Morgunblaðið - 12.12.1984, Blaðsíða 24

24
MORGUNBLAÐIÐ, MIDVIKUDAGUR 12. DESEMBER 1984
Trén vegin og metin áður en til höggs kemur.
Egilsstaðir:
1000 grenitré
felld í Hall-
ormsstaðaskógi
SUersta íslenska jólatréð á mark-
aðnum í dag, 11 m hátt rauðgreni
úr Hallormsstaðaskógi, hefur verið
reist framan við kjörbúð KHB á
Egiisstöðum.
F^ibBtöóum, 8. desember.
í CÆR höfðu verið felld nokkur
hundruð grenitré í Hallormsstaða-
skógi, aðallega rauðgreni, brodd-
greni og blágreni, sem fara eiga í
jólatrjáamarkaðinn í ár. í næstu
viku lýkur skógarhöggi jólatrjáa í
Hallormsstaðaskógi og mun tala
felldra trjáa þá nema um 1000 að
þessu sinni, en það eru heldur
færri tré en undangengin ár.
Að sögn Jóns Loftssonar,
skógarvarðar, fara jólatrén úr
Hallormsstaðaskógi nú fyrst og
fremst á markað á Austurlandi.
Jón sagði að tala felldra trjáa
hefði yfirleitt verið um
1500—2000 tré ár hvert — en
vegna maurafaraldursins í
sumar reyndist einungis unnt að
fella 1000 tré nú.
Að sögn Jóns munu maurar
þessir að líkindum hafa borist
hingað á sínum tíma með plönt-
um, en veðurblíðan í sumar hefði
búið þeim ákjósanleg lífsskilyrði
hér og hefðu þeir því margeflst.
Sum svæði í skóginum eru illa
farin af völdum þessara maura,
Jón Loftsson, skógarvörður, með eitt myndarlegt jólatré, sem fellt hefur
verið.
þótt strax hafi verið brugðist við
ófögnuðinum með úðun og rann-
sóknum svo að endanlega megi
ráða niðurlögum hans.
Jón sagði að þessir maurar
væru alþekktar en illræmdar
skepnur í skóglendi hinna Norð-
urlandanna, en aðstæður þar
væru allt aðrar en hér svo að
aðferðir frænda okkar þar dygðu
skammt gegn ófögnuðinum hér-
lendis. Því hefðu sérstakar rann-
sóknir þurft að koma til. Taldi
Jón sýnt að vori hvort tekist
hefði að stemma stigu við vexti
skaðvalds þessa og ráða niður-
lögum hans.
Trén sem nú hafa verið felld í
Hallormsstaðaskógi eru velflest
til heimilisskrauts, þó hafa
nokkur svonefnd torgtré verið
felld, en hið stærsta er um 11 m
hátt og var reist framan við
kjörbúð KHB í dag. Að líkum er
það stærsta íslenska jólatréð að
þessu sinni eins og raunar und-
angengin ár.
— Olafur
Síöasta bók
Málfríöar Einarsdóttur:
Tötra í Glettingi
„Sagan erfull af sprelli og göldrum og
aö því er varöar meðhöndlan raun-
veruleikans þá getur hér allt gerst. Hiö
vanalega er gert óvanalegt og hiö
sjaldgœfa að hversdagsreynslu. í þess-
ari sögu finnst mér MálfríÖi takast best
upp, hún baöar sig í dirfsku og frum-
leika. “
(Rannveig Ágústsdóttir í Dagblaðinu-Vísi)
Enn er til nokkuö af fyrri bókum
Málfríöar Einarsdóttur:
Samastadur í tilverunni
Úr sálarkirnunni
Auðn uleysingi
og Tötrughypja
„Það er eitt afundrum veraldar hvern-
ig sumt fólk getur allt í einu sprottiö
fram á efstu árum sínum og ausiö yfir
okkur geníalíteti slíku aö maöur græt-
ur þaö eitt aö hafa ekki notiÖ þess
fyrr, “ sagði Heimir Pálsson í ritdómi
um síöastnefndu bókina.
Bókaútgáfan
LJÓÐHÚS
Laufásvegi 4,
Reykjavík.
Símar 17095 og 18103.
Síðara bindið af riti um
seinni heimsstyrjöldina
BÓKAÚTGÁFAN Örn og Örlygur
hefur gefið út síðara bindi af ritverk-
inu Heimsstyrjaldarárin á íslandi
1939—1945 eftir Tómas Þór Tóm-
asson, en fyrra bindið kom út á síð-
asta ári. Fyrra bindið fjallaði um
hcrnám Breta og lauk þar sem
Bandaríkjamenn voru að taka við.
í þessari bók, þ.e. síðara bind-
inu, heldur Tómas áfram þar sem
frá var horfið og segir frá hersetu
Bandaríkjamanna og þjóðlífi á ís-
landi fram yfir lok heimsstyrjald-
arinnar. Fjallað er ítarlega um
lýðveldisstofnunina, sambúð Is-
lendinga og Bandaríkjamanna og
m.a. eru hin frægu „ástandsmál“
rakin. Þá er einnig fjallað um
breytingu á búsetu og atvinnu sem
varð á þessum árum.
í bókinni er fjöldi ljósmynda og
hafa fæstar þeirra birst áður.
Voru myndirnar m.a. fengnar úr
safni hersins í Bandaríkjunum og
fjölmargir er myndir tóku á þess-
um árum drógu þær úr pússi sínu
Tómas Þór Tómasson
til birtingar í bókinni. Út af fyrir
sig eru myndir þessar sögulegur
fjársjóður, segir í frétt frá útgef-
anda.
Bókin Heimsstyrjaldarárin á Is-
landi 1939—1945 er sett og prent-
uð í Prentstofu G. Benediktssonar
en bundin hjá Arnarfelli hf. Kápu
hannaði Sigurþór Jakobsson.
„Læknabrandarar“
„Læknabrandarar" nefnist ný bók,
sem Skjaldborg sendir frá sér. Kr þar
að finna á þriðja hundrað skopsagna,
sem Ólafur Halldórsson hefur safnað
um lækna og sjúklinga á íslandi. Kru
þar sagðar sögur af 62 nafngreindum
læknum.
„Ólafur Halldórsson, sem hefur
verið starfandi læknir m.a. í Vest-
mannaeyjum, Bolungarvík og Ak-
ureyri, hefur safnað skrýtlum um
lækna og sjúklinga undanfarin 40
ár og er hér að finna hluta af ávexti
þeirrar iðju,“ segir m.a. á kápusiðu.
„Á yngri árum sínum kynntist
Ólafur persónulega mörgum merk-
um læknum af eldri kynslóðinni s.s.
Steingrími Matthíassyni, Guð-
mundi Hannessyni, Vilmundi
Jónssyni o.fl. og segir af þeim ýms-
ar sögur sem eflaust mun þykja
fengur í. Skopmyndir hins ágæta
listamanns, Kristjáns G. Jóhanns-
sonar, gefa bókinni enn frekara
gildi og hjálpa lesandanum til þess
að sjá atburðina ljóslifandi fyrir
sér.“
Bókin er 144 bls. að stærð. Óttar
Einarsson bjó hana til prentunar.