Morgunblaðið - 27.11.1984, Blaðsíða 29

MORGUNBLAÐIÐ, ÞRIÐJUDAGUR 27. NÓVEMBER 1984
29
Líðan gervi-
hjartaþega
sögð bærileg
Loanrille, Kentucky, 26. nóteinber AP.
WILLIAM J. Schroeder, öðrum manninum, sem í hefur verið grætt gervi-
hjarta, leið í dag eftir atvikum vel þótt hann hefði misst næstum helming
blóðsins þegar blæða fór með aðalslagæðinni eftir aðgerðina.
I brjósti Schroeders berst
plasthjarta og segja læknar, að það
starfi eins og til var ætlast. Verður
hann i súrefnistjaldi meðan hann
er að jafna sig á skurðaðgerðinni
en vart hefur orðið við truflanir á
starfi nýrna og lifur. Segja læknar,
að þaö sé ekki óeðlilegt eftir jafn
mikinn uppskurð. Schroeder þjáð-
ist af hjartasjúkdómi, sem hafði
þau áhrif, að hjartavöðvinn rýrn-
aði stöðugt, og var honum ekki
hugað líf nema i mesta lagi í viku.
Plasthjartað, sem kallast „Jarv-
ik-7“ eftir höfundi sinum, dr. Rob-
ert Jarvik, á að endast í þrjú til
fimm ár, vegur þrjá fjórðu úr
pundi, slær 40 milljón slög á ári og
kostaði 15.500 dollara. Verkið, sem
drífur það, er hins vegar allmikil
vél, 146 kg á þyngd og á stærð við
litinn ísskáp. Sjúklingurinn kemst
því ekkert frá en verið er að gera
tilraunir með litla vél, sem vegur
fimm kg og hægt er að hafa með
sér.
Hér eru tveir af þremur flutningabflum sem verkfallsmenn kveiktu í nærri Kiveton í Suöur-Yorkshire í dag, vegna
þess að þeir töldu, að félagið sem bflana átti, hefði unnið fyrir stjórnarnefnd kolanámanna.
Bretland;
Sovéskur trúar-
rokkari dæmdur í
þrælkunarbúðir
Lai>dÚHam og Moskvu, 26. nÓTember. AP.
SOVÉSKUR rokkhljómlistarmaður, Valeri Barinov, hefur verið dæmdur
til tveggja og hálfs árs dvalar í þrælkunarbúöum eftir að hafa verið sekur
fundinn opinberlega um að hafa ætlað að fara yfir sýslumörk i Sovétríkj-
unum án tilskilinna leyfa. Yfirvöld hafa þó lengi haft horn í siðu Barinovs
fyrir að flytja kristinn boðskap í dægurlagatextum sínum.
Barinov var handtekinn á
brautarstöð í Murmansk þegar
hann var nýkominn þangað frá
Leningrad. Þetta var í mars og
fyrir skömmu fóru fram þriggja
daga réttarhöld yfir honum. Að-
ur hafði hann ýmist verið
geymdur í Kresti-fangabúðunum
í Leningrad, höfuðstöðvum KGB
í borginni eða nærtækum geð-
veikrastofnunum. Hann fór í 22
daga hungurverkfall skömmu
eftir handtökuna og hefur hótað
að hefja nýtt ef hann fái ekki að
flytja úr landi ásamt eiginkonu
sinni og tveimur dætrum.
Barinov er 39 ára gamall ev-
angelisti og forsprakki rokk-
hljómsveitarinnar „Trumpet
Call“. Dægurlagatextar hans
flytja gjarnan fagnaðarerindið
og því hefur hann ekki átt upp á
pallborðið hjá sovéskum yfir-
völdum og þetta er ekki í fyrsta
skipti sem þau gera honum skrá-
veifur. Aðilar í Bretlandi sem
fylgjast náið með ofsóknum gegn
kristnum boðberum í Sovetríkj-
unum höfðu það eftir ónafn-
greindum aðila, sem var við-
staddur réttarhöldin yfir Bar-
inov, að ferð hans frá Leng-
ingrad til Murmansk hafi aðeins
verið fyrirsláttur til að koma
manninum fyrir rétt, hann hafi
verið yfirheyrður f þaula og loks
dæmdur fyrst og síðast fyrir
kristniboð.
Michael Bundesen, forstöðumaður Kanal 2, fyrir framan sjónvarpsskerminn
rétt áður en fyrsta útsendingin hófst
Danmörk:
Einokun sjön-
varpsins iokið
Kaupmannaborn, 26. nóvember.
EINOKUN danska sjónvarpsins rauk
út í veður og vind sl. laugardagskvöld
þegar Kanal 2, ný sjónvarpsstöð, hóf
útsendingar frá gamalli tóbaksverk-
smiðju á Friðriksbergi.
Útsendingin hófst klukkan sjö
um kvöldið með þætti sem heitir
„Gott kvöld“, en kvöldið fór annars
mest í gleðskap í sjónvarpsstöðinni
þar sem mætt voru nokkur hundr-
uð manna úr lista-, skemmtana- og
fjölmiðlaheiminum. Voru allir á
einu máli um að Kanal 2 ætti
bjarta framtíð fyrir höndum, ekki
síst þegar útsendingarskilyrðin
yrðu bætt en f fyrstu nær stöðin
aðeins til Kaupmannahafnarsvæð-
isins. Kostnaður við að koma stöð-
inni á fót var um 10 milljónir
danskra króna (um 36,4 millj. fsl.).
Um 900 námamenn
til starfa í
komu
LondoB, 26. BÓTember. AP.
VERKFALLSMENN hlóðu í dag
upp vegatálma og kveiktu síðan í
þeim, auk þess sem þeir stráðu
nöglum á vegi. Stjórnarnefnd
ríkisreknu kolanámanna tilkynnti
að 900 námamenn til viðbótar
hefðu hafið störf í dag.
Fjöldi þeirra námamanna
sem hófu störf í dag var snöggt-
um minni en á mánudaginn var,
þegar 2.282 hættu þátttöku í
verkfallinu. Stjórnarnefnd
kolanámanna taldi það stafa af
ógnunarherferð verkfalls-
manna, en sagði að það hefði
einnig sitt að segja, að liðinn
væri sá frestur er gefinn hefði
verið til að menn öðluðust rétt
til að hljóta jólabónus.
Talsmaður stjórnarnefndar-
innar taldi að þeir sem hæfu
störf í fyrsta sinn í dag ættu
dag
eftir að fara yfir 1000 við vakta-
skiptin.
Talsmaður lögreglunnar, sem
ekki vildi láta nafns síns getið,
kvað verkfallsmenn hafa kveikt
í þremur flutningabílum nærri
Kiveton, en bílarnir voru á leið
til Cadeby-kolanámunnar. Er
tjón flutningafyrirtækisins sem
átti bílana metið á um 50.000
pund.
Sólböðin
okkar hafa
endanlega sannað
ágæti sitt.
Nú er vitað að ljósaböð
í hófi eru holl.
Við leggjum ríka áherslu á ráðgjöf og starfsfólk
okkar er ávallt reiðubúið að leiðbeina þér.
Sólbaðsstofa
Ástu B.Vilhjálms
Grettisgötu 18
sími 28705