Morgunblaðið - 29.12.1984, Blaðsíða 10

10
MORGUNBLAÐIÐ, LAUGARDAGUR 29. DESEMBER 1984
íslenska hljómsveitin:
„Hörpuleikur“
í Bústaðakirkju
á morgun
Anna Guðný Ásdís Valdimarsdóttir Elísabet Waage
Guðmundsdóttir
lllíf Sigurjónsdóttir Martial Nardeau Sigurður I. Snorrason
Sjöundu tónleikar íslensku hljómsveitarinnar á þessu starfsári fara fram
í Bústaðakirkju sunnudaginn 30. desember kl. 17.00 síðdegis, og bera þeir
yfirskriftina „Hörpuleikur“. Kammertónleikar þessir eru jafnframt fjórðu
áskriftartónleikar hljómsveitarinnar í Reykjavík. Frönsk kammertónlist
er meginviðfangsefnið að þessu sinni, en að auki verða flutt tvö verk
samin hér á landi. Á tónleikunum koma sex félagar úr hljómsveitinni fram
í viðamiklum einleiks- og samleikshlutverkum.
í lok síðustu aldar má segja að
endurreisn hafi átt sér stað í
franskri tónlist. Menn vildu
losna undan þýskum áhrifum og
finna latneskan anda á ný. Með
mönrum eins og Debussy og
Milhaud varð sérstök frönsk
tónlist til á nýjan leik, og áhrif
hennar urðu víðtæk. Harpan á
impressjónismanum mikið að
þakka, en tónn hennar féll vel að
ljóðrænni innsýn hans. Sérstak-
ur gestur tónleikanna er hörpu-
leikarinn Elísabet Waage, sem
leikur einleiksverk eftir John
Herne auk hörpuraddar í sónötu
Debussy og í nýju verki Atla
Heimis Sveinssonar. Þar koma
einnig við sögu stöllurnar Hlíf
Sigurjónsdóttir, Ásdís Valdi-
marsdóttir og Anna Guðný Guð-
mundsdóttir. Sigurður I. Snorra-
son og Martial Nardeau leika
saman Sónatínu Jolivet sem
sprottin er úr plógfari impres-
sjónismans þótt einstök standi.
Tónleikunum lýkur með hinu
þekkta tríói Milhaud fyrir fiðlu,
píanó og klarinett.
Efnisskráin er sem hér segir:
Atli Heimir Sveinsson: Kliður
fyrir flautu, klarinett, fiðlu, lág-
fiðlu, píanó og hörpu.
Samleikur: Martial Nardeau,
Sigurður I. Snorrason, Hlíf Sig-
urjónsdóttir, Ásdís Valdimars-
dóttir, Anna Guðný Guðmunds-
dóttir og Elísabet Waage.
Claude Debussy: Sónata fyrir
flautu, víólu og hörpu.
Samleikur: Elísabet Waage,
Martial Nardeau og Ásdís Vald-
imarsdóttir.
André Jolivet: Sónatína fyrir
flautu og klarinett.
Samleikur: Martial Nardeau og
Sigurður I. Snorrason.
John Herne: Frá Eyjafirði, fyrir
hörpu.
Einleikur: EHsabet Waage.
Darius Milhaud: Svíta fyrir klar-
inett, fiðlu og píanó.
Samleikur: Sigurður I. Snorra-
son, Hlíf Sigurjónsdóttir og
Anna Guðný Guðmundsdóttir.
Elísabet Waage nam hörpu-
leik hjá Moniku Abendroth. Árið
1982 hélt hún til Hollands þar
sem hún stundar nú nám hjá
hörpuleikaranum Edward Wits-
enburg. Elísabet, sem einnig hef-
ur lokið píanókennaraprófi frá
Tónlistarskólanum í Reykjavík,
hefur komið fram á tónleikum
hér heima og erlendis, og er
skemmst að minnast leiks henn-
ar á jólatónleikum fslensku
hljómsveitarinnar í fyrra. Elísa-
bet hefur leikið mörg viðamikil
hörpuverk, m.a. hörpuhlutverkið
í Ceremony of Carols eftir Britt-
en. Elísabet lýkur kennaraprófi
frá Konunglega Tónlistarháskól-
anum í Haag I vor.
Flautuleikarinn Martial
Nardeau brautskráðist sem ein-
leikari frá tónlistarskóla Vers-
ala árið 1976. Aðalkennarar
hans voru Raymond Pouchet,
Fernand Caratgé og Roger
Bourdin. Hann var fastráðinn
við Lamoureux-hljómsveitina f
París árið 1979, var einleikari
með Juventia-kammersveitinni
og hefur komið fram á fjölda
tónleika bæði í heimalandi sínu
og víðar, m.a. í Hollandi, Þýska-
landi og Rússlandi. Hann er nú
búsettur í Reykjavík.
Hlíf Sigurjónsdóttir hóf fiðlu-
nám hjá Gígju Jóhannsdóttur í
Barnamúsíkskóla Reykjavíkur.
Hún var nemandi Björns ólafs-
sonar í Tónlistarskólanum í
Reykjavík frá 1966 og lauk ein-
leikaraprófi 1974. Hún sótti
framhaldsnám við tónlistar-
háskólann í Indiana hjá Frano
Gulli 1975—77 og við háskólann í
Toronto hjá Lorand Fenyves
1977—79. Hlíf var á fullum styrk
frá listaskólanum í Banff (A1-
berta) 1979—81. Naut hún þar
tilsagnar William Primrose,
Ruggiero Ricci, Igor Oistrach,
Zoltan Szekely, Gyorgy Sebok,
Menachem Pressler o.fl. Hlíf er
annar tveggja konsertmeistara
íslensku hljómsveitarinnar.
Sigurður I. Snorrason (1950)
lauk prófi í klarinettleik frá
tónlistarháskóla Vínarborgar,
þar sem aðalkennari hans var
Rudolf Jettel. Hann starfaði í
tvö ár með Wiener Bláseren-
semble, en tók sæti í Sinfón-
íuhljómsveit Islands árið 1973.
Hann er nú skólastjóri Tónlist-
arskóla FÍH og kennari við Tón-
listarskólann í Reykjavík. Hann
hefur komið víða við í flutningi
kammertónlistar auk þess að
leika einleik með lslensku
hljómsveitinni og Sinfóníu-
hljómsveit íslands á tónleikum
og við upptökur. Hann hefur átt
sæti í stjórn Islensku hljóm-
sveitarinnar frá upphafi.
Anna Guðný Guðmundsdóttir
píanóleikari stundaði nám við
Tónlistarskólann í Reykjavík,
síðast hjá Margréti Eiríksdótt-
ur, og lauk burtfararprófi vorið
1979. Þá lá leiðin til Lundúna
þar sem hún nam við Guildhall
School of Music and Drama hjá
James Gibb og Gordon Back.
Lagði hún einkum áherslu á
kammertónlist, og lauk Post
Graduate Diploma vorið 1981.
Anna hefur verið afkastamikil,
starfað sem undirleikari, meðal
annars hjá Söngsveitinni Fíl-
harmóníu, Islensku óperunni,
Tónlistarskólanum í Reykjavík
og Islensku hljómsveitinni, auk
þess sem hún hefur leikið fjölda
kammerverka á tónleikum
hljómsveitarinnar.
Ásdís Valdimarsdóttir (1962)
hóf nám í Barnamúsíkskólanum
með fiðlu sem aðalhljóðfæri
undir handleiðslu Gígju Jó-
hannsdóttur, og síðar í
Tónlistarskólanum í Reykjavík
þar sem Rut Ingólfsdóttir var
aðalkennari hennar. Árið 1979
skipti Ásdís alfarið um hljóðfæri
og snéri sér að lágfiðlunni. Árið
eftir hóf hún nám við Juill-
ard-tónlistarháskólann í New
York, þar sem dr. Paul Doktor
var aðalkennari hennar. Hún
lauk BM-prófi í vor en í fyrra-
vetur var dr. William Lincer
leiðbeinandi hennar. Ásdís hefur
sótt fjölda sumarnámskeiða I
tónlist, 1979 í Interlocken í Illi-
nois og 1980 í Vermont. Sumarið
1982 var hún á námskeiði í
Fontainebleu í Frakklandi, 1983
í Siena á Ítalíu hjá Ulrich Koch
og 1984 i Aspen í Colorado. Hef-
ur Ásdís notið styrkja til þess að
sækja öll þessi námskeið svo og
til að stunda nám í Juitlard.
Næsta vetur hyggst Ásdís ljúka
meistaragráðu frá Juillard, auk
þess að gegna stöðu 1. lágfiðlu-
leikara í stærstu hljómsveit
þessa skóla.
(Krf-tutilkynning)
Sjóður Ásu G. Wright:
Olafur Bjarnason
heiðraður fyrir
rannsóknarstörf
í læknisfræði
Dr. Olafur Bjarnason, prófess-
or, hlaut í gær heiðursverðlaun
að upphæð kr. 100.000 úr sjóði
Ásu (íuömundsdóttur Wright.
Hlaut Ólafur verðlaunin fyrir
rannsóknarstörf á sviði læknis-
fræði og þá sérstaklega braut-
ryðjendastörf í skipulagningu
krabbameinsrannsókna.
Sjóður Ásu Guðmundsdóttur
Wright starfar í tengslum við
Vísindafélag íslands og eru veitt-
ar úr honum viðurkenningar til
Islendinga, sem hafa unnið
veigamikið vísindalegt afrek á
íslandi eða fyrir ísland.
Stjórn sjóðsins skipa nú þeir
Ármann Snævarr, prófessor, dr.
Jóhannes Nordal og dr. Sturla
Friðriksson.
Ólafur Bjarnason er fæddur á
Akranesi 2. mars 1914. í greinar-
gerð, sem dr. Sturla Friðriksson
flutti fyrir hönd sjóðstjórnar við
afhendinguna, kom m.a. fram, að
dr. Ólafur hefur um árabil lagt
mikilvægan skerf til læknis-
MorgunblaðiA/Árni Sœberg.
Dr. Sturla Friðriksson afhendir dr. Ólafi Bjarnasyni heiðursskjal Verðlauna-
sjóðs Ásu Guðmundsdóttur WrighL
fræðilegra rannsókna á íslandi
og víðar. En hann varð sérfræð-
ingur í meinafræði árið 1953 og
doktorsritgerð hans, árið 1963,
fjallaði um legkrabbamein á ís-
landi, tegundir og tíðni.
Ólafur veitti lengi forstöðu
Rannsóknarstofnun Háskóla ís-
lands í meina- og sýklafræði og
hefur einnig lagt stund á réttar-
læknisfræði.
Sturla gat þess einnig að Ólaf-
ur hefði lagt grunninn að
krabbameinsskránni á íslandi og
þar með að mikilvægum faralds-
fræðilegum rannsóknum, sem
hægt hefur verið að framkvæma
á grundvelli hennar.
Þá var ólafur Bjarnason fyrst-
ur til þess að hefja frumuleit við
rannsóknir á legkrabbameini á
byrjunarstigi, eftir að hann kom
heim frá námi í Svíþjóð og
Bandaríkjunum. Var þar um að
ræða undanfara Leitarstöðvar
Krabbameinsfélags íslands, sem
vakið hefur heimsathygli og
stuðlað að mikilli lækkun á tíðni
dauðsfalla af völdum þessa
sjúkdóms hér á landi.