Morgunblaðið - 27.11.1984, Blaðsíða 45

MORGUNBLAÐIÐ, ÞRIÐJUDAGUR 27. NÓVEMBER 1984
53
BSHHBs
rnMmm

/V‘iS .-w
’áípSftfef
ff|ÍS$

Gallerí Rekagrandi
Myndlíst
Bragi Ásgeirsson
Sýningastarfsemi á höfuðborg-
arsvæöinu er um sumt farin ad
taka á sig undarlegan og jafnvel
dularfullan blæ.
Þannig var um skeið til gall-
erí í Hlíðunum er nefndi sig ein-
faldlega „Gangurinn" en nú hef-
ur það flutt sig yfir á Reka-
granda og tekið sér nafn göt-
unnar. Þótt ég búi sjálfur í
Hlíðunum auðnaðist mér aldrei
að líta inn í „Ganginn" enda ef-
aðist ég stórlega um að hér væri
um alvörugallerí að ræða þrátt
fyrir að ýmis þekkt nöfn væru í
bland meðal sýnenda. En á dög-
unum mannaði ég mig upp og
hélt alla leið út á Granda í leit
að nefndu galleríi, sem hefur
verið vel auglýst í fjölmiðlum
án þess þó að sérstakur opnun-
artími væri tilgreindur. Kom ég
í fyrstu að luktum dyrum en
náði seinna í skottið á fram-
kvæmdastjóra gjörningsins á
götu úti sem var svo vinsamleg-
ur að kynna mér athafnasem-
ina.
Þótt lygilegt sé mun galleríið
vera eitt hið þekktasta á erlend-
um vettvangi hér í borg og vafa-
lítið skáka hvorttveggja Lista-
safni íslands og Kjarvalsstöð-
um í þeirri grein. „Corridor
Gallery" er sem sagt víða getið í
Listatímaritum úti í heimi þar
sem nöfn hinna staðanna getur
hvergi. Máski er galleríið þann-
ig frekar sett á laggirnar fyrir
þá er erlendis búa enda hafa
erlendir spurst fyrir um þetta
gallerí er þeir hafa verið á ferð
hér. Hvað um það þá prýða
veggi þess ýmsar smámyndir og
riss eftir þá Anselm Stadler,
Helmut Federle, Martin Disler,
John M. Armleder og Claudia
Schiffle frá Sviss — Peter Ang-
ermann frá Þýskalandi — John
van Slot frá Hollandi — Daða
Guðbjörnsson, Tuma Magnússon,
Árna Ingólfsson, Kristinn G.
Harðarson og Helga Þ. Friðjóns-
son frá íslandi. Hinn síðasttaldi
er forstöðumaður gallerísins.
Mörg þessara nafn eru vel
þekkt í heimalöndum sínum
enda má sjá hina bærilegustu
hluti innan um en slík sýning á
frekar heima á Nýlistasafninu
eða annars staðar þar sem fólk
kemur. En áhugasamir geta að
sjálfsögðu tekið sig til og leitað
staðinn uppi.
Listmálarafé-
lagið sýnir
í Galleríi islenzk list að Vestur-
götu 17 sýna um þessar mundir 17
félagar Listmálarafélagsins. Hér er
um að ræða olfumálverk, teikningar
og grafík, enda eru þessar greinar
myndlistar aðalsvið gerandanna svo
sem nafn félagsins ber með sér.
Félagið var öðru fremur stofnað
til að gæta hagsmuna þeirra er
stunda þessar greinar og eru allir
virkir á vettvanginum ásamt því
að vilja gjarnan sýna saman.
Fyrir utan einstaklingssýningar
í galleríinu setja félagsmenn
reglulega upp samsýningar og er
þá leitast við að fá sem flesta með
hverju sinni til þess að sýningarn-
ar gefi sem heillegasta mynd af
félaginu.
Svo sem sýningar félagsins hafa
borið með sér hingað til þá er hér
ekki á ferðinni nein tegund list-
hóps, er heldur öðru fremur einni
stefnu fram. Hér kennir einmitt
margra grasa og engin listastefna
telst annarri rétthærri.
Hér er um starfsemi að ræða, er
á sér hliðstæður erlendis og á full-
an rétt á sér sem gild listkynning,
enda má segja að allir meðlimir
Listmálarafélagsins séu þjóð-
kunnir myndlistarmenn og sýn-
ingar þeirra myndu allstaðar
sóma sér sem góð landkynning og
raunsannur þverskurður íslenzkr-
ar nútímalistar.
Það er von mín að félagið eigi
eftir að eflast á næstu árum, en til
þess þarf það að fjölga félags-
mönnum, en þó ekki um of. Um
sjálfa sýninguna fjölyrði ég ekki
hér, en sumt á henni kom undir-
rituðum á óvart — hún er
tvímælalaust ein sú sterkasta sem
félagið hefur haldið á þessum stað
og einstaka listamenn sýna mikið
vaxtarmagn í verkum sínum.

mm
■ ■

r að gefnu tilefni/ áð félagið mún framvegis
sém hingað til, veita góðum viðskiptavinum
• srnum sín bestu kjör. 1 /
",;'v-'V'; •/" /'V;;- "'vv;/.* ■/■■. v/
Góð þjénusta er sérgrein okkar.
TRYGGINGAMIÐSTÖÐIN
. Aöalstrætí 6 sími 26466

EIMSKIP

Fréttirfrúfmtu hertdi.
Nú þegar frost er á fróni viljum við minna viðskiptavini
okkar á að hitastig í vöruskálum Eimskips getur farið
niður fyrir 0°C. Öryggi eigenda vöru sem ekki þolir frost
eykst eftir því sem varan staldrar skemur við í skálunum,
og mikilvægt er t.d. að athuga að frostlögur sé á bílum
eða vélum.
Vandaður frágangur vörunnar tryggir öruggari flutning
EIMSKIP
Síml 27100
*