Morgunblaðið - 27.11.1984, Blaðsíða 31

MORGUNBLAÐIÐ, ÞRIÐJUDAGUR 27. NÓVEMBER 1984
31
Kosningabaráttan hafin á Indlandi
Maneka Gandhi, mágkona Rajiv Gandhis forsætisráðherra Indlands flytur kosningarædu. Hún er í framboði
gegn mági sínum, Rajiv Gandhi, í kjördæmi í norðurhluta IJttar Pradesh-fylki, en þau tvö eru nú svarnir
andstæðingar í stjórnmálum. Kosningarnar eiga að fara fram 24. desember nk.
Nágrannarnir
vildu sinn skerf af
getraunavinningi
Kibhou tlahotrim. Uroel. 26. ■Arember. AP.
HINN 65 ára gamli Moshe Kehset
stóð frammi fyrir einkennilegu
vandamáli fyrir skömmu. Hann
hafði unnið andvirði 130.000 doll-
ara í fótboltagetraunum, en ná-
grannar hans á samyrkjubúinu Ha-
hotrim kröfðust þess að hann skipti
vinningsfénu.
Kehset var hins vegar á báðum
áttum, hann vildi gjarnan eiga
peningana sjálfur, enda hans eig-
ið framtak sem kom þeim í höfn.
En það er einmitt málið, sam-
yrkjubúin ísraelsku eru einhverj-
ar skírustu tilraunir með sósial-
isma i kapitalisku landi og ibú-
arnir hugsa ekki um eiginhags-
muni. Þannig hafa hinir 280 fé-
lagar í Hahotrim meira að segja
deilt fötunum sem þeir klæðast.
Hinir hörðustu á samyrkju-
búunum líta á mál Kehsets sem
prófmál, það verði að sporna við
slíkri auðlegð á samyrkjubúum.
„Við erum orðin lin og löt og
allir eiga nú litasjónvarp, mynd-
segulband og ísskáp," sagði einn
frammámaður í Hahotrim. Fé-
lagarnir funduðu um mál Keh-
sets og samþykktu að annað
hvort afhenti hann búinu að
minnsta kosti hálfa upphæðina
og helst alla, að öðrum kosti
skyldi hann hafa sig á brott. Keh-
set er nú í Bandaríkjunum, en þar
á hann tvær dætur sem hann býr
nú hjá. Hann ætlar að dvelja þar
í ár eða svo og hugsa málið og
búast félagar hans i Hahotrim
ekkert frekar við þvi að sjá hann
aftur. Þeir vita ekki einu sinni
um dvalarstað hans.
Fundi lokið um kjarnorkuvopnalaus Norðurlönd:
Poul Schliiter varaði við
falskri öryggistilfinningu
KanpnuuiBaböra. 26. ■óranbcr AP.
fUNDI þingmanna, verkalýósleió-
toga, friðarhreyfingarfólks og frið-
arrannsóknarmanna um kjarnorku-
vopnalaus Norðurlönd lauk í gær,
sunnudag, í Kaupmannahöfn. Ef
hægt er að tala um niðurstöðu er
hún helst sú, að ekki séu miklar
líkur á, að af þessari hugmynd verði
í náinni framtíð.
Poul Schlúter, forsætisráðherra
Dana, sagði i ræðu sinni, að fá
yrði svar við mörgum spurningum
áður en hægt væri að treysta því,
að kjarnorkuvopnalaus Norður-
lönd yrðu ekki til þess eins að
vekja með mönnum „falska örygg-
istilfinningu". Lennart Bodström,
utanríkisráðherra Svia, sagði, aö
„fullkomið öryggi" væri ekki til og
að allir samningar um þessi mál
væru til lítils ef engum væri
treystandi. Bodström lagði
áherslu á, að kjarnorkuvopnalaust
svæði á Norðurlöndum yrði einnig
að ná til Eystrasaltsins og að öll-
um skipum, sem um það færu, yrði
bannað að flytja kjarnorkuvopn.
Hann viðurkenndi þó, að erfitt
yrði að framfylgja slíku banni og
sagði, að þá áhættu yrði einfald-
lega að taka.
Anker Jörgensen, leiðtogi
danskra jafnaðarmanna, kvað
ekki koma til mála, að Danir
tækju einhliða ákvörðun um
kjarnorkuvopnlaust svæði, um það
yrðu öll Norðurlöndin að vera
sammála. Eystrasaltið yrði einnig
að vera með og einnig yrði að
fækka kjarnorkuvopnum á þeim
svæðum, sem næst liggja Norður-
löndum.
Þeir, sem helst vildu halda i
vonina um kjarnorkuvopnalaus
Norðurlönd, voru Reiulf Steen,
þingmaður jafnaðarmanna í Nor-
egi, og fulltrúi Finna, Eeva
Kuuskosi-Vikatmaa, félagsmála-
ráðherra, en það var Urho Kekk-
onen, fyrrum forseti Finna, sem
kom fyrst fram með hugmyndina
árið 1963.
4
Vjterkurog
hagkvæmur
auglýsingamiöill!
Chernenko til Frakk-
lands á næsta ári
PmrÍN, 26. ■Araaber. AP.
CONSTANTIN Chernenko, forseti
Sovétríkjanna, sækir Frakkland aö
(Jonstantin Chemenko
öllum líkindum heim á næsta ári,
sagði Fransois Mitterrand, Frakk-
landsforseti, í viðtali við sýrlenska
sjónvarpið.
„Chernenko kemur til Parísar á
næsta ári, ef aðstæður leyfa,“
sagði Mitterrand í viðtalinu sem
tekið var áður en hann lagði af
stað til Damascus, höfuðborgar
Sýrlands, á mánudag. „Það er
a.m.k. vilji beggja aðila í þvi
skyni að halda áfram að vinna að
bættum samskiptum landanna,"
sagði hann.
„Frakkland og Sovétríkin verða
að rækja það sérstaka hlutverk
sem löndin gegna varðandi jafn-
vægi í Evrópu," sagði Mitterrand
og bætti því við að löndin gætu
verið í vinfengi hvort við annað,
þótt þau væru ekki saman í
bandalagi.
Banvænar býflugur
Naírobi, Keoja, 26. ■órember. AP.
UNG kona og kornabarn hennar
létu lffið skammt frá borginni
Kisumu í Kenya um helgina, er
þau urðu fyrir árás óteljandi
býflugna sem bitu þau mæðgin
ótal sinnum. Móðirin var að
sækja vatn í ílát er ský virtist
draga fyrir sólu, flugnagerið réð-
ist skyndilega á þau. Smábarnið
lést samstundis, en móðirin á
sjúkrahúsi nokkrum klukku-
stundum sfðar.
UfþtncMO
Nýjung í rafsuðutœkni
Lift-arc 140 býður uppá alveg nýja eiginleika í
TIG-suðu, sem skapast hafa af einstæðri þróun á
rafsviðinu.
Staðsetjið Þrýstið Dragið að Sjóðið
ogf/ftið
Með Lift-arc 140 er bæði hægt að TIG-sjóða
ryðfrrtt efni og venjulegt stál 0,5 mm til 3 mm.
Einnig hentar hún fyrir hefðbundna pinnasuðu
með allt að 3,25 mm klæddan þráð.
Þreplaus straumstilling frá 3 til 140A. Með einum
valrofa er valið um TIG-suðu með innstilltri
tímasetningu fyrir endastraum, TIG-suðu
til heftingar eða rafsuðu með
klæddum rafsuðuvír.
Lift-arc 140 vegur aðeins 39 kg. og
tekur Iftið pláss og því auðveld í
öllum flutningum.
Allt þetta mælir með Lift-arc 140 til
hverskonar smærri verkefna þar
sem verkvöndunar er krafist.
ESAB
Forysta ESAB er trygging fyrir
gæðum og góðri þjónustu.
HEÐINN
SEUAVEGI 2.SÍMI 24260