Morgunblaðið - 30.11.1984, Blaðsíða 26
26
MORGUNBLAÐID, FÖSTUDAGUR 30. NÓVEMBER 1984
Yamani spáir snöggri
olíuverðhækkun
Kuwait, 29. nóvember. AP.
30 daga neyðar-
ástandi lýst í Perú
YAMANI, olíumálaráðherra
Saudi Arabíu, spáði því í dag, að
á næstunni yrði umtalsverð
hækkun á olíu, vegna aukinnar
eftirspurnar og vegna þess hag-
ræðis sem olíuframleiðslulönd
hefðu flest sýnt varðandi olíu-
framleiðslu.
Yamani sagði, að hann bygg-
ist við að verðhækkunin myndi
koma snögglega. Aðspurður um
hver væri afstaða hans til þess
að Noregur héldi áfram að
lækka olíuverð, sagðist Yamani
fyrir sitt leyti kæra sig kollótt-
an. „Ef Norðmenn hafa efni á
að missa tekjur af sinni olíu er
það þeirra mál. Þegar eftir-
spurnin eykst hlýtur verðið að
hækka. Það er lögmál sem allir
þekkja sem hrærast í viðskipt-
um.“ Hann sagðist ekki búast
við að OPEC-löndin þrettán
myndu draga meira úr olíu-
framleiðslunni en nú er, en
OPEC-löndin framleiða 16
milljónir olíutunna á dag.
Eins og frá hefur verið sagt
lækkuðu þrjú lönd olíuverð ný-
lega, Bretland, Noregur og Níg-
ería. Síðastnefnda landið á að-
ild að OPEC eitt landanna
þriggja.
Ahmed Zaki Yamani
Uma, Pern, 29. nóyember. AP.
STTJÓRNIN í Perú lýsti yfir þrjátíu
daga neyðarástandi í landinu vegna
allsherjarverkfalls sem helztu verka-
lýðsfélög landsins höfðu tilkynnt að
myndi koma til framkvæmda frá og
með fimmtudegi. í tilkynningu ríkis-
stjórnarinnar sagði að gripið hefði
verið til þessa ráðs vegna þess að
verkföllin myndu gera það eitt að
leggja alveg í rúst lítt burðugan
efnahag landsins.
Verkalýðsleiðtogarnir höfðu
sagt að þeir byggjust við að um
niutíu prósent þátttaka yrði í
verkfallinu, sem nýtur stuðning
stærstu verkalýðssamtaka lands-
ins og ýmissa stjórnmálaflokka,
einkum til vinstri. Stöku verka-
lýðsfélög munu þó hafa lýst yfir
andstöðu við verkfallið og segja
það muni ekki koma að neinu
gagni við að rétta eða bæta hag og
stöðu hins vinnandi fólks.
Ókyrrt hefur verið víða í Perú
upp á síðkastið og i dag sprungu
tvær öflugar sprengjur við menn-
ingarstofnun í Lima, sem rekin er
sameiginlega af Perú og Banda-
rkjunum. Ekki varð manntjón og
þykir það hin mesta mildi, því að
300 manns voru að hlýða á hljóm-
leika skammt frá þeim stað sem
sprengjunum hafði verið komið
fyrir á.
Arafat
Bretar vilja
ekki Arafat
í heimsókn
London, 29. nóvember. AP.
Höfundur ævisögu Yassers Arafat
skæruliðaleiötoga sagði að Arafat
hefði hætt við fyrirhugaða Bret-
landsferð til að kynna bók sína þar
sem brezk yfirvöld hefðu neitað Ara-
fat um vegabréfsáritun.
Brezka blaðið Daily Express
segir í dag að írski lýðveldisher-
inn, IRA, hafi gefið PLO 400 þús-
und sterlingspund, eða jafnvirði
20 milljóna króna, í þakklætis-
skyni við langvarandi stuðning
PLO við hryðjuverkastarfsemi
hersins ólöglega.
Segir blaðið að peningarnir hafi
verið afhentir fulltrúum PLO við
athöfn í Túnis. Greiðslan hafi ver-
ið í dollurum, sem NORAID,
bandarísk samtök, sem stunda
fjársöfnun til styrktar írskum
hryðjuverkamönnum, hafi safnað.
Þing Palestínumanna sam-
þykkti stjórnmálayfirlýsingu í
gærkvöldi, þar sem Bandaríkin
eru sökuð um „hryðjuverk" og
hvatt. er til alþjóðaráðstefnu um
málefni Miðausturlanda. Jafn-
framt er hvatt til að komið verði á
betri sambúð PLO og Sýrlands,
sem gagnrýnt hefur tengsl PLO
við Jórdaníu og liðsinnt andstæð-
ingum Arafats í skæruliðasam-
tökunum.
Geimapaynja
dauðvona
Hnabiville, AUbama. 29. nAvember. AP.
GEIMAPAYNJAN fröken Bak-
er, sem varð heimsfræg árið
1959, er hún fór ásamt apafélaga
sínum, Able, út í geiminn. Able
lést nokkru eftir að aparnir
sneru heim. Fröken Baker var
flutt í dýraspítala í gær vegna
nýrnasjúkdóms og segja læknar
að hún sé dauðvona, enda orðin
öldruð á apamælikvarða, tuttugu
og sjö ára.