, 26. nÓTember. AP.
SKOTDRUNUR frá 21 fallbyssu buöu í dag Francois Mitterrand, forseta
Frakklands, velkominn til Damaskus í Sýrlandi en þangað hefur franskur
þjóöhöföingi ekki komið frá því þjóðin fékk sjálfstæöi áriö 1946.
Hafez Assad, forseti Sýrlands,
og Abdallah Ahmar, einn æðsti
maður Baath-flokksins, stjórnar-
flokksins, tóku á móti Mitterrand
og konu hans á flugvellinum í
Damaskus en í fylgdarliði forset-
ans eru einnig Claude Cheysson,
utanríkisráðherra, Jack Lang,
menningarmálaráðherra, og
ráðgjafi hans, Francois de Gross-
ouvre.
Búist var við, að þeir forsetarn-
ir, Mitterrand og Assad, héldu
sinn fyrsta fund í kvöld og annan
á morgun en ekki þykir líklegt, að
þeir muni gefa út sameiginlega yf-
irlýsingu að þeim loknum. Um-
ræðuefnið verður aðallega vanda-
málin í Mið-Austurlöndum, eink-
um Persaflóastríðið og ástandið í
Líbanon. Lýkur heimsókninni á
miðvikudag.
Sýrlenskir fjölmiðlar gera mik-
ið úr heimsókn Mitterrands og
sjónvarpið sýndi í dag viðtal við
hann þar sem hann segir, að
Assad sé mikilhæfur leiðtogi, sem
hafa verði með í ráðum við íausn
vandamálanna í Mið-Austurlönd-
um. Henri Servant, sendiherra
Frakka í Damaskus, hafði í dag
öðrum hnöppum að hneppa en
fagna forseta sínum. Þurfti hann
að koma á framfæri harðorðum
mótmælum við sýrlenska utanrík-
isráðuneytið vegna framkomu ör-
yggisvarða við frönsku blaða-
mennina, sem fylgdu Mitterrand.
Þegar þeir komu til landsins var
allur farangur þeirra rannsakaður
nákvæmlega og þeir sjálfir þukl-
aðir frá hvirfli til ilja þótt slíkt sé
ekki venjan með blaðamenn, sem
eru í föruneyti forseta. Sýrlensku
öryggisverðirnir skipuðu einum
blaðamannanna að taka út úr sér
fölsku tennurnar, sem augljóslega
voru nógu málmslegnar til að
koma rafeindatækjunum af stað. í
fimm klukkustundir mátti blaða-
maðurinn bíða tannlaus áður en
hann fékk að fara inn í landið.
Suöur-Líbanon:
Kristnir þreyt-
ast á ísraelum
JeaÍH, Líhuion, 26. nÓTember. AP.
KrLstnir menn í Suður-Líbanon, sem að langmestum meirihluta hafa stutt
ísraela frá því í innrásinni 1982, eru nú aö ókyrrast í afstööu sinni til
ERLENT
hernáms þeirra.
„Israelar eru engum líkir,“ segir
Maroun Akouri, kristinn maroníti
í bænum Jezzine. „Þeir taka ekki
tillit til neins annars en eigin
hagsmuna."
Akouri og aðrir kristnir íbúar
Jezzine þylja langan lista af um-
kvörtunum sínum vegna harð-
neskju fsraela í Suður-Líbanon, og
þeir telja hernámið vera farið að
trufla bæði líf þeirra og lífsaf-
komu.
Þeir eru einnig áhyggjufullir yf-
ir, hvað gerast myndi við skyndi-
lega brottför ísraelsku herjanna.
„Það væri rétt fyrir okkur að vera
búnir að koma okkur saman um,
hvernig við getum lifað saman í
þessu landi, áður en þeir fara,“
segir Jean Rizk, 60 ára gamall
kaupmaður í Jezzine, og átti þá við
sambúð kristinna og shiita.
Samningaviðræður lsraela og
Líbana strönduðu I dag vegna
ágreinings um ýmis atriði varð-
andi tilhögun mála í landinu eftir
brottflutning ísraelsku herjanna.
Viðræðunum verður fram hald-
ið á fimmtudag.