Morgunblaðið - 12.12.1984, Qupperneq 15
MORGUNáLAÐIÐ, MIÐVIKUDAGUR 12. DESEMBER 1984
15
Kynning á öllum frönskum
fatnaði sem hér er seldur
FRANSKA sendiráðið og fyrirtækið
Gildi hf. gangast fyrir tískusýningu í
Súlnasal Hótel Sögu laugardaginn
15. desember nk. þar sem kynntur
verður allur sá franski fatnaður sem
fæst hér á landi.
Verslunarfulltrúi Frakklands,
Gina Letang, hefur haft veg og
vanda af sýningunni en henni til
aðstoðar hafa verið útflutnings-
miðstöðin, samtök franskra fata-
framleiðinda og fulltrúar fræg-
ustu tískuhúsanna í París. M.
Engel, dans- og tískusýningar-
stjóri, mun setja sýninguna á svið.
Dagskráin á laugardag hefst
með kvöldverði kl. 20.30. Að hon-
um loknum sýna Módel 79 fransk-
an kven-, karla- og barnafatnað
eftir frægustu tískuhönnuði
Frakklands. Meðal vörumerkja
má nefna Kenzo, Chacharel. Yves
Saint-Laurent, Givenchy og
Christian Dior en umboðsmenn
fatnaðarins eru eftirtaldar versl-
anir: Eva, Hjá Báru, Gullfoss,
Christine, Pelsinn, Herragarður-
inn, Englabörnin og Pakkhúsið.
Að tískusýningunni lokinni
verður happdrætti og Parísarferð
í vinning. Þá leikur Hljómsveit
Magnúsar Kjartanssonar fyrir
dansi fram eftir nóttu. Tískusýn-
ingin verður síðan endurtekin
daginn eftir, sunnudag, kl. 16.30 í
Átthagasal Hótel Sögu.
í vikunni var haldinn fundur
með blaðamönnum þar sem
dagkskrá kvöldsins var kynnt.
Gina Letang sem kom hingað til
lands sl. mars hefur verið ráðin
verslunarfulltrúi Frakklands á ís-
landi næstu þrjú ár. Sagði hún að
á íslandi væru sérlega falleg og
vönduð föt, en þó væri úrvaliö af
frönskum fatnaði að hennar mati
ekki nægilega mikið. Nefndi hún
sérstaklega í því sambandi karla-
fatnað. Kvaðst Letang vonast til
þess að tískusýningin yrði til þess
að íslendingar kynntust þeim
frægu vörumerkjum sem nú þegar
fengjust hér á landi og sagðist hún
vonast til að fleiri merki bættust í
hópinn innan tíðar. Letang bætti
því við að þetta væri aðeins byrj-
unin, síðar væri fyrirhugað að
halda hér á landi alls kyns kynn-
ingar á frönskum varningi sem
hér er seldur.
*
Utboð vegarkafla á Vesturlandi:
Lægstu tilboðin
43—56 % af kostn-
aðaráætluninni
AÐ undanfórnu hefur verið boðin út lagning þriggja vegarkafla á Vestur-
landi, sem hver um sig er 3 til 5 km að lengd og leggja á í vetur og vor. Tíu til
fjórtán tilboð hafa borist í hvert þessarra verka og hafa flest þeirra verið
undir kostnaðaráætlun Vegagerðarinnar. Lægstu tilboð hafa verið á bilinu
43% til 56%.
Horgunblaoið/Knoþjófur
Gina Letang, verslunarfulltrúi Frakklands á fslandi, og Vilhelm Wessmann,
einn þriggja eigenda Gildis hf.
í gær voru opnuð tilboð í undir-
byggingu þjóðvegarins fyrir ofan
Borgarnes. Tilboðsgjafar höfðu
tvo valkosti, 2 km vegarkafla frá
Hamarslæk að Brennistöðum og
5,4 km vegarkafla frá Hamarslæk
að Gufá. Ilengri kaflann bárust 12
tilboð og voru 9 þeirra undir
kostnaðaráætlun Vegagerðar
ríkisins, sem var 16,6 milljónir kr.
Lægsta tilboðið var frá Hetti sf. í
Hrútafirði, 9,4 milljónir kr., sem
er um 56% af kostnaðaráætlun.
Næstlægsta tilboðið var frá Suð-
urverki á Hellu, 10,9 milljónir,
sem er 65% af kostnaðaráætlun.
Birgir Guðmundsson, umdæmis-
verkfræðingur hjá Vegagerðinni í
Borgarnesi, sagði í samtali við
Mbl. að þar sem tilboðin hefðu
verið þetta hagstæð væri útlit
fyrir að ráðist yrði í lagningu
lengri kaflans og lægsta tilboði
tekið. Sagði hann að ekki væri bú-
ið að taka ákvörðun um lagningu
bundins slitlags á veginn en það
yrði hugsanlega gert næsta
sumar.
í síðustu viku voru opnuð tilboð
í undirbyggingu 3 km kafla á
Vesturlandsvegi, frá Akranes-
vegamótum að Galtarholti. 14 til-
boð bárust í verkið og öll nema
eitt lægri en kostnaðaráætlun
Vegagerðarinnar. Lægsta tilboðið
var frá Ósi hf. í Skagafirði, 1,9
milljónir kr., sem er 48% af kostn-
aðaráætlun Vegagerðarinnar. en
hún hljóðaði upp á 3,9 milljónir.
Næstlægsta tilboðið var frá Húna-
virki í Hrútafirði, 2,0 milljónir kr.,
sem er 51% af kostnaðaráætlun
1 gær var gengið frá samningi á
milli Vegagerðarinnar og verk-
takafyrirtækjanna Árverks og
Fossverks á Selfossi um undir-
byggingu 3,2 km af Stykkishólms-
vegi, það er frá Vogsbotni að
Stykkishólmi. Þessi fyrirtæki voru
með lægsta tilboðið í verkið, 2,9
milljónir kr., sem er 43% af kostn-
aðaráætlun Vegagerðarinnar, en
hún hljóðaði upp á 6,9 milljónir
kr. Tíu tilboð bárust í verkið þegar
það var boðið út og voru þau öll
lægri en kostnaðaráætlunin.
Næstlægsta tilboðið var frá Hilm-
ari Sigursteinssyni í Skagafirði,
3,0 milljónir, sem er um 44% af
áætlun, en hæsta tilboðið hljóðaði
upp á 5,8 milljónir sem er um 84%
af kostnaðaráætlun. Verkinu á að
vera að fullu lokið fyrir 10. maí og
í sumar er fyrirhugað að leggja
slitlag á veginn. Verður þá komið
bundið slitlag á allan Stykkis-
hólmsveg frá vegamótum að kaup-
túninu.
Söfnuóu fyrir kirkjubygg-
ingu á Seltjarnarnesi
Sóknarnefnd Seltjarnarneskirkju
skýrir frá því í frétt, sem hún hefur
látið fara frá sér, að í haust hafi
allstór hópur barna safnað pening-
um til styrktar kirkjubyggingunni á
Seltjarnarnesi.
Á meðfylgjandi mynd er nokkur
hluti þeirra barna, sem haldið
hafa hlutaveltur og látið ágóðann
renna til byggingarinnar. Myndin
er tekin fyrir framan kirkjuna í
byggingu. Frá vinstri eru: Guðrún
Norðfjörð, Jóhanna Skúladóttir,
Helga Björnsdóttir, Hildur Norð-
fjörð, Guðrún Inga Sívertsen, Sig-
ríður Björg Sigurðardóttir, Svana
Margrét Davíðsdóttir, Ásta Björg
Davíðsdóttir, Björg Guðmunds-
dóttir, Guðrún Vala Davíðsdóttir
og Anna Björg Erlingsdóttir.
Bankastræti 10. Sími 13122