Morgunblaðið - 27.11.1984, Blaðsíða 34
42
MORGUNBLAÐIÐ, ÞRIDJUDAGUR 27. NÓVEMBER 1984
BHM fordæmir
gengisfellinguna
Á fundi launamálaráós BHM 21. nóvember var samþykkt ályktun þar seru
gen)(isfelline rfkisstjórnarinnar er fordæmd. Ályktunin fer hér á eftir:
BHMR-Launamálaráð ríkis-
starfsmanna fordæmir aðgerðir
ríkisstjórnarinnar harðlega.
Heildarlækkun gengis um 16% í
kjölfar 12% kauphækkana er svo
óhófleg við núverandi aðstæður að
fá dæmi eru sambærileg í langri
sögu kjaraskerðingarinnar á Is-
landi. Atvinnurekendur og fyrir-
tæki sem lengi hafa misnotað
sjóði landsmanna í óarðbæra fjár-
festingu fá nú fyrirhafnarlaust af-
numdar kauphækkanir nýgerðra
kjarasamninga.
í Ijósi þeirrar miklu kjaraskerð-
ingar sem gerð hefur verið á síð-
ustu misserum voru nýgerðir
kjarasamningar mjög hóflegir.
Þeir voru lítið skref til aukins
réttlætis i þjóðfélaginu. Þegar
stjórnvöld lýsa því yfir, nánast
með glotti á vör, að launþegasam-
tök eigi ekki að gera kaupkröfur í
kjarasamningum þá keyrir um
þverbak. Kaupið á Islandi er langt
fyrir neðan það sem tfðkast í álíka
rikum þjóðfélögum og ísland er.
Það er því engin sjálfsögð nauðsyn
sem rekur stjórnvöld til slíkra
kjaraskerðinga. BHMR fordæmir
harðlega óréttláta framkomu
ríkisvaldsins í garð launafólks.
BHMR fordæmir þjónkun ríkis-
stjórnarinnar við þá aðila sem
staðið hafa fyrir gegndarlausri
offjárfestingu á mörgum sviðum
atvinnulífsins.
BHMR fordæmir harðlega þá
lítilsvirðingu sem samningsrétti,
einum af hornsteinum lýðræðis-
ins, er sýnd á íslandi enn á ný.
BHMR fordæmir siendurteknar
og óbilgjarnar kjaraskerðingar
sem eru ástæðulausar og stjórn-
völdum til mestu vansæmdar.
„ísland er mikil
orkumiðstöðu
„Talan sjö er góó tala og það kemur alveg heim og saman við að þessi
sjöunda heimsókn mín til Islands hefur verið sú ánægjulegasta hingað til,“
sagði Harald Clayton, tónskáld og píanóleikari með meiru, í spjalli við blm.
MbL á dögunum.
Clayton mun halda tónleika í
Reykjavík í kvöld, þriðjudags-
kvöld, kl. 20.30 í húsi Söngskólans
að Hverfisgötu 45 og verður yfir-
skrift þeirra „New Age Music",
eða Jíýaldartónlist".
Leikur Clayton eigin verk á pí-
anó og sagði hann að þar yrði um
að ræða spuna, byggðan á klass-
ískum grunni. Gn meðal efnis á
tónleikunum verður spunaverk
sem höfundur helgar Landmanna-
laugum.
Harald Clayton er búsettur i
Kanada, en hefur sl. 15 ár ferðast
víðs vegar um lönd og haldið tón-
leika og fyrirlestra um tónlist.
Einnig hefur hann unnið mikið
með danshöfundum, þ.á m. Mörtu
Graham. Hingað til lands kom
hann fyrst árið 1969 og gerðist þá
meðlimur í SÚM, að því er hann
tjáði blm. Síðan hefur hann oft
haidið hér tónleika, m.a. í Nor-
ræna húsinu og Háskóla tslands.
„Ég hef haft mikil og góð kynni
af íslenskum listamönnum," sagði
Clayton. „Og ég trúi því, að á Is-
landi sé að finna uppsprettu skap-
andi orku, sem á eftir að verða
ríkjandi i æ meira mæli á næstu
árum í heiminum, þó að neikvæð
orka sé einnig að hlaöast upp.
Draumur minn er, að hér verði
komið á fót alþjóðlegri miðstöð
þar sem skapandi listamenn af
ólíkum toga geti unnið saman,
nokkurs konar „heimsmenn-
Harald Clayton
ingarsetur", sérhannað með öllum
hugsanlegum tækninýjungum.
Þetta væri að sjálfsögðu afar
dýrt í framkvæmd,” sagði Clayton
að lokum. „En ef eitthvað er þess
virði að gera það má fá til þess
fjármuni. Það er bara spurning
um úthald."
Marinó L Stefánsson
Barnabók eft-
ir Marinó L.
Stefánsson
STRÁKARNIR sem struku til
Skotlands heitir ný bók eftir
Marinó L. Stefánsson, sem
Skjaldborg hf. á Akureyri hefur
gefið út.
Á bókarkápu segir m.a.: „Að-
alsöguhetjurnar í nýju bókinni
eru þeir Halli og Nonni á Sand-
eyri, en þeir eru 11 ára.
Farþega- og flutningaskipið
Stapafoss kemur til Sandeyrar
og þá taka þeir félagar þá
ákvörðun að strjúka með skip-
inu, en það hélt frá Sandeyri til
Skotlands. Erlendis lenda
strákarnir í ýmsum ævintýrum
og erfiðleikum."
Eftir Marinó L. Stefánsson
kom út bókin Manni litli í Sól-
hlíð 1982.
Gréta María Sigurðardóttir, formaður Kvennadeildar SVFl f Reykjavík,
afhendir Engelhart S. Björnssyni, formanni Björgunarsveitarinnar Ing-
ólfs, eitt hinna 27 útköllunartækja. örlygur Hálfdánarson, formaður
Slysavarnadeildarinnar Ingólfs, er viðstaddur.
Kvennadeild Slysavarnafélagsins í Reykjavík:
Gefur Ingólfi 27
útköllunartæki
NÝLEGA afhenti Kve.inadeild Slysavarnafélags Islands í Reykjavík
Björgunarsveitinni Ingó'fi 27 útkölhinartæki að gjöf. Afhending þeirra
fór fram í húsi SVFÍ á Gi tndagarði að viðstöddum fjölmörgum konum
úr kvennadeildinni, stjórn deildarinnar ásamt stjórn Slysavarnadeildar-
innar Ingóifs og stjórn Björgunarsveitarinnar Ingólfs.
Gréta María Sigurðardóttir formaður kvennadeildarínnar afhenti
tækin þeim Örlygi Hálfdánarsyni formanni Slysavarnardeildarinnar
Ingólfur og Engelhart S. Björnssyni formanni Björgvunarsveit Ingólfs.
I ræðu sem Engelhart S.
Björnsson flutti við þetta tæki-
færi lét hann þess getið að með
þessum útköllunartækjum, sem í
daglegu tali eru nefnd bíb-tæki
manna á meðal, er hægt að koma
boðum til lykilmanna f björgun-
arsveitinni samstundis en það
sparar að sjálfsögðu dýrmætan
tíma ef slys ber að höndum.
Þetta er sérstaklega mikilvægt
þar sem allir björgunarsveitar-
mennirnir eru sjálfboðaliðar f
föstum störfum víðsvegar um
borgina og getur það stundum
reynst tafsamt að koma til
þeirra skilaboðum. Hin nýju
tæki eru þannig úr garði gerð að
fyrst heyrist í þeim hljóð sem
gerir björgunarsveitarmönnum
viðvart og skömmu sfðar heyrast
þau skilaboð sem sá sem kallar
sveitina út vill koma á framfæri.
Verðmæti þessara nýju tækja
nemur um 230 þúsund krónum.
Með tilkomu þeirra verður
björgunarsveitin enn betur í
stakk búin en áður til þess að
bregðast skjótt við útköllum.
Barnahjálp Sameinuðu þjóóannæ
Jólakort kom-
in á markaðinn
JÓLAKORT Barnahjálpar Sameinuðu þjóðanna (UNICEF) eru komin á
markaðinn. Kortin eru unnin af listamönnum frá ýmsum löndum og eru
allmargar myndanna gerðar sérstaklega fyrir þessi kort. Einnig eru
notaðar eldri myndir eftir fræga listamenn fyrri alda.
í frétt frá Barnahjálp Samein-
uðu þjóðanna segir m.a.:
„Barnahjálpin hefur gefið út
jólakort á hverju ári frá því 1949
og hefur þessi útgáfa fjármagnað
um 10—15% af starfseminni á
undanförnum árum. Fjárþörfin er
gífurleg. Barnahjálpin hefur á sið-
ustu árum beint kröftum sínum að
langtímaverkefnum, til að stuðla
að varanlegri lausn vandamála á
hverjum stað. Þó fer alltaf tölu-
vert til neyðarhjálpar. Þurrkarnir
í Afríku, t.d. í Eþfópíu, eru dæmi
um stað þar sem neyðarhjálp er
mjög nauðsynleg. Barnahjálpin er
ein þeirra fjölmörgu alþjóðastofn-
ana sem lagt hefur sitt af mörkum
þar.
Barnahjálpin þarf að hafa yfir
töluverðum birgðum að ráða til að
vera viðbúin að veita neyðarhjálp.
Hún hefur nýverið tekiö birgða-
stöðina UNIPAC f notkun í Kaup-
mannahöfn. Innan sólarhrings
geta flugvélar lagt af stað frá
flugvellinum i Kaupmannahöfn
með hjálp til nauðstaddra hvar
sem er í heiminum. Auk þessa er
UNIPAC birgðastöð fyrir alla þá
stöðugu hjálp sem UNICEF veit-
ir.“
Jólakortin eru til sölu f helstu
bókabúðum landsins auk þess sem
þau eru til sölu á skrifstofu
Kvenstúdentafélags íslands á
Hallveigarstöðum en Kvenstúd-
entafélagið hefur séð um sölu jóla-
kortanna hér á íslandi i rúm 30 ár.
• 4 A m
4 fí ■«ií i v' 4Í
é * h
Vigfús Björnsson
Ný skáldsaga eft-
ir Vigfús Björnsson
,„Súrt regn“ nefnist skáldsaga eft-
ir Vigfús Björnsson, sem Skjaldborg
hf. á Akureyri hefur gefíð út.
Þetta er önnur skáldsaga Vig-
fúsar, sú fyrri „Skógarkofinn"
kom út 1982.
Þessi nýja skáldsaga Vigfúsar
skiptist í tvo hluta. Fyrri hlutinn
heitir „Vonglaðir ferðamenn" og
síðari hlutinn „Súrt regn“. Á bók-
arkápu segir m.a., að þessi saga sé
„ótrúlega áhrifamikil og stórbrot-
in saga um ástir heimasætunnar í
dalnum og tónskáldsins í borginni,
ómengaða íslenska náttúru, súrt
regn, dapurlegar framtíðarhorfur
heimsbyggðarinnar, gljáfægð
drápstæki og reginöfl sem heimta
blóð“. Og einnig segir: „í þessari
sögu tekst Vigfúsi að draga upp
mjög sanna mynd af hinni óspilltu
íslensku náttúru og hinum dapur-
legu framtíðarhorfum heims-
byggðarinnar."
INNLENT,
Birgitta Halldórsdóttir
Ný skáldsaga
eftir Birgittu
H. Halldórsdóttur
Háski á Hveravöllum nefnist ný
skáldsaga eftir Birgittu H. Hall-
dórsdóttur, sem Skjaldborg á Akur-
eyri hefur gefið ÚL
Þessi skáldsaga er þannig kynnt
á bókarkápu: „Einhver undarlegur
dularhjúpur var yfir afdrifum
Kristínar, blaðakonunnar fögru.
Blaðakonan Marta fer til Hvera-
valla, þar sem slysið átti sér stað.
Þar bíða hennar margs kyns hætt-
ur og háski; ekki einungis af
manna völdum, heldur einnig af
völdum hjarta hennar sjálfrar.
Alþingismaðurinn Friðrik kemur
inn í líf hennar. Það er ást við
fyrstu sýn, en gallinn er sá að
Friðrik á konu, Maríu, sem ekki er
á því að sleppa manni sínum fyrir-
hafnarlaust.
Háski á Hvera völlum er önnur
skáldsaga Birgittu H. Halldórs-
dóttur. Sú fyrsta „Inga“ kom út á
síðasta ári.